Begin typing your search above and press return to search.
exit_to_app
exit_to_app
court
cancel
Homechevron_rightINDIA TOURchevron_rightപ്രായപൂർത്തിയാകാത്ത...

പ്രായപൂർത്തിയാകാത്ത പെൺകുട്ടിക്ക്​ ജനിച്ച കുഞ്ഞിനെ ബലാത്സംഗ കേസ്​ പ്രതിയായ പിതാവിന്​ കൈമാറി കോടതി

text_fields
bookmark_border

ന്യൂഡൽഹി: ​പ്രായപൂർത്തിയാകാത്ത പെൺകുട്ടിക്ക്​ ജനിച്ച കുഞ്ഞിനെ ബലാത്സംഗ കേസിലെ പ്രതിയും കുഞ്ഞിന്‍റെ പിതാവുമായ യുവാവിന്​ കൈമാറി ഡൽഹി ഹൈകോടതി. പെൺകുട്ടിയുടെ സമ്മതപ്രകാരമാണ്​ കുഞ്ഞിനെ കൈമാറിയത്​. പ്രായപൂർത്തിയാകാത്തതിനാൽ പെൺകുട്ടിക്കൊപ്പം​ കുഞ്ഞിനെ നിർത്താൻ കഴിയില്ലെന്ന്​ കോടതി ചൂണ്ടിക്കാട്ടി.

കുഞ്ഞിന്‍റെ അമ്മയായ പെൺകുട്ടിക്ക്​ പ്രായപൂർത്തിയാകാത്തതിനാൽ യുവാവിനൊപ്പം ജീവിക്കാൻ അനുമതി നൽകാനാകില്ല. പ്രായപൂർത്തിയാകുന്നതുവരെ അഭയകേന്ദ്രത്തിൽ താമസിക്കാം. 18 വയസ്​ കഴിഞ്ഞാൽ പെൺകുട്ടി എവി​ടെ​യാണോ താമസിക്കാൻ ആഗ്രഹിക്കുന്നത്​ അവിടെ ജീവിക്കാമെന്നും കോടതി വ്യക്തമാക്കി.

ആഗസ്റ്റ്​ എട്ടിന്​ തനിക്ക്​ ജനിച്ച ആൺകുഞ്ഞിനെ പിതാവിന്​ കൈമാറണമെന്നും താൻ അഭയകേന്ദ്രത്തിൽ താമസിക്കാമെന്നും പെൺകുട്ടി ജസ്റ്റിസ്​ മുക്​ത ഗുപ്​തയെ അറിയിച്ചു. സ്വന്തം വീട്ടുകാർക്കൊപ്പം താമസിക്കാൻ ആഗ്രഹിക്കുന്നില്ലെന്നും പെൺകുട്ടി കോടതിയെ അറിയിച്ചു.

കുഞ്ഞിന്​ ആവശ്യമായ പരിചരണം നൽകാമെന്ന്​ യുവാവിന്‍റെ മാതാപിതാക്കൾ കോടതിയിൽ പറഞ്ഞു. യുവാവും പെൺകുട്ടിയും തമ്മിലുണ്ടായിരുന്ന ബന്ധത്തിനെ പെൺകുട്ടിയുടെ വീട്ടുകാർ എതിർത്തിരുന്നുവെന്നും കുഞ്ഞിനെ ദത്തുനൽകാൻ പെൺകുട്ടിയുടെ കുടുംബം തീരുമാനിച്ചിരുന്നുവെന്നും കോടതി നിരീക്ഷിച്ചു. തുടർന്നാണ്​ കുഞ്ഞിനെ യുവാവിന്‍റെ സംരക്ഷണയിൽ വിട്ടത്​.

പെൺകുട്ടിയുടെ കുടുംബം നൽകിയ ബലാത്സംഗ പരാതിയെ തുടർന്ന്​ ജയിലിലായ യുവാവിന്​ സെപ്​റ്റംബർ 28ന്​ ഹൈകോടതി ജാമ്യം അനുവദിച്ചിരുന്നു. എന്നാൽ, ഇവർക്ക്​ ജനിച്ച കുഞ്ഞിനെ ആർക്ക്​ കൈമാറുമെന്നതായിരുന്നു കോടതിയുടെ മുന്നിലെ പ്രധാന വിഷയം.

ഒമ്പതാം ക്ലാസ്​ വിദ്യാർഥിനിയായ മകൾ മാർച്ച്​ 21ന്​ സ്​കൂളി​േലക്ക്​ പോയതിന്​ ശേഷം തിരിച്ചെത്തിയില്ല. പ്രതിയായ യുവാവ്​ തട്ടിക്കൊണ്ടുപോയി ബലാത്സംഗം ചെയ്​തുവെന്നായിരുന്നു പെൺകുട്ടിയുടെ മാതാവ്​ പൊലീസിൽ നൽകിയ പരാതി. ഏപ്രിൽ 15ന്​ പെൺകുട്ടിയെ കണ്ടെത്തി. ആരോഗ്യപരിശോധനയിൽ അഞ്ചുമാസം ഗർഭിണിയായിരുന്നു പെൺകുട്ടി.

എന്നാൽ, സഹോദരന്‍റെ ഭാര്യയുമായി വഴക്കിട്ടതിനെ തുടർന്ന്​ വീടുവിട്ട്​ ഇറങ്ങുകയായിരുന്നുവെന്നും താൻ ഗർഭിണിയായത്​ എങ്ങനെയെന്ന്​ അറിയില്ലെന്നും പെൺകുട്ടി പൊലീസിന്​ മൊഴി നൽകിയിരുന്നു.

എന്നാൽ, കേസ്​ ഹൈകോടതിയിൽ എത്തിയപ്പോൾ യുവാവുമായി പ്രണയത്തിലായിരുന്നുവെന്നും ഉഭയകക്ഷി സമ്മതപ്രകാരമാണ്​ തങ്ങളുടെ ബന്ധമെന്നും വിവാഹം കഴിക്കാൻ ആഗ്രഹമുണ്ടെന്നും ഇരുവരും കോടതിയെ അറിയിക്കുകയായിരുന്നു. വീട്ടുകാർക്കൊപ്പം താമസിക്കാൻ സമ്മതമില്ലെന്നും പെൺകുട്ടി കോടതിയെ അറിയിച്ചു.

Show Full Article
TAGS:Delhi High Court Rape Father 
News Summary - Mother Still Minor Delhi Court Hands Over Baby To Rape Accused Father
Next Story