Top
Begin typing your search above and press return to search.
exit_to_app
exit_to_app
business class
cancel
Homechevron_rightTravelchevron_rightTravel Newschevron_rightവരിസംഖ്യ അടച്ച്​ എത്ര...

വരിസംഖ്യ അടച്ച്​ എത്ര തവണ വേണമെങ്കിലും യാത്ര ചെയ്യാം; ഇന്ത്യയിൽ ഇനി വിമാനയാത്ര വേറെ ലെവലാകും

text_fields
bookmark_border

ലോകത്താകെ പടർന്നുപിടിച്ച കോവിഡ്​ വിവിധ മാറ്റങ്ങളാണ്​ കൊണ്ടുവന്നത്​. വിമാന സർവിസ്​ മേഖലയിലും ഇത്തരം മാറ്റങ്ങൾ പ്രകടമാണ്​. യാത്രക്കാരെ ആകർഷിപ്പിക്കാനുള്ള നിരവധി പദ്ധതികളാണ്​ കമ്പനികൾ ഒരുക്കുന്നത്​. അതിലൊന്നാണ്​​ ഡൽഹി ആസ്​ഥാനമായുള്ള​ പ്രിൻസ്​ എയർ അവതരിപ്പിക്കുന്ന സബ്​സ്​ക്രിപ്​ഷൻ പദ്ധതി. മാസം തോറും വരിസംഖ്യയടച്ച്​ കുറഞ്ഞ ചെലവിൽ ബിസിനസ്​ ക്ലാസ്​ യാത്രയാണ്​ കമ്പനി ഓഫർ ചെയ്യുന്നത്​.

പ്രതിമാസ സബ്‌സ്‌ക്രിപ്‌ഷൻ എടുക്കുന്നവർക്ക്​ ബിസിനസ് ക്ലാസ് വിമാനത്തിൽ പരിധിയില്ലാതെ യാത്ര ചെയ്യാനാകും. അംഗത്വം എടുത്തവർക്ക് 30 മിനിറ്റ്​ മുമ്പ്​ എയർപോർട്ടിൽ എത്തിയാൽ മതിയെന്ന സൗകര്യവുമുണ്ടാകും.

ഡൽഹി, ബംഗളൂരു, മുംബൈ എന്നീ നഗരങ്ങളിലാണ്​ കമ്പനി ആദ്യഘട്ടത്തിൽ സർവിസ്​ നടത്താൻ ഉദ്ദേശിക്കുന്നത്​. 90-100 സീറ്റുകളുള്ള എയർബസ് എ 320, എ 321 തുടങ്ങിയ വിമാനങ്ങളാണ്​ സർവിസിന്​ ഉ​പയോഗിക്കുക.

യാത്രക്കാർക്ക്​ ​വിമാനം പെ​ട്ടെന്ന്​ മാറ്റാനും വ്യത്യസ്​ത സമയം തെരഞ്ഞെടുക്കാനും സൗകര്യമുണ്ടാകും. ഇതിന്​ പുറമെ പ്രിൻസ് എയർ സ്വകാര്യ ജെറ്റ് ഫ്ലൈയിങ്​ പദ്ധതിയും അവതരിപ്പിക്കും.


മാസത്തിൽ ഒന്നിലേറെ തവണ ബിസിനസ്​ ക്ലാസിൽ യാത്ര ചെയ്യുന്നവരെ ഈ പദ്ധതിയിൽ അംഗമാക്കാനാണ്​ കമ്പനിയുടെ ​ശ്രമം. ആവശ്യക്കാർ വർധിക്കുന്നതിന്​ അനുസരിച്ച്​ കൂടുതൽ നഗരങ്ങളിൽ പദ്ധതി ആരംഭിക്കും.

'പുതിയ രീതിയിലുള്ള സർവിസ്​ യാത്രക്കാർക്ക് പ്രത്യേക അനുഭവമാണ്​ നൽകുക. വിമാനത്താവളങ്ങളിലെ പതിവ് ചെക്ക്-ഇന്നുകളിൽ നിന്ന് വ്യത്യസ്​തമാകും പ്രവർത്തനം. നിങ്ങളുടെ സ്വന്തം സ്വകാര്യ ജെറ്റിൽ പോകുന്നതിന്​ സമാനമായിരിക്കും യാത്ര' -പ്രിൻസ് എയർ കമ്പനിയുടെ സ്ഥാപകൻ സങ്കേത് രാജ് സിങ്​ പറയുന്നു.

എട്ട് മാസത്തിനുള്ളിൽ സർവിസ്​ ആരംഭിക്കാനാണ്​ കമ്പനി ലക്ഷ്യമിടുന്നത്​. കഴിഞ്ഞവർഷം സർവിസ്​ ആരംഭിക്കാൻ ഉദ്ദേശിച്ചിരുന്നെങ്കിലും കോവിഡ്​ കാരണം നീണ്ടുപോയി.

നിലവിൽ സ്​ഥിരമായി ബിസിനസ്​ ക്ലാസിൽ യാത്ര ചെയ്യുന്നവർക്ക്​ 80 ശതമാനത്തോളം ചെലവ്​ കുറച്ച്​ യാത്ര ചെയ്യാമെന്നാണ്​​ കമ്പനിയുടെ വാഗ്​ദാനം. 54,000 രൂപയാണ്​ പ്രതിമാസ വരിസംഖ്യ. പലപ്പോഴും ഡൽഹിയിൽനിന്നും ബംഗളൂരുവിലേക്കും മുംബൈയിലേക്കുമുള്ള ബിസിനസ്​ ക്ലാസ്​ റൗണ്ട്​ ട്രിപ്പിന്​ 30,000 രൂപയുടെ അടുത്താണ് നിരക്ക്​​.

ഒരു മാസം രണ്ട്​ തവണയെങ്കിലും യാത്ര ചെയ്യുന്നവർക്ക്​ പ്രിൻസ്​ എയറിൻെറ സബ്​സ്​ക്രിപ്​ഷൻ പദ്ധതി പ്രയോജനം ചെയ്യുമെന്നും കമ്പനി അവകാശപ്പെടുന്നു. സബ്​സ്​ക്രിപ്​ഷൻ എടുക്കാനുള്ള സൗകര്യം ഇതിനകം ആരംഭിച്ചിട്ടുണ്ട്​.

Show Full Article
TAGS:airline subscription 
News Summary - Air travel in India will take another level; You can travel as many times as you want by paying the subscription
Next Story