ച​രി​ത്രം പ​ഠി​ക്കാ​ൻ കു​ട്ടി​ക​ൾ​ക്ക് സ്​​റ്റ​ഡി ടൂ​ർ

കൂ​ട്ടു​കാ​രേ, കൊ​റോ​ണ​ക്കാ​ല​ത്ത് വീ​ട്ടി​ലി​രു​ന്ന് ബോ​റ​ടി​ച്ചി​രി​ക്കു​ക​യ​ല്ലേ എ​ല്ലാ​വ​രും.
ഈ ​അ​വ​ധി​ക്കാ​ല​ത്ത് ക​ങ്ങ​ളി​ൽ പ​രാ​മ​ർ​ശി​ച്ച കേ​ര​ള​ത്തി​ലെ
ച​രി​ത്ര​പ്രാ​ധാ​ന്യ​മു​ള്ള സ്ഥ​ല​ങ്ങ​ൾ കാ​ണാ​ൻ പോ​യാ​ലോ? ആ​ന​ന്ദ​വും അ​റി​വും പ​ക​രു​ന്ന
ഒ​രു ച​രി​ത്ര​വി​നോ​ദ​യാ​ത്ര പോ​കാ​ൻ പ്ര​ചോ​ദ​ന​മേ​കു​ന്ന ചി​ല സ്ഥ​ല​വി​വ​ര​ങ്ങ​ൾ ഇ​താ...

ക​ണ്ണൂ​ര്‍: സെൻറ്​ ആ​ഞ്ച​ലോ ഫോ​ര്‍ട്ട്

ക​ണ്ണൂ​രി​ല്‍നി​ന്ന് മൂ​ന്നു​കി​ലോ​മീ​റ്റ​ര്‍ അ​ക​ലെ അ​റബിക്കട​ലി​ന്​ അ​ഭി​മു​ഖ​മാ​യി സ്ഥി​തി​ചെ​യ്യു​ന്ന കോ​ട്ട​യാ​ണ് സെൻറ്​ ആ​ഞ്ച​ലോ ഫോ​ര്‍ട്ട് (ക​ണ്ണൂ​ര്‍ കോ​ട്ട). 1498ല്‍ ​വാ​സ്‌​കോ​ഡ ഗാ​മ​യു​ടെ ഇ​ന്ത്യാ സ​ന്ദ​ര്‍ശ​ന​വേ​ള​യി​ല്‍, കോ​ല​ത്തി​രി രാ​ജാ​വ് വാ​സ​സ്ഥ​ലം പ​ണി​യു​ന്ന​തി​നാ​യി പോ​ർചു​ഗീ​സു​കാ​ര്‍ക്ക് ഭൂ​മി ന​ല്‍കി. 1505 ഒ​ക്ടോ​ബ​ര്‍ 23ന് ​അ​ദ്ദേ​ഹം പോ​ർചു​ഗീ​സുകാരനായ ഫ്രാ​ന്‍സി​സ്‌​കോ ഡി ​അ​ല്‍മേ​ഡ​ക്ക്, സ്ഥ​ല​ത്ത് ഒ​രു കോ​ട്ട പ​ണി​യാ​നു​ള്ള അ​നു​മ​തി ന​ല്‍കി.

1505 ഒ​ക്ടോ​ബ​ര്‍ 30നാ​ണ് കോ​ട്ട​യു​ടെ നി​ർ​മാ​ണം പൂ​ര്‍ത്തി​യാ​യ​ത്. 1663ൽ ​ഡ​ച്ചു​കാ​ര്‍, പോ​ർചു​ഗീ​സു​കാ​രി​ല്‍നി​ന്ന് കോ​ട്ട പി​ടി​ച്ചെ​ടു​ത്തു. അ​വ​ര്‍ കോ​ട്ട​യെ ആ​ധു​നീക​രി​ക്കു​ക​യും ഹോ​ള​ണ്ടി​യ, സീ​ലാ​ണ്ടി​യ, ഫ്രൈ​സ്ലാ​ന്‍ഡി​യ എ​ന്നീ കൊ​ത്ത​ള​ങ്ങ​ള്‍ നി​ർ​മി​ക്കു​ക​യും ചെ​യ്തു. ഡ​ച്ചു​കാ​ര്‍ 1772ല്‍ ​അ​റ​ക്ക​ല്‍ രാ​ജാ​വ് അ​ലി രാ​ജ​ക്ക്​ ഈ ​കോ​ട്ട വി​റ്റു. 1790ല്‍ ​ബ്രി​ട്ടീ​ഷു​കാ​ര്‍ ഇ​ത് പി​ടി​ച്ചെ​ടു​ക്കു​ക​യും 1947 വ​രെ മ​ല​ബാ​റി​ലെ ത​ങ്ങ​ളു​ടെ പ്ര​ധാ​ന സൈ​നി​കകേ​ന്ദ്ര​മാ​യി ഉ​പ​യോ​ഗി​ക്കു​ക​യും ചെ​യ്തു. ക​ണ്ണൂ​ര്‍ ക​​േൻറാ​ണ്‍മെ​ൻ​റ്​ ഏ​രി​യ​യി​ലാ​ണ് കോ​ട്ട സ്ഥി​തിചെ​യ്യു​ന്ന​ത്‌.

കോ​ഴി​ക്കോ​ട്: ദേവമാതാപള്ളി

കോഴിക്കോടി​െൻറ ചരിത്രത്തിനൊപ്പം ചേർത്തുവായിക്കുന്നതാണ് ദേവമാതാപള്ളിയും. ബീച്ച് റോഡിനരികിൽ പ്രൗഢിയോടെ തലയുയർത്തിനിൽക്കുന്ന ദേവമാതാപള്ളി കോഴിക്കോട് നഗരത്തിലെ ആദ്യ ക്രൈസ്തവ ദേവാലയംകൂടിയാണ്. നടുവിലെ താഴികക്കുടവും തലയുയർത്തിനിൽക്കുന്ന ഗോപുരസമാനമായ എടുപ്പുകളുമുള്ള പള്ളി വലിയ പള്ളി എന്നാണ് അറിയപ്പെടുന്നത്. പള്ളിച്ചുമരിലെ 200 വർഷത്തിലധികം പഴക്കമുള്ള കന്യാമറിയത്തിെൻറ ചിത്രവും ചരിത്രം വിളിച്ചോതുന്നു.

അൾത്താരയുടെ സമീപം പൂർവികരായ മൂന്നു ബിഷപ്പുമാരുടെ ഭൗതികദേഹം അടക്കംചെയ്ത്‌ ലാറ്റിൻ ഭാഷയിൽ അവരുടെ പേരുവിവരങ്ങൾ പ്രത്യേകം എഴുതിയ ഫലകം നിലത്ത്‌ വിരിച്ചിരിക്കുന്നത്‌ കാണാം. 1599ൽ അന്നത്തെ സാമൂതിരി രാജാവാണ് അദ്ദേഹത്തിെൻറ അധീനതയിലുള്ള സ്ഥലത്ത്‌ ദേവമാതാപള്ളി പോർചുഗീസുകാർക്ക്‌ പണിതുകൊടുത്തത്‌.പിന്നീട് ഗോവ അതിരൂപതയുടെ അധിപൻ അലക്സിയോ ഡി മെനസീസാണ് പള്ളി പുതുക്കിപ്പണിതത്. 1724ൽ പള്ളി വീണ്ടും വിപുലീകരിച്ചു. കോഴിക്കോട് പുതിയ ബസ്‌സ്​റ്റാ ൻഡിൽനിന്നും റെയിൽവേ സ്​റ്റേഷനിൽനിന്നും ഇവിടേക്ക് ഓട്ടോയിൽ എത്തിച്ചേരാം. റെയിൽ മാർഗം : കോഴിക്കോട് റെയിൽവേ സ്​റ്റേഷനിൽനിന്ന്​ ഓട്ടോ സർവിസ് ഉണ്ട്.

തൃ​ശൂ​ര്‍: ചേ​ര​മാ​ന്‍ മ​സ്ജി​ദ്

ഇ​ന്ത്യ​യി​ലെ ആ​ദ്യ​ത്തെ മു​സ്​​ലിം പ​ള്ളി​യാ​ണി​ത്. തൃ​ശൂ​ര്‍ ജി​ല്ല​യി​ലെ കൊ​ടു​ങ്ങ​ല്ലൂ​രി​ല്‍ മേ​ത്ത​ല​യി​ലാ​ണ്​ ചേ​ര​മാ​ന്‍ ജു​മാ​മ​സ്ജി​ദ്. മു​ഹ​മ്മ​ദ് ന​ബി​യു​ടെ ജീ​വി​ത​കാ​ല​ത്ത് നി​ർ​മി​ച്ച ഈ ​ആ​രാ​ധ​നാ​ല​യം ഇ​ന്ത്യ​യു​ടെ ച​രി​ത്ര​പ​ര​വും വാ​സ്തു​ശാ​സ്ത്ര​പ​ര​വു​മാ​യ പ​ള്ളി​ക​ളി​ല്‍ ഏ​റ്റ​വും പ്ര​ധാ​ന​പ്പെ​ട്ട ഒ​ന്നാ​ണ്.മു​സി​രീ​സ് എ​ന്നാ​ണ് കൊ​ടു​ങ്ങ​ല്ലൂ​ർ മു​മ്പ് അ​റി​യ​പ്പെ​ട്ടി​രു​ന്ന​ത്. അ​ന്ന് ഇ​ന്ത്യ​യി​ലെ ഏ​റ്റ​വും വ​ലി​യ തു​റ​മു​ഖ​വു​മാ​യി​രു​ന്നു മു​സ​ിരീ​സ്. ഇ​സ്​​ലാം മ​തം സ്വീ​ക​രി​ക്കാ​നും തീ​ർ​ഥാ​ട​നം ന​ട​ത്തു​ന്ന​തി​നു​മാ​യി, കൊ​ടു​ങ്ങ​ല്ലൂ​രി​ലെ ചേ​ര​വം​ശ രാ​ജാ​വാ​യി​രു​ന്ന ചേ​ര​മാ​ന്‍ പെ​രു​മാ​ള്‍ മ​ക്ക​യി​ലേ​ക്കു പോ​യി എ​ന്ന് ക​രു​ത​പ്പെ​ടു​ന്നു.

എ.​ഡി 629ല്‍ ​ഇ​ന്ത്യ​ന്‍ ഉ​പ​ഭൂ​ഖ​ണ്ഡ​ത്തി​ലെ​ത്തി​യ ഇ​സ്​​ലാ​മി​​െൻറ ആ​ദ്യ​ത്തെ അ​റ​ബ് പ്ര​ചാ​ര​ക​രി​ലൊ​രാ​ളാ​യ മാ​ലി​ക് ഇ​ബ്നു ദി​നാ​റാ​ണ് ചേ​ര​മാ​ന്‍ ജു​മാ​മ​സ്ജി​ദ് നി​ർ​മി​ച്ച​ത്.കേ​ര​ള ശൈ​ലി​യി​ലു​ള്ള വാ​സ്തു​വി​ദ്യ​യും പൈ​തൃ​ക​വും പ​ള്ളി​യു​ടെ നി​ർ​മാ​ണ​ത്തി​ല്‍ കാ​ണാം. എ​റ​ണാ​കു​ളം ന​ഗ​ര​ത്തി​ല്‍നി​ന്ന് 40 കി​ലോ​മീ​റ്റ​ര്‍ അ​ക​ലെ​യു​ള്ള പ​ള്ളി ച​രി​ത്ര​ത്തി​െൻറ ഒ​രു നി​ധി​യാ​ണ്. കൊ​ടു​ങ്ങ​ല്ലൂ​രി​ല്‍നി​ന്ന്​ ഒ​രു കി​ലോ​മീ​റ്റ​ര്‍ മാ​ത്ര​മേ പ​ള്ളി​യി​ലേ​ക്കു​ള്ളൂ. ആ​ലു​വ​യാ​ണ് ഏ​റ്റ​വും അ​ടു​ത്ത റെ​യി​ല്‍വേ സ്​​റ്റേ​ഷ​ന്‍. 26 കി.​മീ. ദൂ​ര​ത്ത് നെ​ടു​മ്പാ​ശ്ശേ​രി വി​മാ​ന​ത്താ​വ​ള​വും സ്ഥി​തി​ചെ​യ്യു​ന്നു.

കാ​സ​ർ​കോ​ട്​: ബേ​ക്ക​ല്‍ കോ​ട്ട

കാ​സ​ർ​കോ​ടിെൻറ തെ​ക്കു​ഭാ​ഗ​ത്തു​ള്ള കാ​ഞ്ഞ​ങ്ങാ​ടു​നി​ന്ന്​ 12 കി​ലോ​മീ​റ്റ​ര്‍ യാ​ത്രചെ​യ്താ​ല്‍ ബേ​ക്ക​ലെ​ത്താം. അ​വി​ടെനി​ന്ന്​ ഇ​ട​ത്തേ​ക്ക് തി​രി​ഞ്ഞാ​ല്‍ കോ​ട്ട​യി​ലെ​ത്താം. കേ​ര​ള​ത്തി​ലെ കോ​ട്ട​ക​ളി​ല്‍ ഏ​റ്റ​വും വ​ലു​തും മ​നോ​ഹ​ര​വു​മാ​ണ് ചെ​ങ്ക​ല്‍കൊ​ണ്ട് നി​ർ​മി​ച്ച​ ബേ​ക്ക​ല്‍ കോ​ട്ട. 17ാം നൂ​റ്റാ​ണ്ടി​െൻറ മ​ധ്യ​ത്തി​ൽ കും​ബ്ല​യി​ലെ ഇ​ക്കേ​രി നാ​യ്ക്ക​ന്മാ​ർ എ​ന്ന​റി​യ​പ്പെ​ടു​ന്ന ബ​ദി​നൂ​ർ നാ​യ്ക്ക​ന്മാ​രി​ലെ ശി​വ​പ്പ നാ​യ്ക്കാ​ണ് കോ​ട്ട നി​ർമി​ച്ച​ത് എ​ന്ന് ക​രു​ത​പ്പെ​ടു​ന്ന​ു. 40 ഏ​ക്ക​റി​ല്‍ നി​റ​ഞ്ഞു​നി​ല്‍ക്കു​ന്ന കോ​ട്ട​ക്കു​ള്ളി​ല്‍ നി​ര​വ​ധി നി​രീ​ക്ഷ​ണഗോ​പു​ര​ങ്ങ​ള്‍ നി​ർ​മി​ച്ചി​ട്ടു​ണ്ട്. കോ​ട്ട​മ​തി​ലി​ല്‍ നി​ര​വ​ധി ഭാ​ഗ​ങ്ങ​ളി​ല്‍ ദ്വാ​ര​ങ്ങ​ള്‍ കാ​ണാ​ം. യു​ദ്ധ​വും മ​റ്റ് ആ​ക്ര​മ​ണ​ങ്ങ​ളും ഉ​ണ്ടാ​കു​മ്പോ​ള്‍ ശ​ത്രു​ക്ക​ളെ നി​രീ​ക്ഷി​ക്കു​ന്ന​തി​നും ആ​യു​ധ​ങ്ങ​ള്‍ സ​ജ്ജീ​ക​രി​ക്കു​ന്ന​തി​നു​മാ​ണ് ഈ ​ദ്വാ​ര​ങ്ങ​ള്‍. കോ​ട്ട​ക്ക​ക​ത്തു​കൂ​ടി ക​ട​ൽ​തീ​ര​ത്തേ​ക്കു പോ​കാ​നു​ള്ള വ​ഴി​യു​ണ്ട്. ക​ട​ൽ​തീ​ര​ത്തും നി​രീ​ക്ഷ​ണ ഗോ​പു​ര​ങ്ങ​ളു​ണ്ട്. 25 രൂ​പ​യാ​ണ് 15 വ​യ​സ്സി​നു മു​ക​ളി​ലു​ള്ള​വ​ര്‍ക്കു​ള്ള ടി​ക്ക​റ്റ്. കാ​മ​റ​ക്കും 25 രൂ​പ ടി​ക്ക​റ്റു​ണ്ട്.

വ​യ​നാ​ട്: എ​ട​ക്ക​ല്‍ ഗു​ഹ

ക​ല്‍പ​റ്റ​യി​ൽ​നി​ന്ന് 25 കി​ലോ​മീ​റ്റ​ര്‍ അ​ക​ലെ എ​ട​ക്ക​ല്‍ എ​ന്ന സ്ഥ​ല​ത്തു​ള്ള ര​ണ്ടു പ്ര​കൃ​തി​ദ​ത്ത ഗു​ഹ​ക​ളാ​ണ് എ​ട​ക്ക​ല്‍ ഗു​ഹ​ക​ള്‍. സ​മു​ദ്ര​നി​ര​പ്പി​ല്‍നി​ന്ന് 3900 അ​ടി ഉ​യ​ര​ത്തി​ലാ​ണ് ഇ​വ സ്ഥി​തി​ചെ​യ്യു​ന്ന​ത്.1890ല്‍ ​മ​ല​ബാ​ര്‍ ജി​ല്ല​യി​ലെ അ​ന്ന​ത്തെ പൊ​ലീ​സ് സൂ​പ്ര​ണ്ട് ഫ്രെ​ഡ് ഫോ​സെ​റ്റ് വ​യ​നാ​ട്ടി​ലേ​ക്കു​ള്ള വേ​ട്ട​യാ​ട​ലി​നി​ടെ​യാ​ണ് ഗു​ഹ​ക​ള്‍ ക​ണ്ടെ​ത്തി​യ​ത്. ന​വ​ശി​ലാ​യു​ഗ മ​നു​ഷ്യ​രു​ടെ ആ​വാ​സകേ​ന്ദ്ര​ംകൂടിയായിരുന്നു ഇത്. 6000 ബി.​സി​യി​ലേ​തെ​ന്ന്് ക​ണ​ക്കാ​ക്ക​പ്പെ​ടു​ന്ന ഗു​ഹ, പെ​യി​ൻ​റി​ങ്ങു​ക​ള്‍ക്ക് പ്ര​ശ​സ്ത​മാ​ണ്. ഗു​ഹ​ക​ളി​ല്‍ എ​ത്താ​ന്‍ അ​മ്പു​കു​ത്തി മ​ല​യി​ലൂ​ടെ ട്ര​ക്കി​ങ് ന​ട​ത്ത​ണം.

മ​ല​ക​യ​റാ​ന്‍ ഏ​ക​ദേ​ശം 45 മി​നി​റ്റെ​ടു​ക്കും. ഗു​ഹ​ക്കു​ള്ളി​ല്‍ ര​ണ്ട് അ​റ​ക​ള്‍ കാ​ണാം. ഗു​ഹ​ക​ളു​ടെ ചു​മ​രു​ക​ളി​ല്‍ മ​നു​ഷ്യ​ര്‍, മൃ​ഗ​ങ്ങ​ളു​ടെ രൂ​പ​ങ്ങ​ള്‍, മ​നു​ഷ്യ​ര്‍ ഉ​പ​യോ​ഗി​ക്കു​ന്ന വ​സ്തു​ക്ക​ള്‍ എ​ന്നി​വ​യു​ടെ കൊ​ത്തു​പ​ണി​ക​ളുണ്ട്. പു​രാ​വ​സ്തു ഗ​വേ​ഷ​ക​രു​ടെ​യും ച​രി​ത്ര​കാ​ര​ന്മാ​രു​ടെ​യും ശ്ര​ദ്ധ​യാ​ക​ര്‍ഷി​ച്ചി​ട്ടു​ള്ള സ്ഥ​ല​മാ​ണ് എ​ട​ക്ക​ല്‍ ഗു​ഹ.​ ചി​ത്ര​ക​ലാ കൊ​ത്തു​പ​ണി​ക​ള്‍ക്കൊ​പ്പം ത​മി​ഴ്, ബ്രാ​ഹ്മി സ്‌​ക്രി​പ്റ്റു​ക​ളും കാ​ണാം. സ​ന്ദ​ര്‍ശ​ന സ​മ​യം രാ​വി​ലെ 9.30 മു​ത​ല്‍ വൈ​കീ​ട്ട്​ 4.30 വ​രെ​യാ​ണ്. അ​മ്പു​കു​ത്തി കു​ന്നു​ക​ളു​ടെ താ​ഴ്ഭാ​ഗം വ​രെ ബ​സ് അ​ല്ലെ​ങ്കി​ല്‍ കാ​ര്‍ വ​ഴി എ​ത്തി​ച്ചേ​രാം.

മ​ല​പ്പു​റം: പൂ​ന്താ​നം ഇ​ല്ലം

കേ​ര​ള​ത്തി​െൻറ ഇ​തി​ഹാ​സ​ക​വി എ​ന്ന​റി​യ​പ്പെ​ട്ടി​രു​ന്ന പൂ​ന്താ​നം ന​മ്പൂ​തി​രി​യു​ടെ വ​സ​തി​യാ​യി​രു​ന്നു മ​ല​പ്പു​റം ജി​ല്ല​യി​ലെ പൂ​ന്താ​നം ഇ​ല്ലം. ത​െൻറ മ​ഹ​ദ്​ ര​ച​ന​യാ​യ ജ്ഞാ​ന​പ്പാ​നകൊ​ണ്ട് പ്ര​ശ​സ്ത​നാ​യ അ​ദ്ദേ​ഹം ഭ​ക്തി​പ്ര​സ്ഥാ​ന​ത്തി​െൻറ വ​ക്താ​വാ​യി​രു​ന്നു. ഇ​ന്ന് ഈ ​വീ​ട് ഗു​രു​വാ​യൂ​ര്‍ ദേ​വ​സ്വ​ത്തി​െൻറ പ​രി​പാ​ല​ന​ത്തി​ലാ​ണ്. ഒ​രു ക​വി​യു​ടെ ജീ​വി​ത​ത്തെ​യും സ​മ​യ​ത്തെ​യുംകു​റി​ച്ചു​ള്ള മി​ക​ച്ച ഓ​ർ​മ​പ്പെ​ടു​ത്ത​ലാ​ണ് ഈ ​സ്മാ​ര​കം.

മ​ല​പ്പു​റം ജി​ല്ല​യി​ലെ പെ​രി​ന്ത​ല്‍മ​ണ്ണ​ക്ക​ടു​ത്തു​ള്ള കീ​ഴാ​റ്റൂ​രി​ലാ​ണ് പൂ​ന്താ​നം ഇ​ല്ലം സ്ഥി​തി​ചെ​യ്യു​ന്ന​ത്. ഗു​രു​വാ​യൂ​രി​ല്‍നി​ന്ന് 60 കി​ലോ​മീ​റ്റ​ര്‍ അ​ക​ലെ പെ​രി​ന്ത​ല്‍മ​ണ്ണ-നി​ല​മ്പൂ​ര്‍ റൂ​ട്ടി​ലാ​ണ് ഈ ​സ്മാ​ര​കം. പൂ​ന്താ​നം ദി​ന​വും ന​വ​രാ​ത്രി​യു​മാ​ണ് ഇ​വി​ട​ത്തെ പ്ര​ധാ​ന ഉ​ത്സ​വ​ങ്ങ​ള്‍. പൂ​ന്താ​നം ദി​ന​ത്തി​ല്‍ പ്ര​ത്യേ​ക സാം​സ്‌​കാ​രി​ക പ​രി​പാ​ടി​ക​ളും സാ​ഹി​ത്യ സെ​മി​നാ​റു​ക​ളും പൂ​ന്താ​നം ഇ​ല്ല​ത്തി​ല്‍ സം​ഘ​ടി​പ്പി​ക്കു​ന്നു. പൂ​ന്താ​നം ന​മ്പൂ​തി​രി​യു​ടെ പി​ന്‍ഗാ​മി​ക​ള്‍ ഈ ​സ്വ​ത്ത് ഗു​രു​വാ​യൂ​ര്‍ ദേ​വ​സ്വ​ത്തി​ന്​ ന​ല്‍കി. അ​ദ്ദേ​ഹം പ്രാ​ർ​ഥി​ച്ചി​രു​ന്ന ശ്രീ​കൃ​ഷ്ണ ക്ഷേ​ത്രം ഈ ​ഇ​ല്ല​ത്തി​െൻറ സ​മീ​പ​ത്താ​യി സ്ഥി​തി​ചെ​യ്യു​ന്നു.

പാ​ല​ക്കാ​ട്:അ​ഞ്ചു​വി​ള​ക്ക്

ബ്രി​ട്ടീ​ഷ് മേ​ധാ​വി​ക​ളുടെ വം​ശീ​യവി​വേ​ച​ന​ത്തി​ൽ പ്ര​തി​ഷേ​ധി​ച്ച് പാ​ല​ക്കാ​ട് മേ​ഖ​ല​യി​ലെ ആ​ദ്യ​ത്തെ ഇ​ന്ത്യ​ൻ വം​ശ​ജ​നാ​യ അ​സി​സ്​​റ്റ​ൻ​റ്​ ക​ല​ക്ട​ർ പു​ലി​കാ​ട് ര​ത്‌​ന​വേ​ലു ചെ​ട്ടി​യാ​ർ ആ​ത്മ​ഹ​ത്യ ചെ​യ്ത​തി​െൻറ ഓ​ർ​മ​യാ​ണ് അ​ഞ്ചു​വി​ള​ക്ക്.ല​ണ്ട​നി​ൽനി​ന്ന് നി​യ​മം പാ​സാ​യെ​ങ്കി​ലും ക​ല​ക്ട​ർ ആ​കു​ന്ന​തി​ൽനി​ന്ന് ചെ​ട്ടി​യാ​റെ ത​ട​ഞ്ഞു. കാ​ര​ണം ഒ​രു ഇ​ന്ത്യ​ക്കാ​ര​നും ഈ ​പ​ദ​വി വ​ഹി​ക്കാ​ൻ ക​ഴി​യി​ല്ലെ​ന്ന് പ്ര​സി​ഡ​ൻ​റ്​് പ​റ​ഞ്ഞു. ബ്രി​ട്ടീ​ഷു​കാ​ര​നാ​യ മ​ല​ബാ​ർ ക​ല​ക്ട​ർ വി​ശി​ഷ്​​ടാ​തി​ഥി​ക​ളു​ടെ മു​ന്നി​ൽവെച്ച് അ​പ​മാ​നിച്ചതിൽ മനംനൊന്ത് 1881 സെ​പ്റ്റം​ബ​ർ 28ന് ​ചെട്ടിയാർ ആ​ത്മ​ഹ​ത്യ ചെ​യ്തു. പാ​ല​ക്കാ​ട് കോ​ട്ട​ക്ക​ടു​ത്ത്, പു​ലി​കാ​ട് ര​ത്‌​ന​വേ​ലു ചെ​ട്ടി​യാ​റു​ടെ സ്മ​ര​ണ​ക്കാ​യി സ്ഥാ​പി​ച്ച അ​ഞ്ച് വി​ള​ക്കു​ക​ൾ അ​ട​ങ്ങി​യ തൂ​ണാ​ണ് അ​ഞ്ചു​വി​ള​ക്ക്.

ആ​ല​പ്പു​ഴ: ലൈ​റ്റ് ഹൗ​സ്‌

തീ​ര​ദേ​ശ ന​ഗ​ര​മാ​യ ആ​ല​പ്പു​ഴ​യി​ലെ ക​ട​ലോ​ര​ത്താ​ണ് വി​ള​ക്കു​മാ​ടം സ്ഥി​തി​ചെ​യ്യു​ന്ന​ത്. 1862ല്‍ ​നി​ർ​മി​ച്ച വി​ള​ക്കു​മാ​ടം ഇ​ന്ന് ഒ​രു പ്ര​ധാ​ന വി​നോ​ദ​സ​ഞ്ചാ​രകേ​ന്ദ്ര​വും കൂ​ടി​യാ​ണ്. കേ​ര​ള​ത്തി​ല്‍ ഇ​ത്ത​ര​ത്തി​ലു​ള്ള വി​ള​ക്കു​മാ​ട​ങ്ങ​ളി​ല്‍ ആ​ദ്യ​ത്തേ​താ​ണ് ആ​ല​പ്പു​ഴ​യി​ലേ​ത്. പോ​ർ​ചു​ഗീ​സു​കാ​രു​ടെ വ​ര​വി​നു​ശേ​ഷം ഡ​ച്ച്, ഇം​ഗ്ലീ​ഷ് വ്യാ​പാ​രി​ക​ള്‍ക്ക് വി​ഴി​ഞ്ഞം, കൊ​ല്ലം, തി​രു​വി​താം​കൂ​ര്‍, പു​റ​ക്കാട് എ​ന്നി​വ​യാ​യി​രു​ന്നു തി​രു​വി​താം​കൂ​റി​ലെ പ്ര​ധാ​ന തു​റ​മു​ഖ​ങ്ങ​ള്‍. പു​റ​ക്കാ​ട് തു​റ​മു​ഖ​ത്തിെ​ൻ​റ ത​ക​ര്‍ച്ച​യെ തു​ട​ര്‍ന്ന് ആ​ല​പ്പു​ഴ​യെ തു​റ​മു​ഖ​മാ​യി തി​ര​ഞ്ഞെ​ടു​ക്കു​ക​യും അ​ടി​സ്ഥാ​ന സൗ​ക​ര്യ​ങ്ങ​ള്‍ വി​ക​സി​പ്പി​ക്കു​ക​യും ചെ​യ്തു.

മാ​ര്‍ത്താ​ണ്ഡവ​ര്‍മ-2 മ​ഹാ​രാ​ജാ​വിെ​ൻ​റ ഭ​ര​ണ​കാ​ല​ത്താ​ണ് വി​ള​ക്കു​മാ​ട​ത്തിെ​ൻ​റ നി​ർ​മാ​ണം ആ​രം​ഭി​ച്ച​ത്. മി​സി​സ് മ​ഗ് ക്രോ​ഫോ​ര്‍ഡ് 1860 ഏ​പ്രി​ല്‍ 26ന് ​ശി​ലാ​സ്ഥാ​പ​നം നി​ർ​വ​ഹി​ച്ചു. ശ്രീ ​രാ​മ​വ​ര്‍മ മ​ഹാ​രാ​ജാ​വിെ​ൻ​റ കാ​ല​ത്താ​ണ് നി​ർ​മാ​ണം പൂ​ര്‍ത്തി​യാ​യ​ത്. 27 മീ​റ്റ​ര്‍ ഉ​യ​ര​മു​ള്ള വി​ള​ക്കു​മാ​ട​ത്തി​ന് തേ​ക്കുകൊ​ണ്ട് നി​ർ​മി​ച്ച സ​ര്‍പ്പി​ള ഗോ​വ​ണി​യു​ണ്ട്. 1952 വ​രെ വെ​ളി​ച്ചെ​ണ്ണ ഒ​ഴി​ച്ച് ഇ​ര​ട്ട തി​രി​യി​ട്ട വി​ള​ക്കാ​ണ് ഉ​പ​യോ​ഗി​ച്ചി​രു​ന്ന​ത്. തു​ട​ര്‍ന്ന്​ 500 എം.​എം ഡ്രം ​ഒ​പ്റ്റി​ക് ഡി.​എ ഗ്യാ​സ് ഫ്ലാ​ഷ​ര്‍ ലൈ​റ്റ് സ്ഥാ​പി​ച്ചു. 1960 ആ​ഗ​സ്​​റ്റ്​ നാ​ലി​ന് പ​ഴ​യ ഉ​പ​ക​ര​ണ​ങ്ങ​ള്‍ എ​ല്ലാം മാ​റ്റി വീ​ണ്ടും പു​തു​ക്കി നി​ർ​മി​ച്ചു.

കൊ​ല്ലം: കോ​ട്ടു​ക്ക​ൽ ഗു​ഹാ​ക്ഷേ​ത്രം

കേ​ര​ള​ത്തി​ലെ അ​റി​യ​പ്പെ​ടു​ന്ന ഗു​ഹാ​ക്ഷേ​ത്ര​ങ്ങ​ളി​ല്‍ പ്ര​ധാ​ന​പ്പെ​ട്ട​തും അ​പൂ​ര്‍വ​വു​മാ​യ ഗു​ഹാ​ക്ഷേ​ത്ര​മാ​ണ് കൊ​ല്ലം ജി​ല്ല​യി​ലെ ച​ട​യ​മം​ഗ​ലം ഇ​ട്ടി​വ ഗ്രാ​മ​പ​ഞ്ചാ​യ​ത്തി​ലെ കോ​ട്ടു​ക്ക​ല്‍ ഗു​ഹാ​ക്ഷേ​ത്രം. നെ​ല്‍വ​യ​ലു​ക​ളു​ടെ ന​ടു​വി​ലാ​യി സ്ഥി​തി​ചെ​യ്യു​ന്ന വ​ലി​യ പാ​റ ആ​ന കി​ട​ക്കു​ന്ന രൂ​പ​ത്തി​ലാ​ണ് സ്ഥി​തിചെ​യ്യു​ന്ന​ത്. സി.​ഇ ആ​റാം നൂ​റ്റാ​ണ്ടി​നും എ​ട്ടാം നൂ​റ്റാ​ണ്ടി​നും ഇ​ട​യി​ലാ​ണ് ഗു​ഹാ​ക്ഷേ​ത്രം നി​ർ​മി​ക്ക​പ്പെ​ട്ട​തെ​ന്ന് ക​രു​ത​പ്പെ​ടു​ന്നു. കോ​ട്ടു​ക്ക​ല്‍ ഗു​ഹാ​ക്ഷേ​ത്ര​ത്തിെ​ൻ​റ മ​റ്റൊ​രു പേ​ര് ക​ല്‍ത്തി​രി കോ​വി​ല്‍ എ​ന്നാ​ണ്. പാ​റ​യി​ല്‍ കൊ​ത്തി​യ വ്യ​ത്യ​സ്ത രൂ​പ​ത്തി​ലു​ള്ള കി​ഴ​ക്ക് ദ​ര്‍ശ​ന​ത്തി​ലു​ള്ള ര​ണ്ടു ഗു​ഹ​ക​ളാ​ണ് ആ​ദ്യം ക​ണ്ണി​ല്‍പെ​ടു​ക. ഈ ​ഗു​ഹ​ക​ള്‍ക്കി​ട​യി​ലു​ള്ള ഭാ​ഗ​ത്ത് ഗ​ണ​പ​തി​യു​ടെ രൂ​പ​വും കാ​ണാം. ര​ണ്ടു ഗു​ഹ​ക​ള്‍ക്കും വ്യ​ത്യാ​സ​ങ്ങ​ളു​ണ്ടെ​ങ്കി​ലും ഇ​വ​ക്ക്​ പ​ല സാ​മ്യ​ങ്ങ​ളു​മു​ണ്ട്. ര​ണ്ടു മു​റി​ക​ളും 10 അ​ടി ഉ​യ​ര​വും 10 അ​ടി നീ​ള​വും എ​ട്ട്​ അ​ടി വീ​തി​യു​മാ​ണ്.

പ​ല്ല​വ​രാ​ജ ഭ​ര​ണ​കാ​ല​ത്താ​ണ് ഈ ​ക്ഷേ​ത്രം നി​ർ​മി​ച്ച​തെ​ന്നാ​ണ് പു​രാ​വ​സ്തു വ​കു​പ്പ് നി​ഗ​മ​നം. പ​ല്ല​വ​രാ​ജാ​ക്ക​ന്മാ​ര്‍ കേ​ര​ള​ത്തി​ല്‍ ഭ​ര​ണം ന​ട​ത്തി​യി​രു​ന്നി​ല്ല. എ​ന്നാ​ല്‍, ത​മി​ഴ്‌​നാ​ട്ടി​ല്‍ പ​ല്ല​വ​ഭ​ര​ണം നി​ല​നി​ന്നി​രു​ന്നു. ഇ​വ​രു​ടെ ഭ​ര​ണ​കാ​ല​ത്താ​ണ് ഗു​ഹാ​ക്ഷേ​ത്ര​ങ്ങ​ള്‍ നി​ർ​മി​ച്ച​ത്. മ​ഹാ​ബ​ലി​പു​രം ക്ഷേ​ത്ര​ത്തി​ലെ ഗു​ഹാ​ക്ഷേ​ത്ര​ങ്ങ​ളും പ​ല്ല​വ​കാ​ല​ത്താ​ണ് നി​ർ​മി​ക്ക​പ്പെ​ട്ട​ത്.എം.​സി റോ​ഡി​ല്‍ വ​ട​ക്കു​ഭാ​ഗ​ത്തു​നി​ന്നു വ​രു​ന്ന​വ​ര്‍ക്ക് ആ​യൂ​ര്‍നി​ന്ന്​ അ​ഞ്ചു കി​ലോ​മീ​റ്റ​ര്‍ കി​ഴ​ക്കു ഭാ​ഗ​ത്തേ​ക്ക് സ​ഞ്ച​രി​ച്ചാ​ല്‍ ക്ഷേ​ത്ര​ത്തി​ലെ​ത്താം. തി​രു​വ​ന​ന്ത​പു​ര​ത്ത​ു​നി​ന്നു​ വ​രു​ന്ന​വ​ര്‍ക്ക് നി​ല​മേ​ല്‍, ക​ട​യ്ക്ക​ല്‍ വ​ഴി കോ​ട്ടു​ക്കല്‍ എ​ത്തി​ച്ചേ​രാം.

തി​രു​വ​ന​ന്ത​പു​രം: അ​ഞ്ചു​തെ​ങ്ങ് കോ​ട്ട

ക​ട​ല്‍ത്തീ​ര​ത്ത് ത​ല​യു​യ​ര്‍ത്തിനി​ല്‍ക്കു​ന്ന ച​രി​ത്ര​സാ​ക്ഷ്യ​മാ​യ അ​ഞ്ചു​തെ​ങ്ങ് കോ​ട്ട​ക്ക്​ 321 വ​ര്‍ഷ​ത്തെ പ​ഴ​ക്ക​മു​ണ്ട്. 1684ല്‍ ​ആ​റ്റി​ങ്ങ​ല്‍ റാ​ണി​യാ​യി​രു​ന്ന ഉ​മ​യ​മ്മ​റാ​ണി​യാ​ണ് ബ്രി​ട്ടീ​ഷു​കാ​ര്‍ക്ക് അ​ഞ്ചു​തെ​ങ്ങി​ല്‍ ക​ച്ച​വ​ട​കേ​ന്ദ്രം സ്ഥാ​പി​ക്കാ​ന്‍ അ​നു​വാ​ദം ന​ല്‍കി​യ​ത്. 1695ല്‍ ​ഇ​ന്ന് കാ​ണു​ന്ന കോ​ട്ട​ക്കു​ള്ളി​ല്‍ അവർ ഫാ​ക്ട​റി​യും സ്ഥാ​പി​ച്ചു. ബ്രി​ട്ടീ​ഷ് ക​മ്പ​നി​യു​ടെ, കേ​ര​ള​ത്തി​ലെ ആ​ദ്യ​ത്തെ കാ​ൽ​വെ​പ്പാ​യി​രു​ന്നു ഇ​ത്. മ​ധ്യ-​ദ​ക്ഷി​ണ കേ​ര​ള​ത്തി​ല്‍ ഇം​ഗ്ലീ​ഷ് ഈ​സ്​​റ്റി​ന്ത്യാ ക​മ്പ​നി​ക്ക് സ്വാ​ധീ​ന​മു​റ​പ്പി​ക്കാ​ന്‍ ക​ഴി​ഞ്ഞ​ത് ഈ കോ​ട്ട നി​ര്‍മി​ക്കാ​ന്‍ ക​ഴി​ഞ്ഞ​തു​കൊ​ണ്ടാ​ണ്.

കു​രു​മു​ള​കും ക​യ​റും തു​ണി​ത്ത​ര​ങ്ങ​ളു​മാ​യി ക​ച്ച​വ​ട​ത്തി​നെ​ത്തി​യ ത​ദ്ദേ​ശീ​യ​രോ​ട് ബ്രി​ട്ടീ​ഷു​കാ​ര്‍ അ​ധി​കാ​രം കാ​ണി​ച്ചു​തു​ട​ങ്ങി. വി​ല നി​ശ്ച​യി​ക്കു​ന്ന​ത് ബ്രി​ട്ടീ​ഷു​കാ​രാ​യ​തോ​ടെ നാ​ട്ടു​കാ​ര്‍ പ്ര​തി​ഷേ​ധി​ച്ചു. ആ ​പ്ര​തി​ഷേ​ധ​ത്തിെ​ൻ​റ തീ​ജ്വാ​ല​യാ​ണ് 1721ല്‍ ​ആ​റ്റി​ങ്ങ​ല്‍ (അ​ഞ്ചു​തെ​ങ്ങ്) ക​ലാ​പ​ത്തി​ലേ​ക്ക് ന​യി​ച്ച​ത്. ര​ണ്ടു​മൂ​ന്നാ​ള്‍ പൊ​ക്ക​മു​ള്ള വെ​ട്ടു​ക​ല്ലി​ല്‍ തീ​ര്‍ത്ത ചു​മ​രു​ക​ള്‍. ക​യ​റാ​ന്‍ ക​ല്‍പ്പ​ട​വു​ക​ള്‍. നാ​ലു മൂ​ല​യി​ലും പീ​ര​ങ്കി വെ​ക്കാ​നു​ള്ള വി​ട​വു​ക​ള്‍. കോ​ട്ട​യു​ടെ തെ​ക്ക്​-​പ​ടി​ഞ്ഞാ​റ് ഭാ​ഗ​ത്താ​യി ക​ട​ലി​ലേ​ക്കു​ള്ള സ​ഞ്ചാ​ര​മാ​ർ​ഗ​മാ​യി തു​ര​ങ്കം. കോ​ട്ട​യു​ടെ മു​ക​ളി​ല്‍ ആ​കാ​ശ​ത്തേ​ക്ക് ത​ല​യു​യ​ര്‍ത്തി നിൽക്കുന്ന ക​ഴു​മ​ര​വും കാ​ണാം.

എ​റ​ണാ​കു​ളം: ഡച്ച് കൊ​ട്ടാ​രം

എ​റ​ണാ​കു​ളം ജി​ല്ല​യി​ലെ മ​ട്ടാ​ഞ്ചേ​രി​യി​ലു​ള്ള കൊ​ട്ടാ​രമാണ് ഡ​ച്ച് കൊ​ട്ടാ​ര​ം. കൊ​ച്ചി​യി​ലെ രാ​ജാ​ക്ക​ന്മാ​രു​ടെ ഛായാ​ചി​ത്ര​ങ്ങ​ളും പ്ര​ദ​ർ​ശ​ന​ങ്ങ​ളും ചി​ത്രീ​ക​രി​ക്കു​ന്ന ചു​വ​ർ​ചി​ത്ര​ങ്ങ​ളു​ണ്ട് ഇ​വി​ടെ. 1545ൽ ​കൊ​ച്ചി രാ​ജാ​വി​ന് സ​മ്മാ​ന​മാ​യി പോ​ർചു​ഗീ​സു​കാ​ർ കൊ​ട്ടാ​രം പ​ണി​ക​ഴി​പ്പി​ച്ചു. 1663ൽ ​ഡ​ച്ചു​കാ​ർ കൊ​ട്ടാ​ര​ത്തി​ൽ ചി​ല വി​പു​ലീ​ക​ര​ണ​ങ്ങ​ളും ന​വീ​ക​ര​ണ​ങ്ങ​ളും ന​ട​ത്തി. അ​തി​നു​ശേ​ഷം ഡ​ച്ച് പാ​ല​സ് എ​ന്ന​റി​യ​പ്പെ​ട്ടു. പ​ര​മ്പ​രാ​ഗ​ത കേ​ര​ള വാ​സ്തു​വി​ദ്യാരീ​തി​യാ​യ നാ​ലു​കെ​ട്ട് ശൈ​ലി​യി​ൽ നി​ർ​മി​ച്ച ച​തു​രാ​കൃ​തി​യി​ലു​ള്ള കെ​ട്ടി​ട​മാ​ണ് മ​ട്ടാ​ഞ്ചേ​രി കൊ​ട്ടാ​രം. ന​ടു​ക്ക് മു​റ്റ​ം, മു​റ്റ​ത്ത് ചെ​റി​യ ക്ഷേ​ത്രവുമുണ്ട്.

ഡൈ​നി​ങ്​ ഹാ​ളി​ൽ ത​ടി​യി​ൽ കൊ​ത്തി​യെ​ടു​ത്ത സീ​ലി​ങ്, പ​ര​മ്പ​രാ​ഗ​ത കേ​ര​ളരീ​തി​യി​ലു​ള്ള മി​നു​ക്കി​യ ക​റു​ത്ത മാ​ർ​ബി​ൾ പോ​ലെ​യു​ള്ള ത​റ തു​ട​ങ്ങി​യ അ​പൂ​ർ​വ​ത​ക​ളും കൊ​ട്ടാ​ര​ത്തി​ലു​ണ്ട്. ക​ത്തി​ച്ച ചി​ര​ട്ട, ക​രി, കു​മ്മാ​യം, സ​സ്യ ജ്യൂ​സു​ക​ൾ, മു​ട്ട​യു​ടെ വെ​ള്ള എ​ന്നി​വ​യു​ടെ മി​ശ്രി​ത​മാ​ണ് ത​റ​യി​ൽ ഉ​പ​യോ​ഗി​ച്ചി​രി​ക്കു​ന്ന​ത്.

ഇ​ടു​ക്കി: അ​ഞ്ചു​രു​ളി

ക​മി​ഴ്ത്തി​വെ​ച്ച ഉ​രു​ളി​യു​ടെ ആ​കൃ​തി​യു​ള്ള അ​ഞ്ചു മ​ല​ക​ൾ​ക്ക് ന​ടു​വി​ലാ​ണ് ഇ​ടു​ക്കി അ​ണ​ക്കെ​ട്ടിെ​ൻ​റ ക്യാ​ച്ച് ഡാ​മാ​യ കാ​ഞ്ചി​യാ​ര്‍ വി​ല്ലേ​ജി​ല്‍പെ​ട്ട അ​ഞ്ചു​രു​ളി. ആ​ദി​വാ​സി​ക​ളാ​ണ് സ്ഥ​ല​ത്തി​ന് ഈ ​പേ​ര് ന​ല്‍കി​യ​ത്. കേ​ര​ള​ത്തി​ല്‍ അ​റി​യ​പ്പെ​ടു​ന്ന ജ​ല ഗു​ഹാ​മു​ഖ​ങ്ങ​ളി​ലൊ​ന്നാ​ണ് അ​ഞ്ചു​രു​ളി. ഇ​ന്ത്യ​യി​ല്‍ ഒ​റ്റ​പ്പാ​റ​യി​ല്‍ നി​ർ​മി​ച്ച ഏ​റ്റ​വും വ​ലി​യ തു​ര​ങ്ക​ങ്ങ​ളി​ല്‍ ഒ​ന്നു​മാ​ണി​ത്. മ​ല​ക​ള്‍ക്ക​പ്പു​റം 4.75 കി​ലോ​മീ​റ്റ​ര്‍ ദൂ​രെ ഇ​ര​ട്ട​യാ​റി​ല്‍നി​ന്നും പാ​റ​തു​ര​ന്ന് നി​ർ​മി​ച്ചി​ട്ടു​ള്ള ട​ണ​ലാ​ണി​ത്. അ​തി​െൻറ അ​വ​സാ​ന​ഭാ​ഗ​മാ​ണ് അ​ഞ്ചു​രു​ളി​യി​ല്‍ കാ​ണു​ന്ന​ത്. ഈ ​ട​ണ​ലി​ല്‍കൂ​ടി​യാ​ണ് ഇ​ര​ട്ട​യാ​ര്‍ ഡാ​മി​ല്‍നി​ന്നു​ള്ള ജ​ലം ഇ​ടു​ക്കി ജ​ല​സം​ഭ​ര​ണി​യി​ല്‍ എ​ത്തി​ക്കു​ന്ന​ത്. സ​മു​ദ്ര​നി​ര​പ്പി​ല്‍നി​ന്ന്​ 2430 അ​ടി ഉ​യ​ര​ത്തി​ലാ​ണ് സ്ഥി​തിചെ​യ്യു​ന്ന​ത്. ഇ​വി​ടെ​യു​ള്ള ഗു​ഹാ​മു​ഖ​വും വെ​ള്ള​ച്ചാ​ട്ട​വു​മാ​ണ് ഏ​റെ ആ​ക​ര്‍ഷ​കം.

1974 മാ​ര്‍ച്ച് 10നാ​ണ് ക​ല്യാ​ണ​ത്ത​ണ്ട് മ​ല​യി​ല്‍ ഈ ​ട​ണ​ലി​െൻറ നി​ര്‍മാ​ണം ആ​രം​ഭി​ച്ച​ത്. 1980 ജ​നു​വ​രി 30ന് ​ട​ണ​ല്‍ ഉ​ദ്​​ഘാ​ട​നം ചെ​യ്തു. ട​ണ​ല്‍ നി​ർ​മി​ച്ച​ത് കോ​ല​ഞ്ചേ​രി​ക്കാ​ര​ന്‍ പൈ​ലി പി​ള്ള​യാ​ണ്. മ​ല​യു​ടെ ഏ​റ്റ​വും ഉ​യ​രം കൂ​ടി​യ ഭാ​ഗ​ത്താ​ണ് ട​ണ​ല്‍ നി​ർ​മി​ച്ചി​രി​ക്കു​ന്ന​ത്. ഏ​ക​ദേ​ശം 2000 അ​ടി​ക്ക് മു​ക​ളി​ല്‍ ഉ​യ​ര​മു​ണ്ട് ഈ ​മ​ല​ക്ക്​!

കോ​ട്ട​യം: പൂ​ഞ്ഞാ​ർ കൊ​ട്ടാ​രം

പൂ​ഞ്ഞാ​ര്‍ രാ​ജ​വം​ശം മ​ധ്യ​കാ​ല കേ​ര​ള​ത്തി​ലെ രാ​ജ​വം​ശ​ങ്ങ​ളി​ലൊ​ന്നാ​ണ്. രാ​ജ​വം​ശ​ത്തി​െ​ൻ​റ സ്ഥാ​പ​ക​ന്‍ പാ​ണ്ഡ്യ രാ​ജാ​വാ​യി​രു​ന്ന മാ​ന​വി​ക്ര​മ കു​ല​ശേ​ഖ​ര പെ​രു​മാ​ളാ​ണ്. മ​ധ്യ​തി​രു​വി​താം​കൂ​ര്‍ മേ​ഖ​ല​യി​ലെ ഒ​രു ചെ​റി​യ രാ​ജ​ഭ​ര​ണ​പ്ര​ദേ​ശ​മാ​യി​രു​ന്നു ഇ​ത്. പ്ര​ശ​സ്ത​നാ​യ ചോ​ള രാ​ജാ​വാ​യ കു​ള​ത്തു​ങ്ക​ൾ, ചോ​ള പാ​ണ്ഡ്യ രാ​ജാ​വാ​യി​രു​ന്ന മാ​ന​വി​ക്ര​മൻ കു​ല​ശേ​ഖ​ര പെ​രു​മാ​ളു​മാ​യി നടന്ന യു​ദ്ധ​ത്തി​ല്‍ പരാജയപ്പെട്ടതോടെ ഗൂ​ഡ​ല്ലൂ​ര്‍ മേ​ഖ​ല​യി​ല്‍ സ്ഥി​ര​താ​മ​സ​മാ​ക്കി. പിന്നീട് തെ​ക്കും​കൂ​ര്‍ രാ​ജാ​ക്ക​ന്മാ​രി​ല്‍നി​ന്ന് ഭൂ​മി വാ​ങ്ങി​യ​ശേ​ഷം മാ​ന​വി​ക്ര​മ​നും കു​ടും​ബ​വും കോ​യി​ക്ക​ല്‍ ഭ​ര​ണാ​ധി​കാ​രി​ക​ള്‍ ഭ​രി​ച്ചി​രു​ന്ന പൂ​ഞ്ഞാ​റി​ലെ കൊ​ട്ടാ​ര​ത്തി​ലേ​ക്കു​ മാ​റി.

എ​ട​പ്പ​ള്ളി രാ​ജാ​വ് മാ​ന​വി​ക്ര​മ​െ​ൻ​റ മ​ക​ളെ വി​വാ​ഹം ക​ഴി​ച്ച​തോ​ടെ, കൊ​ച്ചി ഉ​ള്‍പ്പെ​ടെ​യു​ള്ള പ്ര​ദേ​ശ​ങ്ങ​ളും പൂ​ഞ്ഞാ​റിെ​ൻ​റ കീ​ഴി​ലാ​യി. പ​ര​മ്പ​രാ​ഗ​ത വാ​സ്തു​വി​ദ്യാശൈ​ലി​യി​ലാ​ണ് 600 വ​ര്‍ഷ​ത്തോ​ളം പ​ഴ​ക്ക​മു​ള്ള പൂ​ഞ്ഞാ​ര്‍ കൊ​ട്ടാ​രം നി​ർ​മി​ച്ചി​രി​ക്കു​ന്ന​ത്. ത​ടി ഉ​രു​പ്പ​ടി​ക​ള്‍ കൂ​ടു​ത​ല്‍ ഉ​പ​യോ​ഗി​ച്ചാ​ണ് നി​ർ​മാ​ണം ന​ട​ത്തി​യി​ട്ടു​ള്ള​ത്.

പ​ത്ത​നം​തി​ട്ട:പ​ന്ത​ളം രാ​ജ​വം​ശം

പാ​ണ്ഡ്യ രാ​ജ്യ​ത്തിെ​ൻ​റ ഒ​രു ശാ​ഖ​യി​ൽ​നി​ന്ന് ഉ​യ​ർ​ന്നു​വ​ന്ന രാ​ജ​വം​ശ​മാ​ണ് പ​ന്ത​ളം രാ​ജ​വം​ശം. ഒ​രു ഭ​ര​ണാ​ധി​കാ​രി​യു​ടെ ആ​ക്ര​മ​ണം ഭ​യ​ന്ന് കേ​ര​ള​ത്തി​ലെ​ത്തി​യ ഇ​വ​ർ​ക്ക് കൈ​പ്പു​ഴ​യി​ലെ അ​മാ​ന്തൂ​ർ കൊ​ട്ടാ​ര​ത്തി​ൽ താ​മ​സി​ച്ചി​രു​ന്ന കൈ​പ്പു​ഴ ത​മ്പാ​ൻ (നി​ല​മ്പൂ​ർ കോ​വി​ല​ക​ത്തെ കു​ഞ്ഞു​ണ്ണി വ​ർ​മ ത​മ്പാ​ൻ) ഭൂ​മി​യും പ​ദ​വി​യും ന​ൽ​കി ആ​ദ​രി​ച്ചു. അ​ച്ച​ന്‍കോ​വി​ല്‍ ന​ദി​യു​ടെ തീ​ര​ത്ത് സ്ഥി​തി​ചെ​യ്യു​ന്ന പ​ന്ത​ളം രാ​ജ​കു​ടും​ബാം​ഗ​ങ്ങ​ളു​ടെ വ​സ​തി​യാ​ണ് പ​ന്ത​ളം കൊ​ട്ടാ​രം. പാ​ണ്ഡ്യ​രു​ടെ​യും കേ​ര​ളീ​യ​രു​ടെ​യും വാ​സ്തു​വി​ദ്യാ മി​ശ്രി​ത​ങ്ങ​ള്‍ ഈ ​കൊ​ട്ടാ​ര​ത്തിെ​ൻ​റ ഏ​തു കോ​ണി​ലും കാ​ണാ​ന്‍ ക​ഴി​യും. ച​ളി, മു​ള, ക​ല്ല്, മ​രം എ​ന്നി​വ​യാ​ണ് പ​ഴ​യ ഘ​ട​ന​യി​ല്‍ കൂ​ടു​ത​ലാ​യി ഉ​പ​യോ​ഗി​ച്ചി​രി​ക്കു​ന്ന നി​ർ​മാ​ണ ഘ​ട​ക​ങ്ങ​ള്‍. വ​ലി​യ കോ​യി​ക്ക​ല്‍ ക്ഷേ​ത്രം, കൈ​പ്പു​ഴ ക്ഷേ​ത്രം, തേ​വാ​ര​പ്പു​ര തു​ട​ങ്ങി​യ ഏ​താ​നും കെ​ട്ടി​ട​ങ്ങ​ള്‍ ഇ​പ്പോ​ഴും അ​വ​ശേ​ഷി​ക്കു​ന്നു.