മൺസൂൺ യാത്ര: ഇന്ത്യയിൽ ഏറ്റവും കൂടുതൽ പേർ പോകാൻ ഉദ്ദേശിക്കുന്ന സ്ഥലങ്ങൾ ഇവയാണ്
text_fieldsകോവിഡ് രണ്ടാം തരംഗത്തിന് ശമനം വന്നതോടെ പല സംസ്ഥാനങ്ങൾ നിയന്ത്രണങ്ങളിൽ ഇളവുകൾ നൽകിയിട്ടുണ്ട്. ഇതിനെ തുടർന്ന് ടൂറിസം രംഗവും സജീവമാവുകയാണ്. മലയാളികളടക്കമുള്ളവർ ഇന്ത്യയുടെ വിവിധ ഭാഗങ്ങളിലേക്ക് യാത്ര തുടങ്ങിയിട്ടുണ്ട്.
ഈ മൺസൂൺ കാലത്ത് ഇന്ത്യയിൽ ഏറ്റവും കൂടുതൽ പേർ യാത്ര പോകാൻ ഉദ്ദേശിക്കുന്ന സ്ഥലങ്ങളുടെ പട്ടിക പുറത്തുവിട്ടിരിക്കുകയാണ് booking.com. വരാനിരിക്കുന്ന മൺസൂൺ മാസങ്ങളിൽ സുരക്ഷിതമായി യാത്ര ചെയ്യാൻ കഴിയുന്ന സ്ഥലങ്ങളാണ് മിക്കവരും തെരഞ്ഞെടുക്കുന്നത്.
68 ശതമാനം ഇന്ത്യൻ യാത്രക്കാരും 2020ൽ കൂടുതൽ യാത്ര ചെയ്യാൻ കഴിയാത്തതിന്റെ സങ്കടം 2021ൽ തീർക്കാൻ ആഗ്രഹിക്കുന്നു. ഇവരിൽ 70 ശതമാനം പേരും ലോക്ഡൗൺ സമയത്ത് ഭാവി യാത്രകൾ ആസൂത്രണം ചെയ്യുകയായിരുന്നു.
64 ശതമാനം ഇന്ത്യൻ യാത്രക്കാരും കഴിഞ്ഞവർഷത്തേക്കാൾ കൂടുതൽ ദിവസങ്ങൾ യാത്രക്കായി മാറ്റിവെച്ചിട്ടുണ്ട്. പകർച്ചവ്യാധിക്ക് മുമ്പുള്ളതിനേക്കാൾ ഇപ്പോൾ യാത്രയാണ് തങ്ങൾക്ക് പ്രധാനമെന്ന് 72 ശതമാനം പേർ പറയുന്നു.
2021 ജൂലൈ, ആഗസ്റ്റ് മാസങ്ങളിൽ കൂടുതൽ ഇന്ത്യൻ യാത്രക്കാർ ബുക്ക് ചെയ്ത ആഭ്യന്തര ലക്ഷ്യസ്ഥാനങ്ങളും താമസ സൗകര്യങ്ങളെ കുറിച്ചുള്ള സ്ഥിതിവിവരണവും കമ്പനി പങ്കുവെച്ചിട്ടുണ്ട്. ന്യൂഡൽഹിയാണ് ഏറ്റവും കൂടുതൽ പേർക്ക് ബുക്ക് ചെയ്ത സ്ഥലം. മഹാരാഷ്ട്രയിലെ ലോനാവാലയും മുംബൈയും തൊട്ടുപിന്നിലുണ്ട്. മണാലി, ബംഗളൂരു, ജയ്പുർ, ചെെന്നെ, ഗോവ, ഗുഡ്ഗാവ്, കൊൽക്കത്ത എന്നിവയാണ് ആദ്യ പത്തിലുള്ള മറ്റു സ്ഥലങ്ങൾ.
താമസ സൗകര്യങ്ങൾ തെരഞ്ഞെടുക്കുന്നതിൽ ഹോട്ടലുകളാണ് മുൻപന്തിയിലുള്ളത്. അതേസമയം, തിരക്കൊഴിഞ്ഞ അനുഭവം പ്രദാനം ചെയ്യുന്ന റിസോർട്ടുകൾ, വില്ലകൾ, ഗെസ്റ്റ് ഹൗസുകൾ എന്നിവക്ക് പ്രചാരം വർധിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.