കൊ​ൽ​ക്ക​ത്ത ആ​ന​ന്ദ​ത്തി​ന്റെ ന​ഗ​രം

റോ​ബ​ർ​ട്ട്‌ ക്ലൈ​വ് കൊ​ൽ​ക്ക​ത്ത​യെ വി​ശേ​ഷി​പ്പി​ച്ച​ത് ലോ​ക​ത്തി​ലെ ഏ​റ്റ​വും മോ​ശ​പ്പെ​ട്ട സ്ഥ​ല​ങ്ങ​ളി​ൽ ഒ​ന്നെ​ന്നാ​ണ്. നെ​ഹ്‌​റു പേ​ടി​സ്വ​പ്ന​ങ്ങ​ളു​ടെ ന​ഗ​ര​മാ​യാ​ണ് കൊ​ൽ​ക്ക​ത്ത​യെ ക​ണ്ട​ത്. തീ​ർ​ച്ച​യാ​യും അ​തി​ന് കാ​ര​ണ​ങ്ങ​ളു​ണ്ടാ​വാം. വൃ​ത്തി​ഹീ​ന​മാ​യ, ഇ​ടി​ഞ്ഞു പൊ​ളി​ഞ്ഞ് ഇ​പ്പോ​ൾ വീ​ഴു​മെ​ന്ന ക​ണ​ക്ക് പ​ഴ​കി​ത്തൂങ്ങി​യ കെ​ട്ടി​ട​ങ്ങ​ളു​ള്ള, ചെ​റി​യ ദൂ​രം സ​ഞ്ച​രി​ക്കാ​ൻപോ​ലും നീ​ണ്ട സ​മ​യം കെ​ട്ടി​ക്കി​ട​ക്കേ​ണ്ട വി​ധം ഗ​താ​ഗ​ത​ക്കു​രു​ക്കു​ള്ള, ഒ​റ്റ മ​ഴ​ക്ക് വൃ​ത്തി​കേ​ടി​ന്റെ അ​ങ്ങേ​യ​റ്റം കാ​ണു​ന്ന ന​ഗ​ര​ങ്ങ​ളു​ള്ള ഈ ​ഇ​ടം എ​ങ്ങനെ​യാ​ണ് ആ​ന​ന്ദ​ത്തി​ന്റെ ന​ഗ​ര​മാ​വു​ന്ന​ത് എ​ന്ന് ഒ​രു കാ​ഴ്ച​ക്കാ​ര​നെ എ​പ്പോ​ഴും സം​ശ​യ​ത്തി​ലാ​ക്കും. ആ​ദ്യ കാ​ഴ്ച​യി​ലോ ആ​ദ്യാ​നു​ഭ​വ​ത്തി​ലോ നി​ങ്ങ​ളു​ടെ പ്രി​യ​പ്പെ​ട്ട സ്ഥ​ല​ങ്ങ​ളി​ൽ ഇ​ടംപി​ടി​ക്കാ​ൻ സാ​ധ്യ​ത​യു​ള്ള സ്ഥ​ല​മ​ല്ല കൊ​ൽ​ക്ക​ത്ത.

എ​ന്താ​ണ് കൊ​ൽ​ക്ക​ത്ത!

കൊ​ൽ​ക്ക​ത്ത പ​ല​രെ​യും മോ​ഹി​പ്പി​ക്കു​ന്നു​ണ്ട്. വാ​യ​ന​യി​ൽ മ​തി​മ​റ​ന്ന മ​നു​ഷ്യ​രെ, സി​നി​മ ക​മ്പ​ക്കാ​രെ, സ​ഞ്ചാ​രി​ക​ളെ, ഭ​ക്ഷ​ണ​പ്രി​യ​രെ അ​ങ്ങ​നെ എ​ത്ര​യോ മ​നു​ഷ്യ​ർ ഒ​രി​ക്ക​ലെ​ങ്കി​ലും ആ ​മ​ഹാ​ന​ഗ​ര​ത്തി​ൽ എ​ത്തി​പ്പെ​ട​ണ​മെ​ന്ന് ആ​ഗ്ര​ഹി​ക്കു​ന്നു. സോ​ഷ്യ​ൽ​വ​ർ​ക്ക് പ​ഠ​ന​ത്തി​ന്റെ ഭാ​ഗ​മാ​യാ​ണ് വീ​ണ്ടും കൊ​ൽ​ക്ക​ത്ത ന​ഗ​ര​ത്തി​ലേ​ക്ക് പോ​വാ​ൻ ഒ​രു​ങ്ങു​ന്ന​ത്. ഷാ​ലി​മാ​ർ സ്റ്റേ​ഷ​നി​ൽ ട്രെ​യി​ൻ ഇ​റ​ങ്ങി​യെ​ങ്കി​ലും ഹൗ​റ​യി​ലെ​ത്തു​ന്ന​തു മു​ത​ലാ​ണ് കൊ​ൽ​ക്ക​ത്ത യാ​ത്ര തു​ട​ങ്ങു​ന്ന​തെ​ന്ന് തോ​ന്നാ​റു​ണ്ട്.

ഇ​ത്ത​വ​ണ സാ​മാ​ന്യം ത​ണു​പ്പു​ള്ള അ​വ​സ്ഥ​യി​ലാ​ണ് കൊ​ൽ​ക്ക​ത്ത​യി​ൽ എ​ത്തി​യ​ത്. അ​ത് യാ​ത്ര​യെ കൂ​ടു​ത​ൽ മ​നോ​ഹ​ര​മാ​ക്കി.​ മ​ഞ്ഞ ടാ​ക്സി​ക​ളും ബ​സു​ക​ളും ത​ന്നെ​യാ​ണ് എ​ളു​പ്പ​ത്തി​ൽ ന​മു​ക്ക് ല​ഭ്യ​മാ​കു​ന്ന ഗ​താ​ഗ​ത മാ​ർ​ഗമെ​ങ്കി​ലും ഇ​ന്ത്യ​യി​ലെ എ​ല്ലാ ന​ഗ​ര​ങ്ങ​ളെ​യും പോ​ലെ ഇ​വി​ടെ​യും ചെ​റി​യ ദൂ​രം താ​ണ്ടാ​ൻ വ​ലി​യ സ​മ​യം കാ​ത്തു​നി​ൽ​ക്ക​ണം.

ഇ​ന്ത്യ​യി​ലെ ഏ​റ്റ​വും പു​രാ​ത​ന​മാ​യ ​െറ​യി​ൽ​വേ സ്റ്റേ​ഷ​നു​ക​ളി​ൽ ഒ​ന്നാ​ണ് ഹൗ​റ. സ​മാ​ന്ത​ര​മാ​യി കി​ട​ക്കു​ന്ന ഇ​രു​പ​ത്തി​മൂ​ന്നോ​ളം പ്ലാ​റ്റ്ഫോ​മു​ക​ളും ദി​വ​സ​വും ല​ക്ഷ​ക്ക​ണ​ക്കി​ന് ആ​ളു​ക​ളും യാ​ത്ര ചെ​യ്യു​ന്ന ഈ ​സ്റ്റേ​ഷ​ൻ ആ​ദ്യ​മാ​യി വ​രു​ന്നൊ​രു മ​നു​ഷ്യ​നെ അ​മ്പ​ര​പ്പി​ക്കും. ബേ​ലൂ​ർ മ​ഠ​ത്തി​ലേ​ക്ക് അ​ധി​കം ദൂ​ര​മി​ല്ലാ​ത്ത​തി​നാ​ൽ അ​ങ്ങോ​ട്ടാ​ണ് ആ​ദ്യം. കൊ​ൽ​ക്ക​ത്ത മ​ല​യാ​ളി​ക്ക് അ​ന്യ​മാ​യ സ്ഥ​ല​മ​ല്ല.

വാ​യ​ന​യി​ലൂ​ടെ​യും മ​റ്റും പ​രി​ചി​ത​മാ​യ ഇ​ടം. മ​റ്റൊ​രു ന​ഗ​ര​ത്തി​ന്റെ​യും മ​നോ​ഹാ​രി​ത കൊ​ൽ​ക്ക​ത്ത​യി​ൽ ന​മു​ക്ക് കാ​ണാ​ൻ ക​ഴി​ഞ്ഞെ​ന്ന് വ​രി​ല്ല. പു​റ​മെ നി​ന്ന് നോ​ക്കു​മ്പോ​ൾ ഒ​രു പ​രു​ക്ക​ൻ ന​ഗ​രം. അ​ങ്ങ​നെ ചി​ന്തി​ച്ചു ചി​ന്തി​ച്ച് മ​ഠ​ത്തി​ലെ​ത്തി. തി​ര​ക്ക് കു​റ​വാ​ണ്. മു​മ്പ് വ​ന്ന​പ്പോ​ൾ ന​ല്ല ആ​ൾ​ക്കൂ​ട്ട​മു​ണ്ടാ​യി​രു​ന്നു.​ കു​റ​ച്ചു സ​മ​യം വെ​റു​തെ ന​ട​ന്നു വി​വേ​കാ​ന​ന്ദ​ന്റെ ഓ​ർ​മ​ക​ൾ ഉ​റ​ങ്ങു​ന്ന ബേ​ലൂ​ർ മ​ഠ​വും കൊ​ൽ​ക്ക​ത്ത​യെ ഹൃ​ദ​യ​ത്തി​ൽ വ​ഹി​ക്കു​ന്ന ഹൂ​ഗ്ലി​യെ​യും കു​റ​ച്ചു സ​മ​യം കൂ​ടി ക​ണ്ട ശേ​ഷം റൂ​മി​ലേ​ക്ക് യാ​ത്ര തി​രി​ച്ചു.

മ​ഡ്കാ ചാ​യ​യും വി​ക്ടോ​റി​യ മെ​മ്മോറി​യ​ലും ടാ​ഗോ​റും

കൊ​ൽ​ക്ക​ത്ത​യി​ലെ പ്രി​യ​പ്പെ​ട്ട കാ​ര്യ​ങ്ങ​ളി​ലൊ​ന്ന് മ​ഡ്കാ ചാ​യ​യാ​ണ്. എ​ങ്ങനെ​യാ​ണ് ഇ​ത്ര മ​നോ​ഹ​ര​മാ​യ ചാ​യ ഇ​വ​രു​ണ്ടാ​ക്കു​ന്ന​തെന്ന് അ​ത്ഭു​ത​പ്പെ​ട്ടു പോ​കും. എ​വി​ടെനി​ന്നും ധൈ​ര്യ​മാ​യി ന​മു​ക്ക് ചാ​യ കു​ടി​ക്കാം. വി​ക്ടോ​റി​യ മെ​മ്മോ​റി​യ​ൽ ഒ​രു നി​ർ​ബ​ന്ധ കാ​ഴ്ച​യാ​ണ്. പി​റ്റേ​ന്ന് നേ​രെ പോ​യ​ത് വി​ക്ടോ​റി​യ മെ​മ്മോ​റി​യ​ലി​ലേ​ക്കാ​ണ്.

വി​ശാ​ല​മാ​യ പൂ​ന്തോ​ട്ട​ങ്ങ​ൾ​ക്ക് ന​ടു​വി​ൽ വെ​ള്ള മാ​ർ​ബി​ൾകൊ​ണ്ടൊ​രു കൊ​ട്ടാ​രം. ബ്രി​ട്ടീ​ഷു​കാ​രു​ടെ ത​ല​സ്ഥാ​ന ന​ഗ​രിയായ​തി​നാ​ലാ​വാം ഇ​വി​ടെ വി​ക്ടോ​റി​യ രാ​ജ്ഞി​ക്ക് ഒ​രു സ്മാ​ര​കം പ​ണി ക​ഴി​പ്പി​ച്ച​ത്. പ്ര​ധാ​ന ഹാ​ളി​ൽ വി​ക്ടോ​റി​യ രാ​ജ്ഞി​യു​ടെ മ​നോ​ഹ​ര​മാ​യ ശി​ൽ​പ​വു​മു​ണ്ട്.

കൊ​ൽ​ക്ക​ത്ത​യി​ലേ​ക്ക് ആ​ക​ർ​ഷി​ക്കു​ന്ന മ​റ്റൊ​രു കാ​ര​ണ​മാ​ണ് ടാ​ഗോ​ർ. അ​ടു​ത്ത​താ​യി പോ​കാ​ൻ ക​രു​തി​യ​ത് ടാ​ഗോ​റി​ന്റെ ജ​ന്മ​ഗൃ​ഹ​ത്തി​ലാ​ണ്. ന​ട​ന്നു ന​ട​ന്ന് ജൊ​രോ​ഷൊ​ങ്കോ ഠാ​കുർ ബാ​ടി​യു​ടെ മു​ന്നി​ലെ​ത്തി. ബം​ഗാ​ളി​ന്റെ സാം​സ്‌​കാ​രി​ക ച​രി​ത്ര​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട ആ ​ചു​വ​ന്ന മ​ന്ദി​രം ക​ണ്ട​പ്പോ​ൾ എ​ന്തോ ഒ​രു ഉ​ൾ​ക്കു​ളി​ർ അ​നു​ഭ​വ​പ്പെ​ട്ടു. ഉ​ള്ളി​ലൂ​ടെ ന​ട​ക്കു​ന്ന ഓ​രോ സ​മ​യ​വും സ്വ​പ്ന​ത്തി​ലെ​ന്ന പോ​ലെ തോ​ന്നി.

ഹൗ​റ​യി​ലെ പൂ​തെ​രു​വ്

കൊ​ൽ​ക്ക​ത്ത​യി​ലെ ഹൗ​റ പാ​ല​ത്തി​നു താ​ഴെ​യു​ള്ള പൂ ​മാ​ർ​ക്ക​റ്റ് (mullick ghat) ഏ​ഷ്യ​യി​ലെ ഏ​റ്റ​വും വ​ലി​യ പൂ ​മാ​ർ​ക്ക​റ്റാ​ണ്. അ​തി​രാ​വി​ലെ എ​ണീ​റ്റ് അ​ങ്ങോ​ട്ട് ന​ട​ന്നു. ഏ​ക​ദേ​ശം ക​ച്ച​വ​ടം അ​വ​സാ​നി​ക്കാ​റാ​കു​മ്പോ​ഴാ​ണ് അ​വി​ടെ​യെ​ത്തു​ന്ന​ത്. ഇ​ങ്ങ​നെ​യും പൂ​ക്ക​ളു​ണ്ട് എ​ന്ന് മ​ന​സ്സി​ലാ​വു​ന്ന​ത് അ​വ കാ​ണു​മ്പോ​ഴാ​ണ്. പ​ല​രും പൂ​ക്ക​ൾ വാ​ങ്ങു​ന്നു​ണ്ട് പ​ക്ഷേ, എ​നി​ക്ക് അ​തി​നി​ട​യി​ലൂ​ടെ വെ​റു​തെ ന​ട​ന്നാ​ൽ മ​തി​യാ​യി​രു​ന്നു.

ആ​രോ ഒ​രു സൂ​ര്യ​കാ​ന്തി നീ​ട്ടി​യ​പ്പോ​ഴാ​ണ് അ​തി​രാ​വി​ലെ ഒ​രു പൂ​വ് കി​ട്ടു​ന്ന​തി​ന്റെ​യും ആ ​പൂ നോ​ക്കി ഒ​രു ചാ​യ കു​ടി​ക്കു​ന്ന​തി​ന്റെ​യു​മൊ​ക്കെ ര​സം അ​നു​ഭ​വി​ക്കു​ന്ന​ത്. കു​ട്ടി​ക്കാ​ല​ത്ത് പ​റ​ഞ്ഞി​രു​ന്ന പോ​ലെ ഈ ​ജീ​വി​തം ര​സ​ക​ര​മാ​ക്കാ​നു​ള്ള ഗു​ട്ട​ൻ​സ് ഇ​തൊ​ക്കെ​യാ​ണ് എ​ന്ന് മ​ന​സ്സി​ലാ​വു​ന്ന നി​മി​ഷ​ങ്ങ​ൾ. ഹൗ​റ പാ​ല​ത്തി​നു മു​ക​ളി​ൽ​നി​ന്ന് ഈ ​പൂ​തെ​രു​വ് കാ​ണു​ന്ന​ത് വ​ല്ലാ​ത്തൊ​രു അ​നു​ഭൂ​തി​യാ​ണ്.

റൂ​മി​ലേ​ക്ക് പോ​കു​ന്ന​തി​നി​ട​യി​ൽ ഇ​പ്പോ​ൾ ന​മ്മു​ടെ നാ​ട്ടി​ൽ ഇ​ല്ലാ​ത്ത ഒ​രു ത​രം കെ​ട്ട് ലോ​ട്ട​റി എ​ന്ന് വി​ളി​ക്കു​ന്ന (പ​ണം പോ​ലെ കെ​ട്ടി​യ) ലോ​ട്ട​റി ക​ണ്ടു. ഞാ​നും സു​ഹൃ​ത്ത​ും തീ​യ​തി അ​വ​സാ​നി​ച്ച കു​റ​ച്ചു കെ​ട്ടു​ക​ൾ വാ​ങ്ങി ഞ​ങ്ങ​ളു​ടെ ഗൃ​ഹാ​തു​ര​ത​യെ സ​മാ​ധാ​നി​പ്പി​ച്ചു. കൊ​ൽ​ക്ക​ത്ത ഇ​ങ്ങ​നെ എ​പ്പോ​ഴും നൊ​സ്റ്റാ​ൾ​ജി​യ​യി​ൽ കു​ടു​ങ്ങി​പ്പോ​കു​ന്ന ന​ഗ​ര​ങ്ങ​ളി​ൽ ഒ​ന്നാ​ണ് എ​ന്ന് തോ​ന്നാ​റു​ണ്ട്. ബ​സ് ടി​ക്ക​റ്റി​ൽ, ചാ​യ ഗ്ലാ​സി​ൽ, ഇ​ങ്ങ​നെ ചെ​റി​യ സാ​ധ​ന​ങ്ങ​ളി​ൽ തു​ട​ങ്ങി കൊ​ൽ​ക്ക​ത്ത​യോ​ളം പ്രാ​യ​മു​ള്ള കെ​ട്ടി​ട​ങ്ങ​ൾ വ​രെ അ​തി​നെ ശ​രി വെ​ക്കു​ന്നു.

സ്വ​ർ​ണ​ത്തി​ന്റെ മ​രം

ഏ​റ്റ​വും വ​ലി​യ കൊ​ൽ​ക്ക​ത്ത​ൻ അ​നു​ഭ​വ​ങ്ങ​ളി​ൽ ഒ​ന്ന് സോ​നാ​ഗ​ച്ചി​യി​ലേ​ക്കു​ള്ള യാ​ത്ര​യാ​ണ്. സോ​നാ​ഗ​ച്ചി ലോ​ക​ത്തി​ലെ ഏ​റ്റ​വും വ​ലി​യ ചു​വ​ന്ന തെ​രു​വു​ക​ളി​ൽ ഒ​ന്നാ​ണ്. ബം​ഗാ​ളി​യി​ൽ സോ​നാ ഗ​ച്ചി എ​ന്നാ​ൽ ‘സ്വ​ർ​ണ​ത്തി​ന്റെ മ​രം’ എ​ന്ന​ർ​ഥം. ഐ​തി​ഹ്യം അ​നു​സ​രി​ച്ച്, കൊ​ൽ​ക്ക​ത്ത​യു​ടെ ആ​ദ്യ കാ​ല​ത്ത് ഈ ​പ്ര​ദേ​ശം ത​ന്റെ മാതാവിനൊ​പ്പം ഇ​വി​ടെ താ​മ​സി​ച്ചി​രു​ന്ന സ​നാ​ഉ​ല്ല എ​ന്ന കു​പ്ര​സി​ദ്ധ​നാ​യ ഒ​രു ക​ള്ള​ന്റെ ഗു​ഹ​യാ​യി​രു​ന്നു.

അ​ദ്ദേ​ഹ​ത്തി​ന്റെ മ​ര​ണ​ത്തി​ൽ, ദുഃ​ഖി​ത​യാ​യ സ്ത്രീ ​അ​വ​രു​ടെ കു​ടി​ലി​ൽനി​ന്ന് ഒ​രു ശ​ബ്ദം കേ​ട്ട​താ​യി പ​റ​യ​പ്പെ​ടു​ന്നു, ‘അ​മ്മേ, ക​ര​യ​രു​ത്. ഞാ​ൻ ഒ​രു ഗാ​സി​യാ​യി’, അ​ങ്ങ​നെ സോ​നാ ഗാ​സി​യു​ടെ ഇ​തി​ഹാ​സം ആ​രം​ഭി​ച്ചു. ജീ​ർ​ണാ​വ​സ്ഥ​യി​ലാ​യെ​ങ്കി​ലും മ​ക​ന്റെ ഓ​ർ​മ​ക്കാ​യി അ​മ്മ ഒ​രു പ​ള്ളി പ​ണി​തു. സോ​നാ ഗാ​സി​യെ സോ​നാ​ഗ​ച്ചി​യാ​ക്കി മാ​റ്റി. സോ​നാ​ഗ​ച്ചി ഇ​പ്പോ​ഴും നി​ഗൂ​ഢ​മാ​യ ഒ​രു ക​ള്ള​ന്റെ ഗു​ഹ​പോ​ലെ ന​മ്മെ പേ​ടി​പ്പെ​ടു​ത്തു​ക​യും അ​തേ സ​മ​യം കൗ​തു​ക​പ്പെ​ടു​ത്തു​ക​യും ചെ​യ്യു​ന്നു.

രാ​ജ്ഭ​വ​നി​ൽ പോ​യ​തും വെ​സ്റ്റ് ബം​ഗാ​ൾ ഗ​വ​ർ​ണ​ർ ആ​ന​ന്ദ് ബോ​സി​നെ ക​ണ്ട​തും യാ​ത്ര​യി​ലെ അ​പൂ​ർ​വം മു​ഹൂ​ർ​ത്ത​ങ്ങ​ളി​ൽ ഒ​ന്നാ​യി​രു​ന്നു. രാ​ജ്ഭ​വ​നി​ലെ ച​രി​ത്ര​പ്രാ​ധാ​ന്യ​മു​ള്ള കാ​ഴ്ച​ക​ൾ യാ​ത്ര​യെ അ​പൂ​ർ​വ മ​നോ​ഹ​ര​മാ​യൊ​രു യാ​ത്ര​യാ​ക്കി മാ​റ്റി. മ​ട​ങ്ങു​മ്പോ​ൾ ഹൗ​റ സ്റ്റേ​ഷ​നി​ൽ ഇ​രി​ക്കു​ന്ന സ​മ​യം കു​റെ മു​ഖ​ങ്ങ​ൾ ഓ​ർ​മ​യി​ലേ​ക്ക് വ​ന്നു.

ടാ​ഗോ​റും നേ​താ​ജി​യും ദാ​ദ​യും പോ​ലെ എ​ല്ലാ​ർ​ക്കും പ​രി​ചി​ത​മാ​യ മു​ഖ​ങ്ങ​ൾ. കോ​ടാ​നു​കോ​ടി മ​നു​ഷ്യ​രി​ൽനി​ന്ന് എ​ത്ര കു​റ​ച്ചു മ​നു​ഷ്യ​രാ​ണ് ച​രി​ത്ര​ത്തി​ൽ ബാ​ക്കി​യാ​വു​ന്ന​ത് എ​ന്ന് വെ​റു​തെ​യോ​ർ​ത്തു. ച​രി​ത്ര​ത്തി​ൽ ഓ​ർ​മി​ക്ക​പ്പെ​ടാ​ൻ സാ​ധ്യ​ത​യി​ല്ലാ​തെ എ​ത്ര​യോ മ​നു​ഷ്യ​രെ​പ്പോ​ലെ ഞാ​നും എ​ന്റെ ട്രെ​യി​ൻ കാ​ത്തി​രു​ന്നു...

.