സുരക്ഷസംവിധാനമൊരുക്കിയില്ല; കരിയാത്തുംപാറ വിനോദ സഞ്ചാരകേന്ദ്രം അടഞ്ഞുതന്നെ

ബാ​ലു​ശ്ശേ​രി: സു​ര​ക്ഷ​സം​വി​ധാ​നം ഒ​രു​ക്കാ​ൻ അ​ധി​കാ​രി​ക​ളി​ല്ല, ക​രി​യാ​ത്തും​പാ​റ വി​നോ​ദ​സ​ഞ്ചാ​ര​കേ​ന്ദ്രം അ​ട​ഞ്ഞു​ത​ന്നെ. ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര​കേ​ന്ദ്ര​മാ​യ ക​രി​യാ​ത്തും​പാ​റ​യി​ൽ ഇ​ട​ക്കി​ടെ​യു​ണ്ടാ​കു​ന്ന മു​ങ്ങി​മ​ര​ണം കാ​ര​ണം ഒ​രു മാ​സ​ത്തോ​ള​മാ​യി റി​സ​ർ​വോ​യ​ർ ഭാ​ഗ​ത്തേ​ക്ക് സ​ന്ദ​ർ​ശ​ക​പ്ര​വേ​ശ​നം നി​രോ​ധി​ച്ചി​രി​ക്ക​യാ​ണ്.

റി​സ​ർ​വോ​യ​റി​‍െൻറ പാ​റ​ക്ക​ട​വ് ഭാ​ഗ​ത്ത് കു​ളി​ക്കാ​നി​റ​ങ്ങു​ന്ന വി​നോ​ദ​സ​ഞ്ചാ​രി​ക​ളാ​ണ് ഏ​റെ​യും അ​പ​ക​ട​ത്തി​ൽ​പെ​ട്ട​ത്.

ഒ​ക്ടോ​ബ​ർ 18ന് ​ത​ല​ശ്ശേ​രി പാ​നൂ​ർ സ്വ​ദേ​ശി​യാ​യ പ്ല​സ് ടു ​വി​ദ്യാ​ർ​ഥി​യാ​ണ് അ​വ​സാ​ന​മാ​യി മു​ങ്ങി​മ​രി​ച്ച​ത്. മൂ​ന്നു വ​ർ​ഷ​ത്തി​നി​ടെ വി​ദ്യാ​ർ​ഥി​ക​ള​ട​ക്കം 13 പേ​ർ​ക്കാ​ണ് പാ​റ​ക്ക​ട​വ് ഭാ​ഗ​ത്ത് ജീ​വ​ൻ ന​ഷ്​​ട​പ്പെ​ട്ട​ത്.ഒ​ഴി​വു​ദി​വ​സ​ങ്ങ​ളി​ൽ നൂ​റു​ക​ണ​ക്കി​ന് സ​ന്ദ​ർ​ശ​ക​രാ​ണ് ഇ​വി​ടെ​യെ​ത്തു​ന്ന​ത്.

എ​ന്നാ​ൽ, സ​ന്ദ​ർ​ശ​ക​രെ നി​യ​ന്ത്രി​ക്കാ​നോ ആ​വ​ശ്യ​മാ​യ നി​ർ​ദേ​ശ​ങ്ങ​ൾ കൊ​ടു​ക്കാ​നോ സു​ര​ക്ഷ​ജീ​വ​ന​ക്കാ​രോ ഗൈ​ഡു​ക​ളോ ഇ​ല്ല. ഇ​റി​ഗേ​ഷ​ൻ വ​കു​പ്പി​‍െൻറ കീ​ഴി​ലു​ള്ള സ്ഥ​ല​മാ​യ​തി​നാ​ൽ പ​ഞ്ചാ​യ​ത്തോ ടൂ​റി​സം വ​കു​പ്പോ ഇ​വി​ടേ​ക്ക് മ​തി​യാ​യ ശ്ര​ദ്ധ കൊ​ടു​ക്കാ​റി​ല്ല. അ​പ​ക​ട​ങ്ങ​ൾ പ​തി​വാ​യ​തി​നാ​ൽ ഇ​റി​ഗേ​ഷ​ൻ വ​കു​പ്പ് റോ​േ​ഡാ​ര​ത്ത് മ​തി​ൽ നി​ർ​മി​ച്ച് ഗേ​റ്റ് സ്ഥാ​പി​ച്ചി​ട്ടു​ണ്ടെ​ങ്കി​ലും സ​ന്ദ​ർ​ശ​ക​ർ പ​ല വ​ഴി​ക്ക് റി​സ​ർ​വോ​യ​ർ തീ​ര​ത്തേ​ക്ക് ഇ​റ​ങ്ങു​ന്നു​ണ്ട്. ഗേ​റ്റ് നി​ർ​മാ​ണം ഇ​പ്പോ​ഴും ഭാ​ഗി​ക​മാ​യേ പൂ​ർ​ത്തി​യാ​യി​ട്ടു​ള്ളൂ.

ഫോ​ട്ടോ​ഷൂ​ട്ടി​നും ഹ്ര​സ്വ​ചി​ത്ര നി​ർ​മാ​ണ​ത്തി​നു​മാ​യി പ​ല ഭാ​ഗ​ങ്ങ​ളി​ൽ​നി​ന്നും ആ​ൾ​ക്കാ​ർ വാ​ഹ​ന​ത്തി​ൽ എ​ത്തു​ന്നു​ണ്ട്. നി​ര​വ​ധി വി​നോ​ദ​സ​ഞ്ചാ​രി​ക​ളും ദി​നം​പ്ര​തി വാ​ഹ​ന​ങ്ങ​ളി​ലെ​ത്തു​ന്നു​ണ്ട്. നി​രോ​ധ​നം ഏ​ർ​പ്പെ​ടു​ത്തി​യെ​ന്ന ബോ​ർ​ഡ​ല്ലാ​തെ സു​ര​ക്ഷ ഉ​റ​പ്പു​വ​രു​ത്താ​ൻ ജീ​വ​ന​ക്കാ​ർ ഇ​വി​ടെ​യി​ല്ല.

ഇ​ത്ര​യൊ​ക്കെ അ​പ​ക​ട​മ​ര​ണ​ങ്ങ​ൾ ഉ​ണ്ടാ​യി​ട്ടും അ​പ​ക​ട മേ​ഖ​ല​യാ​യ പാ​റ​ക്ക​ട​വ് ഭാ​ഗ​ത്ത് മ​തി​യാ​യ സു​ര​ക്ഷ​സം​വി​ധാ​നം ഒ​രു​ക്കാ​ൻ ഇ​റി​ഗേ​ഷ​ൻ വ​കു​പ്പ് ത​യാ​റാ​യി​ട്ടി​ല്ല. പ്രാ​ദേ​ശി​ക ടൂ​റി​സം മാ​നേ​ജ്മെൻറ്​ ക​മ്മി​റ്റി രൂ​പ​ത്​​ക​രി​ച്ച​ശേ​ഷം മാ​ത്ര​മേ ക​രി​യാ​ത്തും​പാ​റ​യി​ൽ ഇ​നി വി​നോ​ദ​സ​ഞ്ചാ​രം സാ​ധ്യ​മാ​ക്കു​ക​യു​ള്ളൂ എ​ന്ന നി​ല​പാ​ടി​ലാ​ണ് ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ൽ.

നി​ല​വി​ൽ ക​ല്ലാ​നോ​ട് തോ​ണി​ക്ക​ട​വി​ൽ ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലി​‍െൻറ നേ​തൃ​ത്വ​ത്തി​ൽ പ്ര​വേ​ശ​ന ഫീ​സ് ഈ​ടാ​ക്കി​യാ​ണ് പ്ര​വ​ർ​ത്ത​നം തു​ട​ങ്ങി​യി​ട്ടു​ള്ള​ത്.

ക​ക്ക​യം ഡാം ​സൈ​റ്റി​ൽ ഹൈ​ഡ​ൽ ടൂ​റി​സം പ​ദ്ധ​തി​യു​ടെ കീ​ഴി​ലു​മാ​ണ് വി​നോ​ദ​സ​ഞ്ചാ​ര പ്ര​വ​ർ​ത്ത​നം.

ടൂ​റി​സം പ്ര​മോ​ഷ​ൻ കൗ​ൺ​സി​ൽ നി​യ​ന്ത്ര​ണം ഏ​റ്റെ​ടു​ത്ത് സ​ഞ്ചാ​രി​ക​ൾ​ക്കാ​യി തു​റ​ന്നു​കൊ​ടു​ക്ക​ണ​മെ​ന്നാ​ണ് നാ​ട്ടു​കാ​രും സ​ഞ്ചാ​രി​ക​ളും ആ​വ​ശ്യ​പ്പെ​ടു​ന്ന​ത്.