ആറു​ നൂറ്റാണ്ട്​​ മുമ്പ്​ കേരളത്തിൽനിന്ന്​ കുടിയേറിയവർ; കർണാടകയിലെ ഈ ഗ്രാമത്തിൽ സംസ്​കൃതം മാത്രം

സംസ്​കൃതം മാത്രം സംസാരിക്കുന്ന ജനങ്ങൾ താമസിക്കുന്ന ഗ്രാമം. അങ്ങനെയുമുണ്ടൊരു സ്​ഥലം നമ്മുടെ രാജ്യത്ത്​. കർണാടകയിലെ ഷിമോഗ ജില്ലയിൽ ശിവമോഗക്കടുത്തുള്ള മത്തൂരു എന്ന ഗ്രാമത്തിൽ ചെന്നാൽ​ സംസ്​കൃതത്തി​െൻറ അറിവുകളിലേക്ക്​ നിങ്ങൾക്ക്​ ഇറങ്ങിച്ചെല്ലാം.

ദൈനംദിന ആശയവിനിമയത്തിന് സംസ്‌കൃതം മാത്രം ഉപയോഗിക്കുന്ന ഇന്ത്യയിലെ അപൂർവ സ്ഥലങ്ങളിൽ ഒന്നാണിത്. ഏകദേശം 40 വർഷം മുമ്പ്, 1981ൽ സംസ്കൃതത്തെ പ്രോത്സാഹിപ്പിക്കാൻ രൂപീകരിച്ച സംസ്കൃത ഭാരതി എന്ന സംഘടന 10 ദിവസത്തെ പരിശീലനം മത്തൂരിൽ സംഘടിപ്പിക്കുകയുണ്ടായി. അയൽപ്രദേശമായ ഉഡുപ്പിയിലെ പെജവാർ മഠത്തി​ലെ ദർശകൻ ഉൾപ്പെടെ നിരവധി പ്രമുഖർ ഇതിൽ പങ്കെടുത്തു. സംസ്‌കൃതം പഠിക്കാനും സംരക്ഷിക്കാനുമുള്ള ഗ്രാമീണരുടെ ആവേശം കണ്ടതോടെ മത്തൂരിനെ സംസ്​കൃത ഗ്രാമമാക്കി മാറ്റാൻ തീരുമാനിക്കുകയായിരുന്നു.

600 വർഷങ്ങൾക്ക് മുമ്പ് കേരളത്തിൽനിന്ന് കുടിയേറിയ പുരാതന ബ്രാഹ്മണ സമൂഹമാണ് മത്തൂരിലെ ജനങ്ങൾ. നെല്ലും അടക്കയും കൃഷി ചെയ്യുന്ന കാർഷിക ഗ്രാമം കൂടിയാണിത്​. പരമ്പാരഗത വിദ്യാലയത്തിൽനിന്നാണ്​ ഇവിടുത്തുകാർ സംസ്​കൃതം പഠിക്കുന്നത്​. വിദ്യാർത്ഥികൾ 10 വയസ്സ് മുതൽ സംസ്​കൃതവും വേദങ്ങളും പഠിക്കുന്നു.

പ്രാദേശിക ചുവർചിത്രങ്ങളിൽ പോലും സംസ്​കൃതം നിറഞ്ഞുനിൽക്കുന്നു. രാമക്ഷേത്രം, ശിവക്ഷേത്രം, സോമേശ്വര ക്ഷേത്രം, ലക്ഷ്മികേശവ ക്ഷേത്രം എന്നിവയും ഇൗ ഗ്രാമത്തിലുണ്ട്​. ഗ്രാമത്തിന്​ സമീപം ഒഴുകുന്ന തുംഗ നദി മുറിച്ചുകടന്നാൽ മത്തൂരി​െൻറ ഇരട്ട ഗ്രാമമായ ഹൊസഹള്ളിയിലെത്താം. കർണാടകയിലെ ആലാപനത്തി​െൻറയും കഥപറച്ചിലി​െൻറയും പ്രത്യേക രൂപമായ പുരാതന ഗമാക കലയെ കൊണ്ടുനടക്കുന്നവരാണ്​​ മത്തൂരും ഹൊസഹള്ളിയും. കൂടാതെ ഹൊസഹള്ളിക്കാരുടെയും സംസാരഭാഷ സംസ്​കൃതം തന്നെയാണ്​.