തണുക്കാതെ മൂന്നാർ; കുറഞ്ഞ താപനില ഏഴ്​ ഡിഗ്രി

തൊ​ടു​പു​ഴ: മ​ഞ്ഞ്​ വീ​ഴു​ന്ന താ​ഴ്വാ​ര​മാ​യ മൂ​ന്നാ​റി​ൽ ഇ​ത്ത​വ​ണ ത​ണു​പ്പ​​ത്ര പോ​ര. കാ​ലാ​വ​സ്ഥ​യി​ൽ ഉ​ണ്ടാ​യ മാ​റ്റം മൂ​ന്നാ​റി​ൽ ത​ണു​പ്പി​നെ അ​ക​റ്റി നി​ർ​ത്തു​ന്നു​വെ​ന്നാ​ണ്​ സ​ഞ്ചാ​രി​ക​ള​ട​ക്കം പ​റ​യു​ന്ന​ത്.

ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ കു​റ​ഞ്ഞ താ​പ​നി​ല മൈ​ന​സ് ഒ​ന്നി​ൽ എ​ത്തി​യി​രു​ന്നു. ഇ​പ്പോ​ൾ കു​റ​ഞ്ഞ താ​പ​നി​ല ഏ​ഴ്​ ഡി​ഗ്രി സെ​ൽ​ഷ്യ​സാ​ണ്. മു​ൻ വ​ർ​ഷ​ങ്ങ​ളി​ൽ ജ​നു​വ​രി തൊ​ട്ട് പ​ല ദി​വ​സ​ങ്ങ​ളി​ലും മൈ​ന​സ് തൊ​ടു​ന്ന അ​വ​സ്ഥ​യാ​ണു​ണ്ടാ​യി​രു​ന്ന​ത്.

മൂ​ന്നാ​റി​ലെ സ​വി​ശേ​ഷ​മാ​യ ത​ണു​പ്പും മ​ഞ്ഞു​വീ​ഴ്‌​ച​യും അ​നു​ഭ​വി​ക്കു​ന്ന​തി​നാ​യി വി​നോ​ദ​സ​ഞ്ചാ​രി​ക​ളും കൂ​ടു​ത​ലാ​യി എ​ത്തി​യി​രു​ന്ന സ​മ​യം കൂ​ടി​യാ​ണ്​ ഡി​സം​ബ​ർ-​ജ​നു​വ​രി മാ​സ​ങ്ങ​ൾ. സ​മീ​പ പ്ര​ദേ​ശ​ങ്ങ​ളാ​യ കു​ണ്ട​ള, ചി​റ്റ​വ​ര, എ​ല്ല​പ്പെ​ട്ടി തു​ട​ങ്ങി​യ എ​സ്റ്റേ​റ്റു​ക​ളി​ൽ കു​റ​ഞ്ഞ താ​പ​നി​ല അ​ഞ്ച് ഡി​ഗ്രി വ​രെ രേ​ഖ​പ്പെ​ടു​ത്തു​ന്നു​ണ്ട്. പ​ക​ലി​ൽ വെ​യി​ൽ ക​ന​ക്കു​ന്ന​ത​നു​സ​രി​ച്ച് രാ​ത്രി​യി​ൽ ത​ണു​പ്പ് അ​ധി​ക​രി​ക്കു​ന്ന​താ​ണ് മു​ൻ കാ​ല​ങ്ങ​ളി​ൽ ക​ണ്ടു​വ​ന്ന​ത്. എ​ന്നാ​ൽ ഇ​ത്ത​വ​ണ പ​ക​ൽ ചൂ​ട് കൂ​ടി​യി​ട്ടും ത​ണു​പ്പി​ന്റെ കാ​ഠി​ന്യം വ​ർ​ധി​ക്കു​ന്നി​ല്ല.

മ​ഞ്ഞ് വീ​ണ് പു​ൽ മേ​ടു​ക​ളും തേ​യി​ല തോ​ട്ട​ങ്ങ​ളും ക​രി​ഞ്ഞു​ണ​ങ്ങു​ന്ന സ​മ​യ​മാ​ണ്. ന​വം​ബ​റി​ല്‍ ആ​രം​ഭി​ച്ച് ഫെ​ബ്രു​വ​രി​യി​ല്‍ അ​വ​സാ​നി​ക്കു​ന്ന ശൈ​ത്യ​കാ​ല​ത്തി​ല്‍ ജ​നു​വ​രി​യി​ലാ​ണ് ഏ​റ്റ​വും ത​ണു​പ്പ് അ​നു​ഭ​വ​പ്പെ​ട്ടി​രു​ന്ന​ത്. ക​ഴി​ഞ്ഞ വ​ർ​ഷം ജ​നു​വ​രി ഒ​ന്ന് മു​ത​ല്‍ എ​ട്ടു​വ​രെ മൂ​ന്നാ​റി​ലെ കു​റ​ഞ്ഞ താ​പ​നി​ല മൂ​ന്ന് ഡി​ഗ്രി​യാ​യി​രു​ന്നു. ക​ന്നി​മ​ല, പെ​രി​യ​വ​ര, ദേ​വി​കു​ളം, ലാ​ക്കാ​ട്, ഒ.​ഡി.​കെ, പാ​മ്പാ​ടും​ചോ​ല എ​ന്നി​വി​ട​ങ്ങ​ളി​ലെ​ല്ലാം വ്യാ​പ​ക​മാ​യി മ​ഞ്ഞു​വീ​ഴ്ച​യും ക​ഴി​ഞ്ഞ വ​ർ​ഷം ഉ​ണ്ടാ​യി. ക​ന​ത്ത മ​ഞ്ഞ്​ വീ​ഴ്ച തേ​യി​ല തോ​ട്ട​ങ്ങ​ള്‍ക്ക് വ​ലി​യ ന​ഷ്ട​ങ്ങ​ളു​ണ്ടാ​കും.