ഖത്തറികളുടെ ഇഷ്​ട വിനോദസഞ്ചാര കേന്ദ്രങ്ങളായി തുർക്കിയയും തായ് ലൻഡും

ദോ​ഹ: ആ​ഗോ​ള യാ​ത്ര​ക​ളും വി​നോ​ദ​സ​ഞ്ചാ​ര​മേ​ഖ​ല​യും കോ​വി​ഡ് മ​ഹാ​മാ​രി​ക്ക് മു​മ്പു​ണ്ടാ​യി​രു​ന്ന പൂ​ർ​വ​സ്​​ഥി​തി​യി​ലേ​ക്ക് മ​ട​ങ്ങി​യെ​ത്തു​മ്പോ​ൾ യൂ​റോ​പ്പി​ലെ​യും ഏ​ഷ്യ​യി​ലെ​യും മു​ൻ​നി​ര വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ദോ​ഹ​യി​ൽ​നി​ന്നു​ള്ള സ​ന്ദ​ർ​ശ​ക​രു​ടെ എ​ണ്ണം വ​ർ​ധി​ക്കു​ന്നു. തു​ർ​ക്കി​യ, താ​യ്​​ല​ൻ​ഡ്, ജ​ർ​മ​നി, ബ്രി​ട്ട​ൻ എ​ന്നീ രാ​ജ്യ​ങ്ങ​ളാ​ണ് ഖ​ത്ത​റി​ൽ നി​ന്നു​ള്ള യാ​ത്ര​ക്കാ​ര​ധി​ക​വും അ​വ​ധി ചെ​ല​വ​ഴി​ക്കു​ന്ന​തി​നാ​യി തെ​ര​ഞ്ഞെ​ടു​ക്കു​ന്ന​തെ​ന്ന് ടൂ​റി​സം മേ​ഖ​ല​യി​ലെ വി​ദ​ഗ്ധ​ർ പ​റ​യു​ന്നു.

സാ​ധാ​ര​ണ വി​ശ്ര​മ​യാ​ത്ര​ക​ൾ​ക്ക് പു​റ​മേ മെ​ഡി​ക്ക​ൽ ടൂ​റി​സം മേ​ഖ​ല​യും ഉ​യ​ർ​ന്നു വ​ന്നി​രി​ക്കു​ക​യാ​ണെ​ന്നും ഖ​ത്ത​റി​ൽ നി​ന്നും ഏ​റ്റ​വും കൂ​ടു​ത​ൽ പേ​ർ തെ​ര​ഞ്ഞെ​ടു​ക്കു​ന്ന​ത് തു​ർ​ക്കി​യ​യും താ​യ്​​ല​ൻ​ഡു​മാ​ണെ​ന്നും ഹാ​പ്പി ജേ​ർ​ണി ട്രാ​വ​ൽ​സ്​ ഓ​പ​റേ​ഷ​ൻ മാ​നേ​ജ​ർ ഇ​ർ​ഫാ​ൻ ഒ​മ​ർ പ​റ​ഞ്ഞു. ഖ​ത്ത​റി​ൽ നി​ന്നു​ള്ള യാ​ത്ര​ക്കാ​ർ​ക്ക് തു​ർ​ക്കി​യ എ​പ്പോ​ഴും ആ​ക​ർ​ഷ​ക​മാ​യ ഇ​ട​മാ​ണ്. തു​ർ​ക്കി​യ​യി​ൽ ഇ​സ്​​തം​ബൂ​ൾ, ക​പ്പ​ഡോ​ഷ്യ, അ​ൻ​റാ​ലി​യ, ഇ​സ്​​മി​ർ എ​ന്നീ കേ​ന്ദ്ര​ങ്ങ​ളാ​ണ് അ​വ​ർ​ക്ക് ഏ​റെ പ്രി​യ​മെ​ന്നും ഇ​ർ​ഫാ​ൻ ഒ​മ​ർ ദി ​പെ​നി​ൻ​സു​ല​യോ​ട് പ​റ​ഞ്ഞു. ല​ണ്ട​ൻ, മ്യൂ​ണി​ക്, ബാ​ങ്കോ​ക്ക് തു​ട​ങ്ങി​യ ന​ഗ​ര​ങ്ങ​ളി​ലേ​ക്കും ഖ​ത്ത​റി​ൽ നി​ന്നു​ള്ള സ​ന്ദ​ർ​ശ​ക​ർ വ​ർ​ധി​ച്ചി​ട്ടു​ണ്ട്.ലോ​ക​ക​പ്പ് കാ​ല​ത്ത് ന​വം​ബ​ർ, ഡി​സം​ബ​ർ മാ​സ​ങ്ങ​ളി​ൽ നി​ര​വ​ധി പേ​രാ​ണ് ഖ​ത്ത​റി​ലെ​ത്തി​യ​ത്. നി​ര​വ​ധി ഖ​ത്ത​രി​ക​ളും താ​മ​സ​ക്കാ​രും ഇ​ക്കാ​ല​യ​ള​വി​ൽ പു​റ​ത്ത് പോ​കു​ക​യും ചെ​യ്തു. ജ​നു​വ​രി​യി​ലും ഖ​ത്ത​റി​ൽ​നി​ന്ന് നി​ര​വ​ധി പേ​ർ മ​റ്റു രാ​ജ്യ​ങ്ങ​ളി​ലേ​ക്ക് യാ​ത്ര ചെ​യ്യു​ന്നു​ണ്ട്.

പ​രി​ശോ​ധ​ന​ക്കും ചി​കി​ത്സ​ക്കു​മാ​യി നി​ര​വ​ധി പേ​രാ​ണ് ഖ​ത്ത​റി​ൽ നി​ന്നും തു​ർ​ക്കി​യ​യി​ലേ​ക്കും താ​യ്​​ല​ൻ​ഡി​ലേ​ക്കും യാ​ത്ര ചെ​യ്യു​ന്ന​ത്. ല​ണ്ട​നും ഒ​രു​പാ​ടു പേ​ർ ചി​കി​ത്സ​ക്കും മ​റ്റു​മാ​യി ആ​ശ്ര​യി​ക്കു​ന്ന മ​റ്റൊ​രു കേ​​ന്ദ്ര​മാ​ണ്. മെ​ഡി​ക്ക​ൽ ടൂ​റി​സം രം​ഗ​ത്ത് ലോ​ക​ത്ത് ത​ന്നെ ഏ​റ്റ​വും മു​ൻ​നി​ര​യി​ലു​ള്ള കേ​ന്ദ്ര​ങ്ങ​ളി​ലൊ​ന്നാ​ണ് തു​ർ​ക്കി​യ. ക​ഴി​ഞ്ഞ വ​ർ​ഷം ആ​ദ്യ ഒ​മ്പ​ത് മാ​സ​ങ്ങ​ളി​ൽ നി​ന്നാ​യി മെ​ഡി​ക്ക​ൽ ടൂ​റി​സ​ത്തി​ൽ നി​ന്നു മാ​ത്രം രാ​ജ്യം 160 കോ​ടി ഡോ​ള​റാ​ണ് സ​മ്പാ​ദി​ച്ച​തെ​ന്ന് തു​ർ​ക്കി​യ ഹെ​ൽ​ത്ത് കെ​യ​ർ ക​മ്പ​നി പ​റ​യു​ന്നു.

ചി​കി​ത്സ​ക്കാ​യി താ​യ്​​ല​ൻ​ഡ് തെ​ര​ഞ്ഞെ​ടു​ക്കു​ന്ന​വ​ർ​ക്ക് ഈ​യി​ടെ ഒ​രു​വ​ർ​ഷ​ത്തെ വി​സ സ​ർ​ക്കാ​ർ പ്ര​ഖ്യാ​പി​ച്ചി​രു​ന്നു. തെ​ക്ക് കി​ഴ​ക്ക​നേ​ഷ്യ​യി​ലെ മി​ക​ച്ച ആ​രോ​ഗ്യ സം​വി​ധാ​ന​ങ്ങ​ളും ചെ​ല​വു കു​റ​ഞ്ഞ ചി​കി​ത്സ​യും സൗ​ന്ദ​ര്യ​വ​ർ​ധ​ക ചി​കി​ത്സ​യി​ലെ ആ​ധു​നി​ക സൗ​ക​ര്യ​ങ്ങ​ളു​മാ​ണ് താ​യ്​​ല​ൻ​ഡി​ലേ​ക്ക് സ​ന്ദ​ർ​ശ​ക​രെ ആ​ക​ർ​ഷി​ക്കു​ന്ന​ത്.