ആകാശത്ത്​ പോയി സൂപ്പർമൂൺ കാണാം; വിമാന ടിക്കറ്റുകൾ വിറ്റഴിഞ്ഞത്​ രണ്ടര മിനിറ്റിൽ

മെയ് 26ന് നടക്കുന്ന അപൂർവ സൂപ്പർമൂണും ചന്ദ്രഗ്രഹണവും കാണാൻ വിമാന സർവിസുമായി ആസ്​ട്രേലിയയിലെ ക്വാണ്ടാസ്​ എയർലൈൻസ്​. സിഡ്‌നിയിൽനിന്നാണ്​ രാത്രി ആകാശത്തിലൂടെ രണ്ടര മണിക്കൂർ സൂപ്പർ മൂൺ കാണാനായി പറക്കുക. ബോയിംഗ് 787 ഡ്രീംലൈനറിലാകും​ യാത്ര.

2021ലെ രണ്ടാമത്തെയും അവസാനത്തെയും സൂപ്പർമൂണും ചന്ദ്രഗ്രഹണവും കാണാൻ ക്വാണ്ടാസ് എയർലൈൻസ് പ്രത്യേക വിമാന സർവിസ്​ പ്രഖാപിച്ചത്​ ഇൗ ആഴ്​ച ആദ്യമാണ്​. പിന്നീടുള്ള ദിവസങ്ങളിൽ ഇതി​െൻറ ടിക്കറ്റിനായി ആളുകൾ കാത്തിരിക്കുകയായിരുന്നു. ഓൺലൈനിൽ ടിക്കറ്റ് പോർട്ടൽ തുറന്ന ഉടൻ തന്നെ എല്ലാ ടിക്കറ്റുകളും രണ്ടര മിനിറ്റിനുള്ളിൽ വിറ്റുപോയി. ഇക്കോണമി 28,300 രൂപ, പ്രീമിയം ഇക്കോണമി-ക്ലാസ്​ 51,000 രൂപ, ബിസിനസ് ക്ലാസ്​ 85,000 രൂപ എന്നിങ്ങനെയായിരുന്നു നിരക്ക്​.

വിമാനത്തിലെ യാത്രക്കാർക്ക് 'കോസ്മിക് കോക്ടെയിലുകൾ', 'സൂപ്പർമൂൺ കേക്കുകൾ' എന്നിവയും ഗിഫ്​റ്റുകളും സർട്ടിഫിക്കറ്റും സമ്മാനിക്കുമെന്ന്​ ക്വാണ്ടാസ് അറിയിച്ചു. കൂടാതെ പ്രശസ്​ത ജ്യോതിശാസ്ത്രജ്ഞ വനേസ മോസി​െൻറ ഇൻ-ഫ്ലൈറ്റ് കമൻററിയും ലഭ്യമാകും.

സിഡ്നിയിൽനിന്ന് പറന്നുയരുന്ന വിമാനം പസഫിക് സമുദ്രത്തിന് മുകളിലൂടെ 40,000 മുതൽ 43,000 അടി വരെ ഉയരത്തിലൂടെയാകും സഞ്ചരിക്കുക. ഇവിടെ മറ്റു പ്രകാശങ്ങൾ ഒന്നുമില്ലാത്തതിനാൽ സൂപ്പർമൂൺ ഏറെ ഭംഗിയോടെ ആസ്വദിക്കാനാകും.

ചന്ദ്രൻ ഭൂമിയോട് അടുത്തുവരു​േമ്പാഴാണ്​ സൂപ്പർമൂണുകൾ സംഭവിക്കുന്നത്​. മേയ് 26ന് ചന്ദ്രൻ മണിക്കൂറുകളോളം ഭൂമിയുടെ നിഴലിലൂടെ കടന്നുപോകുമെന്ന്​ നാസ പറയുന്നു. ഇത് ചന്ദ്രന് ചുവപ്പ് നിറം നൽകും. ഏപ്രിൽ 27ലെ 'പിങ്ക്' സൂപ്പർമൂണിന് ശേഷം 2021ലെ രണ്ടാമത്തെയും അവസാനത്തെയും സൂപ്പർമൂണാകും ഇത്.