ക​ലാ​ഗ്രാ​മ​ത്തി​ന് എ​ന്തി​ത്ര താ​മ​സം ?

അ​റ​ബി​ക്ക​ട​ലി​ന്റെ മ​നോ​ഹാ​രി​ത​യും, നി​ള​യു​ടെ വ​ശ്യ​സൗ​ന്ദ​ര്യ​വും തി​ല​ക​ക്കു​റി ചാ​ർ​ത്തു​ന്ന പൊ​ന്നാ​നി​യു​ടെ ടൂ​റി​സം സാ​ധ്യ​ത​ക​ൾ ക​ട​ലാ​സി​ൽ മാ​ത്ര​മാ​യി ഒ​തു​ങ്ങു​ന്നു. ജി​ല്ല​യി​ൽ ജ​ല​ഗ​താ​ഗ​ത ടൂ​റി​സ​മു​ൾ​പ്പെ​ടെ അ​ന​ന്ത സാ​ധ്യ​ത​ക​ളു​ള്ള പൊ​ന്നാ​നി​യി​ൽ സ​ർ​ക്കാ​ർ ആ​വി​ഷ്ക​രി​ച്ച പ​ദ്ധ​തി​ക​ൾ പോ​ലും തു​ട​ങ്ങി​യ​യി​ട​ത്ത് ത​ന്നെ​യാ​ണ്... പൊ​ന്നാ​നി​യു​ടെ ഇ​നി​യു​ള്ള വി​ക​സ​നം ടൂ​റി​സം രം​ഗ​ത്തെ കേ​ന്ദ്രീ​ക​രി​ച്ചാ​ണെ​ന്ന പ്ര​ഖ്യാ​പ​ന​ത്തി​ന് വ​ർ​ഷ​ങ്ങ​ൾ പ​ഴ​ക്ക​മു​െണ്ട​ങ്കി​ലും,സ​ർ​ക്കാ​ർ ഈ ​മേ​ഖ​ല​യി​ൽ എ​ത്ര​ത്തോ​ളം മു​ന്നേ​റി​യെ​ന്ന​ത് ചോ​ദ്യ​ചി​ഹ്ന​മാ​യി അ​വ​ശേ​ഷി​ക്കു​ക​യാ​ണ്. പൗ​രാ​ണി​ക ന​ഗ​ര​മാ​യ പൊ​ന്നാ​നി​യി​ൽ പൈ​തൃ​ക ടൂ​റി​സം വി​ക​സി​പ്പി​ക്കു​ന്ന​തി​നോ​ടൊ​പ്പം സ​ഞ്ചാ​രി​ക​ളെ ആ​ക​ർ​ഷി​ക്കാ​നു​ള്ള പു​തി​യ പ​ദ്ധ​തി​ക​ൾ​ക്കും രൂ​പം ന​ൽ​ക​ണ​മെ​ന്ന ആ​വ​ശ്യ​മാ​ണ് ഉ​യ​ർ​ന്നി​രു​ന്ന​ത്. സം​സ്ഥാ​ന​ത്തെ 20 ടൂ​റി​സം ഡെ​സ്റ്റി​നേ​ഷ​നു​ക​ളി​ൽ ഒ​ന്നാ​യി പൊ​ന്നാ​നി ഇ​ടം​നേ​ടി‌​യെ​ങ്കി​ലും, ടൂ​റി​സം പ​ദ്ധ​തി​ക​ൾ വി​ഭാ​വ​നം ചെ​യ്യു​ന്ന​തി​ലെ താ​മ​സം പൊ​ന്നാ​നി​യു​ടെ ടൂ​റി​സം സാ​ധ്യ​ത​ക​ളെ പി​ന്നോ​ട്ട​ടി​ക്കു​ക​യാ​ണ്.

പൊ​ന്നാ​നി​യു​ടെ​യും വ​ന്നേ​രി​നാ​ട് അ​ട​ങ്ങു​ന്ന വ​ള്ളു​വ​നാ​ടി​ന്റെ​യും ക​ലാ​സാം​സ്കാ​രി​ക പൈ​തൃ​കം പു​തു​ത​ല​മു​റ​ക്ക് അ​നു​ഭ​വ​വേ​ദ്യ​മാ​ക്കാ​ൻ ഒ​രു​ക്കു​ന്ന നി​ള ഹെ​റി​റ്റേ​ജ് മ്യൂ​സി​യം നി​ർ​മാ​ണ​മാ​രം​ഭി​ച്ച​ത് 2016 ലാ​ണ്. ര​ണ്ട​ര വ​ർ​ഷം കൊ​ണ്ട് നി​ർ​മാ​ണം പൂ​ർ​ത്തീ​ക​രി​ക്കു​മെ​ന്നാ​യി​രു​ന്നു ആ​ദ്യ വാ​ഗ്ദാ​നം. പി​ന്നീ​ട് 2020 കേ​ര​ള​പ്പി​റ​വി ദി​ന​ത്തി​ൽ ഉ​ദ്ഘാ​ട​നം ചെ​യ്യു​മെ​ന്ന വാ​ഗ്ദാ​ന​മാ​യി. മു​ൻ എം.​എ​ൽ.​എ​യും സ്പീ​ക്ക​റു​മാ​യ പി. ​ശ്രീ​രാ​മ​കൃ​ഷ്ണ​ൻ പ​ല ത​വ​ണ പ​റ​ഞ്ഞു ഉ​ദ്ഘാ​ട​നം ഉ​ട​നു​ണ്ടാ​കു​മെ​ന്ന്. നി​ല​വി​ലെ എം.​എ​ൽ.​എ പി. ​ന​ന്ദ​കു​മാ​റും നി​ർ​മാ​ണം ഉ​ട​ൻ പൂ​ർ​ത്തി​യാ​ക്കു​മെ​ന്ന് വാ​ഗ്ദാ​നം ന​ൽ​കി. ഇ​തി​നി​ടെ ഒ​രു വ​ർ​ഷം മു​മ്പ് സ്ഥ​ലം സ​ന്ദ​ർ​ശി​ച്ച ടൂ​റി​സം മ​ന്ത്രി റി​യാ​സും കേ​ര​ള​പ്പി​റ​വി ദി​ന​ത്തി​ൽ പൈ​തൃ​ക മ്യൂ​സി​യം നാ​ടി​ന് സ​മ​ർ​പ്പി​ക്കു​മെ​ന്ന് ഉ​റ​പ്പ് ന​ൽ​കി.

എ​ന്നാ​ൽ ഉ​റ​പ്പു​ക​ളെ​ല്ലാം വെ​ള്ള​ത്തി​ൽ വ​ര​ച്ച വ​ര​യാ​യി. നി​ള പൈ​തൃ​ക മ്യൂ​സി​യ​ത്തി​ന്റെ മെ​ല്ലെ​പ്പോ​ക്കി​ൽ എം.​എ​ൽ.​എ ഉ​ദ്യോ​ഗ​സ്ഥ​രെ പ​ഴി​ചാ​രി​യെ​ങ്കി​ലും തു​ട​ർ​പ്ര​വ​ർ​ത്ത​ന​ങ്ങ​ൾ​ക്കു​ള്ള ന​ട​പ​ടി ഒ​ന്നു​മാ​യി​ല്ല. പ​ദ്ധ​തി​യി​ൽ പ​ല​പ്പോ​ഴാ​യി മാ​റ്റ​ങ്ങ​ൾ വ​രു​ത്തി​യ​താ​ണ് കാ​ല​താ​മ​സ​ത്തി​നി​ട​യാ​ക്കി​യ​ത്. ഇ​റി​ഗേ​ഷ​ൻ വ​കു​പ്പി​ന്റെ ഭൂ​മി വി​ട്ടു​കി​ട്ടാ​നു​ള്ള ക​ട​മ്പ​യും മ​റി​ക​ട​ക്കാ​നാ​യി​ട്ടി​ല്ല. സ്പീ​ക്ക​റു​ടെ എം.​എ​ൽ.​എ ആ​സ്തി വി​ക​സ​ന​ഫ​ണ്ടി​ല്‍നി​ന്ന് ര​ണ്ട​ര കോ​ടി​യും ടൂ​റി​സം വ​കു​പ്പി​ല്‍നി​ന്ന് അ​ഞ്ച​ര കോ​ടി​യും ചെ​ല​വ​ഴി​ച്ചാ​ണ് മ്യൂ​സി​യം നി​ര്‍മി​ച്ച​ത്. 2016 ലാ​ണ് നി​ർ​മാ​ണം ആ​രം​ഭി​ച്ച​ത്. ഇ​പ്പോ​ൾ നി​ർ​മാ​ണം എ​ന്ന് പൂ​ർ​ത്തീ​ക​രി​ക്കു​മെ​ന്ന് നി​ർ​മാ​ണ ക​മ്പ​നി​യാ​യ ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്റ്റി​ങ് സൊ​സൈ​റ്റി​ക്കും ഉ​റ​പ്പി​ല്ലാ​ത്ത സ്ഥി​തി​യാ​ണ്. ഖ​വ്വാ​ലി കോ​ർ​ണ​റി​നാ​യി പ​ഴ​യ കാ​ല പാ​യ്ക്ക​പ്പ​ൽ മാ​തൃ​ക സൃ​ഷ്ടി​ച്ചെ​ങ്കി​ലും, തു​രു​മ്പെ​ടു​ത്ത് ന​ശി​ക്കു​ക​യാ​ണ്.

(തുടരും)