Begin typing your search above and press return to search.
proflie-avatar
Login
exit_to_app
exit_to_app
Homechevron_rightTravelchevron_rightAdventurechevron_right'മുട്ടുവിറക്കാതെ​...

'മുട്ടുവിറക്കാതെ​ ഫോ​ട്ടോയെടുക്കാൻ കഴിയുമോ സക്കീർ ഭായ്​ക്ക്'? ആരും പേടിച്ചുപോകുന്ന അഞ്ച്​ സെൽഫി സ്​പോട്ടുകൾ

text_fields
bookmark_border
mount hua
cancel
camera_alt

മൗണ്ട്​ ഹുവ

യാ​ത്ര പോയാൽ സെൽഫിയെടുക്കുക എന്നത്​ ഇന്ന്​ അത്ര പുതുമ​യുള്ള കാര്യമൊന്നുമല്ല. അതിൽ കുറച്ച്​ സാഹസികത കൂടി വരു​േമ്പാൾ ആ ചിത്രം കൂടുതൽ സന്തോഷമുള്ളതായി തീരും. എന്നാൽ, ഇതിനിടയിൽ സൂക്ഷിച്ചില്ലെങ്കിൽ പണി പാളാനും സാധ്യതയുണ്ട്​.

സെൽഫി​ക്കിടെ ജീവൻ വെടിഞ്ഞവർ നിരവധി പേരുണ്ട്​ ഈ ലോകത്ത്. സുരക്ഷ നോക്കാതെയുള്ള സെൽഫി ​ഭ്രമമാണ്​ അത്യാഹിതങ്ങൾക്ക്​ വഴിവെക്കുന്നത്​. എന്നാൽ, ചില സ്​ഥലങ്ങളിൽ മുട്ടുവിറച്ചല്ലാതെ ​സെൽഫിയെടുക്കാൻ കഴിഞ്ഞെന്ന്​ വരില്ല. അത്തരത്തിൽ ആരും പേടിച്ചുപോകുന്ന ലോകത്തിൽ അഞ്ച്​ വ്യത്യസ്​ത സെൽഫി സ്​പോട്ടുകളെ ഇവിടെ പരിചയപ്പെടാം.

പാംപ്ലോണ, സ്പെയിൻ

കാളപ്പോരിന്​ ആതിഥേയത്വം വഹിക്കുന്നതിൽ പ്രശസ്​തമാണ്​ സ്​പെയിനിലെ പാംപ്ലോണ നഗരം. ഉത്സവ വേളയിൽ കാളകളുമായി ഓടുന്നത് തന്നെ ഏറെ അപകടകരമാണ്​. ഇതിനിടയിൽ ചിലർ സെൽഫിയെടുക്കുന്നതാണ്​ പുതിയ പുലിവാൽ. ഇതും ഏറെ അപകടങ്ങൾ വരുത്തിവെക്കുന്നതിനാൽ ഉദ്യോഗസ്ഥർ പുതിയ നിയമം പാസാക്കിയിരിക്കുകയാണ്​. ഓടുന്ന കാളകൾക്ക്​ മുന്നിൽനിന്ന്​ സെൽഫിയെടുത്താൽ 4000 യൂറോയാണ്​ പിഴ.

പാംപ്ലോണയിലെ കാളപ്പോര്​

മൗണ്ട്​ ഹുവ, ചൈന

സാഹസികരുടെ ​പ്രിയപ്പെട്ട ഇടമാണ്​ ചൈനയിലെ ഹുവ പർവതം. 7087 അടി ഉയരത്തിൽ മലഞ്ചെരുവിൽ തടികൊണ്ട്​ നിർമിച്ച നടപ്പാതയാണ്​ ഇവിടേക്കുള്ള വഴി. ഇതൊരു ജനപ്രിയ സെൽഫി സ്​പോട്ടായി മാറിയിട്ടുണ്ട്​.

എന്നാൽ, ഈ സ്​ഥലം ഇപ്പോൾ അപകടങ്ങൾക്കും കുപ്രസിദ്ധിയാർജിച്ചിരിക്കുകയാണ്​. നൂറിലധികം അപകടങ്ങളാണ്​ സെൽഫിക്കിടെ ഇവിടെ സംഭവിച്ചതെന്ന്​ പ്രദേശവാസികൾ സാക്ഷ്യപ്പെടുത്തുന്നു.

യു.എസ്​ നാഷനൽ പാർക്ക്​സ്​

അമേരിക്കൻ ഐക്യനാടുകളിലെ ദേശീയ പാർക്കുകളിൽ സെൽഫിയെടുക്കുന്നവർക്ക്​ മുന്നിൽ വില്ലനായെത്തുന്നത്​ കരടികളാണ്​. ഇവയുടെ പശ്ചാത്തലത്തിൽ സഞ്ചാരികൾ സെൽഫി എടുക്കുന്നത്​ പതിവാണ്​. എന്നാൽ, ഇതിനെതിരെ ഉദ്യോഗസ്​ഥർ മുന്നറിയിപ്പ്​ നൽകുന്നുണ്ട്​. പലപ്പോഴും ഇവ സന്ദർശകരെ ആക്രമിച്ചിട്ടുണ്ട്​. പ്രത്യേകിച്ച്​ കുട്ടികൾ കൂടെയുള്ള കരടികളാണ്​ കൂടുതൽ ആക്രമകാരികൾ.

അമേരിക്കൻ ദേശീയ പാർക്കുകളിലെ കരടി

കിലാവിയ, ഹവായ്

അഗ്​നിപർവതം പൊട്ടിത്തെറിക്കുന്നതും സെൽഫി ആരാധകരെ ആവേശത്തിലാക്കുന്ന കാര്യമാണ്​. അമേരിക്കയിലെ ഹവായിയിലുള്ള കിലാവിയ പർവതം പൊട്ടിത്തെറിച്ചതോടെ അത്​ കാണാനും സെൽഫിയെടുക്കാനും എത്തിയത്​ നിരവധി പേരാണ്​.

ഹവായിയൻ ദ്വീപുകളിലെ ഏറ്റവും സജീവമായ അഗ്നിപർവതമാണ്​ കിലാവിയ. പതിയെ നീങ്ങുന്ന ലാവക്കടുത്ത്​ നിന്ന്​ സന്ദർശകർ സെൽഫി എടുക്കുന്നത് പതിവ് കാഴ്ചയാണ്​. എന്നാൽ അവിചാരിതമായിട്ടാകും ഇവ പൊട്ടിത്തെറിക്കുക. ഇത്​ പലപ്പോഴും അത്യാഹിതങ്ങൾക്ക്​ വഴിവെക്കാറുണ്ട്​.

കിലാവിയ

പ്ലിറ്റ്‌വിസ് തടാകം ദേശീയോദ്യാനം, ക്രൊയേഷ്യ

ഒറ്റനോട്ടത്തിൽ തന്നെ ആരെയും കീഴടക്കാനുള്ള സൗന്ദര്യമുണ്ട്​ ക്രൊയേഷ്യയിലെ പ്ലിറ്റ്‌വിസ് തടാകം ദേശീയോദ്യാനത്തിലെ വെള്ളച്ചാട്ടങ്ങൾക്ക്​. നയാഗ്ര, വിക്ടോറിയ പോലുള്ള ലോകത്തിലെ ഏറ്റവും ശക്തമായ വെള്ളച്ചാട്ടങ്ങളുമായി താരതമ്യപ്പെടുത്തുമ്പോൾ പ്ലിറ്റ്‌വിസിലെ വെള്ളച്ചാട്ടങ്ങൾ താരതമ്യേന നിരുപദ്രവകരമാണെന്ന് തോന്നാം.

എന്നാലും ആളുകൾ അവരുടെ ഇൻസ്റ്റാഗ്രാം ചിത്രങ്ങൾക്കായി അനാവശ്യ റിസ്​ക്​ എടുക്കുന്നത്​ പതിവാണ്​. ഇത്​ പലപ്പോഴും തള്ളിവിടുന്നത്​ മരണത്തിലേക്കാണ്​.

പ്ലിറ്റ്‌വിസ് തടാകം ദേശീയോദ്യാനം


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:selfie spotpamplona
News Summary - worlds Five selfie spots that afraid everybody
Next Story