തേക്കടിയിൽ വനം വകുപ്പ്​ ചെലവിടുന്നത്​ ലക്ഷങ്ങൾ; ആർക്കും പ്രയോജനം ഇല്ലാതെ പദ്ധതികൾ

കു​മ​ളി: സ​ർ​ക്കാ​ർ ന​ൽ​കു​ന്ന ഫ​ണ്ടു​ക​ൾ എ​ങ്ങ​നെ പ്ര​യോ​ജ​ന​ര​ഹി​ത​മാ​യി ചെ​ല​വ​ഴി​ക്കു​ന്നു എ​ന്ന​റി​യ​ണ​മെ​ങ്കി​ൽ തേ​ക്ക​ടി​യി​ലെ​ത്തി​യാ​ൽ മ​തി. വി​നോ​ദ​സ​ഞ്ചാ​രി​ക​ൾ​ക്കെ​ന്ന പേ​രി​ൽ ല​ക്ഷ​ങ്ങ​ൾ ചെ​ല​വ​ഴി​ച്ച് ചി​ല ഉ​ന്ന​ത വ​ന​പാ​ല​ക​ർ നി​ർ​മി​ച്ചു 'കാ​ഴ്ച'​വെ​ക്കു​ന്ന കെ​ട്ടി​ട​ങ്ങ​ൾ ആ​ർ​ക്കും ഉ​പ​കാ​ര​മി​ല്ലാ​തെ വ​ർ​ഷ​ങ്ങ​ളാ​യി അ​ട​ച്ചു​പൂ​ട്ടി​ക്കി​ട​ക്കു​ന്ന​ത് കാ​ട്ടി​ലെ പ​തി​വ് കാ​ഴ്ച​യാ​ണ്.

സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ തേ​ക്ക​ടി പാ​ർ​ക്കി​ൽ നി​ർ​മി​ച്ച ആ​മ​ക്ക​ട കോ​വി​ഡി​നും മു​മ്പേ വ​ർ​ഷ​ങ്ങ​ളാ​യി അ​ട​ച്ചി​ട്ടി​രി​ക്കു​ന്നു. തേ​ക്ക​ടി​യി​ൽ വി​നോ​ദ സ​ഞ്ചാ​ര​വി​ക​സ​ന​ത്തി​നാ​യി ന​ൽ​കി​യ ഫ​ണ്ടും ഇ​ക്കോ ടൂ​റി​സം വ​ഴി സ​മാ​ഹ​രി​ച്ച തു​ക​യും ചെ​ല​വ​ഴി​ച്ചാ​ണ് വ​ർ​ഷ​ങ്ങ​ൾ​ക്ക് മു​മ്പ് ആ​മ​യു​ടെ രൂ​പ​ത്തി​ൽ ക​ട നി​ർ​മി​ച്ച​ത്.

ആ​മ​ക്ക​ട​വ​ഴി സ​ഞ്ചാ​രി​ക​ൾ​ക്ക് തേ​ക്ക​ടി, ക​ടു​വ സ​ങ്കേ​തം എ​ന്നി​വ സം​ബ​ന്ധി​ച്ച ബു​ക്കു​ക​ൾ, ചി​ത്ര​ങ്ങ​ൾ, ടീ​ഷ​ർ​ട്ടു​ക​ൾ, തേ​ൻ, മ​റ്റ് ക​ര​കൗ​ശ​ല വ​സ്തു​ക്ക​ൾ തു​ട​ങ്ങി ചാ​യ​യും കാ​പ്പി​യും കു​ടി​വെ​ള്ള​വും വ​രെ ന​ൽ​കി​യി​രു​ന്നു. ഇ​ത്, പി​ന്നീ​ട് മാ​റി​വ​ന്ന വ​ന​പാ​ല​ക​രു​ടെ താ​ൽ​പ​ര്യം അ​നു​സ​രി​ച്ച് ഒ​ന്നൊ​ന്നാ​യി ഇ​ല്ലാ​താ​ക്കി ഒ​ടു​വി​ൽ ക​ട​പൂ​ട്ടി ജീ​വ​ന​ക്കാ​രെ മ​റ്റു സ്ഥ​ല​ത്തേ​ക്ക് മാ​റ്റി.

ബോ​ട്ട്​ ലാ​ൻ​ഡി​ങ്ങി​നു​ സ​മീ​പ​ത്തെ പാ​ർ​ക്കി​നോ​ട് ചേ​ർ​ന്നാ​ണ് ആ​മ​ക്ക​ട നി​ർ​മി​ച്ച​ത്. ഇ​തോ​ടെ പാ​ർ​ക്ക് ആ​മ പാ​ർ​ക്കാ​യി, ഇ​വി​ടെ സ​ഞ്ചാ​രി​ക​ൾ​ക്കാ​യി ചി​ത്ര​പ്പ​ണി​ക​ൾ നി​റ​ഞ്ഞ ആ​ധു​നി​ക ശൗ​ചാ​ല​യ​വും ല​ക്ഷ​ങ്ങ​ൾ ചെ​ല​വി​ട്ട്​ നി​ർ​മി​ച്ചു. പ​ക്ഷേ, വ​ർ​ഷ​ങ്ങ​ൾ പി​ന്നി​ട്ടി​ട്ടും ശൗ​ചാ​ല​യം തു​റ​ക്കാ​ൻ അ​ധി​കൃ​ത​ർ​ക്കാ​യി​ല്ല.

അ​ട​ഞ്ഞു​കി​ട​ക്കു​ന്ന ഇ​രു​കെ​ട്ടി​ട​ങ്ങ​ളു​ടെ​യും അ​റ്റ​കു​റ്റ​പ്പ​ണി, പെ​യി​ന്‍റി​ങ്​ എ​ന്നി​വ​ക്കാ​യി വ​ർ​ഷം തോ​റും ല​ക്ഷ​ങ്ങ​ൾ വേ​റെ​യും ചെ​ല​വ​ഴി​ക്കു​ന്നു. തേ​ക്ക​ടി​യി​ൽ കാ​ട്ടി​ലെ പാ​ർ​ക്കി​ങ്​ വ​ന​മേ​ഖ​ല​ക്ക്​ പു​റ​ത്തേ​ക്ക് മാ​റ്റി​യ​തോ​ടെ ആ​മ പാ​ർ​ക്ക് പ്ര​ദേ​ശം ആ​ളൊ​ഴി​ഞ്ഞ സ്ഥ​ല​മാ​യി.

എ​ന്നാ​ൽ, ബോ​ട്ട്​ ലാ​ൻ​ഡി​ങ്ങി​ലേ​ക്ക് ന​ട​ന്നു​പോ​കു​ന്ന സ​ഞ്ചാ​രി​ക​ൾ, കെ.​ടി.​ഡി.​സി ഹോ​ട്ട​ലു​ക​ളി​ൽ താ​മ​സ​ത്തി​നെ​ത്തു​ന്ന സ​ഞ്ചാ​രി​ക​ൾ ഇ​വ​ർ​ക്കെ​ല്ലാം ആ​മ പാ​ർ​ക്ക് ഇ​പ്പോ​ഴും പ്രി​യ​പ്പെ​ട്ട​താ​ണ്. സ​ഞ്ചാ​രി​ക​ളു​മാ​യി ബോ​ട്ട്​ ലാ​ൻ​ഡി​ങ്ങി​ലേ​ക്ക്​ പോ​കു​ന്ന വാ​ഹ​ന​ങ്ങ​ൾ ആ​മ പാ​ർ​ക്ക് വ​രെ​യാ​ക്കി​യാ​ൽ കൂ​ടു​ത​ൽ പേ​ർ പാ​ർ​ക്കി​ൽ വി​ശ്ര​മ​ത്തി​നും മ​റ്റു​മാ​യി സ​മ​യം ചെ​ല​വ​ഴി​ക്കും.

ഇ​തോ​ടെ, പാ​ർ​ക്ക് വീ​ണ്ടും സ​ജീ​വ​മാ​കു​ക​യും ക​ട​യും ശൗ​ചാ​ല​യ​വു​മെ​ല്ലാം തു​റ​ന്ന് പ്ര​വ​ർ​ത്തി​ക്കാ​വു​ന്ന സ്ഥി​തി​യി​ലെ​ത്തു​ക​യും ചെ​യ്യും. എ​ന്നാ​ൽ, വ​ന​പാ​ല​ക​രു​ടെ താ​ൽ​പ​ര്യ​ക്കു​റ​വാ​ണ് ഇ​രു​കെ​ട്ടി​ട​വും വ​ർ​ഷ​ങ്ങ​ളാ​യി പൂ​ട്ടി ക്കി​ട​ക്കാ​ൻ കാ​ര​ണം.