അധികൃതരേ, മലമ്പുഴ ഉദ്യാനം ഇങ്ങനെയാവരുത്

പാ​ല​ക്കാ​ട്: ആ​ഴ്ച​യു​ടെ തി​ര​ക്കി​ൽ​നി​ന്ന് മാ​റി ഒ​രു​പ​ക​ൽ ചെ​ല​വ​ഴി​ക്കാ​ൻ ആ​ലോ​ചി​ക്കു​ന്ന പാ​ല​ക്കാ​ട്ടു​കാ​രി​ൽ മി​ക്ക​വ​ർ​ക്കും ആ​ദ്യം ഓ​ർ​മ​യി​ലെ​ത്തു​ക മ​ല​മ്പു​ഴ ഉ​ദ്യാ​ന​മാ​ണ്. പാ​ല​ക്കാ​ടെ​ന്ന​ല്ല, അ​യ​ൽ ജി​ല്ല​ക​ളി​ൽ​നി​ന്നും അ​യ​ൽ​സം​സ്ഥാ​ന​ങ്ങ​ളി​ൽനി​ന്നു​മെ​ല്ലാം സീ​സ​ണി​ൽ നി​ര​വ​ധി സ​ഞ്ചാ​രി​ക​ളെ​ത്തു​ന്നി​ടം. വി​ക​സ​ന​ത്തി​ന്റെ പേ​രി​ൽ കോ​ടി​ക​ൾ പൊ​ടി​ക്കു​മ്പോ​ഴും മ​ല​മ്പു​ഴ ഉ​ദ്യാ​ന​ത്തി​നും സ​ഞ്ചാ​രി​ക​ൾ​ക്കും പ​രാ​തി​ക​ൾ മാ​ത്രം ബാ​ക്കി​യാ​വു​ന്നു.

ശ​ങ്ക​ക്കൊ​പ്പം ആ​ശ​ങ്ക

ഉ​ദ്യാ​ന​ത്തി​ൽ ശു​ചി​മു​റി​ക​ളു​ണ്ടോ എ​ന്ന് ചോ​ദി​ച്ചാ​ൽ ഉ​ണ്ട്. എ​ന്നാ​ലോ മൂ​ക്കു​പൊ​ത്തി ക​ണ്ണ​ട​ച്ച് കാ​ര്യം സാ​ധി​ക്ക​ണം. പ​രാ​തി​പ്പെ​ടു​ന്ന​​വ​രോ​ട് പ​രി​ഹ​രി​ക്കാ​മെ​ന്ന് പ​റ​യു​ന്ന​ത​ല്ലാ​തെ പ്ര​തി​വി​ധി​യി​ല്ലെ​ന്ന് സ​ന്ദ​ർ​ശ​ക​ർ പ​റ​യു​ന്നു. ടി​ക്ക​റ്റെ​ടു​ത്ത് ഉ​ദ്യാ​ന​ത്തി​ലെ​ത്തു​ന്ന സ​ന്ദ​ർ​ശ​ക​ർ​ക്ക് പ​ല​പ്പോ​ഴും അ​ധി​കൃ​ത​രു​ടെ അ​നാ​സ്ഥ​​ക്കെ​തി​രെ പ്ര​തി​​ക​രി​ക്കേ​ണ്ട അ​വ​സ്ഥ​യാ​ണ്.

തോ​ന്നി​യ​പോ​ലെ കു​ടി​വെ​ള്ളം

ഉ​ദ്യാ​ന​ത്തി​ന്റെ ചു​റ്റു​മു​ള്ള ക​ട​ക​ളി​ൽ നി​റ​യെ പ്ലാ​സ്റ്റി​ക് കു​പ്പി​ക​ളി​ൽ കു​ടി​വെ​ള്ളം തൂ​ങ്ങു​ന്ന​ത് കാ​ണാം. ഉ​ദ്യാ​ന​ത്തി​ന​ക​ത്തും കു​പ്പി​വെ​ള്ളം ല​ഭ്യ​മാ​ണ്. എ​ന്നാ​ൽ, ജി​ല്ല​യു​ടെ കു​ടി​വെ​ള്ള സ്രോ​ത​സ്സ് എ​ന്ന് വി​ളി​ക്കാ​വു​ന്ന ഡാ​മി​നോ​ട് ചേ​ർ​ന്ന ഉ​ദ്യാ​ന​ത്തി​ൽ സ​ന്ദ​ർ​ശ​ക​ർ​ക്ക് കു​ടി​വെ​ള്ളം ശേ​ഖ​രി​ക്കാ​നാ​യി സ​ജ്ജീ​ക​രി​ച്ചി​ട്ടു​ള്ള​ത് പൊ​ട്ടി​യ​തും കാ​ല​പ്പ​ഴ​ക്കം ചെ​ന്ന​തു​മാ​യ ഏ​താ​നും ടാ​പ്പു​ക​ളാ​ണ്. ഉ​ദ്യാ​ന​ത്തി​ന് മു​മ്പി​ലെ ടാ​പ്പി​ന​രി​കി​ലൂ​ടെ​യാ​ണ് ശു​ചി​മു​റി​യി​ൽ​നി​ന്നു​ള്ള വെ​ള്ള​വും ക​ട​ന്നു​പോ​വു​ന്ന​ത്.

ഓ​ടാ​ത്ത ട്രെ​യി​ൻ, കാ​ടു​ക​യ​റി​യ കു​ളം

ഉ​ദ്യാ​ന​ത്തി​ലെ ടോ​യ് ട്രെ​യി​ൻ ഇ​വി​ടെ എ​ത്തു​ന്ന കൊ​ച്ചു​കു​ട്ടി​ക​ൾ​ക്ക് ആ​വേ​ശ​മാ​യി​രു​ന്നു. എ​ന്നാ​ൽ, ഏ​താ​നും മാ​സ​ങ്ങ​ളാ​യി ഇ​ത് പ്ര​വ​ർ​ത്തി​ക്കാ​റി​ല്ല. ജ​പ്പാ​ൻ കു​ള​ത്തി​ന് സ​മീ​പം കാ​ട് വ​ള​ർ​ന്നു​തു​ട​ങ്ങി. പൂ​ക്ക​ൾ നി​റ​ഞ്ഞു​നി​ന്നി​രു​ന്ന കു​ള​ത്തി​ൽ വെ​ള്ളം വ​റ്റി പു​ല്ല് വ​ള​രു​ന്നു. അ​വ​ധി​ദി​ന​ങ്ങ​ളി​ൽ ല​ക്ഷ​ക്ക​ണ​ക്കി​ന് വ​രു​മാ​ന​മു​ള്ള ഉ​ദ്യാ​ന​ത്തി​ന്റെ അ​വ​സ്ഥ ക​ണ്ടാ​ൽ മൂ​ക്ക​ത്ത് വി​ര​ൽ​വെ​ച്ച് പോ​വും.

ല​ക്ഷ്യം കാ​ണാ​തെ കോ​ടി​ക​ൾ

കോ​ടി​ക​ളു​ടെ വി​ക​സ​ന പ​ദ്ധ​തി​ക​ളാ​ണ് വി​നോ​ദ സ​ഞ്ചാ​ര വ​കു​പ്പി​ന്റെ നേ​തൃ​ത്വ​ത്തി​ൽ ഉ​ദ്യാ​ന​ത്തി​ൽ ന​പ്പാ​ക്കു​ന്ന​ത്. എ​ന്നാ​ൽ, പ​ല​തും പി​ന്നീ​ട് അ​വ​ഗ​ണി​ക്ക​പ്പെ​ടു​ക​യോ പ​രി​പാ​ല​ന​ത്തി​ന്റെ അ​പ​ര്യാ​പ്ത​ത​യി​ൽ ത​ക​രാ​റി​ലാ​വു​ക​യോ ആ​ണ്. ​അ​ടു​ത്തി​ടെ പ്ര​മു​ഖ വ്യ​വ​സാ​യി ല​ക്ഷ​ങ്ങ​ൾ മു​ട​ക്കി ഭി​ന്ന​ശേ​ഷി​ക്കാ​ർ​ക്ക് ഉ​പ​യോ​ഗി​ക്കാ​വു​ന്ന ഊ​ഞ്ഞാ​ല​ട​ക്കം സം​വി​ധാ​നം ഇ​വി​ടെ സ​ജ്ജീ​ക​രി​ച്ചി​രു​ന്നു.

എ​ന്നാ​ൽ, ഇ​തു​വ​രെ​യും അ​ത് ഉ​പ​യോ​ഗ​പ്ര​ദ​മാ​യ രീ​തി​യി​ൽ തു​റ​ന്നു​ന​ൽ​കി​യി​ല്ലെ​ന്ന് മാ​ത്ര​മ​ല്ല, തു​രു​മ്പെ​ടു​ക്കു​ക​യു​മാ​ണ്. മി​ക​ച്ച വ​രു​മാ​ന​മു​ള്ള ഉ​ദ്യാ​ന​ത്തി​ൽ എ​ത്തു​ന്ന സ​ഞ്ചാ​രി​ക​ൾ​ക്ക് അ​ടി​സ്ഥാ​ന ആ​വ​ശ്യ​ങ്ങ​ളെ​ങ്കി​ലും ഒ​രു​ക്കാ​ൻ അ​ധി​കൃ​ത​ർ ത​യാ​റാ​വ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.