സൗന്ദര്യം മങ്ങി മുനമ്പം മുസിരിസ് ബീച്ച്

വൈ​പ്പി​ൻ: മു​ന​മ്പം മു​സി​രി​സ് ബീ​ച്ചി​ന്റെ സൗ​ന്ദ​ര്യം ആ​സ്വ​ദി​ക്കാ​ൻ എ​ത്തു​ന്ന സ​ഞ്ചാ​രി​ക​ളെ വ​ര​വേ​ൽ​ക്കു​ന്ന​ത് തെ​രു​വ് നാ​യ്ക്ക​ളും കൂ​രി​രു​ട്ടും. ഏ​റെ വി​നോ​ദ​സ​ഞ്ചാ​ര പ്രാ​ധാ​ന്യ​മു​ള്ള ബീ​ച്ചി​ൽ വെ​ളി​ച്ച​ക്കു​റ​വ് ക​ന​ക്കു​ന്ന​തോ​ടെ സാ​മൂ​ഹി​ക വി​രു​ദ്ധ​രു​ടെ​യും മ​ദ്യ​പ​രു​ടെ​യും വി​ഹാ​ര​കേ​ന്ദ്ര​മാ​യി മാ​റി​യി​രി​ക്കു​ക​യാ​ണ്.

ബീ​ച്ചി​ലെ വി​ള​ക്കു​ക​ൾ പ്ര​കാ​ശി​പ്പി​ക്കു​ന്ന​തി​ന് ന​ട​പ​ടി വേ​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ഇ​ട​ക്കാ​ല​ത്ത് സ്ഥാ​പി​ച്ച​വ ന​ശി​ച്ചു. തു​ട​ക്ക​ത്തി​ൽ 80ലേ​റെ ലൈ​റ്റു​ക​ൾ ഉ​ണ്ടാ​യി​രു​ന്ന ബീ​ച്ചി​ൽ ഇ​പ്പോ​ൾ പ്ര​കാ​ശി​ക്കു​ന്ന​ത് വി​ര​ലി​ൽ എ​ണ്ണാ​വു​ന്ന മാ​ത്രം. ക​ട​ലി​ലേ​ക്ക് നീ​ട്ടി നി​ർ​മ്മി​ച്ചി​ട്ടു​ള്ള ന​ട​പ്പാ​ത​യു​ടെ ഭൂ​രി​ഭാ​ഗ​വും സ​ന്ധ്യ​യോ​ടെ ഇ​രു​ട്ടി​ലാ​വും.

വൈ​പ്പി​നി​ലെ ബീ​ച്ചു​ക​ളി​ൽ ഏ​റ്റ​വും മ​നോ​ഹ​ര​മാ​യ അ​സ്ത​മ​യ ദൃ​ശ്യം ല​ഭി​ക്കു​ന്ന ഇ​വി​ടെ അ​ത് ആ​സ്വ​ദി​ക്കാ​ൻ നി​ൽ​ക്കാ​തെ വി​ദേ​ശി​ക​ൾ അ​ട​ക്ക​മു​ള്ള സ​ന്ദ​ർ​ശ​ക​ർ സ​ന്ധ്യ​ക്കു​മു​മ്പ്​ സ്ഥ​ലം വി​ടു​ന്ന സ്ഥി​തി​യാ​ണ്. ബീ​ച്ചി​ന്റെ ചു​മ​ത​ല​യു​ള്ള ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ൽ അ​ധി​കൃ​ത​രാ​ക​ട്ടെ ഇ​ക്കാ​ര്യ​ങ്ങ​ളി​ൽ വേ​ണ്ട​ത്രേ ശ്ര​ദ്ധ കൊ​ടു​ക്കു​ന്നി​ല്ല.

അ​ടി​സ്ഥാ​ന സൗ​ക​ര്യ​ങ്ങ​ൾ തീ​രെ​യി​ല്ലാ​ത്ത ബീ​ച്ചും പ​രി​സ​ര​വും സ​ന്ധ്യ​യോ​ടെ വി​ജ​ന​മാ​കു​ന്ന​ത് നാ​ട്ടു​കാ​രെ​യും ഭീ​തി​യി​ലാ​ഴ്ത്തു​ന്നു. ഭ​ക്ഷ​ണം തേ​ടി​യെ​ത്തു​ന്ന നാ​യ്ക്ക​ളി​ൽ ഏ​റെ​യും ന​ട​പ്പാ​ത​യി​ലാ​ണ് ത​മ്പ​ടി​ക്കു​ന്ന​ത്. വെ​ളി​ച്ച​മി​ല്ലാ​ത്ത​തി​നാ​ൽ പാ​ത​യി​ൽ കി​ട​ന്ന് ഉ​റ​ങ്ങു​ന്ന നാ​യ്ക്ക​ളെ അ​റി​യാ​തെ ച​വി​ട്ടു​ന്ന സം​ഭ​വ​ങ്ങ​ളും പ​തി​വാ​ണ്. പ​ല​പ്പോ​ഴും ത​ല​നാ​രി​ഴ​ക്കാ​ണ് ആ​ളു​ക​ൾ ക​ടി​യേ​ൽ​ക്കാ​തെ ര​ക്ഷ​പ്പെ​ടു​ന്ന​ത്.

മു​ന​മ്പം അ​ഴി​മു​ഖ​ത്ത് പു​ലി​മു​ട്ടു​ക​ൾ നി​ർ​മ്മി​ച്ച​തി​നെ തു​ട​ർ​ന്ന് വ​ർ​ഷ​ങ്ങ​ൾ കൊ​ണ്ട് മ​ണ​ൽ അ​ടി​ഞ്ഞ് ആ​ണ് വൈ​പ്പി​ൻ ദ്വീ​പി​ന്റെ വ​ട​ക്കേ അ​റ്റ​ത്താ​യി ഈ ​ക​ട​ൽ​ത്തീ​രം രൂ​പം കൊ​ണ്ട​ത്. പി​ന്നീ​ട് ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പ് സു​നാ​മി പു​ന​ര​ധി​വാ​സ ഫ​ണ്ട് ഉ​പ​യോ​ഗി​ച്ച് ബീ​ച്ച് മോ​ടി പി​ടി​പ്പി​ക്കു​ക​യാ​യി​രു​ന്നു. ക​ട​ലി​ലേ​ക്ക് നീ​ള​ത്തി​ൽ ഇ​റ​ങ്ങി നി​ൽ​ക്കു​ന്ന ബീ​ച്ചി​ന്റെ ഭാ​ഗം ടൈ​ൽ പ​തി​ച്ചു മ​നോ​ഹ​ര​മാ​ക്കി​യ​തി​ന് പു​റ​മേ ചെ​റി​യ കോ​ട്ടേ​ജു​ക​ളും നി​ർ​മ്മി​ച്ചി​ട്ടു​ണ്ട്.

ജീ​വ​ന​ക്കാ​രു​ടെ അ​ഭാ​വം മൂ​ലം ബീ​ച്ചും പ​രി​സ​ര​വും ശു​ചീ​ക​ര​ണം കാ​ര്യ​ക്ഷ​മ​മ​ല്ല. മാ​ലി​ന്യ ഭീ​ഷ​ണി​യും നി​ല​നി​ൽ​ക്കു​ന്നു. സൗ​ക​ര്യ​ങ്ങ​ൾ ഇ​ല്ലാ​തി​രു​ന്നി​ട്ടും അ​വ​ധി ദി​ന​ങ്ങ​ളി​ലും മ​റ്റും സ​ന്ദ​ർ​ശ​ക​രു​ടെ കാ​ര്യ​മാ​യി തി​ര​ക്കാ​ണ് ഇ​വി​ടെ അ​നു​ഭ​വ​പ്പെ​ടു​ന്ന​ത്.