Begin typing your search above and press return to search.
proflie-avatar
Login
exit_to_app
exit_to_app
goa beach
cancel
Homechevron_rightTravelchevron_rightTravel Newschevron_rightഗോവൻ ബീച്ചുകളിൽ...

ഗോവൻ ബീച്ചുകളിൽ മദ്യപാനം ഇനി ഹാനികരം; പിടിക്കപ്പെട്ടാൽ വലിയ വില നൽകേണ്ടി വരും

text_fields
bookmark_border

ഗോവൻ ബീച്ചുകളിൽ സഞ്ചാരികൾ മദ്യപിച്ച്​ കുപ്പികൾ അലക്ഷ്യമായി വലിച്ചെറിയുന്നത്​ പതിവായതോടെ നടപടിക്കൊരുങ്ങി അധികൃതർ. ബീച്ചുകളിൽ മദ്യപിച്ചാൽ 10,000 രൂപ വരെ പിഴ ചുമത്താൻ ഗോവ ടൂറിസം വകുപ്പ് തീരുമാനിച്ചു.

പുതുവത്സരാഘോഷത്തിന്​ ശേഷം നിരവധി ബീച്ചുകൾ മദ്യക്കുപ്പികളാൽ നിറഞ്ഞതോടെയാണ്​ പുതിയ നീക്കം. ബീച്ചുകളിൽ മദ്യപിക്കുന്നതിനെതിരെ ബോർഡുകൾ സ്ഥാപിച്ചുകഴിഞ്ഞു. മദ്യപിക്കുന്നത്​ കണ്ടെത്തിയാൽ വ്യക്​തിക്ക്​ 2000 രൂപ പിഴ ഈടാക്കും. അതേസമയം, ഒരുകൂട്ടം ആളുകൾ ചേർന്നാണ്​ മദ്യപിക്കുന്നതെങ്കിൽ 10,000 രൂപയാണ്​ പിഴ.


ഇത്തരക്കാർ വലിച്ചെറിയുന്ന കുപ്പികൾ പൊട്ടി സഞ്ചാരികൾക്ക്​ പരിക്കേൽക്കുന്നുണ്ട്​. ഇതിന്​ പരിഹാരം കാണാനാണ്​ പുതിയ നിയമം. മദ്യപിക്കുന്നവരെ നിയന്ത്രിക്കാൻ ടൂറിസ്റ്റ് പൊലീസ് സേനയുണ്ടാക്കാനാും സർക്കാർ ഒരുങ്ങുന്നുണ്ട്​.

ബീച്ചുകൾ ദിവസവും മൂന്ന്​ തവണ അധികൃതർ വൃത്തിയാക്കുന്നുണ്ട്​. എന്നാൽപോലും മണലിനിടയിൽ പൊട്ടിക്കിടക്കുന്ന കുപ്പിച്ചില്ലുകൾ പലപ്പോഴും കണ്ടെത്താൻ സാധിക്കാറില്ല. ബീച്ച് ശുചീകരണത്തിനായി ഗോവൻ സർക്കാർ ഓരോ വർഷവും 10 കോടി രൂപയാണ്​ ചെലവഴിക്കുന്നത്​.

നേരത്തെ മയക്കുമരുന്നുകൾ ഉപയോഗിക്കുന്നതിലും വഴിയരികിൽ ഭക്ഷണം പാകം ചെയ്യുന്നതിലും കർശന നിയ​ന്ത്രണം ഏർപ്പെടുത്തി ഗോവൻ സർക്കാർ ഉത്തരവിറക്കിയിരുന്നു. പുതിയ വിനോദ സഞ്ചാര നയത്തിൻെറ ഭാഗമായിട്ടായിരുന്നു തീരുമാനം. ഗോവയുടെ പ്രകൃതിഭംഗി സംരക്ഷിക്കാനാണ്​ പുതിയ വിനോദസഞ്ചാര നയത്തിൽ ഊന്നൽ നൽകുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:beachdrinkinggoa
News Summary - Drinking on goan beaches to attract INR 10000 fine
Next Story