Begin typing your search above and press return to search.
proflie-avatar
Login
exit_to_app
exit_to_app
france
cancel
Homechevron_rightTravelchevron_rightTravel Newschevron_rightസ്​പെയിനിന്​ പിറകെ...

സ്​പെയിനിന്​ പിറകെ ഫ്രാൻസും; വാക്​സിനെടുത്ത സഞ്ചാരികളെ വ​രവേറ്റ്​ യൂറോപ്പ്​

text_fields
bookmark_border

രണ്ട്​ ഡോസ്​ വാക്​സിനെടുത്ത വിദേശ സഞ്ചാരികളെ വരവേറ്റ്​ ഫ്രാൻസ്​. നിയന്ത്രണങ്ങളോടെയാണ്​ സഞ്ചാരികൾക്ക്​ പ്രവേശനം അനുവദിക്കുന്നത്​. രാജ്യത്തേക്ക്​ വരുന്നവർ കോവിഡ്​ വാക്സിനേഷൻെറ സർട്ടിഫിക്കറ്റ്​ ഹാജരാക്കണം. അംഗീകൃത വാക്‌സിനുകളായ ഫൈസർ, മോഡേണ, അസ്ട്രസെനെക, ജോൺസൺ ആൻഡ് ജോൺസൺ തുടങ്ങിയവ എടുത്തവർക്കാണ്​ പ്രവേശനം സാധ്യമാകുക. കൂടാതെ രണ്ടാമത്തെ ഡോസ്​ എടുത്ത്​ രണ്ടാഴ്​ച കഴിഞ്ഞിട്ട്​ മാത്രമേ യാത്ര അനുവദിക്കൂ.

ഫ്രാൻസിലെ യു.എസ് എംബസി നൽകിയ അറിയിപ്പ്​ പ്രകാരം, പൂർണമായി പ്രതിരോധ കുത്തിവെപ്പ്​ എടുത്ത യു.എസ് പൗരന്മാർക്കും 11 വയസ്സിന് താഴെയുള്ള കുട്ടികൾക്കും ക്വാറ​ൈൻറൻ ആവശ്യമില്ലാതെ തന്നെ ഫ്രാൻസിലേക്ക് വരാം. അതേസമയം, യു.എസ് ഇപ്പോഴും ഓറഞ്ച് പട്ടികയിലുള്ളതിനാൽ യാത്രക്കാർ 72 മണിക്കൂറിൽ കൂടാത്ത നെഗറ്റീവ് കോവിഡ്​ പരിശോധനാ ഫലം ഹാജരാക്കണം.

ലോക്​ഡൗണിന്​ ശേഷം രാജ്യം വീണ്ടും തുറക്കു​​േമ്പാൾ ജാഗ്രത പാലിക്കാൻ ഫ്രഞ്ച് പ്രസിഡൻറ്​ ഇമ്മാനുവൽ മാക്രോൺ ജനങ്ങളോട് ആവശ്യപ്പെട്ടിട്ടുണ്ട്​. 'ഒരു പുതിയ ചുവടുവെപ്പാണ്​ നമ്മൾ നടത്തുന്നത്​. രാജ്യത്തുടനീളം ജീവിതം പുനരാരംഭിക്കും. നമ്മുടെ സംസ്​കാരം, ജീവിത കലകൾ എന്നിവയെല്ലാം വീണ്ടും പരിചയപ്പെടാൻ പോവുകയാണ്​' -മാക്രോൺ ട്വീറ്റ്​ ചെയ്​തു.

പ്രശസ്​തമായ ലൂവർ മ്യൂസിയം പോലുള്ള സാംസ്കാരിക കേന്ദ്രങ്ങൾ ഫ്രാൻസ് ഇതിനകം നിയന്ത്രണങ്ങളോടെ തുറന്നിട്ടുണ്ട്​. ബാറുകളിലും റെസ്റ്റോറൻറുകളിലും ഇരുന്ന്​ കഴിക്കാൻ അനുമതിയുണ്ട്​. കർഫ്യൂ സമയം രാത്രി 11 ആയി ഉയർത്തി. ഇനി കോവിഡ്​ കേസുകളിൽ വർധനവ് ഇല്ലെങ്കിൽ, ജൂൺ 30നകം ഫ്രാൻസ് കൂടുതൽ നിയന്ത്രണങ്ങൾ ഒഴിവാക്കും.

കഴിഞ്ഞദിവസം സ്​പെയിനും വാക്​സിനെടുത്ത സഞ്ചാരികൾക്ക്​ പ്രവേശനം നൽകാൻ തുടങ്ങിയിട്ടുണ്ട്​. എല്ലാ രാജ്യത്ത്​ നിന്നുമുള്ള സഞ്ചാരികൾ എത്തുന്നതോടെ ടൂറിസം രംഗത്ത്​ ഉണർവുണ്ടാകുമെന്നും അതുവഴി സമ്പദ്​വ്യവസ്ഥ മെച്ചപ്പെടുമെന്നുമാണ്​ സ്​പെയിനിൻെറ പ്രതീക്ഷ.

സ്​പെയിനിലെത്തുന്ന വാക്​സിനെടുക്കാത്ത യുറോപ്യൻ സഞ്ചാരികൾക്ക്​ 72 മണിക്കൂർ മുമ്പുള്ള ആർ.ടി.പി.സി.ആർ നെഗറ്റീവ്​ സർട്ടിഫിക്കറ്റ്​ ഉപയോഗിച്ചും രാജ്യത്ത്​ പ്രവേശിക്കാം. ക്രൂയിസ്​ ബോട്ടുകളുടെ സർവിസും വൈകാതെ തുടങ്ങും. മാൽഗ എയർപോർട്ടിലേക്ക്​ യുറോപ്പിലെ വിവിധ രാജ്യങ്ങളിൽ നിന്നും സഞ്ചാരികളെത്തുമെന്നാണ്​ റിപ്പോർട്ട്​.

വിനോദസഞ്ചാര മേഖലയെ ആശ്രയിച്ചാണ്​ സ്​പെയിൻ സമ്പദ്​വ്യവസ്ഥയുടെ നിലനിൽപ്പ്​. അതുകൊണ്ട്​ വീണ്ടും സഞ്ചാരികളെത്തുന്നത്​ രാജ്യത്തിന്​ ഗുണകരമാവുമെന്നാണ്​ സർക്കാറി​െൻറ പ്രതീക്ഷ. ഇത്​ കൂടാതെ ഇറ്റലി, ഗ്രീസ്​, പോർചുഗൽ, നെതർലാൻഡ്​സ്​ തുടങ്ങിയ രാജ്യങ്ങളും ടൂറിസ്​റ്റുകളെ വരവേൽക്കാൻ തുടങ്ങിയിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:FranceEuropeSpaincovid19
News Summary - France behind Spain; Europe welcomes vaccinated travelers
Next Story