ഉന്നത ഇടപെടൽ: തേക്കടിയിൽ ബോട്ടുകളുടെ അറ്റകുറ്റപ്പണി തുടങ്ങി

കു​മ​ളി: തേ​ക്ക​ടി​യി​ലെ കെ.​ടി.​ഡി.​സി ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി പു​ന​രാ​രം​ഭി​ച്ചു. അ​ധി​കൃ​ത​രു​ടെ അ​നാ​സ്ഥ​യെ തു​ട​ർ​ന്ന് ബോ​ട്ടു​ക​ൾ ക​ര​യി​ലാ​യ​ത്​ സം​ബ​ന്ധി​ച്ച ‘മാ​ധ്യ​മം’ വാ​ർ​ത്ത ശ്ര​ദ്ധ​യി​ൽ​പ്പെ​ട്ട​തോ​ടെ കെ.​ടി.​ഡി.​സി എം.​ഡി ത​ന്നെ വി​ഷ​യ​ത്തി​ൽ നേ​രി​ട്ട് ഇ​ട​പെ​ടു​ക​യാ​യി​രു​ന്നു.വി​നോ​ദ സ​ഞ്ചാ​ര സീ​സ​ണി​ൽ സ​ഞ്ചാ​രി​ക​ളെ ദു​രി​ത​ത്തി​ലാ​ക്കി കെ.​ടി.​ഡി.​സി ബോ​ട്ടു​ക​ൾ ത​ക​രാ​റി​ലാ​യ​ത്​ സം​ബ​ന്ധി​ച്ച വാ​ർ​ത്ത ഏ​റെ ച​ർ​ച്ച​യാ​യി​രു​ന്നു. കെ.​ടി.​ഡി.​സി​യു​ടെ ര​ണ്ട് ഇ​രു​നി​ല ബോ​ട്ടു​ക​ൾ വി​ശ്ര​മ​ത്തി​ലാ​യ​തോ​ടെ ദി​വ​സ​വും 1200 സ​ഞ്ചാ​രി​ക​ൾ​ക്കാ​ണ്​ ബോ​ട്ട് സ​വാ​രി​ക്കു​ള്ള അ​വ​സ​രം നി​ഷേ​ധി​ക്ക​പ്പെ​ട്ടി​രു​ന്ന​ത്. ഇ​തു​വ​ഴി​യു​ള്ള വ​രു​മാ​ന ന​ഷ്ടം പ്ര​തി​മാ​സം ഒ​രു കോ​ടി​യി​ല​ധി​കം രൂ​പ​യു​മാ​യി​രു​ന്നു.

ബോ​ട്ടു​ക​ൾ കൃ​ത്യ​സ​മ​യ​ത്ത് അ​റ്റ​കു​റ്റ​പ്പ​ണി ന​ട​ത്തി ത​ക​രാ​റു​ക​ൾ പ​രി​ഹ​രി​ക്കു​ന്ന​തി​ൽ അ​ധി​കൃ​ത​ർ തു​ട​ർ​ന്ന അ​നാ​സ്ഥ​യാ​ണ് പ്ര​തി​സ​ന്ധി രൂ​ക്ഷ​മാ​ക്കി​യ​ത്. ബോ​ട്ടു​ക​ൾ സ​വാ​രി നി​ല​ച്ച് ത​ടാ​ക ക​ര​യി​ൽ വി​ശ്ര​മ​ത്തി​ലാ​യ​ത് ഉ​ന്ന​ത​രു​ടെ ശ്ര​ദ്ധ​യി​ൽ​പ്പെ​ട്ട​തോ​ടെ ഇ​വ​യു​ടെ അ​റ്റ​കു​റ്റ​പ്പ​ണി​ക​ൾ ഉ​ട​ൻ പൂ​ർ​ത്തി​യാ​ക്കാ​ൻ അ​ടി​യ​ന്ത​ര നി​ർ​ദേ​ശം ന​ൽ​കു​ക​യാ​യി​രു​ന്നു.

മൂ​ന്നു വ​ർ​ഷ​മാ​യി ക​ര​യി​ലി​രി​ക്കു​ന്ന കെ.​ടി.​ഡി.​സി​യു​ടെ ജ​ല​രാ​ജ, അ​ടു​ത്തി​ടെ ഓ​ട്ടം നി​ർ​ത്തി​യ ജ​ല​യാ​ത്ര, മ​റ്റൊ​രു ബോ​ട്ടാ​യ ജ​ല​ത​രം​ഗി​ണി എ​ന്നി​വ ത​ക​രാ​റു​ക​ൾ പ​രി​ഹ​രി​ച്ച് ത​ടാ​ക​ത്തി​ലി​റ​ക്കാ​ൻ ആ​ല​പ്പു​ഴ​യി​ലെ സാ​ഗാ മ​റൈ​ൻ ക​മ്പ​നി​യെ​യാ​ണ് ചു​മ​ത​ല​പ്പെ​ടു​ത്തി​യി​ട്ടു​ള്ള​ത്. ബോ​ട്ടു​ക​ൾ വേ​ഗ​ത്തി​ൽ ന​ന്നാ​ക്കി ത​ടാ​ക​ത്തി​ലി​റ​ക്കു​മെ​ന്ന് തേ​ക്ക​ടി​യി​ലെ​ത്തി​യ ക​മ്പ​നി അ​ധി​കൃ​ത​ർ ‘മാ​ധ്യ​മ’​ത്തോ​ട്​ പ​റ​ഞ്ഞു.

വാ​ർ​ത്ത​യെ തു​ട​ർ​ന്ന് വ​നം വ​കു​പ്പും ന​ട​പ​ടി ആ​രം​ഭി​ച്ചു. ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി​ക​ൾ പൂ​ർ​ത്തി​യാ​ക്കാ​ൻ ക​രാ​റു​കാ​ർ തേ​ക്ക​ടി​യി​ലെ​ത്തി.ത​ക​രാ​റു​ക​ൾ നീ​ക്കി മു​ഴു​വ​ൻ ബോ​ട്ടു​ക​ളും വൈ​കാ​തെ സ​ഞ്ചാ​രി​ക​ൾ​ക്കാ​യി സ​ർ​വി​സ് ന​ട​ത്തു​മെ​ന്ന് ക​ടു​വ സ​ങ്കേ​തം ​െഡ​പ്യൂ​ട്ടി ഡ​യ​റ​ക്ട​ർ പാ​ട്ടീ​ൽ സു​യോ​ഗ് സു​ഭാ​ഷ് റാ​വു പ​റ​ഞ്ഞു.