Begin typing your search above and press return to search.
exit_to_app
exit_to_app
worlds highest ev charging station kaza
cancel
Homechevron_rightTravelchevron_rightExplorechevron_rightലോകത്തിലെ ഏറ്റവും...

ലോകത്തിലെ ഏറ്റവും ഉയരത്തിലുള്ള പോസ്​റ്റ്​ ഓഫിസ്​ മാത്രമല്ല, ഇലക്​ട്രിക്​ ചാർജിങ്​ സ്​റ്റേഷനും ഇവിടെയാണ്​

text_fields
bookmark_border

ലഡാക്ക്​ പോലെ സഞ്ചാരികളുടെ സ്വപ്​നഭൂമിയാണ്​ ഹിമാചൽ പ്രദേശിലെ സ്​പിതി വാലി. മഞ്ഞുമലകൾ, തടാകങ്ങൾ, മൊണാസ്​ട്രികൾ തുടങ്ങി നിരവധി കാഴ്​ചകൾ ഇവിടെയുണ്ട്​. ഇത്​ കൂടാതെ ഇവിടേക്ക്​ സഞ്ചാരികളെ ആകർഷിക്കുന്ന കാര്യമാണ്​​ കാസക്ക്​ സമീപം ഹിക്കിമിലുള്ള പോസ്​റ്റ്​ ഓഫിസ്​.

ലോകത്തിലെ ഏറ്റവും ഉയരത്തിലുള്ള പോസ്​റ്റ്​ ഓഫിസാണിത്​. 15,500 അടി ഉയരത്തിലാണ്​ ഇത്​​ നിലകൊള്ളുന്നത്​. സ്​പിതി വാലി സന്ദർശിക്കുന്ന പലരും ഹിക്കിമിൽ വന്ന്​ സ്വന്തക്കാർക്ക്​ കത്തുകൾ അയക്കാറുണ്ട്​.


കഴിഞ്ഞദിവസം സ്​പിതി വാലി മറ്റൊരു കൗതുകത്തിന് കൂടി​ സാക്ഷ്യം വഹിച്ചു. കാസയിൽ ഇലക്​ട്രിക്​ വാഹനങ്ങളുടെ ചാർജിങ്​ സ്​റ്റേഷൻ ആരംഭിച്ചിരിക്കുകയാണ്​. ലോകത്തിലെ ഏറ്റവും ഉയരത്തിലുള്ള ഇലക്ട്രിക് വെഹിക്കിൾ ചാർജിങ്​ സ്റ്റേഷനാണിത്​. ഗോഇഗോ എന്ന കമ്പനിയാണ്​ ഇത്​ സ്​ഥാപിച്ചത്​. സമുദ്രനിരപ്പിൽനിന്ന്​ 12,500 അടി ഉയരത്തിലാണ്​ കാസ.

ചാർജിങ്​ സ്​റ്റേഷ​െൻറ ഉദ്​ഘാടനം കാസ സബ്​ ഡിവിഷനൽ മജിസ്​ട്രേറ്റ്​ മഹേന്ദ്ര പ്രതാപ് സിങ്​ നിർവഹിച്ചു. 'ലോകത്തിലെ ഏറ്റവും ഉയരത്തിലുള്ള ഇലക്ട്രിക് വാഹന ചാർജിങ്​ സ്റ്റേഷനാണിത്. ഇതിന്​ മികച്ച പ്രതികരണം ലഭിക്കുകയാണെങ്കിൽ കൂടുതൽ സ്റ്റേഷനുകൾ സ്ഥാപിക്കും' -പ്രതാപ്​ സിങ്​ പറഞ്ഞു.


ഇതി​െൻറ ഉദ്​ഘാടനത്തോടനുബന്ധിച്ച്​ മണാലിയിൽനിന്ന്​ രണ്ട്​ യുവതികൾ സ്​കൂട്ടർ ഓടിച്ച്​ കാസയിലെത്തി. 180 കിലോമീറ്റർ ദൂരം യാത്ര ​െചയ്യുന്നതിനിടെ​ മൂന്ന്​ തവണ ഇവർ ചാർജ്​ ചെയ്​തിരുന്നു. ടി.വി.എസ്​ ഐക്യൂബിലാണ്​ ഇവരെത്തിയത്​. ഇലക്​ട്രിക്​ സ്​കൂട്ടറിലുള്ള യാത്ര ഏറെ സുഖകരമായിരുന്നുവെന്നും കാസയിലെ ചാർജിങ്​ സ്​റ്റേഷൻ ഏറെ ഉപകാ​രപ്രദമാണെന്നും​ ഇവർ പറഞ്ഞു.

Show Full Article
TAGS:ev charging station 
News Summary - world's highest electric charging station
Next Story