തു​ർ​ക്കി​യ​യു​ടെ പൂ​ച്ച പ്രേ​മം

സ​മ്പ​ന്ന​മാ​യ ച​രി​ത്ര​വും മ​നോ​ഹ​ര​മാ​യ വാ​സ്തു​വി​ദ്യ​യും സു​ന്ദ​ര​മാ​യ പ്ര​കൃ​തി​യും മി​ക​ച്ച ഭ​ക്ഷ​ണ​വു​മാ​യി സ​ഞ്ചാ​രി​ക​ളു​ടെ മ​ന​സ്സു​കീ​ഴ​ട​ക്കു​ന്ന രാ​ജ്യ​മാ​ണ് തു​ർ​ക്കി​യ. ഈ ​രാ​ജ്യ​ത്തി​ന്റെ വി​വി​ധ പ്ര​ദേ​ശ​ങ്ങ​ളി​ലും ലോ​ക​ത്തി​ലെ ഏ​റ്റ​വും വ​ലി​യ ന​ഗ​ര​ങ്ങ​ളി​ലൊ​ന്നാ​യ ഇ​സ്തം​ബൂ​ളി​ലും വി​വി​ധ ത​വ​ണ സ​ഞ്ച​രി​ച്ച​പ്പോ​ൾ മ​ന​സ്സി​ലാ​യ കൗ​തു​ക​ക​ര​മാ​യ ഒ​രു വ​സ്തു​ത​യാ​ണ്‌ ഇ​വി​ടം പൂ​ച്ച​ക​ൾ​ക്കും പ്ര​ശ​സ്ത​മാ​ണ് എ​ന്ന​ത്. ലോ​കം അ​ന്താ​രാ​ഷ്ട്ര പൂ​ച്ച ദി​നം ആ​ഘോ​ഷി​ച്ച വേ​ള​യി​ൽ തു​ർ​ക്കി​യ​യി​ലെ യാ​ത്ര​യി​ൽ ക​ണ്ട സു​ന്ദ​ര​ന്മാ​രും സു​ന്ദ​രി​ക​ളു​മാ​യ പൂ​ച്ച​ക​ളു​ടെ വി​ശേ​ഷ​ങ്ങ​ളാ​വ​ട്ടെ.

തു​ര്‍ക്കി​യ​യി​ലെ പൂ​ച്ച​ക​ളു​ടെ ഉ​ത്ഭ​വ​ത്തെ​ക്കു​റി​ച്ചും ന​ഗ​ര​ങ്ങ​ളി​ല്‍ അ​വ ഇ​ത്ര​യ​ധി​കം ഉ​ള്ള​ത് എ​ന്തു​കൊ​ണ്ടാ​ണെ​ന്നും മ​ന​സ്സി​ലാ​ക്കാ​ൻ ഒ​ന്ന് ശ്ര​മി​ച്ചു. തു​ര്‍ക്കി​യ​ക്ക്, പ്ര​ത്യേ​കി​ച്ച്‌ ഇ​സ്താ​ബൂ​ളി​ന് പൂ​ച്ച​ക​ളെ പ​രി​പാ​ലി​ക്കു​ന്ന​തി​ൽ ഒ​രു നീ​ണ്ട ച​രി​ത്ര​മു​ണ്ട്, അ​ത് ന​ഗ​ര​ത്തി​ന്റെ ഉ​ത്ഭ​വം തൊ​ട്ടു​ത​ന്നെ​യു​ള്ള​തും അ​വ​രു​ടെ സം​സ്കാ​ര​ത്തി​ൽ ഉ​റ​ച്ചു​നി​ൽ​ക്കു​ന്ന​തു​മാ​ണ്. ഇ​വി​ടെ പൂ​ച്ച​ക​ളു​ടെ പ്രാ​ധാ​ന്യം ആ​രം​ഭി​ച്ച​ത് ഒ​ട്ടോ​മ​ൻ ഭ​ര​ണ​കാ​ല​ത്താ​ണ്. ശ​ക്ത​രാ​യ ഒ​ട്ടോ​മ​ന്മാ​ർ പൂ​ച്ച​ക​ളെ അ​വ​രു​ടെ ശു​ചി​ത്വ​ത്തെ​യും വേ​ട്ട​യാ​ടാ​നു​ള്ള ക​ഴി​വി​നെ​യും അ​ടി​സ്ഥാ​ന​മാ​ക്കി ആ​രാ​ധി​ച്ചി​രു​ന്നു. അ​ങ്ങ​നെ തു​ർ​ക്കി​യ ന​ഗ​ര​ങ്ങ​ളു​ടെ സം​സ്കാ​ര​ത്തി​ന്റെ അ​വി​ഭാ​ജ്യ ഘ​ട​ക​മാ​യി പൂ​ച്ച​ക​ൾ മാ​റി. പൂ​ച്ച​ക​ൾ സ​മൂ​ഹ​ത്തി​ന് ഉ​പ​യോ​ഗ​പ്ര​ദ​മാ​യും മാ​റി​യി​ട്ടു​ണ്ട്. പ​ഴ​യ കാ​ല​ത്ത് എ​ലി​ക​ളും മ​റ്റു കീ​ട​ങ്ങ​ളും ന​ഗ​ര​ങ്ങ​ൾ​ക്ക് ഗു​രു​ത​ര​മാ​യ പ്ര​ശ്‌​ന​ങ്ങ​ൾ ഉ​ണ്ടാ​ക്കി​യി​രു​ന്നു. പൂ​ച്ച​ക​ളെ ചു​റ്റും നി​ർ​ത്തു​ന്ന​തി​ലൂ​ടെ എ​ലി​ക​ളും അ​ക​ന്നു​നി​ൽ​ക്കു​ക​യും അ​തു​മൂ​ലം ഭ​ക്ഷ​ണ​വ​സ്തു​ക്ക​ള്‍ ന​ഷ്ട​പ്പെ​ടു​ന്ന​തും എ​ലി​ക​ള്‍ മൂ​ലം പ​ര​ക്കു​ന്ന രോ​ഗ​ങ്ങ​ള്‍ കു​റ​യു​ക​യും ചെ​യ്തു.

കേ​ഡി എ​ന്നാ​ണ് ട​ർ​ക്കി​ഷ് ഭാ​ഷ​യി​ൽ പൂ​ച്ച​യെ വി​ളി​ക്കു​ന്ന​ത്‌. ഇ​സ്തം​ബൂ​ൾ ന​ഗ​രം ഇ​ന്ന് പൂ​ച്ച​ക​ളാ​ൽ നി​റ​ഞ്ഞി​രി​ക്കു​ന്നു, ചി​ല ക​ണ​ക്കു​ക​ൾ പ്ര​കാ​രം ഇ​വി​ട​ത്തെ പൂ​ച്ച​ക​ളു​ടെ എ​ണ്ണം 1,25,000 ആ​ണ്. എ​ന്നി​രു​ന്നാ​ലും ഇ​വി​ട​ത്തെ പൗ​ര​ന്മാ​ർ ഇ​തൊ​രു പ്ര​ശ്ന​മാ​യി കാ​ണു​ന്നി​ല്ല. ഇ​സ്തം​ബൂ​ളി​ലെ മി​ക്ക​വാ​റും എ​ല്ലാ തെ​രു​വു​ക​ളി​ലും പൂ​ച്ച​ക​ൾ​ക്കു​ള്ള ഭ​ക്ഷ​ണ​വും വെ​ള്ള പാ​ത്ര​ങ്ങ​ളും ‘കേ​ഡി ഹൗ​സു​ക​ളും’ ഉ​ണ്ട്. നി​ര​വ​ധി പൊ​തു​ഇ​ട​ങ്ങ​ളും പാ​ർ​ക്കു​ക​ളും ഒ​രു​ക്കി അ​വി​ടേ​ക്ക് പൂ​ച്ച​ക​ളു​ടെ കൂ​ട്ട​ങ്ങ​ളെ ആ​ക​ർ​ഷി​ക്കു​ക​യും ചെ​യ്യു​ന്നു. ഇ​സ്തം​ബൂ​ളി​ലെ ഫെ​ന​ർ​ബാ​ഹെ പാ​ർ​ക്കും മ​ക്കാ പാ​ർ​ക്കും പൂ​ച്ച​ക​ളു​ടെ ആ​വാ​സ​ത്തി​ന് പേ​രു​കേ​ട്ട​താ​ണ്. ലോ​ക​ത്ത് മ​റ്റെ​വി​ടെ​യെ​ങ്കി​ലും ഇ​ത്ത​രം ത​ടി​ച്ചു​കൊ​ഴു​ത്ത ആ​രോ​ഗ്യ​മു​ള്ള, സ​ന്തോ​ഷ​മു​ള്ള പൂ​ച്ച​ക​ളെ കാ​ണാ​ൻ സാ​ധ്യ​ത​യി​ല്ല. തു​ർ​ക്കി​യ​യി​ലെ ത​ദ്ദേ​ശീ​യ​മാ​യ ര​ണ്ട് ഇ​നം പൂ​ച്ച​ക​ളാ​ണ് - ട​ർ​ക്കി​ഷ് അം​ഗോ​റ​യും ട​ർ​ക്കി​ഷ് വാ​നും. തു​ർ​ക്കി​യ സ​മൂ​ഹ​ത്തി​ൽ പൂ​ച്ച​ക​ളു​ടെ സ്ഥാ​നം ഉ​റ​പ്പി​ക്കു​ന്ന ര​ണ്ട് ഇ​ന​ങ്ങ​ളാ​ണ് ഇ​വ. ഇ​വി​ട​ത്തെ പൗ​ര​ന്മാ​ർ പൂ​ച്ച​ക​ളെ എ​ല്ലാ​വ​രു​ടേ​താ​യും ക​ണ​ക്കാ​ക്കു​ന്നു, ഇ​ത് പൂ​ച്ച​ക​ൾ​ക്ക് അ​വ​രു​ടെ സ്വാ​ത​ന്ത്ര്യം ഉ​റ​പ്പാ​ക്കു​ന്നു. പൂ​ച്ച​ക​ൾ പ​ല​പ്പോ​ഴും സൗ​ഹാ​ർ​ദ​പ​ര​വും ശാ​ന്ത​വു​മാ​ണ്, സ്നേ​ഹി​ക്ക​പ്പെ​ടാ​നും ഭ​ക്ഷ​ണ​ത്തി​നാ​യും അ​വ​ര്‍ അ​പ​രി​ചി​ത​രെ​യും സ​മീ​പി​ക്കു​ന്നു. തു​ർ​ക്കി​യി​ല്‍ പൂ​ച്ച​ക​ളെ പ​രി​പാ​ലി​ക്കു​ന്ന​തി​നു നി​യ​മ​ങ്ങ​ളു​ണ്ട്. അ​വ​യെ ഉ​പ​ദ്ര​വി​ക്കു​ക​യോ കൊ​ല്ലു​ക​യോ ചെ​യ്യു​ന്ന​വ​രെ ജ​യി​ൽ ശി​ക്ഷ​ക്ക് വി​ധേ​യ​രാ​ക്കു​ന്ന നി​യ​മം പാ​സാ​ക്കി​യി​ട്ടു​ണ്ട്. അ​ന്താ​രാ​ഷ്ട്ര പൂ​ച്ച​ദി​ന​മാ​യ ആ​ഗ​സ്റ്റ് എ​ട്ടി​ന് ഇ​വി​ടെ ആ​ഘോ​ഷ​ങ്ങ​ള്‍ ന​ട​ത്താ​റു​ണ്ട്‌.

പ​ല കാ​ര​ണ​ങ്ങ​ളാ​ൽ ദേ​ശീ​യ​വും ചി​ല​പ്പോ​ൾ അ​ന്ത​ർ​ദേ​ശീ​യ​വു​മാ​യ പ്ര​ശ​സ്തി ഇ​വി​ട​ത്തെ പൂ​ച്ച​ക​ള്‍ നേ​ടി​യി​ട്ടു​ണ്ട്. ഇ​സ്തം​ബൂ​ളി​ലെ ഒ​രു​പ​ക്ഷേ, ലോ​ക​ത്തി​ലെ ഏ​റ്റ​വും പ്ര​ശ​സ്ത​മാ​യ പൂ​ച്ച​ക​ളി​ൽ ഒ​ന്നാ​യി​രു​ന്നു പ​ച്ച ക​ണ്ണു​ക​ളു​ള്ള ഗ്ലി. ​ഹാ​ഗി​യ സോ​ഫി​യ​യു​ടെ ‘ര​ക്ഷാ​ധി​കാ​രി’​യാ​യി 2020ൽ ​അ​വ​ൾ മ​രി​ക്കും​വ​രെ ക​ണ​ക്കാ​ക്ക​പ്പെ​ട്ടി​രു​ന്നു. ഒ​രു ല​ക്ഷ​ത്തി​നു മു​ക​ളി​ൽ ഫോ​ളോ​വേ​ഴ്‌​സു​ള്ള ഇ​ൻ​സ്റ്റാ​ഗ്രാം പേ​ജ് ഗ്ലീ​ക്ക് ഉ​ണ്ടാ​യി​രു​ന്നു. ഹാ​ഗി​യ സോ​ഫി​യ സ​ന്ദ​ര്‍ശി​ച്ച​പ്പോ​ള്‍ മു​ൻ യു.​എ​സ് പ്ര​സി​ഡ​ന്റ് ബ​റാ​ക് ഒ​ബാ​മ​ക്കും തു​ര്‍ക്കി​യ പ്ര​സി​ഡ​ന്റ് ഉ​ർ​ദു​ഗാ​നു​മൊ​ത്തു​ള്ള ഗ്ലീ​യു​ടെ ഫോ​ട്ടോ​ക​ള്‍ പ്ര​ശ​സ്ത​മാ​ണ്. ഇ​സ്തം​ബൂ​ളി​ലെ കാ​ഡി​ക്കോ​യ് പ്ര​ദേ​ശ​ത്തെ ഒ​രു ന​ട​പ്പാ​ത​യി​ൽ നി​സ്സം​ഗ​മാ​യി ചാ​രി​യി​രി​ക്കു​ന്ന ടോം​ബി​ലി എ​ന്ന പൂ​ച്ച താ​ര​പ​ദ​വി​യി​ലേ​ക്ക് ഉ​യ​ർ​ന്ന മ​റ്റൊ​രു പൂ​ച്ച​യാ​ണ്. 2016ൽ ​ടോം​ബി​ലി മ​രി​ച്ച​ശേ​ഷം അ​വ​ളു​ടെ പ്ര​ശ​സ്ത​മാ​യ പോ​സി​ൽ അ​വി​ടെ ഒ​രു പ്ര​തി​മ സ്ഥാ​പി​ച്ചി​ട്ടു​ണ്ട്. ഇ​സ്തം​ബൂ​ളി​ന് പു​റ​ത്തു​ള്ള പു​രാ​ത​ന ന​ഗ​ര​മാ​യ എ​ഫെ​സ​സി​ൽ, പ്ര​ശ​സ്ത​മാ​യ എ​ഫെ​സ​സ് പൂ​ച്ച​ക​ളു​ണ്ട്. ക​പ്പ​ഡോ​ക്യ​യി​ലും അ​ങ്കാ​റ​യി​ലും അ​ന്റാ​ലി​യാ​യി​ലും ബു​ര്‍സ​യി​ലും കൊ​ണി​യ​യി​ലും ഇ​സ്മീ​റി​ലും ക​നാ​ക്ക​ലെ​യി​ലും.. എ​ല്ലാ​യി​ട​ത്തും ട​ർ​ക്കി​ഷ് മ്യാ​വു കേ​ൾ​ക്കാം, അ​വ വി​നോ​ദ​സ​ഞ്ചാ​രി​ക​ളോ​ടൊ​പ്പം ചി​ത്ര​ങ്ങ​ൾ എ​ടു​ക്കു​ന്നു, കാ​ലി​ല്‍ ഉ​ര​സി​നി​ല്‍ക്കു​ന്നു.

ഏ​ണ​സ്റ്റ് ഹെ​മി​ങ് വേ​യു​ടെ പൂ​ച്ച​ക​ളെ പ​റ്റി​യു​ള്ള വാ​ക്കു​ക​ള്‍ ഓ​ര്‍ത്തു​പോ​കു​ന്നു, ‘ഒ​രു പൂ​ച്ച​ക്ക് തി​ക​ഞ്ഞ വൈ​കാ​രി​ക സ​ത്യ​സ​ന്ധ​ത​യു​ണ്ട്, മ​നു​ഷ്യ​ർ അ​വ​രു​ടെ വി​കാ​ര​ങ്ങ​ൾ മ​റ​ച്ചു​വെ​ക്കാം പ​ക്ഷേ, പൂ​ച്ച​ക​ള്‍ അ​ങ്ങ​നെ ചെ​യ്യു​ന്നി​ല്ല’. തു​ര്‍ക്കി​യ​യി​ലെ പൂ​ച്ച​ക​ളെ ചു​റ്റി​പ്പ​റ്റി​യു​ള്ള ച​രി​ത്ര​വും അ​വി​ട​ത്തെ സം​സ്‌​കാ​ര​വും കൗ​തു​ക​ക​ര​മാ​ണ്. തു​ർ​ക്കി​യ സ​ന്ദ​ർ​ശി​ച്ച ഓ​രോ ത​വ​ണ​യും അ​ത് നേ​രി​ട്ട് അ​നു​ഭ​വി​ക്കാ​ൻ ക​ഴി​ഞ്ഞി​ട്ടു​ണ്ട്. സു​ന്ദ​രി​ക​ളും സു​ന്ദ​ര​ന്മാ​രു​മാ​യ ഓ​മ​ന​ത്ത​മു​ള്ള പൂ​ച്ച​ക​ള്‍ ന​മ്മു​ടെ മ​ന​സ്സ് കീ​ഴ​ട​ക്കും.