മൂന്നാറിൽ കെ.എസ്​.ആർ.ടി.സിയുടെ ടെൻറ് ​സ്​റ്റേ

തിരുവനന്തപുരം: ടിക്കറ്റിതര വരുമാനം വർധിപ്പിക്കുന്നതി​െൻറ ഭാഗമായി മൂന്നാറിൽ കെ.എസ്.ആർ.ടി.സി ടെൻറ്​ സ്​റ്റേ പദ്ധതി ആരംഭിക്കുന്നു. മൂന്നാറിലെത്തുന്ന വിനോദ സഞ്ചാരികൾക്ക് സൗകര്യപ്രദവും സുരക്ഷിതവുമായ ടെൻറുകൾ ദിവസ വാടക അടിസ്ഥാനത്തിൽ നൽകുന്നതാണ്​ പദ്ധതി. കെ.എസ്.ആർ.ടി.സിയുടെ മൂന്നാറിലെ 3.50 ഏക്കർ ഭൂമിയിൽ ബസ് സ്​റ്റേഷൻ ഒഴികെയുള്ള സ്ഥലത്താണ്​ ഇത് സജ്ജീകരിക്കുക​.

ഇതിനായി താൽപര്യപത്രം ക്ഷണിച്ചു. കൂടുതൽ വിവരങ്ങൾക്ക് www.online.keralartc.com എന്ന വെബ് സൈറ്റ് സന്ദർശിക്കുകയോ കെ.എസ്.ആർ.ടി.സി കൺട്രോൾ റൂം- 9447071021, 0471- 2463799 വാട്​സ്​ആപ്​ നമ്പർ- 81295 62972 ബന്ധപ്പെടുകയോ ചെയ്യാം.