ഗവി വീണ്ടും തുറന്നു; സഞ്ചാരികൾക്കായി

ചി​റ്റാ​ർ: കോ​വി​ഡ്‌ കാ​ര​ണം മാ​സ​ങ്ങ​ൾ നീ​ണ്ട അ​വ​ധി​ക്കു​ശേ​ഷം ഗ​വി വി​നോ​ദ​സ​ഞ്ചാ​ര മേ​ഖ​ല സ​ഞ്ചാ​രി​ക​ൾ​ക്കാ​യി വീ​ണ്ടും തു​റ​ന്നു. കോ​ട​മ​ഞ്ഞി​ൽ കു​ളി​ച്ചു​നി​ൽ​ക്കു​ന്ന ഗ​വി കാ​ണാ​ൻ ഓ​ണ അ​വ​ധി​യി​ൽ സ​ഞ്ചാ​രി​ക​ളു​ടെ ഒ​ഴു​ക്ക് തു​ട​ങ്ങി. കോ​വി​ഡ് മാ​ന​ദ​ണ്ഡ​ങ്ങ​ൾ​ക്ക് വി​ധേ​യ​മാ​യാ​ണ് ഗ​വി ഇ​ക്കോ ടൂ​റി​സം വ​നം വ​കു​പ്പ് തു​റ​ന്നു​ന​ൽ​കി​യ​ത്.

ഓ​ൺ​ലൈ​ൻ വ​ഴി ബു​ക്ക്ചെ​യ്ത വാ​ഹ​ന​ങ്ങ​ളാ​ണ് ആ​ങ്ങ​മൂ​ഴി കൊ​ച്ചാ​ണ്ടി ചെ​ക്ക്പോ​സ്​​റ്റു വ​ഴി ക​ട​ത്തി​വി​ടു​ന്ന​ത്. ഒ​രാ​ൾ​ക്ക് 60 രൂ​പ​യും വി​ദേ​ശി​ക​ൾ​ക്ക് 120 രൂ​പ​യു​മാ​ണ് പ്ര​വേ​ശ​ന ഫീ​സ്. ആ​ദ്യം ര​ജി​സ്​​റ്റ​ർ ചെ​യ്യു​ന്ന 30 വാ​ഹ​ന​ങ്ങ​ൾ​ക്ക്‌ പോ​കാ​ൻ അ​നു​മ​തി ല​ഭി​ക്കും.

ഓ​ൺ​ലൈ​ൻ വ​ഴി ബു​ക്ക് ചെ​യ്യു​ന്ന​വ​ർ ആ​ങ്ങ​മൂ​ഴി ഗൂ​ഡ്രി​ക്ക​ൽ ഫോ​റ​സ്​​റ്റ്​ റേ​ഞ്ച്‌ ഓ​ഫി​സി​ൽ രാ​വി​ലെ എ​ട്ടി​ന്‌ ടി​ക്ക​റ്റ് വാ​ങ്ങി വേ​ണം യാ​ത്ര ആ​രം​ഭി​ക്കാ​ൻ. ആ​ങ്ങ​മൂ​ഴി​യി​ൽ​നി​ന്ന് ഗ​വി​യി​ലേ​ക്ക് കി​ളി​യെ​റി​ഞ്ഞാം​ക​ല്ലി​ൽ വ​നം വ​കു​പ്പി​െൻറ ചെ​ക്ക്‌​പോ​സ്​​റ്റ്​ ക​ട​ന്നു​പോ​ക​ണം. കേ​ര​ള വ​നം വി​ക​സ​ന കോ​ർ​പ​റേ​ഷ​ൻ സ​ഞ്ചാ​രി​ക​ൾ​ക്ക് സൗ​ക​ര്യ​മൊ​രു​ക്കു​ന്നു​ണ്ട്.

വ​ണ്ടി​പ്പെ​രി​യാ​ർ വ​ഴി വ​രു​ന്ന​വ​ർ​ക്ക്‌ രാ​വി​ലെ ഏ​ഴു മു​ത​ൽ വൈ​കീ​ട്ട് 4.30 വ​രെ ഗ​വി​യി​ൽ ചെ​ല​വ​ഴി​ക്കാം. പ​രി​ശീ​ല​നം ല​ഭി​ച്ച ഇ​ക്കോ ടൂ​റി​സ​ത്തി​ലെ ഗൈ​ഡി​െൻറ സേ​വ​നം, ഗ​വി ഡാ​മി​ൽ ബോ​ട്ടി​ങ്‌, സു​ര​ക്ഷി​ത മേ​ഖ​ല​ക​ളി​ൽ ട്ര​ക്കി​ങ്‌, സൈ​ക്ലി​ങ്‌, മൂ​ട​ൽ​മ​ഞ്ഞു പു​ത​ച്ചു കി​ട​ക്കു​ന്ന ചെ​ന്താ​മ​ര​ക്കൊ​ക്ക, ശ​ബ​രി​മ​ല വ്യൂ ​പോ​യ​ൻ​റ്, ഏ​ല​ത്തോ​ട്ടം സ​ന്ദ​ർ​ശ​നം എ​ന്നി​വ​യ​ട​ക്കം പ്ര​ത്യേ​ക പാ​ക്കേ​ജാ​ണ്. ഇ​തി​ൽ പ്ര​ഭാ​ത​ഭ​ക്ഷ​ണം, ഉ​ച്ച​യൂ​ണ്, വൈ​കു​ന്നേ​ര​ത്തെ ചാ​യ എ​ന്നി​വ​യും ല​ഭി​ക്കും.

രാ​ത്രി​കാ​ല താ​മ​സം ആ​ഗ്ര​ഹി​ക്കു​ന്ന​വ​ർ​ക്ക് ഒ​രു ദി​വ​സം പ​ക​ൽ ര​ണ്ടു മു​ത​ൽ പി​റ്റേ​ന്ന് ര​ണ്ടു വ​രെ ഗ​വി​യി​ൽ ത​ങ്ങാ​നു​ള്ള പാ​ക്കേ​ജു​മു​ണ്ട്. രാ​വി​ലെ വ​ന​ത്തി​ലൂ​ടെ വാ​ഹ​ന​സ​വാ​രി​ക്കും അ​വ​സ​രം കി​ട്ടും. രാ​ത്രി വ​ന​ത്തി​നു​ള്ളി​ൽ ക്യാ​മ്പ് ചെ​യ്യാ​ൻ സു​ര​ക്ഷി​ത​മാ​യ ടെൻറ​ു​ക​ൾ സ്ഥാ​പി​ച്ചും സൗ​ക​ര്യ​മൊ​രു​ക്കും. രാ​ത്രി​യു​ടെ നി​ശ്ശ​ബ്​​ദ​ത​യി​ൽ വ​ന്യ​ജീ​വി​ക​ളു​ടെ സാ​ന്നി​ധ്യം ശ​ബ്​​ദ​മാ​യും ഗ​ന്ധ​മാ​യും കാ​ഴ്ച​യാ​യും ചു​റ്റു​മെ​ത്തു​ന്ന​ത് അ​റി​യാ​നാ​വും.

സീ​ത​ത്തോ​ടു പ​ഞ്ചാ​യ​ത്തി​ൽ പെ​ടു​ന്ന ഗ​വി​യി​ൽ 100 കി​ലോ​മീ​റ്റ​റോ​ളം വ​ന​ത്തി​ലൂ​ടെ​യു​ള്ള യാ​ത്ര ന​വ്യാ​നു​ഭൂ​തി പ​ക​രും. പെ​രി​യാ​ർ ക​ടു​വ സ​ങ്കേ​ത​ത്തി​െൻറ സം​ര​ക്ഷി​ത മേ​ഖ​ല കൂ​ടി​യാ​ണി​വി​ടം. ഇ​ടു​ക്കി ജി​ല്ല​യു​മാ​യി ചേ​ർ​ന്നു കി​ട​ക്കു​ന്ന പ്ര​ദേ​ശം. കാ​ട്ടാ​ന​യു​ടെ​യും കാ​ട്ടു​പോ​ത്തി​െൻറ​യും കൂ​ട്ടം റോ​ഡി​ലെ നി​ത്യ കാ​ഴ്ച. ക​ടു​വ, പു​ലി, ആ​ന, മ്ലാ​വ്, കേ​ഴ, കാ​ട്ടു​പൂ​ച്ച, മ​ല​യ​ണ്ണാ​ൻ, കു​ര​ങ്ങ്, സിം​ഹ​വാ​ല​ൻ​കു​ര​ങ്ങ് തു​ട​ങ്ങി​യ മൃ​ഗ​ങ്ങ​ളെ​യും പൊ​ൻ​മാ​ൻ, മ​രം​കൊ​ത്തി തു​ട​ങ്ങി വി​വി​ധ ത​ര​ത്തി​ലു​ള്ള പ​ക്ഷി​ക​ളെ​യു​മാ​ണ് കാ​ണാ​ൻ ക​ഴി​യു​ന്ന​ത്.

സ​ഞ്ചാ​രി​ക​ളെ കാ​ത്ത്‌ ആ​ങ്ങ​മൂ​ഴി കി​ളി​യെ​റി​ഞ്ഞാം​ക​ല്ലി​നു സ​മീ​പം ക​ക്കാ​ട്ടാ​റി​ൽ കു​ട്ട​വ​ഞ്ചി സ​വാ​രി​യു​ണ്ട്‌. ഇ​ത്‌ ബു​ധ​നാ​ഴ്ച പു​ന​രാ​രം​ഭി​ക്കും. സീ​ത​ത്തോ​ട് പ​ഞ്ചാ​യ​ത്തി​െൻറ ഉ​ട​മ​സ്ഥ​ത​യി​ലു​ള്ള കു​ട്ട​വ​ഞ്ചി സ​വാ​രി​ക്ക്‌ പാ​സു​ണ്ട്‌. 16 കു​ട്ട​വ​ഞ്ചി​ക​ളാ​ണ് ഒ​രു​ക്കി​യി​ട്ടു​ള്ള​ത്. ബു​ക്കി​ങ്ങി​ന്‌: www.kfdcecotourism.com