Begin typing your search above and press return to search.
exit_to_app
exit_to_app
china qr code
cancel
Homechevron_rightTravelchevron_rightTravel Newschevron_rightയാത്രകൾക്ക്​ ക്യു.ആർ...

യാത്രകൾക്ക്​ ക്യു.ആർ കോഡ്​ സംവിധാനം; ചൈനയുടെ പുതിയ നിർദേശം സ്വകാര്യതയിലേക്ക്​ ഒളിച്ചുകയറാനെന്ന്​ വിമർശനം

text_fields
bookmark_border

ലോകമെമ്പാടുമുള്ള യാത്രകൾ സുഗമമാക്കാൻ ക്യു.ആർ കോഡുകൾ അടിസ്ഥാനമാക്കി പുതിയ യാത്രാ സംവിധാനം നിർദേശിച്ച്​ ചൈനീസ്​ പ്രസിഡൻറ്​ ഷി ജിൻപിംഗ്​. കോവിഡ്​ ഏ​െറ വലച്ച ടൂറിസം രംഗത്തെ പുനരുദ്ധരിക്കുന്നതി​െൻറ ഭാഗമായാണ് ഇത്തരമൊരു നിർദേശം.​ ജനങ്ങളെ കൂടുതൽ സുരക്ഷിതരാക്കാനും രാജ്യാന്തര യാത്രകൾ ചെയ്യാൻ പ്രാപ്തരാക്കാനുമാണ്​ വെർച്വൽ ജി 20 ഉച്ചകോടിയിൽ പുതിയ സംവിധാനം ചൈനീസ്​ പ്രസിഡൻറ്​ നിർദേശിച്ചത്​.

നിലവിൽ ചൈനയുടെ പല ഭാഗങ്ങളിലും ഈ പദ്ധതി നടപ്പാക്കിയിട്ടുണ്ട്​. ക്യു.ആർ കോഡ് സംവിധാനം വഴി വ്യക്​തിയുടെ യാത്ര - ആരോഗ്യ വിവരങ്ങൾ അധികൃതർക്ക്​ ലഭ്യമാകും. ഇതുവഴി രോഗം പടരുന്നത്​ തടയാനാകുമെന്ന്​ ചൈനീസ്​ പ്രഡിസൻറ്​ പറയുന്നു.

ക്യു.ആർ കോഡിൽ പച്ച നിറം ലഭിച്ചാൽ മാത്രമേ യാത്ര സാധിക്കൂ. ചുവപ്പ്​ നിറമുള്ളവർക്ക്​ യാത്ര അനുവദിക്കില്ല. മിക്ക രാജ്യങ്ങളും രാജ്യാന്തര യാത്രയുമായി ബന്ധപ്പെട്ട് എയർ ബബിളുകൾ ഒരുക്കിയിട്ടുണ്ട്​. ഇതോടൊപ്പം വ്യക്തിഗത യാത്രകൾ കൂടുതൽ സുഗമമാക്കുക എന്നതാണ് ചൈനയുടെ ലക്ഷ്യം. ഇൗ പദ്ധതിയുമായിട്ട്​ ഹോങ്കോങ്ങും മുന്നോട്ടുപോവുന്നുണ്ട്​​.

അതേസമയം, ചൈനീസ്​ പ്രസിഡൻറി​െൻറ നിർദേശം പല രാജ്യങ്ങളും മുഖവിലക്കെടുത്തിട്ടില്ല. ഇത്തരം സംവിധാനങ്ങൾ വ്യക്​തിയുടെ സ്വകാര്യതയിലേക്കുള്ള നുഴഞ്ഞുകയറ്റമാണെന്ന്​ വിവിധ സംഘടനകളും കുറ്റപ്പെടുത്തുന്നു. അതേസമയം, ക്യു.ആർ കോഡിന്​ സമാനമായ മറ്റു പല സംവിധാനങ്ങളും വിവിധ രാജ്യങ്ങൾ നടപ്പാക്കിയിട്ടുണ്ട്​.

Show Full Article
TAGS:travel china qr code 
News Summary - QR code system for travel; Critics say China's new proposal is a cover-up of privacy
Next Story