തേക്കടിയിൽ തിരക്കിന്‍റെ ദിനങ്ങൾ; അകമ്പടിയായി മഴയും ആനയും

കു​മ​ളി: തേ​ക്ക​ടി​യി​ൽ അ​വ​ധി ദി​ന​ങ്ങ​ൾ ആ​ഘോ​ഷി​ക്കാ​നെ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ തി​ര​ക്ക് തു​ട​ങ്ങി. വേ​ന​ൽ ചൂ​ടി​ൽ​നി​ന്ന്​ ആ​ശ്വാ​സം തേ​ടി​യെ​ത്തി​യ​വ​രു​ടെ ഉ​ള്ളം കു​ളി​ർ​പ്പി​ച്ച് മ​ഴ​കൂ​ടി എ​ത്തി​യ​തോ​ടെ സ​ഞ്ചാ​രി​ക​ൾ​ക്കും സ​ന്തോ​ഷം. ക​ഴി​ഞ്ഞ ശ​നി​യാ​ഴ്ച മു​ത​ൽ തു​ട​ങ്ങി​യ തി​ര​ക്ക് വ്യാ​ഴ​വും വെ​ള്ളി​യും പി​ന്നി​ട്ട് അ​ടു​ത്ത തി​ങ്ക​ൾ​വ​രെ തു​ട​രാ​നാ​ണ് സാ​ധ്യ​ത.

തേ​ക്ക​ടി ഉ​ൾ​പ്പെ​ടെ സം​സ്ഥാ​ന​ത്തെ മു​ഴു​വ​ൻ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലേ​ക്കു​മു​ള്ള പ്ര​വേ​ശ​നം സൗ​ജ​ന്യ​മാ​ക്കി​യ​തോ​ടെ സ​ന്ദ​ർ​ശ​ക​ർ​ക്ക് ഇ​ര​ട്ടി സ​ന്തോ​ഷം. വ​നം-​വ​ന്യ​ജീ​വി വാ​ര​ത്തോ​ട​നു​ബ​ന്ധി​ച്ചാ​ണ് പ്ര​വേ​ശ​നം സൗ​ജ​ന്യ​മാ​ക്കി​യ​ത്. ത​മി​ഴ്‌​നാ​ട്ടി​ൽ​നി​ന്ന്​ കു​ട്ടി​ക​ൾ ഉ​ൾ​പ്പെ​ടെ കു​ടും​ബ​സ​മേ​തം എ​ത്തു​ന്ന സ​ഞ്ചാ​രി​ക​ൾ​ക്ക് പ്ര​വേ​ശ​നം സൗ​ജ​ന്യ​മാ​ക്കി​യ​ത് ഏ​റെ ഗു​ണം ചെ​യ്തു. ഒ​രാ​ഴ്ച​യോ​ളം അ​വ​ധി ല​ഭി​ച്ച​തോ​ടെ തേ​ക്ക​ടി​യി​ലെ കെ.​ടി.​ഡി.​സി ഹോ​ട്ട​ലു​ക​ളാ​യ പെ​രി​യാ​ർ ഹൗ​സ്, ആ​ര​ണ്യ നി​വാ​സ്, ലേ​ക് പാ​ല​സ് എ​ന്നി​വി​ട​ങ്ങ​ളി​ലും തി​ര​ക്കാ​യി. ബ​ജ​റ്റ് ഹോ​ട്ട​ലാ​യ പെ​രി​യാ​ർ ഹൗ​സി​ൽ താ​മ​സി​ക്കു​ന്ന​തി​നാ​ണ് സ​ഞ്ചാ​രി​ക​ൾ മു​ൻ​ഗ​ണ​ന ന​ൽ​കു​ന്ന​ത്.

ടൗ​ണി​ലും പ​രി​സ​ര​ങ്ങ​ളി​ലു​മു​ള്ള നി​ര​വ​ധി ഹോ​ട്ട​ലു​ക​ൾ, ഹോം ​സ്റ്റേ​ക​ൾ എ​ന്നി​വ​യെ​ല്ലാം സ​ഞ്ചാ​രി​ക​ളു​ടെ വ​ര​വോ​ടെ സ​ജീ​വ​മാ​യി. ത​ടാ​ക​തീ​രം വെ​ള്ള​ത്തി​ൽ മു​ങ്ങി​യ​തോ​ടെ ആ​ന​ക്കൂ​ട്ട​ത്തെ കാ​ണാ​നി​ല്ല​ങ്കി​ലും അ​ടി​ക്ക​ടി ബോ​ട്ട്​ ലാ​ൻ​ഡി​ങ്ങി​ലെ​ത്തി കു​സൃ​തി​ക​ൾ കാ​ണി​ക്കു​ന്ന ആ​ന ഞാ​യ​റാ​ഴ്ച​യും പ​തി​വു തെ​റ്റി​ച്ചി​ല്ല. കാ​ട്ടി​ലെ കാ​ഴ്ച​ക​ൾ​ക്കൊ​പ്പം മ​ഴ​യു​ടെ കു​ളി​രും കാ​റ്റും ആ​സ്വ​ദി​ച്ചാ​ണ് സ​ഞ്ചാ​രി​ക​ളു​ടെ തേ​ക്ക​ടി ദി​ന​ങ്ങ​ൾ ക​ട​ന്നു​പോ​കു​ന്ന​ത്.