തെഹ്​രി തടാകത്തി​െൻറ സൗന്ദര്യം നുകർന്ന്​ യാത്ര ചെയ്യാം; വിസ്​മയിപ്പിച്ച്​ രാജ്യത്തെ നീളമേറിയ തൂക്കുപാലം

വാഹന ഗതാഗത സൗകര്യത്തോടെയുള്ള രാജ്യത്തെ നീളമേറിയ തൂക്കുപാലം ഉത്തരാഖണ്ഡിൽ പൊതുജനങ്ങൾക്കായി തുറന്നു. തെഹ്​രി തടാകത്തിന് കുറുകെ 725 മീറ്റർ നീളത്തിൽ നിർമിച്ച ഡോബ്ര-ചാന്ധി സസ്പെൻഷൻ ബ്രിഡ്​ജാണ്​ കഴിഞ്ഞദിവസം മുഖ്യമന്ത്രി ത്രിവേന്ദ്ര സിങ്​ റാവത്ത്​ ഉദ്​ഘാടനം ചെയ്​തത്​. 2.95 കോടി രൂപ ചെലവിൽ 14 വർഷമെടുത്താണ്​ ഇൗ പാലം യാഥാർഥ്യമാക്കിയത്​.

തെഹ്​രി ഗർവാൾ ജില്ല ആസ്ഥാനവും പ്രതാപ് നഗറും തമ്മിൽ ബന്ധിപ്പിച്ചാണ്​ പാലം നിർമിച്ചിരിക്കുന്നത്​. പാലം വന്നതോടെ ഇരുനഗരങ്ങൾക്കും ഇടയിലെ യാത്രാസമയം അഞ്ച്​ മണിക്കൂറിൽനിന്ന് ഒന്നര മണിക്കൂറായി കുറഞ്ഞു. പാലത്തി​െൻറ ഉദ്ഘാടനം ഉത്തരാഖണ്ഡി​െൻറ ചരിത്ര നിമിഷമാണെന്ന് മുഖ്യമന്ത്രി പറഞ്ഞു. വികസനത്തി​െൻറ പുതിയ പാതകളാണ്​ പാലം തുറക്കുകയെന്നും അദ്ദേഹം ചൂണ്ടിക്കാട്ടി.

സാഹസിക പ്രവർത്തനങ്ങൾക്ക്​ ഏറെ പേരുകേട്ടയിടമാണ്​ തെഹ്​രി തടാകം. സോർബിങ്​, ബോട്ടിങ്​, വാട്ടർ സ്കീയിങ്​, ബനാന ബോട്ട് സവാരി, പാരാഗ്ലൈഡിങ്​ തുടങ്ങിയ സാഹസിക പ്രകടനങ്ങൾക്ക്​ നിരവധി പേരാണ്​ ഇവിടെ എത്താറ്​. രാജ്യത്തെ നീളമേറിയ തൂക്കുപാലവും ഇവിടെ യാഥാർഥ്യമാതോടെ പ്രദേശത്ത്​ കൂടുതൽ ടൂറിസം സാധ്യതകളാണ്​ ഉയരുന്നത്​. തലസ്​ഥാനമായ ഡെഹ്​റാഡൂണിൽനിന്ന്​ ഏ​കദേശം 170 കിലോമീറ്റർ ദൂരമുണ്ട്​ ഇവിടേക്ക്​.

ഇന്ത്യയിലെ ഏറ്റവും ഉയരം കൂടിയ അണക്കെട്ടായ തെഹ്‌രിയും ഇതിന്​ സമീപം തന്നെയാണ്​. ഹിമാലയത്തിൽനിന്ന്​ ഉദ്​ഭവിച്ച്​ ഗംഗയിൽ കൂടിച്ചേരുന്ന ഭാഗീരഥി നദിക്ക്​ കുറുകെയാണ്‌ ഈ അണക്കെട്ട്. 261 മീറ്ററാണ്‌ ഇതി​െൻറ ഉയരം.