Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightTravelchevron_rightDestinationschevron_rightവിനോദ സഞ്ചാരികളെ......

വിനോദ സഞ്ചാരികളെ... നിങ്ങളെ കാത്ത് കാക്കത്തുരുത്ത്​ ഇവിടെയുണ്ടാകും

text_fields
bookmark_border
വിനോദ സഞ്ചാരികളെ... നിങ്ങളെ കാത്ത് കാക്കത്തുരുത്ത്​ ഇവിടെയുണ്ടാകും
cancel
camera_alt

കാ​ക്ക​ത്തു​രു​ത്തി​ലെ സാ​യാ​ഹ്​​ന ദൃ​ശ്യം

അ​രൂ​ർ: നാ​ഷ​ന​ൽ ജി​യോ​ഗ്രാ​ഫി​െൻറ 24 മ​ണി​ക്കൂ​ർ ലോ​ക​സ​ഞ്ചാ​ര ഭൂ​പ​ട​ത്തി​ൽ ഇ​ന്ത്യ​യി​ൽ​നി​ന്ന് ഉ​ൾ​പ്പെ​ട്ട ഏ​ക​യി​ടം എ​ന്ന നി​ല​യി​ൽ ലോ​ക​ശ്ര​ദ്ധ ആ​ക​ർ​ഷി​ച്ച എ​ഴു​പു​ന്ന പ​ഞ്ചാ​യ​ത്തി​ലെ കാ​യ​ൽ​തു​രു​ത്താ​യ കാ​ക്ക​ത്ത​ു​രു​ത്തി​ലെ കോ​വി​ഡു​കാ​ല ജീ​വി​തം പ​തി​വി​ലും സാ​ധാ​ര​ണ നി​ല​യി​ലാ​ണ്.

ലോ​ക വി​നോ​ദ​സ​ഞ്ചാ​ര ഭൂ​പ​ട​ത്തി​ൽ കാ​ക്ക​ത്തു​രു​ത്ത് സ്ഥാ​നം പി​ടി​ച്ച​ത്​ വി​നോ​ദ​സ​ഞ്ചാ​ര വ​കു​പ്പി​െൻറ ഇ​ട​പെ​ട​ൽ​കൊ​ണ്ട്​ ആ​യി​രു​ന്നി​ല്ല. സ്വ​ന്തം നി​ല​യി​ൽ ഇ​വി​ടം തേ​ടി​യെ​ത്തു​ന്ന സ​ഞ്ചാ​രി​ക​ൾ​ക്കാ​യി അ​ധി​കൃ​ത​ർ ഒ​ന്നും ചെ​യ്​​ത​തു​മി​ല്ല. ഒ​രു ദി​ശാ​ബോ​ർ​ഡു​പോ​ലും വെ​ച്ചി​ട്ടു​മി​ല്ല.

എ​ന്നി​രു​ന്നാ​ലും കേ​ട്ട​റി​ഞ്ഞ്​ തു​രു​ത്തി​ലേ​ക്ക് എ​ത്തു​ന്ന ആ​യി​ര​ങ്ങ​ളെ വ​ര​വേ​ൽ​ക്കാ​ൻ ഗ്രാ​മം സ്വ​യം ഒ​രു​ങ്ങി​യി​രു​ന്നു. കാ​യ​ൽ​കാ​ഴ്ച​ക​ൾ​ക്ക് നൗ​ക​യൊ​രു​ക്കി​യും ഗ്രാ​മീ​ണ​കാ​ഴ്ച​ക​ൾ​ക്ക് പാ​ത ഒ​രു​ക്കി​യും അ​വ​ർ ത​ങ്ങ​ള​ു​ടേ​താ​യ നി​ല​യി​ൽ പ​ണം മു​ട​ക്കി.

എ​ന്നാ​ൽ, കോ​വി​ഡ് കാ​ല​ത്തെ ദു​രി​ത​പ്പെ​യ്ത്തി​ൽ അ​തെ​ല്ലാം നി​ഷ്ഫ​ല​മാ​കു​ക​യാ​യി​രു​ന്നു. ഇ​പ്പോ​ൾ ഇ​വി​ടെ തു​രു​ത്തു​നി​വാ​സി​ക​ൾ​പോ​ലും വീ​ട് വി​ട്ട് പു​റ​ത്തി​റ​ങ്ങാ​റി​ല്ല. വി​നോ​ദ​സ​ഞ്ചാ​ര​ത്തി​നു മു​ത​ൽ​മു​ട​ക്കി​യ പ​ട്ടി​ക​ജാ​തി സ​ഹ​ക​ര​ണ സം​ഘം അ​ങ്ക​ലാ​പ്പി​ലാ​ണ്. ഇ​നി എ​ന്നാ​ണ് ഈ ​കാ​ഴ്ച​ക​ളൊ​ക്കെ കാ​ണാ​ൻ ലോ​ക​സ​ഞ്ചാ​രി​ക​ൾ എ​ത്തു​ന്ന​തെ​ന്ന് ഇ​വ​ർ​ക്ക് അ​റി​യി​ല്ല.

ലോ​ക​കാ​ഴ്ച​യി​ലേ​ക്ക് ഉ​യ​രു​ന്ന സാ​യാ​ഹ്ന​ങ്ങ​ൾ ഇ​ന്നും കാ​ക്ക​ത്തു​രു​ത്തി​ൽ പ​തി​വു​പോ​ലെ സം​ഭ​വി​ക്കു​ന്നു​ണ്ട്. എ​ന്നാ​ൽ, പ്ര​കൃ​തി​യു​ടെ ഈ ​വി​സ്മ​യ​ക്കാ​ഴ്ച ആ​സ്വ​ദി​ക്കാ​ൻ കാ​ഴ്ച​ക്കാ​ർ ആ​രു​മി​ല്ലാ​തെ ഒ​ടു​ങ്ങു​ക​യാ​ണെ​ന്ന് മാ​ത്രം. കോ​വി​ഡ്​ ഭീ​ഷ​ണി അ​വ​സാ​നി​ച്ചാ​ൽ കാ​ക്ക​ത്തു​രു​ത്തി​ലേ​ക്ക്​ പൂ​ർ​വാ​ധി​കം സ​ഞ്ചാ​രി​ക​ൾ എ​ത്തു​മെ​ന്നാ​ണ്​ നാ​ട്ടു​കാ​രു​ടെ പ്ര​തീ​ക്ഷ.

ദേ​ശീ​യ​പാ​ത​യി​ൽ എ​ര​മ​ല്ലൂ​രി​ൽ​നി​ന്ന് കി​ഴ​ക്കോ​ട്ട്​ സ​ഞ്ച​രി​ച്ച്​ വ​ള്ള​ത്തി​ൽ വേ​ണം വി​സ്മ​യ​ക്കാ​ഴ്ച​യു​ടെ മ​ണ്ണി​ലെ​ത്താ​ൻ. നോ​ർ​വേ​യി​ലെ പ്ര​ശ​സ്ത​മാ​യ അ​റോ​റ ബോ​റി​യാ​ലി​സി​ൽ (ധ്രു​വ​ദീ​പ്തി) തു​ട​ങ്ങു​ന്ന യാ​ത്ര​യി​ൽ ചി​ല പ്ര​ത്യേ​ക സ​മ​യ​ങ്ങ​ളി​ൽ പ്ര​ത്യേ​ക ഇ​ട​ങ്ങ​ൾ​ക്ക് ല​ഭി​ക്കു​ന്ന അ​പൂ​ർ​വ ചാ​രു​ത വി​ഷ​യ​മാ​ക്കി​യു​ള്ള പ​ഠ​ന​ത്തി​ലാ​ണ് കാ​ക്ക​ത്തു​രു​ത്തി​ലെ സൂ​ര്യാ​സ്ത​മ​യം ലോ​ക​പ്ര​ശ​സ്ത​മാ​യ​ത്.

24 മ​ണി​ക്കൂ​റി​ൽ 24 സ്ഥ​ല​ങ്ങ​ളാ​ണ് ഇ​ത്ത​ര​ത്തി​ൽ അ​ട​യാ​ള​പ്പെ​ടു​ത്തി​യി​ട്ടു​ള്ള​ത്. ഇ​തി​ൽ വൈ​കു​ന്നേ​രം ആ​റു​മ​ണി​യാ​ണ് കാ​ക്ക​ത്തു​രു​ത്തി​ലെ മ​നോ​ഹാ​രി​ത ആ​സ്വ​ദി​ക്കാ​ൻ പ​റ്റി​യ സ​മ​യ​മെ​ന്നാ​ണ് നാ​ഷ​ന​ൽ ജി​യോ​ഗ്രാ​ഫി​ക് ചാ​ന​ൽ പ​റ​യു​ന്ന​ത്.

വേ​മ്പ​നാ​ട്ടു​കാ​യ​ലി​ൽ ഏ​ക​ദേ​ശം 300 മീ​റ്റ​ർ ദൂ​ര​ത്തി​ൽ പാ​ലം നി​ർ​മി​ച്ചാ​ൽ എ​ര​മ​ല്ലൂ​രി​ൽ​നി​ന്ന് കാ​ക്ക​ത്തു​രു​ത്തി​ലേ​ക്ക് എ​ളു​പ്പ​ത്തി​ൽ എ​ത്താ​നാ​കും.

ജൈ​വ​വൈ​വി​ധ്യം ന​ഷ്​​ട​പ്പെ​ടാ​തു​ള്ള വി​നോ​ദ​സ​ഞ്ചാ​ര രീ​തി അ​വ​ലം​ബി​ച്ചാ​ൽ തു​രു​ത്ത് കേ​ര​ള​ത്തി​െൻറ അ​ഭി​മാ​ന​മാ​യി വി​നോ​ദ​സ​ഞ്ചാ​ര മേ​ഖ​ല​ക്ക്​ തി​ല​ക​ക്കു​റി​യാ​യി നി​ല​കൊ​ള്ളും.

Show Full Article
TAGS:kakkathuruthu tourism covid-19 travel 
Next Story