പാലരുവിയിൽ ജനത്തിരക്ക്; മനം കുളിർപ്പിച്ച്​ വേനൽമഴ

പു​ന​ലൂ​ർ: ര​ണ്ടു​മാ​സ​മാ​യി അ​നു​ഭ​വ​പ്പെ​ടു​ന്ന വ​ര​ൾ​ച്ച​ക്ക് താ​ൽ​ക്കാ​ലി​കാ​ശ്വാ​സ​മാ​യി കി​ഴ​ക്ക​ൻ മ​ല​യോ​ര​ത്ത് വേ​ന​ൽ​മ​ഴ​യെ​ത്തി. വ​റ്റി​വ​ര​ണ്ട കു​റ്റാ​ല​വും നീ​രൊ​ഴു​ക്ക് കു​റ​ഞ്ഞ പാ​ല​രു​വി​യും ജ​ല​സ​മ്പ​ന്ന​മാ​യി. കു​റ്റാ​ല​ത്ത് വെ​ള്ളം അ​ധി​ക​മാ​യി എ​ത്തി​യെ​ങ്കി​ലും അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്ത് സ​ഞ്ചാ​രി​ക​ൾ​ക്ക് അ​ധി​കൃ​ത​ർ പ്ര​വേ​ശ​ന​വി​ല​ക്ക് ഏ​ർ​പ്പെ​ടു​ത്തി. എ​ന്നാ​ൽ പാ​ല​രു​വി​യി​ൽ എ​ത്തു​ന്ന​വ​ർ​ക്ക് മ​നം​കു​ളി​ർ​ക്കെ കു​ളി​ച്ചു മ​ട​ങ്ങാം.

വെ​ള്ളം കു​റ​ഞ്ഞ​തി​നെ തു​ട​ർ​ന്ന് ക​ഴി​ഞ്ഞ​ദി​വ​സ​ങ്ങ​ളി​ൽ പാ​ല​രു​വി​യി​ൽ എ​ത്തി​യ​വ​ർ കു​ളി​ക്കാ​നാ​കാ​തെ മ​ട​ങ്ങി​യി​രു​ന്നു. എ​ന്നാ​ൽ അ​പ്ര​തീ​ക്ഷി​ത​മാ​യി എ​ത്തി​യ മ​ഴ​യെ തു​ട​ർ​ന്ന് പാ​ല​രു​വി​യി​ൽ ശ​നി​യാ​ഴ്ച വി​നോ​ദ​സ​ഞ്ചാ​രി​ക​ളു​ടെ ന​ല്ല തി​ര​ക്കാ​യി​രു​ന്നു.

വെ​ള്ളി​യാ​ഴ്ച ഉ​ച്ച​ക്കു​ശേ​ഷ​മാ​ണ് തെ​ന്മ​ല, ആ​ര്യ​ങ്കാ​വ്, കു​റ്റാ​ലം തു​ട​ങ്ങി​യ ഭാ​ഗ​ങ്ങ​ളി​ൽ സാ​മാ​ന്യം ക​ന​ത്ത മ​ഴ ഉണ്ടായത്. ആ​ര്യ​ങ്കാ​വി​ൽ ശ​നി​യാ​ഴ്ച പ​ക​ലും പ​ല​ത​വ​ണ മ​ഴ പെ​യ്തു. അ​തി​ർ​ത്തി മ​ല​ക​ളി​ൽ പെ​യ്ത ക​ന​ത്ത മ​ഴ​യാ​ണ് പാ​ല​രു​വി​യി​ലും കു​റ്റാ​ല​ത്തും വെ​ള്ള​മെ​ത്തി​ച്ച​ത്.