ദേശീയ ഉദ്യാനത്തിൽ ചിക്കൻ പാചകം ചെയ്​തു; സഞ്ചാരിക്ക്​ വൻപിഴയും രണ്ട്​ വർഷത്തെ വിലക്കും

യാത്ര പോകു​േമ്പാൾ സ്വന്തമായി പാകം ചെയ്​ത്​ ഭക്ഷണം കഴിക്കുക എന്നത്​ പലരുടെയും വിനോദമാണ്​. പ്രകൃതിരമണീയമായ സ്​ഥലത്ത്​ വാഹനം നിർത്തി അടുപ്പെല്ലാം കൂട്ടി ചിക്കൻ ബാർബിക്യുവെല്ലാം ഒരുക്കുന്നത്​ ആലോചിക്കു​േമ്പാൾ തന്നെ പലരുടെയും നാവിൽ വെള്ളമൂറും. എന്നാൽ, ചില സ്​ഥലങ്ങളിൽ ഇത്തരത്തിലെ പാചകം പണി തരാൻ സാധ്യതയുണ്ട്​. ഇൗയിടെയാണ്​ ഗോവയിൽ വഴിയോരത്തെ പാചകം സർക്കാർ നിരോധിച്ചത്​.

പല സ്​ഥലങ്ങളിലും ഇതുപോലെ നിരോധനമുണ്ട്​. നിരോധിത സ്​ഥലത്ത്​ ഭക്ഷണം പാകം ചെയ്​തതിന്​ പണി കിട്ടിയിരിക്കുകയാണ്​ അമേരിക്കയിലെ സഞ്ചാരിക്ക്​. ദേശീയ ഉദ്യാനത്തിൽ ചിക്കൻ പാചകം ​ചെയ്​തതിന്​​ പിഴയും രണ്ട്​ വർഷത്തെ വിലക്കുമാണ്​ ഏർപ്പെടുത്തിയിരിക്കുന്നത്​. അമേരിക്കയിലെ യെല്ലോസ്​റ്റോൺ നാഷണൽ പാർക്കിലാണ്​ സംഭവം. ഇദാഹോയിൽനിന്ന്​ വന്ന 10 അംഗ സംഘത്തിലുണ്ടായിരുന്നയാളാണ്​ ഭക്ഷണം പാകം ചെയ്​തത്​. ദേശീയ ഉദ്യാനത്തിലെ ഷോസോൺ ഗീസർ ബേസിനിലാണ്​ ഇയാൾ ​അനധികൃതമായി പ്രവേശിച്ചത്​. ചൂടു നീരുറവ പ്രവഹിക്കുന്ന ഇൗ ഭാഗത്ത്​ സഞ്ചാരികൾക്ക്​ വിലക്കുണ്ട്​.

ഭക്ഷണം പാകം ചെയ്യുന്നത്​ കണ്ട നാട്ടുകാർ അധികൃതരെ വിവരം അറിയിക്കുകയായിരുന്നു. ഇവരെത്തു​േമ്പാൾ രണ്ട്​ കോഴികളെ ചൂട്​ നീരുറവയിൽ മുക്കിയതായാണ്​ കണ്ടത്​. ഇതിനടുത്ത്​ തന്നെ പാചകം ചെയ്യാനുള്ള പാത്രവുമുണ്ടായിരുന്നു. കുറ്റം സമ്മതിച്ച ഇയാൾക്ക്​ 600 ഡോളർ (44,377.92 രൂപ) പിഴ ചുമത്തി. കൂടാതെ, രണ്ട് വർഷം പാർക്കിൽ പ്രവേശിക്കുന്നതിന്​ വിലക്കുകയും അത്രയും കാലം നല്ലനടപ്പിന്​ നിർദേശിക്കുകയും ചെയ്​തു.

ഇവിടെ മുമ്പും ഇത്തരം സംഭവം അരങ്ങേറിയിട്ടുണ്ട്​. 2001ൽ സിയാറ്റിലിൽ നിന്നുള്ള ചാനൽ റിപ്പോർട്ടർ ടി.വി പരിപാടി ചിത്രീകരിക്കുന്നതി​െൻറ ഭാഗവമായി ചൂടുള്ള നീരുറവകളിലൊന്നിൽ ദ്വാരമുണ്ടാക്കി ചിക്കൻ പാചകം ചെയ്തിരുന്നു. പ്രകൃതിദത്തമായ ചൂട്​ നീരുറവ എങ്ങനെ പാചക ആവശ്യങ്ങൾക്കായി ഉപയോഗിക്കാമെന്ന് ലോകത്തെ കാണിക്കാനായിരുന്നു അദ്ദേഹം തുനിഞ്ഞത്​. ഇയാൾക്ക് 150 ഡോളർ പിഴയും രണ്ടുവർഷത്തെ നല്ലനടപ്പുമാണ്​ വിധിച്ചത്​.

യെല്ലോസ്​റ്റോൺ ദേശീയ ഉദ്യാനത്തിലെ ചൂട്​ നീരുറവകളുടെ ഭാഗത്തേക്ക്​ സന്ദർശകർക്ക് പ്രവേശനമില്ല. അവ അപകടകരവും പ്രവചനാതീതവുമായതിനാലാണ്​ നിയന്ത്രണം.

ലോകത്തിലെ ആദ്യത്തെ ദേശീയോദ്യാനമാണ് യെല്ലോസ്​റ്റോൺ. 1872 മാർച്ച് ഒന്നിനാണ്​ ഇതിനെ ദേശീയോദ്യാനമാക്കുന്നത്​. 8983 ചതുകരശ്ര കിലോമീറ്റർ വിസ്തീർണമുള്ള ഈ ഉദ്യാനം വയമിങ്​, ഐഡാഹോ, മൊണ്ടാന എന്നീ സംസ്​ഥാനങ്ങളിലായി വ്യാപിച്ചുകിടക്കുന്നു.

മുന്നൂറിലധികം ഉഷ്ണജല പ്രവാഹങ്ങളുള്ള ഉദ്യാനം യുനസ്കോയുടെ ലോക പൈതൃകപ്പട്ടികയിൽ ഉൾപ്പെടുന്നു. ഓൾഡ് ഫെയ്ത്ഫുൾ ഉഷ്ണജല പ്രവാഹം, യെല്ലോസ്​റ്റോൺ തടാകം, കാൾഡേറ അഗ്നിപർവതം തുടങ്ങിയവ ഇവിടത്തെ പ്രധാന ആകർഷണമാണ്​.