90 രൂപയുണ്ടോ? ഇറ്റലിയിൽ പൈതൃക വീടുകൾ സ്വന്തമാക്കാം
text_fields90 രൂപക്ക് പൈതൃകവും ചരിത്രവും സ്പന്ദിക്കുന്ന വീട് വേണോ, അതും ഇറ്റലിയിൽ? സംഗതി സത്യമാണ്. കാസ്റ്റിഗ്ലിയോൺ ഡി സിസിലിയ എന്ന ഗ്രാമത്തിലെ ഉപേക്ഷിക്കപ്പെട്ട 900 വീടുകളാണ് കുറഞ്ഞ വിലക്ക് സ്വന്തമാക്കാൻ സാധിക്കുക.
സിസിലിയിലെ പ്രധാന നഗരമായ കാറ്റാനിയക്ക് സമീപമുള്ള എറ്റ്ന പർവതത്തിെൻറ ചരിവിലാണ് ഇൗ സ്വപ്നഭവനങ്ങൾ സ്ഥിതി ചെയ്യുന്നത്. പല കാലങ്ങായി ഗ്രാമത്തിലെ ജനങ്ങൾ വീടുകൾ ഉപക്ഷേിച്ച് വൻനഗരങ്ങളിലേക്ക് കുടിയേറുകയായിരുന്നു. ഇൗ വീടുകളിലേക്ക് ആളുകളെ തിരികെ കൊണ്ടുവന്ന് ഗ്രാമം സജീവമാക്കാനാണ് പദ്ധതിയെന്ന് മേയർ അേൻറാണിനോ കാമർഡ പറഞ്ഞു.
'ചരിത്രവും വാസ്തുവിദ്യയും നിറഞ്ഞ വലിയ പാരമ്പര്യമുണ്ട് ഞങ്ങൾക്ക്. അതിനെ വീണ്ടെടുക്കണം. മാപ്പുകളും ലാൻഡ് രജിസ്റ്റർ ഡാറ്റയും അടിസ്ഥാനമാക്കി ഓരോ സ്വത്തും പട്ടികപ്പെടുത്തിയിട്ടുണ്ട്' -ഗവർണർ പറഞ്ഞു.
ഓരോ കെട്ടിടത്തിനും അതിെൻറ നിലവരാത്തിനനുസരിച്ചാണ് വില നിശ്ചയിച്ചിരിക്കുന്നത്. ഒരു യൂറോ (ഏകദേശം 90 രൂപ) മുതൽ വീടുകൾ ലഭ്യമാണ്. പദ്ധതി നടപ്പാക്കാനായി പ്രത്യേക ടാസ്ക് ഫോഴ്സ് തന്നെ രൂപീകരിച്ചിട്ടുണ്ട്.
രണ്ട് മേഖലകളിലായിട്ടാണ് ഇതിെൻറ പ്രവർത്തനം. ഒന്നാമത്തേത്, വീട് ഉപേക്ഷിച്ച് പോയവരെ തിരിച്ചുകൊണ്ടുവരിക എന്നതാണ്. മറ്റൊന്ന് പുതിയ ആളുകളെ ഗ്രാമത്തിലേക്ക് കൊണ്ടുവന്ന് വീട് നൽകുക.
നേരത്തെയും ഇറ്റലിയിലെ ആളൊഴിഞ്ഞ പല ഗ്രാമങ്ങളിലും ഇത്തരം പദ്ധതികൾ ആവിഷ്കരിച്ചിരുന്നു. എന്നാൽ, 900 വീടുകൾ വരുന്ന കാസ്റ്റിഗ്ലിയോൺ ഡി സിസിലിയയിലെ ഇൗ പദ്ധതി ഏറ്റവും വലുതാണ്.
ബി.സി 400 മുതൽ ഇൗ ഭാഗത്ത് ജനവാസമുണ്ട്. പല കാലങ്ങളിലായി റോമക്കാരും അറബികളുമെല്ലാം ഇൗ പ്രദേശം കീഴടക്കിയിട്ടുണ്ട്. പുരാതന കാലഘട്ടത്തിലെ ചരിത്രപ്രധാനമായ നിരവധി കെട്ടിടങ്ങൾ ഇന്നും ഇവിടെ സംരക്ഷിച്ചുപോരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.