അതിശയങ്ങളുടെ അഞ്ചുരുളി തുരങ്കം

തൊ​ടു​പു​ഴ: ഒ​റ്റ​പ്പാ​റ​യി​ൽ തീ​ർ​ത്ത തു​ര​ങ്കം എ​ന്ന്​ അ​ഞ്ചു​രു​ളി ട​ണ​ലി​നെ വി​ളി​ക്കാം. ഈ ​തു​ര​ങ്കം കാ​ണാ​ൻ എ​ത്തു​ന്ന​വ​ർ ത​ന്നെ​യാ​ണ്​ പെ​രു​മ പ​റ​ഞ്ഞു ന​ട​ക്കു​ന്ന​തും. ക​ട്ട​പ്പ​ന കാ​ഞ്ചി​യാ​ർ പ​ഞ്ചാ​യ​ത്തി​ലാ​ണ് ഈ ​കാ​ഴ്ച. ക​ട്ട​പ്പ​ന-​കു​ട്ടി​ക്കാ​നം സം​സ്ഥാ​ന​പാ​ത​യി​ലെ ക​ക്കാ​ട്ടു​ക​ട​യി​ൽ​നി​ന്ന് മൂ​ന്നു കി​ലോ​മീ​റ്റ​ർ സ​ഞ്ച​രി​ച്ചാ​ൽ അ​ഞ്ചു​രു​ളി​യി​ൽ എ​ത്താം.

ജ​ലാ​ശ​യ​ത്തോ​ട് ചേ​ർ​ന്ന് അ​ഞ്ച് മ​ല​ക​ൾ ഉ​രു​ളി ക​മി​ഴ്ത്തി​യ​തു​പോ​ലെ കാ​ണു​ന്ന​തി​നാ​ൽ ആ​ദി​വാ​സി​ക​ളി​ട്ട പേ​രാ​ണ് അ​ഞ്ചു​രു​ളി. ഇ​ടു​ക്കി അ​ണ​ക്കെ​ട്ടി​ന്റെ ആ​രം​ഭം ഇ​വി​ടെ​നി​ന്നാ​ണ്. ഇ​ര​ട്ട​യാ​റി​ലെ ഡൈ​വേ​ർ​ഷ​ൻ ഡാ​മി​ൽ​നി​ന്ന് ഇ​ടു​ക്കി അ​ണ​ക്കെ​ട്ടി​ലേ​ക്ക് വെ​ള്ളം ഒ​ഴു​ക്കു​ന്ന ട​ണ​ലാ​ണ് പ്ര​ധാ​ന പ്ര​ത്യേ​ക​ത. 1974 മാ​ർ​ച്ച് 10ന് ​നി​ർ​മാ​ണം ആ​രം​ഭി​ച്ച അ​ഞ്ചു​രു​ളി ട​ണ​ൽ 1980 ജ​നു​വ​രി 30ന് ​ഉ​ദ്ഘാ​ട​നം ചെ​യ്തു.

5.5 കി​ലോ​മീ​റ്റ​ർ നീ​ള​വും 24 അ​ടി വ്യാ​സ​വു​മു​ള്ള ഇ​ത്​ ഇ​ര​ട്ട​യാ​ർ മു​ത​ൽ അ​ഞ്ചു​രു​ളി വ​രെ ഒ​റ്റ​പ്പാ​റ​യി​ലാ​ണ് നി​ർ​മി​ച്ച​ത്. ര​ണ്ടി​ട​ങ്ങ​ളി​ൽ​നി​ന്ന് ഒ​രേ സ​മ​യം നി​ർ​മാ​ണം ആ​രം​ഭി​ച്ച് കൂ​ട്ടി​യോ​ജി​പ്പി​ക്കു​ക​യാ​യി​രു​ന്നു. ഉ​ള്ളി​ൽ അ​ര​ക്കി​ലോ​മീ​റ്റ​റോ​ളം മാ​ത്ര​മേ ആ​വ​ശ്യ​മാ​യ വെ​ളി​ച്ച​വും വാ​യു​വും ല​ഭ്യ​മാ​കൂ.

മ​ഴ​ക്കാ​ല​ത്ത് ട​ണ​ലി​ലൂ​ടെ​യെ​ത്തു​ന്ന വെ​ള്ളം ഡാ​മി​ൽ പ​തി​ക്കു​ന്ന​താ​ണ് സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​ത്. വേ​ന​ൽ​ക്കാ​ല​ത്ത് ട​ണ​ലി​നു​ള്ളി​ലെ കൗ​തു​ക​ക്കാ​ഴ്ച​ക​ളും. സി​നി​മ​ക​ളു​ടെ ഇ​ഷ്ട ലൊ​ക്കേ​ഷ​നാ​ണ്​ അ​ഞ്ചു​രു​ളി. മ​ഹേ​ഷി​ന്റെ പ്ര​തി​കാ​രം, ക​ട്ട​പ്പ​ന​യി​ലെ ഋ​തി​ക് റോ​ഷ​ൻ, ലൈ​ഫ് ഓ​ഫ് ജോ​സൂ​ട്ടി, ഇ​യ്യോ​ബി​ന്റെ പു​സ്ത​കം, ജ​യിം​സ് ആ​ൻ​ഡ് ആ​ലീ​സ്, എ​ബി, മ​രം​കൊ​ത്തി എ​ന്നീ സി​നി​മ​ക​ളി​ൽ മു​ഖം കാ​ട്ടി​യ​തോ​ടെ അ​ഞ്ചു​രു​ളി വെ​ള്ളി​ത്തി​ര​യി​ലും താ​ര​മാ​ണ്.

നി​ര​വ​ധി അ​ന്യ​ഭാ​ഷ ചി​ത്ര​ങ്ങ​ളി​ലൂ​ടെ​യും പ്രേ​ക്ഷ​ക​രെ വി​സ്മ​യി​പ്പി​ച്ചി​ട്ടു​ണ്ട്. അ​തേ​സ​മ​യം, ട​ണ​ൽ മു​ഖ​ത്തു​നി​ന്ന് സ​ഞ്ചാ​രി​ക​ൾ കാ​ൽ​വ​ഴു​തി വീ​ണ് നി​ര​വ​ധി അ​പ​ക​ട​ങ്ങ​ളു​ണ്ടാ​യി​ട്ടു​ണ്ട്. ഇ​വി​ടെ കൂ​ടു​ത​ൽ സു​ര​ക്ഷ ഒ​രു​ക്ക​ണ​മെ​ന്നും ഇ​വി​ടെ​യെ​ത്തു​ന്ന സ​ഞ്ചാ​രി​ക​ൾ ചൂ​ണ്ടി​ക്കാ​ട്ടു​ന്നു.