കെ.എസ്.ആര്‍.ടി.സി ആഡംബര കപ്പല്‍ യാത്രയിൽ 156 പേര്‍, അടുത്ത യാത്ര ഏപ്രില്‍ ഒമ്പതിന് നടക്കും

പാലക്കാട്: കെ.എസ്.ആര്‍.ടി.സിയും കെ.എസ്.ഐ.എന്‍.സിയും ചേർന്ന് സംഘടിപ്പിക്കുന്ന രണ്ടാംഘട്ട ആഡംബര ക്രൂയിസ് കപ്പല്‍ യാത്രക്കായി 156 പേര്‍ യാത്ര തിരിച്ചു. ശനിയാഴ്ച ഉച്ചക്ക് ഒന്നരയോടെ നാല് ലോേഫ്ലാര്‍ ബസുകളിലായാണ് സംഘം എറണാകുളത്തേക്ക് പുറപ്പെട്ടത്.

കെ.എസ്.ആര്‍.ടി.സി ബജറ്റ് ടൂറിസം സെല്‍ ജില്ല കോഓഡിനേറ്റര്‍ വിജയശങ്കര്‍, ജില്ല ട്രാന്‍സ്പോര്‍ട്ട് ഓഫിസര്‍ ടി.എ. ഉബൈദ്, ഇന്‍സ്പെക്ടര്‍ പി.എസ്. മഹേഷ് എന്നിവരാണ് സംഘത്തെ നയിക്കുന്നത്. വൈകീട്ട് എറണാകുളത്ത് നെഫ്രിറ്റി എന്ന ചതുര്‍നക്ഷത്ര ആഡംബര കപ്പലില്‍ അഞ്ച് മണിക്കൂര്‍ ആഘോഷ യാത്രയ്ക്കു ശേഷം അത്താഴ വിരുന്നും കഴിഞ്ഞ് 11 മണിയോടെ യാത്രികര്‍ പാലക്കാട്ടേയ്ക്ക് തിരിക്കുമെന്ന് കെ.എസ്.ആര്‍.ടി.സി അധികൃതര്‍ അറിയിച്ചു. അടുത്ത യാത്ര ഏപ്രില്‍ ഒമ്പതിന് നടക്കും. അഞ്ച് ബസുകളാണ് ഇതിനായി തയാറാക്കിയത്. മൂന്ന് ബസുകളിലെ ബുക്കിങ് പൂർത്തിയായിട്ടുണ്ട്. ഫോണ്‍: 8714062425, 9947086128.