കരിയാത്തുംപാറ ടൂറിസം കേന്ദ്രം; വഴിയോര വിശ്രമകേന്ദ്രം തുറക്കാത്തത് സഞ്ചാരികൾക്ക് ദുരിതമാകുന്നു

ബാ​ലു​ശ്ശേ​രി: ക​ക്ക​യം ക​രി​യാ​ത്തും​പാ​റ ടൂ​റി​സം കേ​ന്ദ്ര​ത്തി​ൽ നി​ർ​മി​ക്കു​ന്ന വ​ഴി​യോ​ര വി​ശ്ര​മ​കേ​ന്ദ്രം (ടേ​ക് എ ​ബ്രേ​ക്ക്) പ്ര​വൃ​ത്തി പാ​തി​വ​ഴി​യി​ൽ നി​ല​ച്ച​ത് സ​ഞ്ചാ​രി​ക​ൾ​ക്ക് ദു​രി​ത​മാ​കു​ന്നു. ക​രി​യാ​ത്തും​പാ​റ​യി​ൽ കൂ​രാ​ച്ചു​ണ്ട് ഗ്രാ​മ​പ​ഞ്ചാ​യ​ത്ത് നി​ർ​മി​ക്കു​ന്ന വ​ഴി​യോ​ര വി​ശ്ര​മ​കേ​ന്ദ്രം പ​ണി പൂ​ർ​ത്തി​യാ​ക്കി തു​റ​ന്നു​കൊ​ടു​ക്കാ​ത്ത​ത് ഇ​വി​ടെ​യെ​ത്തു​ന്ന സ​ഞ്ചാ​രി​ക​ൾ​ക്ക് ദു​രി​ത​മാ​കു​ക​യാ​ണ്. ടേ​ക് എ ​ബ്രേ​ക്ക് പ​ദ്ധ​തി​യി​ൽ പ​ഞ്ചാ​യ​ത്ത് ശു​ചി​ത്വ ഫ​ണ്ട് ഉ​പ​യോ​ഗി​ച്ച് 16.54 ല​ക്ഷം ചെ​ല​വി​ട്ടാ​ണ് വി​ശ്ര​മ​കേ​ന്ദ്രം നി​ർ​മി​ച്ച​ത്. ഒ​രു വ​ർ​ഷം മു​മ്പേ പ്ര​വൃ​ത്തി തു​ട​ങ്ങി​യ വി​ശ്ര​മ​കേ​ന്ദ്ര​ത്തി​ലേ​ക്കു​ള്ള കി​ണ​റി​ന്റെ പ​ണി ഇ​തു​വ​രെ തു​ട​ങ്ങി​യി​ട്ടി​ല്ല. വെ​ള്ളം ല​ഭ്യ​മാ​ക്കാ​ത്ത​തി​നാ​ലാ​ണ് കേ​ന്ദ്രം തു​റ​ന്നു​കൊ​ടു​ക്കാ​ൻ പ​റ്റാ​ത്ത​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. കെ​ട്ടി​ട​ത്തി​ൽ പു​രു​ഷ​ന്മാ​ർ​ക്കും സ്ത്രീ​ക​ൾ​ക്കു​മു​ള്ള ശു​ചി​മു​റി​യും ഇ​തോ​ട​നു​ബ​ന്ധി​ച്ച് ല​ഘു​ഭ​ക്ഷ​ണ​ശാ​ല​യു​മാ​ണു​ള്ള​ത്. ജി​ല്ല​ക്ക​ക​ത്തു​നി​ന്നും പു​റ​ത്തു​നി​ന്നു​മാ​യി ദി​നം​പ്ര​തി നി​ര​വ​ധി സ​ഞ്ചാ​രി​ക​ളാ​ണ് ക​രി​യാ​ത്തും​പാ​റ ടൂ​റി​സം കേ​ന്ദ്ര​ത്തി​ലെ​ത്തു​ന്ന​ത്.

എ​ന്നാ​ൽ, ഇ​വ​ർ​ക്ക് പ്രാ​ഥ​മി​കാ​വ​ശ്യ​ങ്ങ​ൾ നി​റ​വേ​റ്റാ​നു​ള്ള സൗ​ക​ര്യ​മി​ല്ലാ​ത്ത​തി​നാ​ൽ ഏ​റെ ബു​ദ്ധി​മു​ട്ട​നു​ഭ​വി​ക്കു​ക​യാ​ണ്. രാ​വി​ലെ​യെ​ത്തു​ന്ന സ​ഞ്ചാ​രി​ക​ൾ വൈ​കീ​ട്ടു​വ​രെ ഇ​വി​ടെ ചെ​ല​വ​ഴി​ക്കു​ന്നു​ണ്ട്. പ്രാ​ഥ​മി​കാ​വ​ശ്യ​ങ്ങ​ൾ നി​റ​വേ​റ്റാ​നാ​യി പ​ല​പ്പോ​ഴും ടൂ​റി​സം കേ​ന്ദ്ര​ത്തി​ന​ടു​ത്തു​ള്ള വീ​ടു​ക​ളെ​യാ​ണ് സ​ഞ്ചാ​രി​ക​ൾ ആ​ശ്ര​യി​ക്കു​ന്ന​ത്. വീ​ട്ടു​കാ​രാ​ക​ട്ടെ ഒ​രാ​ൾ​ക്ക് പ​ത്തും ഇ​രു​പ​തും രൂ​പ വ​രെ ഈ​ടാ​ക്കു​ന്നു​മു​ണ്ട്.

വ​ഴി​യോ​ര വി​ശ്ര​മ​കേ​ന്ദ്രം എ​ത്ര​യും വേ​ഗം പ​ണി പൂ​ർ​ത്തി​യാ​ക്കി സ​ഞ്ചാ​രി​ക​ൾ​ക്ക് തു​റ​ന്നു​കൊ​ടു​ക്കാ​ൻ വേ​ണ്ട ന​ട​പ​ടി ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.