'ഉറുബാമ്പ'യുടെ മടിത്തട്ടിൽ

2010 പു​റ​ത്തി​റ​ങ്ങി​യ ‘യ​ന്തി​ര​ൻ’ സി​നി​മ​യി​ൽ ര​ജ​നീ​കാ​ന്തും ഐ​ശ്വ​ര്യ​റാ​യി​യും നി​റ​ഞ്ഞാ​ടി​യ ഗാ​ന​ത്തി​ന്റെ പ​ശ്ചാ​ത്ത​ലം സ​പ്താ​ത്ഭു​ത​ങ്ങ​ളി​ലൊ​ന്നാ​യ മാ​ച്ചു​പ്പി​ച്ചു ആ​യി​രു​ന്നു. ഉ​റു​ബാ​മ്പ പ​ർ​വ്വ​ത​ങ്ങ​ളു​ടെ സൗ​ന്ദ​ര്യ​വും, ബ്ര​സീ​ലി​യ​ൻ ന​ർ​ത്ത​ക​രു​ടെ ധ്രു​ത​ച​ല​ന​ങ്ങ​ളും സ​മ​ന്വ​യി​ച്ച ആ ​ദൃ​ശ്യ​വി​രു​ന്നാ​സ്വ​ദി​ച്ച ആ​ർ​ക്കും ഇ​വി​ട​യൊ​ന്നു കാ​ണ​ണ​മെ​ന്ന് തോ​ന്നി​പോ​കും.

ഒ​ട്ടു​മി​ക്ക യാ​ത്ര കു​തു​കി​ക​ളു​ടെ​യും ബ​ക്ക​റ്റ് ലി​സ്റ്റു​ക​ളി​ൽ പ്ര​ഥ​മ സ്ഥാ​നം ത​ന്നെ​യാ​വും ഏ​ഴ് ലോ​കാ​ത്ഭു​ത​ങ്ങ​ളി​ൽ ഒ​ന്നാ​യ മാ​ച്ചു​പ്പി​ച്ചു​വി​ന്. ഭൂ​മി​യു​ടെ മ​റു​ത​ല​ക്ക​ൽ ആ​യ​തു​കൊ​ണ്ടു​ത​ന്നെ അ​വി​ടെ എ​ത്തി​പ്പെ​ടു​ക അ​ത്ര എ​ളു​പ്പ​മ​ല്ലാ​ത്ത​തി​നാ​ൽ, പ​ല​പ്പോ​ഴാ​യി മാ​റ്റി​വെ​ച്ച യാ​ത്ര​ക്ക്​ ഒ​ര​വ​സ​രം ഒ​ത്തു​വ​ന്ന​പ്പോ​ൾ ഇ​റ​ങ്ങി​ത്തി​രി​ക്കു​ക​യാ​യി​രു​ന്നു.

ചെ​ങ്കു​ത്താ​യ ആ​ൻ​ഡി​സ് ഗി​രി​ശി​ഖ​ര​ങ്ങ​ളു​ടെ ഇ​ട​യി​ലൂ​ടെ പ​റ​ന്ന്, താ​ഴ്‌​വ​ര​യി​ലെ അ​ല​ഹാ​ൻ​ഡ്രോ എ​യ​ർ​പോ​ർ​ട്ടി​ലേ​ക്ക് ഒ​ര​ൽ​പ്പം വ​ശം​കെ​ട്ട രീ​തി​യി​ൽ വി​മാ​നം ആ​കെ ഒ​ന്ന് ഉ​ല​ഞ്ഞു പ​റ​ന്നി​റ​ങ്ങു​മ്പോ​ഴേ​ക്ക് ചെ​റു ദീ​ർ​ഘ​നി​ശ്വാ​സ​ത്തോ​ടെ ഉ​ള്ളി​ലെ യാ​ത്ര​ക്കാ​ർ കൈ​യ്യ​ടി​ക്കു​ന്നു​ണ്ടാ​യി​രു​ന്നു. തെ​ക്കേ അ​മേ​രി​ക്ക​യി​ൽ, ശാ​ന്ത​സ​മു​ദ്ര​ത്തോ​ട് ചേ​ർ​ന്നു​ള്ള പെ​റു എ​ന്ന രാ​ജ്യ​ത്തി​ന്റെ തെ​ക്കു പ​ടി​ഞ്ഞാ​റാ​യാ​ണ് കു​സ്കോ എ​ന്ന ച​രി​ത്ര ന​ഗ​രം.

അ​വി​ടു​ത്തെ എ​യ​ർ​പോ​ർ​ട്ടി​ലേ​ക്കാ​ണ് വ​ന്നി​റ​ങ്ങി​യി​രി​ക്കു​ന്ന​ത്. പ​തി​വ് പ​രി​ശോ​ധ​ന​യെ​ല്ലാം ക​ഴി​ഞ്ഞ് വി​മാ​ന​ത്താ​വ​ള​ത്തി​ൽ നി​ന്നും പു​റ​ത്തി​റ​ങ്ങു​മ്പോ​ൾ അ​സ്ത​മ​യ സൂ​ര്യ​ൻ മ​ല​നി​ര​ക​ളെ​യും, മ​ല​ക​ളി​ലേ​ക്ക് പ​ട​ർ​ന്നു ക​യ​റു​ന്ന കു​സ്കോ ന​ഗ​ര​ത്തെ​യും ചെ​ഞ്ചാ​യ​ത്തി​ൽ മു​ക്കി​യി​രു​ന്നു. സ​മു​ദ്ര​നി​ര​പ്പി​ൽ നി​ന്നും 11,000 അ​ടി ഉ​യ​ര​ത്തി​ൽ സ്ഥി​തി​ചെ​യ്യു​ന്ന ഒ​രു പ്ര​ദേ​ശ​മാ​ണ് കു​സ്‌​കോ. മാ​ച്ചു​പി​ച്ചു​വി​ലേ​ക്ക് എ​ത്തി​ച്ചേ​രാ​ൻ കു​സ്‌​കോ​യി​ലെ​ത്തി വേ​ണം പോ​കാ​ൻ. പൊ​തു​വെ ഉ​യ​രം കൂ​ടി​യ പ്ര​ദേ​ശ​ങ്ങ​ളി​ൽ ചെ​ല്ലു​മ്പോ​ൾ ചി​ല​പ്പോ​ൾ ശ​രീ​രം അ​സ്വാ​ഭാ​വി​ക രീ​തി​യി​ൽ പ്ര​തി​ക​രി​ച്ചു​ക​ള​യും. ത​ല​വേ​ദ​ന, ശ്വാ​സം​മു​ട്ട് അ​ങ്ങ​നെ പ​ല​തും. നേ​ര​ത്തെ ത​ന്നെ അ​തി​ന്റെ മ​രു​ന്നെ​ല്ലാം ക​ഴി​ച്ച​തി​നാ​ൽ പ്ര​ത്യേ​കി​ച്ച് ഒ​ന്നു​മു​ണ്ടാ​യി​ല്ല.

അ​ല്ലെ​ങ്കി​ൽ സാ​ധാ​ര​ണ അ​ക്ല​മൈ​റ്റൈ​സേ​ഷ​നാ​യി ഒ​രു ദി​വ​സം റൂ​മി​ൽ ത​ന്നെ വി​ശ്ര​മി​ക്കാ​നാ​യി പൊ​തു​വെ അ​വി​ടെ​യു​ള്ള ഗൈ​ഡു​ക​ൾ ഉ​പ​ദേ​ശി​ക്കാ​റു​ണ്ട്. രാ​ത്രി താ​മ​സി​ക്കു​ന്ന ഹോ​ട്ട​ലി​ൽ നി​ന്നും അ​ത്താ​ഴ​മെ​ല്ലാം ക​ഴി​ഞ്ഞു ചു​മ്മാ ന​ഗ​ര​ത്തി​ലൂ​ടെ ഒ​ന്നു ചു​റ്റി​വ​രാം എ​ന്ന് ക​രു​തി പു​റ​ത്തേ​ക്കി​റ​ങ്ങി. ഡി​സം​ബ​ർ മാ​സ​മാ​യ​തി​നാ​ൽ ഭൂ​മി​യു​ടെ ദ​ക്ഷി​ണാ​ർ​ധ പ്ര​ദേ​ശ​ങ്ങ​ളെ​ല്ലാം പൊ​തു​വെ വേ​ന​ൽ​ക്കാ​ല​മാ​ണ​ല്ലോ. പ​ക്ഷെ ഇ​ത്ര ഉ​യ​ര​ത്തി​ലു​ള്ള പ്ര​ദേ​ശ​മാ​യ​തു​കൊ​ണ്ടോ എ​ന്തോ ശൈ​ത്യം ഇ​വി​ടെ വി​ട്ടൊ​ഴി​ഞ്ഞി​ട്ടി​ല്ല. ന​ഗ​ര​മ​ധ്യ​ത്തി​ലെ പ്ര​ധാ​ന സ്‌​ക്വ​യ​റാ​യ പ്ലാ​സാ മ​യോ​റി​ലേ​ക്ക്​ ന​ട​ക്കു​മ്പോ​ൾ ചെ​റി​യൊ​രു കി​ത​പ്പ് അ​നു​ഭ​വ​പ്പെ​ടു​ന്നു​ണ്ട്.

ഹൈ ​അ​ൾ​ട്ടി​റ്റ്യൂ​ഡ് സി​ക്ക്നെ​സ് ആ​ണോ..​ ഒ​രു നി​മി​ഷം പ​ക​ച്ചു. ഹോ​ട്ട​ലി​ൽ നി​ന്നും ചെ​റി​യൊ​രു ക​യ​റ്റം ക​യ​റി വേ​ണം അ​ങ്ങോ​ട്ടെ​ത്താ​ൻ. പോ​കു​ന്ന വ​ഴി​ക്കെ​ല്ലാം ധാ​രാ​ളം സു​വ​നീ​ർ ക​ട​ക​ൾ. പി​ന്നെ ധാ​രാ​ള​മാ​യി ടൂ​ർ ബു​ക്കി​ങ്​ ഓ​ഫീ​സു​ക​ൾ. ലോ​ക​ത്തി​ന്റെ നാ​നാ​ഭാ​ഗ​ത്തു​നി​ന്നും ടൂ​റി​സ്റ്റു​ക​ൾ ധാ​രാ​ള​മാ​യി എ​ത്തു​ന്ന​ത് കൊ​ണ്ടാ​വാം ന​ഗ​രം മു​ഴു​വ​നും ടൂ​റി​സ്റ്റു​ക​ൾ​ക്കാ​യു​ള്ള ധാ​രാ​ളം ക​ച്ച​വ​ട സ്ഥാ​പ​ന​ങ്ങ​ൾ. വി​വി​ധ വ​ർ​ണ​ങ്ങ​ളി​ലെ ചെ​റു വൈ​ദ്യൂ​ത​വി​ള​ക്കു​ക​ൾ കൊ​ണ്ട​ല​ങ്ക​രി​ച്ച റ​സ്റ്റ​റ​ന്റു​ക​ൾ.

പ്ലാ​സാ മ​യോ​ർ അ​തി​പു​രാ​ത​ന​മാ​യൊ​രു ച​ത്വ​രം ത​ന്നെ​യാ​ണ്. പ​തി​നാ​റാം നൂ​റ്റാ​ണ്ടി​ലെ സ്പാ​നി​ഷ് അ​ധി​നി​വേ​ശം വ​രെ ഈ ​ന​ഗ​രം ഇ​ൻ​ക സാ​മ്രാ​ജ്യ​ത്തി​ന്‍റെ ത​ല​സ്ഥാ​ന​മാ​യി​രു​ന്നു.ഇ​പ്പോ​ഴും കു​സ്‌​കോ​യെ പെ​റു​വി​ന്‍റെ ച​രി​ത്ര ത​ല​സ്ഥാ​ന​മാ​യാ​ണ് ഇ​വി​ടു​ത്തെ ഭ​ര​ണ​കൂ​ട​വും ജ​ന​ങ്ങ​ളും ക​രു​തു​ന്ന​ത്. ന​ട​ക്ക​ല്ലു​ക​ൾ പാ​കി ഒ​രു​ക്കി​യ സ്ക്വ​യ​റി​ന്റെ ഒ​ര​തി​രി​ൽ കു​സ്‌​കോ ക​ത്തീ​ഡ്ര​ൽ. സ്‌​ക്വ​റി​നു ചു​റ്റു​മാ​യി പ്ലാ​സാ മ​യോ​റി​ലേ​ക്കു ഫേ​സ് ചെ​യ്തു​ള്ള ചെ​റി​യ ബാ​ൽ​ക്ക​ണി​യോ​ട് കൂ​ടി​യു​ള്ള ഇ​രു​നി​ല പു​രാ​മ​ന്ദി​ര​ങ്ങ​ൾ. മേ​ൽ​ക്കൂ​ര​ക​ളി​ലെ ചു​വ​ന്ന ഓ​ടു​ക​ളി​ൽ ച​ത്വ​ര​ത്തി​ലെ വി​ല​ക്കു​കാ​ലു​ക​ളി​ൽ നി​ന്നു​ള്ള നി​യോ​ൺ വെ​ളി​ച്ചം ത​ങ്ക​നി​റം ചാ​ർ​ത്തു​ന്നു.

ഒ​ട്ടു​മി​ക്ക​വ​യി​ലും ടൂ​റി​സ​വു​മാ​യി ബ​ന്ധ​പ്പെ​ട്ട സ്ഥാ​പ​ങ്ങ​ളാ​ണ് ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്. ന​ഗ​ര​ത്തി​ലെ വാ​ക്കി​ങ് ടൂ​റു​ക​ൾ എ​ല്ലാം ആ​രം​ഭി​ക്കു​ന്ന​തും ഇ​വി​ടെ ത​ന്നെ. സ്ക്വ​യ​റി​ലെ ചെ​റി​യ പു​ൽ​മൈ​താ​നി​ക്കു ചു​റ്റു​മാ​യി ചാ​രു​ബ​ഞ്ചു​ക​ൾ. ധാ​രാ​ളം റ​സ്റ്റ​റ​ന്റു​ക​ളും, ബി​യ​ർ പാ​ർ​ല​റു​ക​ളും എ​ല്ലാം സ്ക്വ​യ​റി​നോ​ട് അ​നു​ബ​ന്ധി​ച്ചു ടൂ​റി​സ്റ്റു​ക​ളു​ടെ സാ​യാ​ഹ്‌​ന​ങ്ങ​ളെ സ​ജീ​വ​മാ​ക്കു​ന്നു. രാ​വേ​റെ ചെ​ല്ലും​വ​രെ പ്ലാ​സ മ​യോ​റി​ലെ വ്യ​ത്യ​സ്ത​മാ​യ പ​ല കാ​ഴ്ച​ക​ളും ക​ണ്ട​ങ്ങ​നെ ന​ട​ന്നു. മാ​ച്ചു​പ്പി​ച്ചു​വി​ലേ​ക്കു​ള്ള യാ​ത്ര ആ​രം​ഭി​ച്ച ദി​വ​സം കു​സ്‌​കോ​യി​ൽ നി​ന്നും ബ​സി​ൽ ന​ഗ​ര​ത്തി​ന്റെ വ​ട​ക്കു​പ​ടി​ഞ്ഞാ​റേ​ക്കു സ​ഞ്ച​രി​ച്ചു.

കു​സ്കോ​യി​ൽ നി​ന്നും ഉ​റു​ബാ​മ്പ പ​ട്ട​ണ​ത്തി​ലൂ​ടെ ഒ​ല്ല​ന്താ​യ് തം​ബൊ എ​ന്ന പ്ര​ദേ​ശ​ത്തേ​ക്കെ​ത്ത​ണം. അ​തി​രാ​വി​ലെ ത​ന്നെ പു​റ​പ്പെ​ട്ടു. ചു​വ​ന്ന ഓ​ടു​ക​ൾ പാ​കി​യ മേ​ൽ​ക്കൂ​ര​ക​ളു​ള്ള പു​രാ​നി​ർ​മി​തി​ക​ൾ നി​റ​ഞ്ഞ കു​സ്‌​കോ​യു​ടെ ന​ഗ​രാ​തി​ർ​ത്തി പി​ന്നി​ട്ട​തോ​ടെ കി​ഴ്‌​ക്കാം​തൂ​ക്കാ​യ മ​ല​ക​ളാ​യി കാ​ഴ്ച. എ​ങ്കി​ലും ന​ല്ല പാ​ത. പോ​കു​ന്ന വ​ഴി​യെ​ല്ലാം ആ​ൻ​ഡീ​സ് പ​ർ​വ​ത​നി​ര​യു​ടെ ഭാ​ഗ​മാ​യ മ​ല​മ്പ്ര​ദേ​ശ​ങ്ങ​ളാ​ണ്. മ​ല​ക​ളും, താ​ഴ്വാ​ര​ങ്ങ​ളും, കൃ​ഷി​യി​ട​ങ്ങ​ളു​മെ​ല്ലാം വ​ഴി​ക്കാ​ഴ്ച​ക​ൾ. അ​ൽ​പം ദാ​രി​ദ്യം പ്ര​ക​ട​മാ​കു​ന്ന ഉ​ൾ​നാ​ട​ൻ ഗ്രാ​മ​ങ്ങ​ളെ​ല്ലാം പി​ന്നി​ട്ട്​ ബ​സ് ഒ​ല്ല​ന്താ​യ് തം​ബൊ​യി​ലേ​ക്കെ​ത്തി. ഇ​ൻ​ക സാ​മ്രാ​ജ്യ​ത്തി​ന്‍റെ ച​ക്ര​വ​ർ​ത്തി​യാ​യി​രു​ന്ന പ​ച്ചാ​കു​ട്ടി​യു​ടെ രാ​ജ​കീ​യ എ​സ്റ്റേ​റ്റ് ആ​യി​രു​ന്നു നൂ​റ്റാ​ണ്ടു​ക​ൾ​ക്കു മു​ൻ​പ് ഒ​ല്ല​ന്താ​യ് തം​ബൊ പ്ര​ദേ​ശം.

ഇ​ന്ന​വി​ടം മാ​ച്ചു​പ്പി​ച്ചു​വി​ന്റെ താ​ഴ്‌​വാ​ര ന​ഗ​ര​മാ​യ അ​ഗ്വാ​സ് ക​ലി​ന്റ​സി​ലേ​ക്കു​ള്ള ട്രെ​യി​ൻ പു​റ​പ്പെ​ടു​ന്ന റെ​യി​ൽ​വേ​സ്റ്റേ​ഷ​ൻ സ്ഥി​തി ചെ​യ്യു​ന്ന ഒ​രു ചെ​റു ന​ഗ​ര​മാ​ണ്. ഒ​ല്ല​ന്താ​യ് തം​ബൊ​യി​ൽ നി​ന്നും മാ​ച്ചു​പ്പി​ച്ചു​വി​ന്റെ അ​ടി​വാ​ര​ത്തേ​ക്കെ​ത്താ​ൻ പെ​റു റ​യി​ൽ​സി​ന്റെ ടൂ​റി​സ്റ്റ് ട്രെ​യി​ൻ ഉ​ണ്ട്. പ​നോ​ര​മി​ക് വ്യൂ ​ല​ഭി​ക്കു​ന്ന മ​ട്ടി​ൽ ചി​ല്ലു ജാ​ല​ക​ങ്ങ​ളെ​ല്ലാ​മു​ള്ള ട്രെ​യി​ൻ യാ​ത്ര അ​വി​സ്മ​ര​ണീ​യ​മാ​ണെ​ങ്കി​ലും ഒ​ര​ൽ​പം ചി​ല​വേ​റി​യ​തു ത​ന്നെ​യാ​ണ്.

ര​ണ്ടു മ​ണി​ക്കൂ​റോ​ളം സ​ഞ്ച​രി​ക്കാ​ൻ മാ​ത്രം ഏ​താ​ണ്ട് 8,000ത്തോ​ളം രൂ​പ​യാ​കും. ഇ​ൻ​കാ റെ​യി​ലി​ന്റെ ട്രെ​യി​നു​ക​ളും ഇ​വി​ടെ നി​ന്നും ത​ന്നെ​യാ​ണ് പു​റ​പ്പെ​ടു​ന്ന​ത്. മ​റ്റൊ​രു മാ​ർ​ഗം 4 പ​ക​ലും 3 രാ​ത്രി​യും നീ​ണ്ടു​നി​ൽ​ക്കു​ന്ന പ്ര​കൃ​തി​യെ അ​ടു​ത്ത​റി​ഞ്ഞു കൊ​ണ്ടു​ള്ള ഹൈ​ക്കി​ങ് ട്രി​പ്പാ​ണ്. മ​ല​ക​ൾ ക​യ​റി​യി​റ​ങ്ങി വ​ന​ത്തി​ലൂ​ടെ​യെ​ല്ലാം സ​ഞ്ച​രി​ച്ചു ഇ​ൻ​കാ ഗോ​ത്ര​ത്തി​ന്റെ, സം​സ്കാ​ര​ത്തി​ന്റെ ശേ​ഷി​പ്പു​ക​ളെ​ല്ലാം ക​ണ്ട​റി​ഞ്ഞു മാ​ച്ചു​പ്പി​ച്ചു​വി​ലേ​ക്കെ​ത്തു​ന്ന സാ​ഹ​സി​ക യാ​ത്ര. അ​തി​നാ​യി ഭാ​ണ്ഡ​ക്കെ​ട്ടു​ക​ളെ​ല്ലാം തോ​ള​ത്തു തൂ​ക്കി ന​ഗ​ര​ത്തി​ലൂ​ടെ ന​ട​ക്കു​ന്ന പ​ല​രെ​യും ന​മു​ക്ക​വി​ടെ കാ​ണാം.

പോ​കേ​ണ്ട ട്രെ​യി​ൻ എ​ത്തി. വൃ​ത്തി​യും ഭം​ഗി​യു​മു​ള്ള ട്രെ​യി​ൻ. പാ​സ്സ്പോ​ർ​ട്ടും ടി​ക്ക​റ്റും കാ​ണി​ച്ചാ​ൽ മാ​ത്രം ട്രെ​യി​നി​ലെ ഉ​ദ്യോ​ഗ​സ്ഥ​ൻ നി​ർ​ദി​ഷ്ട്ട സീ​റ്റി​ലേ​ക്ക് ക​യ​റാ​ൻ അ​നു​വ​ദി​ക്കും. കാ​ര​ണം മാ​ച്ചു​പ്പി​ച്ചു​വി​ലേ​ക്കു ഒ​രു ദി​വ​സം പ​ര​മാ​വ​ധി 2500 പേ​രെ മാ​ത്ര​മേ സ​ന്ദ​ർ​ശി​ക്കാ​ൻ അ​നു​വ​ദി​ക്കൂ. അ​തി​നാ​ൽ​ത​ന്നെ വ​ള​രെ മു​ൻ​പേ ത​ന്നെ ടി​ക്ക​റ്റ് ബു​ക്ക് ചെ​യ്താ​ൽ മാ​ത്ര​മേ വി​ചാ​രി​ച്ച സ​മ​യ​ത്തു ന​മു​ക്ക് ആ ​ലോ​കാ​ദ്ഭു​തം കാ​ണാ​നാ​കൂ.

തു​ട​രും...