Begin typing your search above and press return to search.
exit_to_app
exit_to_app
haldibari
cancel
Homechevron_rightTravelchevron_rightTravel Newschevron_right56 വർഷം മുമ്പ്​...

56 വർഷം മുമ്പ്​ ഉപേക്ഷിച്ച റെയിൽ പാത വീണ്ടും തുറക്കുന്നു; ഇന്ത്യയിൽനിന്ന്​ ബംഗ്ലാദേശിലേക്ക്​ പുതിയ പാസഞ്ചർ ട്രെയിൻ സർവിസ്​

text_fields
bookmark_border

കൊൽക്കത്ത: 56 വർഷം മുമ്പ്​ സജീവമായി പ്രവർത്തിച്ചിരുന്ന പാളത്തിലൂടെ വീണ്ടും പാസഞ്ചർ ട്രെയിനുകൾ ഓടിക്കാൻ പദ്ധതിയുമായി ഇന്ത്യയും ബംഗ്ലാദേശും. അതിർത്തിയിലൂടെ കടന്നുപോകുന്ന ഹൽദിബാരി-ചിലഹത്തി റൂട്ടിലൂടെയാണ്​ ട്രെയിൻ സർവിസ്​ പുനരാരംഭിക്കുന്നത്​.

ഇന്ത്യ-ബംഗ്ലാ അന്താരാഷ്ട്ര അതിർത്തിയിൽനിന്ന് 4.5 കിലോമീറ്റർ അകലെയാണ് കൂച്ച് ബിഹാറിലെ ഹൽദിബാരി. സീറോ പോയിന്‍റായും ഈ പ്രദേശത്തെ വിശേഷിപ്പിക്കുന്നു. ബംഗ്ലാദേശിലെ നിൽഫമാരി ജില്ലയിലെ ചിലഹത്തിയിൽനിന്ന് 12 കിലോമീറ്റർ അകലെ രംഗ്പൂർ ഡിവിഷനിലാണ് ഹൽദിബാരി സ്ഥിതി ചെയ്യുന്നത്.

കൊൽക്കത്തയിലെ ബംഗ്ലാദേശ് ഡെപ്യൂട്ടി ഹൈകമീഷണർ തൗഫീഖ്​ ഹുസൈൻ, ഹൈകമീഷൻ ബിസിനസ് മേധാവി എം.ഡി. ശംസുൽ ആരിഫ്, സിലിഗുരി സൊണാലി ബാങ്ക് മാനേജർ ജബീദുൽ ആലം എന്നിവർ ഹൽദിബാരി റെയിൽവേ സ്റ്റേഷനും റെയിൽവേ ട്രാക്കും സന്ദർശിച്ചു. ചിലഹത്തിക്കും ഹൽദിബാരിക്കും ഇടയിൽ പാസഞ്ചർ ട്രെയിൻ സർവിസുകൾ ഉടൻ ആരംഭിക്കുന്നതിൽ സന്തോഷമുണ്ടെന്ന് തൗഫീഖ്​ ഹുസൈൻ പറഞ്ഞു.

'ഇന്ത്യക്കും ബംഗ്ലാദേശിനും ഇടയിൽ പാസഞ്ചർ ട്രെയിനുകൾ ഓടിക്കാൻ ഇരു രാജ്യങ്ങളും അനുമതി നൽകിയിട്ടുണ്ട്​. പുതിയ സർവിസ്​ ഇരുരാജ്യങ്ങളുടെയും വിനോദസഞ്ചാരവും വ്യാപാരബന്ധവും വർധിപ്പിക്കാൻ സഹായിക്കും. രാജ്യങ്ങളുടെ വികസനത്തിനും കരുത്തേകും. കോവിഡ് സാഹചര്യം സാധാരണ നിലയിലായാൽ ബംഗ്ലാദേശിലേക്ക്​ ടൂറിസ്റ്റ് വിസകൾ നൽകാൻ സാധിക്കും' -തൗഫീഖ്​ ഹുസൈൻ കൂട്ടിച്ചേർത്തു. പാസഞ്ചർ ട്രെയിനുകൾക്ക്​ പുറമെ ഓരോ മാസവും ഏകദേശം 20 ചരക്ക് ട്രെയിനുകളും സർവിസ്​ നടത്തും.

ഇന്ത്യയും ബംഗ്ലാദേശും (അന്നത്തെ കിഴക്കൻ പാകിസ്​താൻ) തമ്മിലുള്ള ഹൽദിബാരി-ചിലഹത്തി റെയിൽപാത 1965 വരെ പ്രവർത്തിച്ചിരുന്നു. വിഭജനകാലത്ത് കൊൽക്കത്തയിൽനിന്ന് സിലിഗുരിയിലേക്കുള്ള ബ്രോഡ് ഗേജ് പ്രധാന പാതയുടെ ഭാഗമായിരുന്നുവിത്. വിഭജനത്തിനു ശേഷവും അസമിലേക്കും വടക്കൻ ബംഗാളിലേക്കും പോകുന്ന ട്രെയിനുകൾ ഇതുവഴി യാത്ര തുടർന്നു. എന്നാൽ, 1965ലെ യുദ്ധത്തെ തുടർന്ന്​ ഇന്ത്യയും അന്നത്തെ കിഴക്കൻ പാകിസ്​താനും തമ്മിലുള്ള എല്ലാ റെയിൽവേ ബന്ധങ്ങളും വിച്ഛേദിച്ചു.

Show Full Article
TAGS:passenger train 
News Summary - New passenger train service from India to Bangladesh
Next Story