Top
Begin typing your search above and press return to search.
exit_to_app
exit_to_app
Tsuen Tea
cancel
Homechevron_rightTravelchevron_rightExplorechevron_rightആവി പറക്കുന്ന ചായ...

ആവി പറക്കുന്ന ചായ കുടിക്കാം... ഇവിടെയുണ്ട്​ 860 വർഷം പഴക്കമുള്ള ചായക്കട

text_fields
bookmark_border

പലരുടെയും ദിനചര്യയുടെ ഭാഗമാണ്​​ ചായ. ആവി പറക്കുന്ന വിവിധ തരം ചായകളും ചായക്കടകളും പരീക്ഷിക്കുന്നതും മിക്കവരുടെയും ഹോബിയാണ്​. അത്തരം ചായ പ്രേമികളെ പ്രലോഭിപ്പിക്കുന്ന ഒന്നാണ്​ ജപ്പാനിലെ ഇൗ ചായക്കട. 860 വർഷം പഴക്കംവരുന്ന ഇൗ കട ലോകത്തിലെ തന്നെ ആദ്യത്തെ ചായക്കടകളിൽ ഒന്നാണ്​.

ഉജി നഗരത്തിന്​ സമീപത്തെ ക്യോട്ടോയിലാണ് 1160ൽ സ്​ഥാപിച്ച സ്യൂൻ ടീ എന്ന കടയുള്ളത്​. ​ലോകത്തിലെ ഏറ്റവും പഴക്കം ചെന്ന കമ്പനികളുടെ പട്ടികയിൽ 26ാം സ്​ഥാനത്താണ്​ സ്യൂൻ ടീ. ഇൗ പട്ടികയിലെ മികച്ച അഞ്ച് കമ്പനികളും ജപ്പാനിൽനിന്നുള്ളവയാണ്​.

സ്യൂൻ കുടുംബത്തിലെ 24ാം തലമുറയിൽ പെട്ടവരാണ്​​ ഇൗ ടീ ഹൗസ്​ ​ഇപ്പോൾ കൊണ്ടുനടക്കുന്നത്​. ഇൗ ചായക്കടയുടെ സ്ഥാപകൻ ഒരു സമുറായി ആയിരുന്നുവെന്നും ​അദ്ദേഹം ജനറൽ മിനാമോട്ടോ നോ യോറിമാസയുടെ കീഴിൽ സേവനമനുഷ്ഠിച്ചതായും ചരിത്രമുണ്ട്.


കെനിയൻ ഉജി സ്​റ്റേഷന് മുന്നിൽ സ്ഥിതിചെയ്യുന്ന ഇൗ ടീ ഹൗസ്​ 1672ൽ പുതുക്കിപ്പണിതു. ഇഡോ കാലഘട്ടത്തിലെ വാസ്​തുവിദ്യാപ്രകാരമായിരുന്നു ഇതി​െൻറ പുനർനിർമാണം. ഇതിനകത്ത്​ ഉപയോഗിക്കുന്ന സെറാമിക് ടീ ജാറുകൾക്ക് നൂറ്റാണ്ടുകളുടെ പഴക്കമുണ്ട്​. ജപ്പാ​െൻറ പൗരാണികതയുടെ ശേഷിപ്പുകൾ കൂടിയാണിത്​.

ഇവിടെ മരത്തി​െൻറ വലിയൊരു ബക്കറ്റും പ്രദർശിപ്പിച്ചിട്ടുണ്ട്. ജാപ്പൻ മോഡൽ ചായ അവതരിപ്പിച്ചതായി അറിയപ്പെടുന്ന സെൻ നോ റികു നിർമിച്ചതാണ്​ ഇൗ ബക്കറ്റെന്ന്​ പറ​യപ്പെടുന്നു.

സ്വദിഷ്​ടമായ വിവിധതരം ചായകളും പലഹാരങ്ങളും ഇവിടെ ലഭിക്കും​. മച്ച ടീ ആണ്​ ഇതിൽ ഏറെ പ്രശസ്​തം​. കൂടാതെ ചൂടുവെള്ളത്തിൽ തേയിലയുടെ ഇലകൾ നിറച്ച സെഞ്ച, ജിയോകുറോ ഗ്രീൻ ടീ, തേയിലച്ചെടികളിൽ നിന്നുള്ള ചില്ലകൾ അടങ്ങിയ കരിഗെയ്ൻ എന്നിവയെല്ലാം ഇവിടെനിന്ന്​ നുകരാം.



Show Full Article
TAGS:Tsuen Tea 
News Summary - Drink steaming tea ... There is an 860-year-old tea shop here
Next Story