വയനാടൻ കാഴ്​ചകൾക്കൊരു മുക്കുത്തിച്ചന്തം

ആർത്തലക്കുന്ന മഴയിൽ ആനവണ്ടിയിൽ കയറി കണ്ണിൽ കിനാവുമായെത്തുന്നവർക്കും കോടകളെ വകഞ്ഞുമാറ്റി ബുള്ളറ്റി​​​​​​​​​​​െൻറ ഗാംഭീര്യത്തിലേറിയെത്തുന്നവർക്കുമെല്ലാം വയനാട്​ തലയെടുപ്പോടെ സ്വാഗതമോതും. നിഗൂഢതയും മാന്ത്രികതയും വളഞ്ഞു പുളഞ്ഞു കിടക്കുന്ന താമരശ്ശേരിചുരം കടത്തെത്തുന്നവരെയെല്ലാം കാഴ്​ചകൾകൊണ്ട്​ മനസ്സും ഭക്ഷണം കൊണ്ട്​ വയറും നിറച്ചുവിട്ടാണ്​ വയനാട്​ തിരിച്ചയക്കാറുള്ളത്​.

നാടി​​​​​​​​​​​െൻറ കാഴ്​ചകളെ കാമറയിൽ ഒപ്പിയെടുത്ത്​ കഥപറയുന്ന ഒരു വയനാട്ടുകാരിയുണ്ട്​. പേര്​ റഫീന സനൂപ്​. മകൾ ലെയ്​ഹയുടെ ഫോ​ട്ടോയെടുക്കാനായി ഭർത്താവ്​ സമ്മാനിച്ച കാമറ​​​െയ പിന്നീടങ്ങോട്ട്​ റഫീന പ്രണയിച്ചു​ തുടങ്ങുകയായിരുന്നു. മനോഹര ചിത്രങ്ങൾ പകർത്താൻ വലിയ യാത്രകളും പ്രൊഫഷണൽ പഠനവുമൊന്നും വേണ്ടെന്ന്​ തെളിയിക്കുകയാണ്​ ഇവർ. കണ്ണിനുമുന്നിൽ കാണുന്നവെക്കെല്ലാം മനോഹരഫ്രയ്​മുക​ളുണ്ട്​. പക്ഷേ അത് പകർത്താനുള്ള മനസ്സുവേണം -റഫീന പറയുന്നു.

വയനാടി​​​​​​​​​​​െൻറ ​​ഋതുഭേദങ്ങൾക്കൊപ്പം സഞ്ചരിക്കുന്ന ആനവണ്ടിയുടെ ചിത്രങ്ങളാണ്​ റഫീനയുടെ കാമറയിൽ പതിഞ്ഞവയിൽ ഏറെയുള്ളത്​. വയനാടൻ മുക്കുത്തിയെന്ന ഇൻസ്​റ്റഗ്രാം പേജിലൂടെയാണ്​ കാമറക്കാഴ്​ചകളെ പുറത്തെത്തിക്കുന്നത്​.

പച്ചപുതച്ച മുത്തങ്ങ​യുടെ ഹൃദയത്തിലൂടെ കട​ന്നെത്തുന്ന ആനവണ്ടിയുടെ ദൃശ്യം.

വേനൽ പരിക്കേൽപ്പിച്ച മുത്തങ്ങയിലൂടെയെത്തുന്ന ആനവണ്ടി. ​​​ഋതുഭേദമേതായാലും വയനാടി​​​​​​​​​​​െൻറ ഹൃദയങ്ങളിലെപ്പോഴും ആനവണ്ടിയുണ്ടാകും.

വയനാടൻ മഴയെയും ശീതക്കാറ്റിനെയും അനുഭവിച്ചറിയണമെങ്കിൽ വർഷം പെയ്​തിറങ്ങു​േമ്പാൾ ആനവണ്ടിയിൽ ചുരം കയറി​യെത്തിയാൽ മതി. ആനവണ്ടിയുടെ 'ബാൽക്കണി'യിലിരുന്ന്​ ചുര​ത്തിലേക്ക്​ കണ്ണുപായിക്കാം.

വയനാടൻ കാടുകളുടെ ആത്മാവറിഞ്ഞുകൊണ്ടുള്ള ആനവണ്ടിയാത്രകൾ മനസ്സിനെ കുളിർപ്പിക്കുന്നതാണ്​​. കിളിനാദവും മരങ്ങളുടെ മർമ്മരവും ഉള്ളിൽ ഉന്മാദം സൃഷ്​ടിക്കും.

മുത്തങ്ങക്കാടും ഗുണ്ടൽപേട്ടിലെ പൂപ്പാടങ്ങളും മുറിച്ചുകടന്നാൽ പിന്നെ മൈസൂരെത്തി. ദീപപ്രഭയിൽ മുങ്ങിക്കിടക്കുന്ന ദസറക്കാലമാണ്​ മൈസൂരെത്താൻ ഏറ്റവും ഉചിതം. നവരാത്രി ആഘോഷത്തി​​​​​​​​​​​െൻറ ഭാഗമായാണ്​ ദസറ ആഘോഷിക്കുന്നത്​.

തിന്മക്ക്​ മേൽ നന്മ നേടിയ വിജയത്തി​ന്‍റെ പ്രതീകമായ ഈ ആഘോഷത്തിന്​ 400 വർഷത്തിലേറെ പ​ഴക്കമുണ്ട്​. ദസറയുടെ വർണവെളിച്ചത്തിൽ മുങ്ങിക്കിടക്കുന്ന മൈസൂർ കൊട്ടാരം കിനാവുകളേക്കാൾ സുന്ദരമാണ്​. വിജയ ദശമി ദിനത്തിലാണ്​ ദസറ പൂത്തുലയുന്നത്​. അന്നുതന്നെ ആഘോഷങ്ങൾക്ക്​ സമാപനവും കുറിക്കും.

പടിഞ്ഞാറത്തറയിലെ ബാണാസുര സാഗർ തടാകത്തി​​​​​​​​​​​െൻറ തീരത്തുനിന്നുള്ള ദൃശ്യം. മകൾ ലെയ്​ഹതന്നെയാണ്​ പശ്ചാത്തലത്തിലുള്ളത്. കബനി നദിയുടെ കൈവഴിയിലാണ് ബാണാസുര സാഗർ ഡാമുള്ളത്​. കല്‍പ്പറ്റയില്‍ നിന്നും 21 കിലോമീറ്റര്‍ സഞ്ചരിച്ചാല്‍ ബാണാസുര സാഗര്‍ ഡാമിലെത്താം.