Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTravelchevron_rightTravel Newschevron_rightലോക്​ഡൗണിന്​​ ശേഷം...

ലോക്​ഡൗണിന്​​ ശേഷം ഗോവയിലേക്കാണോ യാത്ര? എങ്കിൽ ഇക്കാര്യങ്ങൾ ശ്രദ്ധിക്കണം

text_fields
bookmark_border
ലോക്​ഡൗണിന്​​ ശേഷം ഗോവയിലേക്കാണോ യാത്ര? എങ്കിൽ ഇക്കാര്യങ്ങൾ ശ്രദ്ധിക്കണം
cancel

പനാജി: കോവിഡ്​ ലോക്​ഡൗണിന്​ ശേഷം വിനോദസഞ്ചാരികൾക്കായി തുറന്നിരിക്കുകയാണ്​ ഗോവ. ലോക്​ഡൗണിന്​ ശേഷം നിങ്ങളുടെ ആദ്യ യാത്ര ഗോവയിലേക്കാണെങ്കിൽ ചില കാര്യങ്ങൾ പ്രത്യേകം ശ്രദ്ധിക്കണം. ഗോവയിലെ പുതിയ ടുറിസം നയത്തിൽ രണ്ട്​ കാര്യങ്ങൾക്ക്​ കർശന നിയന്ത്രണമുണ്ടാകുമെന്ന്​ വിനോദസഞ്ചാര വകുപ്പ്​ മന്ത്രി മനോഹർ അജ്​ഗാനോകർ പറയുന്നത്​.

വഴിയരികിൽ ഭക്ഷണം പാകം ചെയ്യുന്നതിനും മയക്കുമരുന്നുകൾ ഉപയോഗിക്കുന്നതിനുമായിരിക്കും കർശന നിയ​ന്ത്രണം. ഗോവയുടെ പ്രകൃതിഭംഗി സംരക്ഷിക്കുന്നതിനാണ്​ പുതിയ വിനോദസഞ്ചാര നയത്തിൽ ഊന്നൽ നൽകുന്നതെന്നും മന്ത്രി പറഞ്ഞു. ഗോവയുടെ പ്രകൃതിസൗന്ദര്യം ജനങ്ങൾക്ക്​ മുന്നിൽ തുറന്നിടുന്നതിനാണ്​ ഇപ്പോൾ മുൻഗണന നൽകുന്നതെന്നും അദ്ദേഹം വ്യക്​തമാക്കി.

യാത്രികരെ ഞങ്ങൾക്ക്​ വേണം. പക്ഷേ മയക്കുമരുന്നുകൾ വേണ്ട. വഴിയരികിലിരുന്ന ഭക്ഷണം പാകം ചെയ്യുന്ന സഞ്ചാരികളേയും തങ്ങൾക്ക്​ ആവശ്യമില്ലെന്ന്​ അദ്ദേഹം പറഞ്ഞു.

ഗോവയിലെത്തുന്ന ബജറ്റ്​ യാത്രികരിൽ ഒരു വിഭാഗം വലിയ വാഹനങ്ങളിലെത്തി വഴിയോരത്തിരുന്ന്​ ഭക്ഷണം പാകം ചെയ്യുന്നത്​ പതിവാണ്​. ഈ പ്രവണതയെ എതിർത്തും അനുകൂലിച്ചും ഗോവയിലെ നിയമസഭാ അംഗങ്ങൾ രംഗത്തെത്തിയിരുന്നു.

Show Full Article
TAGS:goa Tourism policy 
Web Title - Goa: Ban imposed on drug-consuming tourists and cooking in public places
Next Story