Begin typing your search above and press return to search.
proflie-avatar
Login
exit_to_app
exit_to_app
hotel booking
cancel
Homechevron_rightTravelchevron_rightExplorechevron_rightയാത്രക്ക്​...

യാത്രക്ക്​ ഒരുങ്ങുകയാണോ? ഹോട്ടൽ ബുക്ക്​ ചെയ്യുമ്പോൾ ഇക്കാര്യങ്ങൾ ശ്രദ്ധിക്കാം

text_fields
bookmark_border

ഒന്നിലധികം ദിവസം വരുന്ന യാത്രയാണെങ്കിൽ താമസത്തിനായി ഹോട്ടൽ ബുക്ക്​ ചെയ്യൽ അത്യാവശ്യമാണ്​. യാത്രയേക്കാൾ ടെൻഷൻ പിടിച്ച പണിയാണിത്​. കുറഞ്ഞ ചെലവിൽ മികച്ച റൂം എങ്ങനെ കണ്ടെത്തുമെന്നായിരിക്കും പലരുടെയും ചിന്ത. താമസം മോശമായാൽ ചിലപ്പോൾ യാത്രയുടെ എല്ലാ രസവും തന്നെ നഷ്​ടപ്പെടും.

വില കൂടും തോറും ഹോട്ടൽ മികച്ചതാകുമെന്ന ധാരണ പലർക്കുമുണ്ടാകാം. പക്ഷേ അങ്ങനെയല്ല കാര്യങ്ങൾ. നല്ല സൗകര്യങ്ങളുള്ള, മികച്ച താമസം വാഗ്​ദാനം ചെയ്യുന്ന ഹോട്ടലുകൾ ബഡ്​ജറ്റ്​ നിരക്കിൽ​ ലഭ്യാമാകാറുണ്ട്​. ഒരൽപ്പം ആസൂത്രണമുണ്ടെങ്കിൽ നിങ്ങൾക്കും നല്ല ഹോട്ടലുകൾ തിരഞ്ഞെടുക്കാം.

അവലോകനങ്ങൾ താരതമ്യം ചെയ്യുക

ഇന്ന്​ ഓരോ ഹോട്ടലുകളെക്കുറിച്ചും ഇന്‍റർനെറ്റിൽ ധാരാളം അവലോകനങ്ങൾ ലഭ്യമാണ്​. ഇതിൽ യഥാർത്ഥ ഉപയോക്​താക്കളുടെ കുറിപ്പുകൾ കണ്ടെത്തി വിശകലനം ചെയ്യാം. ഇതുവഴി ​ആ ഹോട്ടലിനെക്കുറിച്ചും സൗകര്യങ്ങളെക്കുറിച്ചും താമസത്തെക്കുറിച്ചമെല്ലാം ധാരണ ലഭിക്കും. ഒരൽപ്പം സമയം പിടിക്കുന്ന പണിയാണെങ്കിലും നല്ല ഹോട്ടൽ തെരഞ്ഞെടുക്കാൻ ഇത്​ അത്യാവശ്യമാണ്​. പ്രസ്​തുത ഹോട്ടൽ ലിസ്റ്റ്​ ചെയ്​തിട്ടുള്ള ബുക്കിങ്​ ആപ്പുകളിലും അവയെക്കുറിച്ചുള്ള റിവ്യൂകളും റേറ്റിങ്ങുമെല്ലാം ലഭ്യമാണ്​.

ചിത്രങ്ങളിൽ വീഴരുത്

ഹോട്ടലുകളുടെ ചിത്രങ്ങൾ കണ്ട്​ ഒരിക്കലും ബുക്ക്​ ചെയ്യരുത്​. വെബ്‌സൈറ്റുകളിലെ ചിത്രങ്ങൾ എപ്പോഴും ഉപഭോക്താക്കളെ ആകർഷിക്കാൻ ഉദ്ദേശിച്ചുള്ളതാണ്. നൂതന സാ​ങ്കേതിക വിദ്യകൾ വഴി ആ ചിത്രങ്ങളെ പൊലിപ്പിച്ചാണ്​ പ്രസിദ്ധീകരിക്കുക​. മാത്രമല്ല, അവ ഹോട്ടൽ ആരംഭിച്ചപ്പോൾ എടുത്തവയുമാകാം. എന്നാൽ, കാലങ്ങൾക്കുശേഷം അതൊന്നും ആകില്ല അവസ്​ഥ. അവസാനം അവിടെ താമസിച്ച ആളുകൾ എടുത്ത ചിത്രങ്ങൾ റിവ്യൂവിനൊപ്പം ചേർത്തിട്ടുണ്ടാകും. അതിൽനിന്ന്​ കുറച്ചുകൂടി കാര്യങ്ങൾ വ്യക്​തമാകും.

സൗകര്യങ്ങൾ അറിയുക

ഹോട്ടൽ ബുക്ക്​ ​ചെയ്യു​േമ്പാൾ എന്തെല്ലാം സൗകര്യങ്ങൾ ലഭിക്കുമെന്ന്​ മനസ്സിലാക്കുക. ചിലപ്പോൾ നല്ല, ഹോട്ടൽ ആയിരിക്കും, എന്നാൽ, നമുക്ക്​ ആവശ്യമായ സൗകര്യം അവിടെ ഉണ്ടാകില്ല എന്നുവരും.

എല്ലാ ഹോട്ടൽ വെബ്‌സൈറ്റുകളിലും ആപ്പുകളിലും പ്രസ്​തുത ഇടത്തെ സൗകര്യങ്ങൾ ലിസ്റ്റ് ചെയ്തിട്ടുണ്ട്. അവ പരിശോധിച്ച്​ ഉറപ്പുവരുത്തുക. ചിലപ്പോൾ സ്വിമ്മിങ്​ പൂൾ പോലുള്ളവ ചിത്രത്തിൽ കാണുന്നുണ്ടാകും. എന്നാൽ, അറ്റകുറ്റപ്പണി കാരണം അവ പ്രവർത്തിക്കുന്നുണ്ടാകില്ല. ഇതെല്ലാം വിളിച്ചു ഉറപ്പുവരുത്തണം.

പ്രഭാത ഭക്ഷണം

മിക്ക ഹോട്ടലുകളും താമസത്തിനൊപ്പം പ്രഭാതഭക്ഷണവും ഉൾപ്പെടുത്താറുണ്ട്​. ബുക്ക് ചെയ്യുന്നതിന് മുമ്പ് അതിനെക്കുറിച്ച് വ്യക്തത നേടുന്നതാണ് നല്ലത്. പ്രഭാതഭക്ഷണം താമസത്തിനൊപ്പം ഇല്ലെങ്കിൽ ചിലപ്പോൾ അതിനായി കൂടുതൽ പണം ചെലവഴിക്കേണ്ടി വന്നേക്കാം. അതെല്ലെങ്കിൽ, പുറത്തുപോയി മറ്റൊരു റെസ്​റ്റോറന്‍റ്​ കണ്ടുപിടിക്കാനും ബുദ്ധിമുട്ടാകും.

ഹോട്ടലിന്‍റെ സ്​ഥാനം

ഹോട്ടൽ ഏത്​ ഭാഗത്താണ്​ സ്​ഥിതി ചെയ്യുന്നതെന്ന്​ വളരെ പ്രധാനപ്പെട്ടതാണ്​. നഗരത്തിലെ എല്ലാ ആകർഷണങ്ങളിൽ നിന്നും വളരെ അകലെയാണെങ്കിൽ ചിലപ്പോഴത്​ പ്രശ്​നമാകും. വീണ്ടും യാത്രക്കായി അധികചെലവ്​ വരും. എ​പ്പോഴും ജനപ്രിയ സ്ഥലങ്ങളിൽ ഹോട്ടലുകൾ ബുക്ക് ചെയ്യാൻ ശ്രമിക്കുക. അതാകു​േമ്പാൾ മതിയായ സുരക്ഷയെല്ലാം ഉണ്ടാകും. അപരിചിതമായ ഭാഗങ്ങളിലുള്ള ഹോട്ടലുകൾ എടുക്കാതിരിക്കുക. ഇത്തരം സ്​ഥലങ്ങളിൽ രാത്രിയെല്ലാം പുറത്തിറങ്ങി നടക്കൽ അപകടകരമാകും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:hotel booking
News Summary - Ready to travel? These are the things to keep in mind when booking a hotel
Next Story