കൊച്ചിയിൽനിന്ന് ഞായറാഴ്ച മുതൽ തായ്‍ലാൻഡി​ലേക്കും മലേഷ്യയിലേക്കും സർവിസ്

നെടുമ്പാശ്ശേരി: കൊച്ചിയിൽനിന്ന് ഞായറാഴ്ച മുതൽ ബാങ്കോക്കിലേക്കും മലേഷ്യയിലേക്കും വിമാന സർവിസ് ആരംഭിക്കും. തായ് എയർ ഏഷ്യയാണ് ബാങ്കോക്കിലേക്ക്​ സർവിസ് തുടങ്ങുന്നത്. ഞായറാഴ്ചകളിലും ബുധനാഴ്ചകളിലുമാണ് സർവിസ്.

ക്വാലാലംപുരിലേക്ക്​ എയർ ഏഷ്യ ആഴ്ചയിൽ നാല് സർവിസ് വീതം നടത്തും. ഞായർ, തിങ്കൾ, ബുധൻ, വെള്ളി ദിവസങ്ങളിലാണ് സർവിസ്. രാത്രിയിലാണ് രണ്ട് സർവിസും.