ഇതാണ് മികച്ച സമയം; ലക്ഷ്വറി ട്രെയിനുകളിലെ യാത്രക്ക്​ വൻ ഓഫറുമായി​ റെയിൽവേ

പലപ്പോഴും നമ്മൾ സ്വപ്​നം കാണുന്ന കാഴ്​ചകളും അനുഭവങ്ങളും പണമില്ലാത്തതി​െൻറ പേരിൽ തട്ടിയകറ്റപ്പെടാറുണ്ട്​. ഇന്ത്യയിലൂടെ ഒാടുന്ന അത്യാഡംബര​ ട്രെയിനുകളുടെ അവസ്​ഥയും ഇത്​ തന്നൊയണ്​. പലരുടെയും കീശയിലൊതുങ്ങുന്നതാകില്ല ഇതിലെ യാത്ര. എന്നാൽ, ജീവിതത്തിലൊരിക്കലെങ്കിലും ഇൗ ട്രെയിനുകളിൽ യാത്ര ചെയ്യണമെന്ന്​ ആഗ്രഹിക്കാത്തവർ വിരളമായിരിക്കും.

അത്തരക്കാർക്ക്​ സന്തോഷ വാർത്തയുമായി വന്നിരിക്കുകയാണ്​ റെയിൽവേ. രാജ്യത്തെ രണ്ട് പ്രീമിയം ലക്ഷ്വറി ട്രെയിനുകളായ ഗോൾഡൻ ചാരിയറ്റ്, മഹാരാജാസ് എക്സ്പ്രസ് എന്നിവ അവരുടെ ഡീലക്സ് ക്യാബിനുകളിൽ കമ്പാനിയൻ ഓഫർ അവതരിപ്പിച്ചിരിക്കുകയാണ്​.

രണ്ടുപേർക്ക്​ ഒരുമിച്ച്​ ടിക്കറ്റെടുക്കു​േമ്പാഴാണ്​ കമ്പാനിയൻ ഒാഫർ ലഭിക്കുക. ആദ്യത്തെ ആൾക്ക്​ മുഴുവൻ തുകയും നൽകണം. എന്നാൽ, രണ്ടാമത്തെ ആൾക്ക്​ 50 ശതമാനം തുക നൽകിയാൽ മാത്രം മതി. അതായത്​ മൊത്തം തുകയുടെ 25 ശതമാനം ഇളവ്​ ലഭിക്കും.

നാല്​ വ്യത്യസ്​ത പാക്കേജുകളായാണ്​​ മഹാരാജാസ്​ എക്​സ്​പ്രസി​െൻറ പ്രയാണം. ഇന്ത്യൻ ​സ്​​െപ്ലൻഡർ, ഇന്ത്യൻ പനോരമ, ഹെരിറ്റേജ്​ ഒാഫ്​ ഇന്ത്യ, ട്രഷേഴ്​സ്​ ഒാഫ്​ ഇന്ത്യ എന്നീ പേരുകളിലാണ്​ ഇവ അറിയപ്പെടുന്നത്​.

ആറ്​ രാത്രിയും ഏഴ്​ പകലും നീളുന്ന ഹെരിറ്റേജ്​ ഒാഫ്​ ഇന്ത്യ പാക്കേജിൽ മുംബൈ, അജന്ത, ഉദയ്​പുർ, ജോധ്​പുർ, ബിക്കാനീർ, ജയ്​പുർ, രൻഥംബോറ്​, ആഗ്ര, ഡൽഹി എന്നീ സ്​ഥലങ്ങളാണ്​ ഉൾപ്പെടുന്നത്​.

ട്രഷേഴ്​സ്​ ഒാഫ്​ ഇന്ത്യ പാക്കേജിൽ മൂന്ന്​ രാത്രിയും നാല്​ പകലുമാണ്​ വരിക. ഡൽഹി, ആഗ്ര, രൻഥംബോറ്​, ജയ്​പുർ, ഡൽഹി എന്ന റൂട്ടിലൂടെയാണ്​ ഇതി​െൻറ സഞ്ചാരം.

ഇന്ത്യൻ പനോരമയിൽ ആറ്​ രാത്രിയും ഏഴ്​ പകലുമാണുള്ളത്​. ഡൽഹി, ജയ്​പുർ, ജോധ്​പുർ, രൻഥംബോറ്​, ഫത്തേഹ്​പുർ സിക്രി, ആഗ്ര, ഗ്വാളിയോർ, ഒാർച്ച, ഖജുരാവോ, വരാണാസി, ലഖ്​നൗ, ഡൽഹി എന്നീ വഴികളിലൂടെയാണ്​ യാത്ര.

ഇന്ത്യൻ സ്​​െപ്ലൻഡർ പാക്കേജി​െൻറ യാത്ര ഡൽഹി, ആഗ്ര, രൻഥംബോറ്​, ജയ്​പുർ, ബിക്കാനീർ, ജോധ്​പുർ, ഉദയ്​പുർ, ബലാസിനോർ, മുംബൈ എന്ന റൂട്ടിലൂടെയാണ്​. ഇൗ യാത്ര ആറ്​ രാത്രിയും ഏഴ്​ പകലും നീളും.

ഇൗ റൂട്ടുകളിലെ പഴയതും പുതിയതുമായ നിരക്കുകൾ മനസ്സിലാക്കാം.

ഇന്ത്യൻ സ്​​െപ്ലൻഡർ, ഇന്ത്യൻ പനോരമ:

ഇന്ത്യക്കാർക്ക്​ - 6,83,550 രൂപ (4,55,700 + 2,27,850). രണ്ടുപേർക്കുള്ള പഴയ നിരക്ക്​ ^ 9,11,400 രൂപ.

വിദേശികൾക്ക്​ - 8970 ഡോളർ (5980 + 2990). രണ്ടുപേർക്കുള്ള പഴയ നിരക്ക്​: 11,960 ഡോളർ.

ഹെരിറ്റേജ്​ ഒാഫ്​ ഇന്ത്യ:

ഇന്ത്യക്കാർക്ക്- 7,24,800 രൂപ (4,83,200 + 2,41,600), പഴയ നിരക്ക്​: 9,66,400 രൂപ.

വിദേശികൾക്ക്​ - 9510 ഡോളർ (6340 + 3170). പഴയ നിരക്ക്​: 12,680 ഡോളർ.

ട്രഷേഴ്​സ്​ ഒാഫ്​ ഇന്ത്യ

ഇന്ത്യക്കാർക്ക്​ - 4,40,100 രൂപ (2,93,400 + 1,46,700). പഴയ നിരക്ക്​ 5,86,800 രൂപ.

വിദേശികൾക്ക് - 5,775 ഡോളർ (3850 + 1925). പഴയനിരക്ക്​: 7,700 ഡോളർ.

ദക്ഷിണേന്ത്യയിലൂടെയാണ്​ ഗോൾഡൻ ചാരിയറ്റി​െൻറ പ്രയാണം. ആറ്​ വ്യത്യസ്​ത പാക്കേജുകളാണ്​ ഇതിലുള്ളത്​. കർണാടക, ഗോവ, തമിഴ്​നാട്​, കേരള എന്നീ സംസ്​ഥാനങ്ങളിലൂടെ ട്രെയിൻ താണ്ടും. കൂടാതെ കേന്ദ്രഭരണ പ്രദേശമായ പോണ്ടിച്ചേരിയിലും ഇൗ ആഡംബര ട്രെയിൻ കടന്നെത്തും. 60,000 രൂപ മുതൽ 2.08 ലക്ഷം വരെയാണ്​ വിവിധ പാക്കേജുകളുടെ പുതുക്കിയ നിരക്ക്​.

ഭക്ഷണം, മദ്യമടക്കമുള്ള വിവിധതരം പാനീയങ്ങൾ, ​ഗൈഡി​െൻറ സഹായത്തോടെയുള്ള വി​േനാദയാത്രകൾ, സ്​ഥലങ്ങൾ സന്ദർശിക്കൽ, പ്രവേശന ഫീസ്​, റെയിൽവേ സ്​റ്റേഷനിലെ പോർട്ടർ ഫീസ്​, രൻഥംബോറിലെ ജംഗിൾ സഫാരി എന്നിവയെല്ലാം ഇൗ തുകയിൽ അടങ്ങിയിട്ടുണ്ടാകും. കൂടാതെ ഫൈവ്​ സ്​​റ്റാർ ഹോട്ടലുകൾക്ക്​ സമാനമായ മുറികളും ഭക്ഷണവുമെല്ലാമാണ്​ ഇൗ ട്രെയിനുകളിലുള്ളത്​.

2023 മാർച്ച്​ വരെയാണ് പുതിയ​ ഒാഫർ.​ അതേസമയം, 2021 മാർച്ച്​ 31ന്​ മുമ്പ്​ ബുക്ക്​ ചെയ്യേണ്ടതുണ്ട്​. അടുത്തവർഷം ജനുവരി മുതലാണ്​ ഇൗ ട്രെയിനുകൾ സർവിസ്​ പുനരാരംഭിക്കുന്നത്​.

https://www.the-maharajas.com, https://www.goldenchariot.org എന്നീ സൈറ്റുകൾ വഴി ഇൗ ​ട്രെയിനുകളിലെ ടിക്കറ്റുകൾ ബുക്ക്​ ചെയ്യാം.