ഒറവപ്പാറ ഇനി ടൂറിസം ഡെസ്‌റ്റിനേഷൻ

തൊ​ടു​പു​ഴ: ഐ​തീ​ഹ്യ​ങ്ങ​ൾ കെ​ട്ടു​പി​ണ​ഞ്ഞു​കി​ട​ക്കു​ന്ന പ്ര​കൃ​തി മ​നോ​ഹ​ര​മാ​യ ഒ​റ​വ​പ്പാ​റ​യും അ​റി​യ​പ്പെ​ടു​ന്ന വി​നോ​ദ​സ​ഞ്ചാ​ര കേ​ന്ദ്ര​മാ​യി മാ​റാ​ൻ ഒ​രു​ങ്ങു​ന്നു. പ​ദ്ധ​തി​ക്ക്‌ ജി​ല്ല ആ​സൂ​ത്ര​ണ സ​മി​തി (ഡി.​പി.​സി) അം​ഗീ​കാ​രം ല​ഭി​ച്ച​താ​യി തൊ​ടു​പു​ഴ ന​ഗ​ര​സ​ഭ സെ​ക്ര​ട്ട​റി അ​റി​യി​ച്ചു.

തൊ​ടു​പു​ഴ-​മൂ​ല​മ​റ്റം റൂ​ട്ടി​ൽ മൂ​ന്നു കി​ലോ​മീ​റ്റ​ർ സ​ഞ്ച​രി​ച്ചാ​ൽ ഒ​ള​മ​റ്റ​മാ​യി. അ​വി​ടെ​നി​ന്ന്‌ ഒ​രു കി​ലോ​മീ​റ്റ​ർ അ​ക​ലെ സ​മു​ദ്ര​നി​ര​പ്പി​ൽ​നി​ന്നും ഏ​ക​ദേ​ശം 1600 അ​ടി ഉ​യ​ര​ത്തി​ലാ​ണ്‌ കേ​ര​ള പ​ള​നി എ​ന്ന​റി​യ​പ്പെ​ടു​ന്ന സു​ബ്ര​ഹ്മ​ണ്യ​സ്വാ​മി ക്ഷേ​ത്രം. ഒ​റ​വ​പ്പാ​റ​യു​മാ​യി ബ​ന്ധ​പ്പെ​ട്ട്‌ മ​ഹാ​ഭാ​ര​തം ക​ഥ​യി​ലെ പ​ഞ്ച​പാ​ണ്ഡ​വ​രു​ടെ ഒ​ളി​വു ജീ​വി​ത​വു​മാ​യി ബ​ന്ധ​പ്പെ​ട്ട ഐ​തി​ഹ്യം പ്ര​ചാ​ര​ത്തി​ലു​ണ്ട്‌.

ചൂ​തു​ക​ളി​യി​ൽ തോ​റ്റ പാ​ണ്ഡ​വ​ർ വ​ന​വാ​സ​കാ​ല​ത്ത് ഒ​റ​വ​പ്പാ​റ​യി​ൽ താ​മ​സി​ച്ചെ​ന്നാ​ണ്‌ വി​ശ്വാ​സി​ക​ൾ ക​രു​തു​ന്ന​ത്‌. പാ​റ​യു​ടെ മു​ക​ളി​ൽ കാ​ൽ​പാ​ദ​ത്തി​ന്റെ ആ​കൃ​തി​യി​ലു​ള്ള ഒ​രി​ക്ക​ലും വ​റ്റാ​ത്ത ഒ​രു കു​ള​മു​ണ്ട്‌. ഇ​ത്‌ ഭീ​മ​സേ​ന​ൻ പാ​റ​യി​ൽ ച​വി​ട്ടി​താ​ഴ്‌​ത്തി ഉ​ണ്ടാ​ക്കി​യ​താ​ണെ​ന്നാ​ണ്‌ സ​ങ്ക​ൽ​പ്പം. അ​ടു​പ്പി​ന്റെ ആ​കൃ​തി​യി​ൽ മൂ​ന്ന്‌ കൂ​റ്റ​ൻ പാ​റ​ക്ക​ല്ലു​ക​ളും കാ​ണാം. അ​ത്‌ പാ​ണ്ഡ​വ​ർ പാ​ച​ക​ത്തി​നു ഉ​പ​യോ​ഗി​ച്ച അ​ടു​പ്പാ​ണെ​ന്നാ​ണ്‌ വി​ശ്വാ​സം.

ഐ​തി​ഹ്യ​ങ്ങ​ൾ എ​ന്തു​ത​ന്നെ​യാ​യാ​ലും പാ​റ​യു​ടെ മു​ക​ളി​ൽ എ​ത്തി​യാ​ൽ സ​ഞ്ചാ​രി​ക​ൾ​ക്ക്​ ഒ​നു​ഭ​വ​മാ​ണ്‌. മു​ക​ളി​ൽ എ​ത്തു​ന്ന​വ​ർ​ക്ക്‌ വീ​ശി​യ​ടി​ക്കു​ന്ന കു​ളി​ർ​കാ​റ്റേ​റ്റ്‌ വി​ശ്ര​മി​ക്കാം. തൊ​ടു​പു​ഴ പ​ട്ട​ണ​ത്തി​ന്റെ​യും സ​മീ​പ പ​ഞ്ചാ​യ​ത്തു​ക​ളു​ടെ​യും ദൂ​ര​ക്കാ​ഴ്‌​ച പ്ര​ത്യേ​ക അ​നു​ഭൂ​തി പ​ക​രും.

ഒ​റ​വ​പ്പാ​റ​യ്‌​ക്ക്‌ സ​മീ​പ​ത്താ​ണ്‌ കൊ​ന്ന​ക്കാ​മ​ല. ഇ​വ​യെ യോ​ജി​പ്പി​ച്ച്‌ റോ​പ് വേ ​നി​ർ​മി​ക്കാ​നു​ള്ള ആ​ലോ​ച​ന​യും ന​ട​ന്നി​ട്ടു​ണ്ട്‌. കൊ​ൽ​ക്ക​ത്ത​യി​ൽ​നി​ന്ന്‌ എ​ൻ​ജി​നി​യ​ർ​മാ​രെ​ത്തി പ​ഠ​ന​വും ന​ട​ത്തി അ​നു​യോ​ജ്യ​മാ​യ സ്ഥ​ല​മാ​ണെ​ന്ന്‌ സാ​ക്ഷ്യ​പ്പെ​ടു​ത്തു​ക​യും ചെ​യ്‌​തു. റോ​പ്പ്‌ വേ ​നി​ർ​മാ​ണ​ത്തി​ന്‌ 30 പി​ല്ല​റു​ക​ൾ മ​തി​യാ​കും. ഇ​തി​ന്​ 14 കോ​ടി രൂ​പ​യാ​ണ്‌ പ്ര​തീ​ക്ഷി​ക്കു​ന്ന ചെ​ല​വ്. വെ​ങ്ങ​ല്ലൂ​ർ പാ​ല​ത്തി​ന്‌ സ​മീ​പം ചെ​ക്ക്‌ ഡാം ​നി​ർ​മി​ച്ച്‌ ഒ​രേ​നി​ര​പ്പി​ൽ വെ​ള്ളം കെ​ട്ടി നി​ർ​ത്തി​യാ​ൽ ബോ​ട്ടി​ങ്‌ അ​ട​ക്ക​മു​ള്ള സം​വി​ധാ​നം ഏ​ർ​പ്പെ​ടു​ത്താ​നാ​കും.