കേ​ര​ളം ടു ​ആ​​ഫ്രി​ക്ക: പുതുവഴികൾ തേടി മാ​ഹീ​ൻ ഒ​മാ​നി​ലെ​ത്തി

മ​സ്ക​ത്ത്​: ഹി​ച്ച്​ ഹൈ​ക്കി​ങ്​ യാ​ത്ര​യി​ലൂ​ടെ ശ്ര​ദ്ധേ​യ​നാ​യ തി​രു​വ​ന​ന്ത​പു​രം നെ​ടു​മ​ങ്ങാ​ട്​ സ്വ​ദേ​ശി മാ​ഹീ​ൻ കേ​ര​ളം-​ആ​​ഫ്രി​ക്ക​ൻ യാ​ത്ര​യു​ടെ ഭാ​ഗ​മാ​യി ഒ​മാ​നി​ലെ​ത്തി. കേ​ര​ള​ത്തി​ൽ​നി​ന്ന്​ വി​മാ​നം വ​ഴി ഒ​മാ​നി​ലെ​ത്തി​യ ഇ​ദ്ദേ​ഹം ക​ഴി​ഞ്ഞ ഒ​രാ​ഴ്ച​യാ​യി സു​ൽ​ത്താ​നേ​റ്റി​ന്‍റെ പ്ര​ധാ​ന ടൂ​റി​സ്റ്റ്​ സ്ഥ​ല​ങ്ങ​ൾ സ​ന്ദ​ശി​ക്കു​ന്ന തി​ര​ക്കി​ലാ​യി​രു​ന്നു. മ​ത്ര സൂ​ഖ് അടക്കമുള്ള വി​വി​ധ സ്ഥ​ല​ങ്ങ​ൾ സ​ന്ദ​ർ​ശി​ച്ച മാ​ഹീ​ന്​ മ​ല​യാ​ളി കൂ​ട്ടാ​യ്മ​ക​ളു​ടെ ആ​ഭി​മു​ഖ്യ​ത്തി​ൽ സ്വീ​ക​ര​ണ​വും ന​ൽ​കി.

ഒ​മാ​ന്‍റ ആ​തി​ഥ്യ മ​ര്യാ​ദ​യും പ​ച്ച​പ്പു​നി​റ​ഞ്ഞ സ്ഥ​ല​ങ്ങ​ളും മ​ന​സ്സി​ന്​ കു​ളി​ർ​മ ന​ൽ​കു​ന്ന​താ​ണെ​ന്ന്​ അ​ദ്ദേ​ഹം പ​റ​ഞ്ഞു. വാ​ഹ​ന​ങ്ങ​ളി​ൽ ലി​ഫ്​​റ്റ​ടി​ച്ചും കാ​ൽ​ന​ട​യാ​യും യാ​ത്ര ചെ​യ്യു​ന്ന രീ​തി​യാ​ണ്​ ഹി​ച്ച്​ ഹൈ​ക്കി​ങ്. മി​ഡി​ലീ​സ്റ്റ്, യൂ​റോ​പ്, ആ​ഫ്രി​ക്ക തു​ട​ങ്ങി​യ സ്ഥ​ല​ങ്ങ​ളി​ലൂ​ടെ​യു​ള്ള ലോ​ക​യാ​ത്ര​യി​ലാ​യി​രു​ന്നു 21കാ​ര​നാ​യ മാ​ഹീ​ൻ. എ​ന്നാ​ൽ, ചി​ല സാ​​ങ്കേ​തി​ക കാ​ര​ണ​ങ്ങ​ളാ​ൽ യാ​ത്ര മു​ട​ങ്ങു​ക​യും നാ​ട്ടി​ലേ​ക്ക്​ മ​ട​ങ്ങു​ക​യു​മാ​യി​രു​ന്നു. പി​ന്നീ​ടാ​ണ്​ മി​ഡി​ലീ​സ്റ്റ്​ രാ​ജ്യ​ങ്ങ​ളി​ലൂ​ടെ ആ​ഫ്രി​ക്ക​യി​ലേ​ക്ക്​ പോ​കാ​ൻ തീ​രു​മാ​നി​ച്ച​ത്.

ക​സാ​ഖ്സ്താ​ൻ, ഉ​സ്​​ബ​കി​സ്താ​ൻ, ത​ജി​കി​സ്താ​ൻ, അ​ഫ്​​ഗാ​നി​സ്താ​ൻ എ​ന്നീ രാ​ജ്യ​ങ്ങ​ൾ സ​ന്ദ​ർ​ശി​ച്ച്​ ഇ​റാ​നി​ലെ​ത്തി​യ​പ്പോ​ൾ വി​സ കി​ട്ടാ​ൻ ചി​ല പ്ര​യാ​സ​ങ്ങ​ൾ നേ​രി​ട്ടു. ഇ​ക്കാ​ര​ണ​ത്താ​ലാ​ണ്​ ലോ​ക​യാ​ത്ര താ​ൽ​ക്കാ​ലി​ക​മാ​യി നി​ർ​ത്തി​വെ​ക്കേ​ണ്ടി​വ​ന്ന​തെ​ന്ന്​ മാ​ഹീ​ൻ പ​റ​ഞ്ഞു. ചെ​റു​പ്പ​ത്തി​ൽ വാ​യി​ച്ച സ​ഞ്ചാ​ര വി​വ​ര​ണ​ങ്ങ​ളാ​ണ്​ ഇ​ദ്ദേ​ഹ​ത്തെ യാ​ത്ര​യി​ലേ​ക്ക്​ ആ​കൃ​ഷ്ട​നാ​ക്കി​യ​ത്.

ആ​ളു​ക​ൾ കൂ​ടു​ത​ലും എ​ത്തി​പ്പെ​ടാ​ത്ത സ്ഥ​ല​ങ്ങ​ളി​ൽ​ക്കൂ​ടി യാ​ത്ര ചെ​യ്യാ​നാ​ണ്​ എ​നി​ക്കി​ഷ്ടം. അ​തു​​കൊ​ണ്ടാ​ണ്​ വെ​സ്റ്റ്​ ആ​ഫ്രി​ക്ക ല​ക്ഷ്യ​മാ​ക്കി യാ​ത്ര​ചെ​യ്യാ​ൻ ഉ​ദ്ദേ​ശി​ച്ച​ത്. ചെ​റു​പ്പം മു​ത​ലേ യാ​ത്ര​യോ​ട്​ ഇ​ഷ്ട​മു​ണ്ടാ​യി​രു​ന്നു. സ്കൂ​ളി​ൽ​പോ​കു​ന്ന സ​മ​യ​ത്ത്​ ബ​സ്​ ചെ​ല​വി​നാ​യി ത​ന്നി​രു​ന്ന പൈ​സ​യൊ​ക്കെ എ​ടു​ത്തു​വെ​ച്ച്​ ന​ട​ത്തം ഒ​രു ശീ​ല​മാ​ക്കി​യി​രു​ന്നു. മു​തി​ർ​ന്ന​തോ​ടെ കൂ​ടു​ത​ൽ യാ​ത്ര ചെ​യ്യാ​ൻ തു​ട​ങ്ങി​യ​പ്പോ​ൾ ചെ​ല​വി​നു​ള്ള കാ​ശ്​ തി​ക​യാ​തെ​വ​ന്നു.

ഈ ​സാ​ഹ​ച​ര്യ​ത്തി​ലാ​ണ്​ ഹി​ച്ച്​ ഹൈ​ക്കി​ങ്​ തി​ര​ഞ്ഞെ​ടു​ക്കു​ന്ന​ത്. ഹി​ച്ച്​ ഹൈ​ക്കി​ങ്​ യാ​ത്ര​യി​ലെ ഏ​റ്റ​വും മ​റ​ക്കാ​ൻ പ​റ്റാ​ത്ത അ​നു​ഭ​വം അ​ഫ്​​ഗാ​നി​ൽ താ​ലി​ബാ​ന്‍റെ പി​ടി​യി​ലാ​വു​ക​യും ഒ​രു​ദി​വ​സം ജ​യി​ലി​ൽ കി​ട​ന്ന​തു​മാ​ണ്. ഐ.​എ​സ്​ തീ​വ്ര​വാ​ദി​യാ​ണെ​ന്നും കാ​ബൂ​ളി​ലെ പാ​കി​സ്താ​ൻ എം​ബ​സി ആ​ക്ര​മി​ക്കാ​നാ​ണ്​ എ​ത്തി​യി​ട്ടു​ള്ള​തെ​ന്നും പ​റ​ഞ്ഞാ​യി​രു​ന്നു പി​ടി​ച്ചു​കൊ​ണ്ടു​പോ​യ​ത്.

എ​ന്നാ​ൽ, പി​ന്നീ​ട്​ കാ​ര്യ​ങ്ങ​ൾ പ​റ​ഞ്ഞ്​ മ​ന​സ്സി​ലാ​ക്കി​യ​തോ​ടെ വി​ട്ട​യ​ക്കു​ക​യാ​യി​രു​ന്നു​വെ​ന്ന്​ മാ​ഹീ​ൻ പ​റ​ഞ്ഞു. താ​ലി​ബാ​ൻ ഭ​ര​ണം ഏ​റ്റെ​ടു​ത്ത​തി​നു​ശേ​ഷം അ​ഫ്​​ഗാ​നി​സ്താ​നി​ലേ​ക്ക്​ ഇ​ന്ത്യ​യി​ൽ​നി​ന്നു​ള്ള ആ​ദ്യ ടൂ​റി​സ്റ്റാ​യി​രു​ന്നു ഇ​ദ്ദേ​ഹം. ചെ​റി​യ യാ​ത്ര​ക​ളി​ലൂ​ടെ തു​ട​ങ്ങി അ​നു​ഭ​വം നേ​ടി​യ​ ശേ​ഷ​മാ​ണ്​ വ​ലി​യ യാ​ത്ര​ക​ൾ ന​ട​ത്താ​ൻ പ്ലാ​ൻ ചെ​യ്യേ​ണ്ട​തെ​ന്നാ​ണ്​ പു​തി​യ​താ​യി ഹി​ച്ച്​ ഹൈ​ക്കി​ങ്​ മേ​ഖ​ല​യി​ലേ​ക്ക്​ വ​രു​ന്ന​വ​രോ​ട്​ മാ​ഹീ​ന്​ പ​റ​യാ​നു​ള്ള​ത്. ഹി​ച്ച്​ ഹൈ​ക്കി​ങ്ങി​ലൂ​ടെ ഇ​തി​ന​കം എ​ട്ട്​ രാ​ജ്യ​ങ്ങ​ളാ​ണ്​ സ​ന്ദ​ർ​ശി​ച്ച​ത്.

യാ​ത്രാ​വി​വ​ര​ണ​ങ്ങ​ൾ 'ഹി​ച്ച് ഹൈ​ക്കി​ങ്​ നോ​മാ​ഡ്' എ​ന്ന യു​ട്യൂ​ബ് ചാ​ന​ലി​ലൂ​ടെ പ​ങ്കു​വെ​ക്കു​ക​യും ചെ​യ്യാ​റു​ണ്ട്. അ​ഞ്ച് ല​ക്ഷ​ത്തി​ല​ധി​കം വ​രി​ക്കാ​രു​ണ്ട്. യാ​ത്ര​യു​ടെ അ​ഭി​നി​വേ​ശ​ത്താ​ൻ കോ​ള​ജ്​ പ​ഠ​ന​ത്തി​ന്​ താ​ൽ​ക്കാ​ലി​ക വി​രാ​മ​മി​ട്ടി​രി​ക്കു​ക​യാ​ണ്. ഒ​മാ​നി​ൽ സൂ​ർ, സ​ലാ​ല എ​ന്നി​വി​ട​ങ്ങ​ൾ സ​ന്ദ​ർ​ശി​ക്കാ​നും ആ​ലോ​ച​ന​യു​ണ്ട്. ഇ​തി​നു​ശേ​ഷം ജി.​സി.​സി രാ​ജ്യ​ങ്ങ​ളി​​ലേ​ക്ക്​ തി​രി​ക്കും. മാ​താ​പി​താ​ക്ക​ളാ​യ ഷാ​ജ​ഹാ​നും ന​ദീ​റ​യും ന​ൽ​കു​ന്ന പി​ന്തു​ണ​യാ​ണ്​ മാ​ഹീ​ന്​ യാ​ത്ര​ക്ക്​ ഊ​ർ​ജം ന​ൽ​കു​ന്ന​ത്.