Begin typing your search above and press return to search.
exit_to_app
exit_to_app
snowfall
cancel
camera_alt

representative image   

Homechevron_rightTravelchevron_rightAdventurechevron_rightഹിമാലയത്തിൽ...

ഹിമാലയത്തിൽ മഞ്ഞുപെയ്യാൻ തുടങ്ങി; അപ്പോൾ യാത്ര ആരംഭിക്കുകയല്ലേ...

text_fields
bookmark_border

കോവിഡ്​ കാരണം രാജ്യമാകെ ഒരു ഘട്ടത്തിൽ അടച്ചി​െട്ടങ്കിലും അതി​െൻറ പിടിയിൽനിന്ന്​ മറികടക്കാനുള്ള ശ്രമത്തിലാണ്​ ഒാരോരുത്തരും. ഇൗ കോവിഡ്​ കാലത്ത് പലർക്കും​ ഏറ്റവുമധികം നഷ്​ടപ്പെട്ടിട്ടുണ്ടാവുക​ യാത്രകൾ തന്നെയാകും. ആഗസ്​​റ്റോട്​ കൂടി പലരും ചെറിയ രീതിയിൽ യാത്രകൾ തുടങ്ങിയിരുന്നു. ഒക്​ടോബറും നവംബറുമായതോടെ ദീർഘദൂര യാത്രകൾ നടത്താൻ പലരും ധൈര്യം കാണിച്ച്​ മ​ുന്നോട്ടുവന്നു.

അതേസമയം, കോവിഡിനെ പ്രതിരോധിച്ച്​ സുരക്ഷിതമായി യാത്ര ചെയ്യാനുള്ള വാൻലൈഫുകൾക്കും ഇൗ കാലയളവിൽ ഏറെ പ്രാധാന്യം ലഭിച്ചു. നിരവധി പേരാണ്​ സ്വന്തം വാഹനത്തെ കൊച്ചുവീടാക്കി മാറ്റിയത്​. മലയാളികളായി നിരവധി പേർ വാൻലൈഫുമായി നിലവിൽ ഇന്ത്യയുടെ പലഭാഗങ്ങളിലായി കറങ്ങിക്കൊണ്ടിരിക്കുകയാണ്​.

ഇത്തവണ റൈഡർമാർക്കെല്ലാം ഏറ്റവും നഷ്​ടബോധം തോന്നിയത്​ ലഡാക്ക്​ യാത്രകൾ ആയിരിക്കും. മഞ്ഞ്​ കുറഞ്ഞ സമയത്താണ്​ ലഡാക്കി​േലക്ക്​​ യാത്ര കൂടുതൽ സാധ്യമാവുക. സംസ്​ഥാനങ്ങൾ അതിർത്തികൾ തുറന്നതോടെ ലഡാക്കെന്ന​ സ്വപ്​നവുമായി നിരവധി സഞ്ചാരികൾ യാത്ര ആരംഭിച്ചിട്ടുണ്ട്​.

അതേസമയം, ഹിമാലയത്തിലെ പല സംസ്​ഥാനങ്ങളിലും മഞ്ഞുവീഴ്​ച തുടങ്ങി​. ഉയർന്ന സ്​ഥലങ്ങളിലെ മലനിരകൾ തൂവെള്ള നിറമായി മാറിയിരിക്കുന്നു. ഉത്തരാഖണ്ഡിലാണ്​ അവസാനമായി മഞ്ഞുവീഴ്​ച തുടങ്ങിയത്​. പ്രശസ്​ത തീർഥാടന കേന്ദ്രമായ കേദാർനാഥിലടക്കം കഴിഞ്ഞദിവസം ആദ്യമായി മഞ്ഞുവീഴ്​ചയുണ്ടായി. കൂടാതെ, തുംഗനാഥ്​, മാഡ്​മഹേശ്വർ, കാളിശില എന്നിവിടങ്ങളിലും മഞ്ഞുവീഴ്​ച ആരംഭിച്ചു.

ഇവിടങ്ങളിൽ ​ചെറിയ രീതിയിലാണ്​ മഞ്ഞുപെയ്​തതെങ്കിൽ മുൻസിയാരി മേഖലയിലെ പാഞ്ചചുലി, നന്ദ ദേവി എന്നിവിടങ്ങളിൽ ശക്​തമായ മഞ്ഞുവീഴ്​ച തന്നെയാണുള്ളത്​​. അഞ്ച്​ ഡിഗ്രിയാണ്​ ഇവിടങ്ങളിലെ കുറഞ്ഞ താപനില.

ഇത്​ കൂടാതെ തീർഥാടന കേന്ദ്രമായ ബദ്​രീനാഥും മഞ്ഞിൽ മൂടിയിട്ടുണ്ട്​. മാസങ്ങൾക്ക്​ മുമ്പ്​ തന്നെ ഉത്തരാഖണ്ഡ്​ സഞ്ചാരികൾക്ക്​ വാതിൽ തുറന്നിട്ടുണ്ട്​​. ചാർധാമുകൾ സന്ദർശിക്കാനായി ധാരാളം തീർഥാടകരാണ്​ ഇവിടങ്ങളിൽ എത്തിയിട്ടുള്ളത്​.

കഴിഞ്ഞ ശനിയാഴ്​ച ഹിമാചാൽ പ്രദേശിലും ഇൗ സീസണിലെ ആദ്യ മഞ്ഞുവീഴ്​ച ലഭിച്ചിരുന്നു. കീലോങ്​ ഭാഗത്ത്​ കനത്ത മഞ്ഞുവീഴ്​ചയാണ്​ ഉണ്ടായത്​​. ഇവിടെ 0.8 ഡിഗ്രിയായിരുന്നു കുറഞ്ഞ താപനില. കൂടാതെ ലാഹുൽ, സ്​പിതി, ചംബ, കുളു, കിന്നാവുർ ഭാഗങ്ങളിലും ചെറിയ മഞ്ഞുവീഴ്​ചയുണ്ടായി. ഇത്​ കൂടാതെ ജമ്മു കശ്​മീരി​െൻറ ഉയർന്ന ഭാഗങ്ങളിലും മഞ്ഞുവീഴ്​ച തുടങ്ങിയിട്ടുണ്ട്​.

കീലോങ്ങിൽ മഞ്ഞുവീഴ്​ചയുണ്ടായതോടെ മണാലി - ലേഹ്​ ഹൈവേയിൽ കഴിഞ്ഞദിവസം ഗതാഗതം മുടങ്ങുകയുണ്ടായി. കനത്ത മഞ്ഞുവീഴ്​ച തുടർന്നാൽ പലരുടെയും ലഡാക്ക്​ സ്വപ്​നങ്ങൾ ഇത്തവണ യാഥാർഥ്യമാകാൻ സാധ്യതയില്ല. ഇത്​ കൂടാതെ ലേഹ്​ രജിസ്​​ട്രേഷനിലല്ലാത്ത വാഹനങ്ങൾ നിലവിൽ കടത്തിവിടുന്നില്ല. കഴിഞ്ഞദിവസങ്ങളിൽ ബൈക്കിൽ പോയ പലരെയും അതിർത്തിയിൽനിന്ന്​ തിരിച്ചയച്ചിട്ടുണ്ട്​. അതിനാൽ സ്വന്തം വണ്ടിയിൽ ലഡാക്ക്​ സന്ദർശിക്കാൻ കഴിയുമോ എന്ന കാര്യത്തിൽ സംശയമുണ്ട്​ പലർക്കും​. അതേസമയം, ലഡാക്ക്​ യാത്ര സഫലമായില്ലെങ്കിലും ഹിമാലയത്തിലെ മഞ്ഞുമലകളും താഴ്​വാരങ്ങളും കണ്ട്​ നിർവൃതിയടയാൻ സാധിക്കും.

Show Full Article
TAGS:himalaya snowfall himachalpradesh 
Next Story