Top
Begin typing your search above and press return to search.
exit_to_app
exit_to_app
Homechevron_rightTravelchevron_rightAdventurechevron_rightദുബൈ നഗരം സാക്ഷി; ആറ്​ ...

ദുബൈ നഗരം സാക്ഷി; ആറ്​ മാസങ്ങൾക്കുശേഷം ആമിനയും ഷാക്കിറും ഒന്നിച്ചു

text_fields
bookmark_border
mallu travelr
cancel

യാത്രാപ്രിയരായ മലയാളികൾ ആറ്​ മാസമായി ഒരു ബൈക്കിന്​ വേണ്ടിയുള്ള കാത്തിരിപ്പിലായിരുന്നു. മല്ലു ട്രാവലർ എന്ന തങ്ങളുടെ പ്രിയ സഞ്ചാരി ഷാക്കിർ സുബ്​ഹാൻ അസർബൈജാനിലെ കസ്​റ്റംസിൽ സൂക്ഷിച്ച ആമിന എന്ന ടി.വി.എസ്​ അപ്പാച്ചെ ആർ.ടി.ആർ 200 തിരികെയെത്താനുള്ള കാത്തിരിപ്പ്​. എന്തായാലും ആ കാത്തിരിപ്പിന്​ ദുബൈയിൽ വിരാമമായിരിക്കുകയാണ്​. കഴിഞ്ഞിയാഴ്​ച അസർബൈജാനിൽനിന്ന്​ വിമാനം കയറിയെത്തിയ 'ആമിന​'െയ മല്ലുട്രാവലർ ബുധനാഴ്​ച​ യൂട്യൂബ്​ ചാനലിലൂടെ ത​െൻറ 12 ലക്ഷം സബ്​സ്​ക്രൈബേഴ്​സിനായി ഒരിക്കൽ കൂടി പരിചയപ്പെടുത്തി. അടുത്ത ദിവസങ്ങളിലായി ഇന്ത്യയിലേക്ക്​ ​കപ്പൽ കയറുന്ന ബൈക്ക്​ ഒക്​േടാബർ 20ഒാടെ കേരളത്തി​െൻറ മണ്ണിലെത്തും.

ഷക്കിർ ത​െൻറ ലോക യാത്രക്കിടയിലാണ് ബൈക്കിൽ​ അസർബൈജാനിലെത്തുന്നത്​. അതിനിടയിലാണ്​ കോവിഡെന്ന മഹാമാരി ലോകത്തെ പിടികൂടുന്നതും അവിടെനിന്ന്​ വിമാനത്തിൽ തിരികെ മടങ്ങേണ്ടിയും വന്നത്​. കോവിഡ്​ സാഹചര്യം കഴിഞ്ഞ്​ തിരിച്ചെത്തി യാത്ര തുടരാമെന്ന പ്രതീക്ഷയിൽ ബൈക്ക്​ അവിടെ കസ്​റ്റംസിനെ ഏൽപ്പിക്കുകയും ചെയ്​തു.

എന്നാൽ, അടുത്തൊന്നും ബൈക്ക്​ യാത്ര പുനരാരംഭിക്കാനാവില്ല എന്ന്​ മനസ്സിലായതോടെ ആമിനയെ​ തിരികെയെത്തിക്കാനുള്ള തയാറെടുപ്പിലായി ഷാക്കിർ. അസർബൈജാനിൽനിന്ന്​ കേരളത്തിലേക്ക്​ ബൈക്ക്​ എത്തിക്കാൻ ഏകദേശം ആറ്​ ലക്ഷം രൂപ​ ചെലവ് വരും​. അതായത്​ ബൈക്കി​െൻറ വിലയേക്കാൾ മൂന്നിരട്ടി. എന്നാൽ, സ്വന്തം ഉമ്മാ​െൻറ പേരുള്ള​ ബൈക്കിനെ ഉപേക്ഷിക്കാൻ ഷാക്കിർ തയാറെല്ലായിരുന്നു.


എന്ത്​ സഹായത്തിനായും ചങ്ക്​ സബ്​സ്​ക്രൈബേഴ്​സ്​ കൂടെയുണ്ടാകുമെന്നത്​ തന്നെയായിരുന്നു ഇദ്ദേഹത്തി​െൻറ ധൈര്യം. മല്ലുട്രാവലറി​െൻറ പേരിൽ പുറത്തിറക്കിയ കീചൈൻ വിൽപ്പന വഴിയാണ്​​​ പണം കണ്ടെത്തിയത്​. ഏകദേശം പകുതി തുകയോളം ഇതുവഴി ലഭിച്ചു. ഇൗ സ​ന്തോഷം തിരിച്ചുനൽകാനായി ഇൗ ലോക്​ഡൗൺ കാലത്ത്​ ടി.വി.എസ്​ അടക്കമുള്ള കമ്പനികളുമായി ചേർന്ന്​ സബ്​സ്​ക്രൈബേഴ്​സിനായി 'ഗിവ്​അവേ'യും ഷാക്കിർ സംഘടിപ്പിച്ചു. ഒന്നാം സമ്മാനത്തിന്​ അർഹനായ വ്യക്​തിയെ കാത്തിരുന്നത്​ പുത്തൻ അപ്പാച്ചെ ആർ.ടി.ർ 200 4V ബൈക്ക്​ ആയിരുന്നു.

സെപ്​റ്റംബറിലാണ്​ ഷാക്കിർ യാത്രയുടെ ഭാഗമായി വീണ്ടും ദുബൈയിലെത്തുന്നത്​. മലയാളികളെ സ്​കൈഡൈവി​െൻറയും കടലിലെ അഭ്യാസങ്ങളുടെയും മരുഭൂമിയിലെ ഡെസേർട്ട്​ സഫാരിയുടെയും വിഡിയോകൾ കാണിച്ച്​ ത്രസിപ്പിക്കുന്നതിനിടെയാണ്​ ആരാധകർക്ക്​ സന്തോഷമേകി ആമിന ദുബൈയിൽ വിമാനമിറങ്ങുന്നത്​.

കണ്ണൂർ ടു യൂറോപ്പ്​​

2019 ഒക്​ടോബർ 27നാണ്​ ഷാക്കിറി​െൻറ യൂറോപ്പ്​ യാത്ര ആരംഭിക്കുന്നത്​. മൂന്ന്​ വർഷത്തെ പരിശ്രമമുണ്ടായിരുന്നു ആ യാത്രക്ക്​ പിറകിൽ. മല്ലു ട്രാവലറിനെ യാത്രയയക്കാൻ പതിനായിരത്തോളം പേരാണ്​ കണ്ണൂർ സെൻറ്​ മിക്കായേൽസ് എ.​െഎ.എച്ച്​.എസ്​ സ്​കൂളിൽ​ തടിച്ചുകൂടിയത്​​. ഒപ്പം മലയാളത്തി​െല എണ്ണംപറഞ്ഞ യൂട്യൂബ്​ ​​​േവ്ലാഗർമാരും സന്നിഹിതരായി. പ്രമുഖ സഞ്ചാരി സന്തോഷ്​ ജോർജ്​ കുളങ്ങരയാണ്​ യാത്ര ഫ്ലാഗ്​ ഓഫ്​ ചെയ്​തത്​.

ദീർഘദൂര യാത്രയായതിനാൽ ഒരു ലക്ഷത്തോളം രൂപ ചെലവഴിച്ച്​​ ബൈക്കിൽ ആവശ്യമായ മറ്റങ്ങളെല്ലാം വരുത്തിയിരുന്നു​. വ്യത്യസ്​ത നാടുകളിലൂടെ വൈവിധ്യമാർന്ന കാലാവസ്​ഥയിലൂടെ ദീർഘകാലം സഞ്ചേരിക്കേണ്ടതിനാൽ ഷാക്കിർ ശരീരവും മനസ്സുമെല്ലാം പാകപ്പെടുത്തിയെടുത്തു. ഒാരോ രാജ്യാതിർത്തിയും കടക്കാനുള്ള വിസയും വാഹനത്തിന്​​ ആവശ്യമായ കാർനെറ്റും ഇൻറർനാഷനൽ ഡ്രൈവിങ്​ പെർമിറ്റും തയാറാക്കി. ഒരുപാട്​ സ്​ഥാപനങ്ങളുടെയും വ്യക്​തികളുടെയും സഹായത്തോടെയാണ്​ യാത്ര യാഥാർഥ്യമായത്​.

ആമിനയും മല്ലു ട്രാവലറും ബംഗളൂരു വഴി ആദ്യം മുംബൈയി​െലത്തി. അവിടെനിന്ന്​ ബൈക്ക്​ ഒമാനിലേക്ക്​ കപ്പൽ കയറ്റി. ആമിന എത്തുന്നത്​ വരെ ഖത്തറിലൂടെ സുഹൃത്തുക്കൾക്കൊപ്പം ഷാക്കിർ സഞ്ചരിച്ചു. ഏകദേശം പത്ത്​ ദിവസം കൊണ്ടാണ്​ ആമിന ഒമാ​െൻറ തീരമണിഞ്ഞത്​. പിന്നെ ദിവസങ്ങളോളം അവിടത്തെ മരുഭൂമികളും ഗ്രാമങ്ങളും പട്ടണങ്ങളുമെല്ലാം താണ്ടുകയായിരുന്നു. തുടർന്ന്​ യു.എ.യിലേക്കായിരുന്നു യാത്ര. മലയാളി പ്രവാസികളുടെ സ്​നേഹം ഏറ്റുവാങ്ങിയായിരുന്നു ഓരോ ദിവസത്തെയും സഞ്ചാരം.


എമിറേറ്റ്​സിലെ സുന്ദര കാഴ്​ചകളും പ്രവാസികളുടെ ജീവിതവുമെല്ലാം അദ്ദേഹം കാമറയിൽ ഒപ്പിയെടുത്തു. അപ്പോഴേക്കും നാട്ടിൽനിന്ന്​ പുറപ്പെട്ടിട്ട്​ രണ്ട്​ മാസം പിന്നിട്ടിരുന്നു. ഇതോടെ യാത്രക്ക്​ ചെറിയ വിരാമമിട്ട് ആമിനയെ യു.എ.യിൽ തനിച്ചാക്കി​ നാട്ടിലേക്ക്​ തിരിച്ചു. യൂറോപ്പിലേക്കുള്ള വിസ തയാറാക്കാനാണ്​​ നാട്ടിലെത്തിയത്​. രണ്ടാഴ്​ച കേരളത്തിൽ ചെലവഴിച്ച്​​ വിസയുമായി വീണ്ടും യു.എ.യിലെത്തി.

പേർഷ്യൻ സംസ്​കാരം തേടി

ഷാർജയിൽനിന്ന്​​ ജങ്കാറിലാണ്​ ഷാക്കിറും ബൈക്കും ഇറാനിൽ പ്രവേശിച്ചത്​​. അങ്ങനെ യാ​ത്രയും വീഡിയോയുമായി വീണ്ടും മല്ലു ട്രാവലർ സജീവമാകാൻ തുടങ്ങി. ഗൾഫ്​ രാജ്യങ്ങളിൽനിന്നും​ തികച്ചും വ്യത്യസ്​ത അനുഭവങ്ങളാണ്​ ഇറാൻ കാത്തുവെച്ചിരുന്നത്​. അന്താരാഷ്​ട്ര^ആഭ്യന്തര പ്രശ്​നങ്ങളെല്ലാം കാരണം ഇറാൻ വർഷങ്ങൾ പിന്നിലാണെന്ന്​ തോന്നും. സ്വന്തമായി പെട്രോളിയം ഉണ്ടെങ്കിലും അതി​െൻറ അഹങ്കാരമൊന്നും വഴികളിൽ കാണാനില്ല. കൂറ്റൻ കെട്ടിടങ്ങളും ആഡംബര വാഹനങ്ങളുമെല്ലാം വളരെ കുറവാണ്​​​. ഇറാനികൾക്ക്​ ഇംഗ്ലീഷ്​ അറിയാത്തത് യാത്രയിൽ ഇദ്ദേഹത്തെ​ കുറച്ചൊന്നുമല്ല വലച്ചത്​. ഗൂഗിൾ ട്രാൻസ്​ലറേ​റ്ററി​െൻറയെല്ലാം സഹായത്തോടെയാണ്​ ഒരുവിധം പിടിച്ചുനിന്നത്​. ആദ്യമായിട്ടാകും ഒരു മലയാളി ​​​​േവ്ലാഗർ ഇറാനിലൂടെ സഞ്ചരിക്കുന്നത്​. പേർഷ്യൻ സംസ്​കാരത്തി​െൻറ ആരും കാണാത്ത കാഴ്​ചകൾ ഷാക്കിർ ത​െൻറ ചാനലിലൂടെ ​പ്രേക്ഷകരിലെത്തിച്ചു.

ഇറാനി​െൻറ തലസ്​ഥാനമായ തെഹ്​റാനിൽനിന്ന്​ അസർബൈജാൻ അതിർത്തിയിലേക്ക്​ പോകു​േമ്പാൾ മഞ്ഞുമലകളിൽ കുടുങ്ങുന്നതും അവിടെനിന്ന്​ ബൈക്ക്​ ലോറിയിൽ കയറ്റികൊണ്ടുപോകുന്ന വീഡിയോയെല്ലാം ജനലക്ഷങ്ങളാണ്​ കണ്ടത്​. ഇറാനിലെ ഡ്രൈവർമാരായിരുന്നു ഇവിടെ​ ഷാക്കിറി​െൻറ രക്ഷക്കെത്തിയത്​. നാടാകെ മഞ്ഞ്​ മൂടികിടക്കുന്നതിനാൽ പുറത്തിറങ്ങാനാകാ​ത്ത അവസ്​ഥ. അതുകൊണ്ട്​ തന്നെ മൂന്ന്​ ദിവസം ഇറാനികളുടെ കൂടെയായിരുന്നു താമസം. മഞ്ഞുവീഴ്​ചയിൽ കുടുങ്ങിയതിനാൽ ഇറാനിൽനിന്ന്​ വിസ കാലാവധി തീരും മുമ്പ്​ പുറത്തുകടക്കാനായില്ല. വിസയില്ലാതെ തമാസിച്ചതിന്​​ പിഴയും അടക്കേണ്ടി വന്നു.

വഴിമുടക്കി കോവിഡ്​

ഷാക്കിർ സഞ്ചരിച്ച സമയത്താണ്​ ചൈനയിൽനിന്ന്​ ആരംഭിച്ച കോവിഡ്​ ഭീതി ഇറാനിലുമെത്തുന്നത്​. സർക്കാറിലെ പ്രമുഖർക്കുൾപ്പെടെ കോവിഡ്​ 19 വൈറസ്​ ബാധയേൽക്കുകയും നിരവധി പേർ മരിക്കുകയും ചെയ്​തു. ഇതോടെ പല രാജ്യങ്ങളും ഇറാനിലൂടെ സഞ്ചരിച്ചവർക്ക്​ വിലക്ക്​ ഏർപ്പെടുത്താൻ തുടങ്ങി. അസർബൈജാനിലെ യാത്രക്കുശേഷം ജോർജിയയിലേക്ക്​ കടക്കാനായിരുന്നു ഷാക്കിറി​െൻറ പ്ലാൻ. പക്ഷേ, കോവിഡ്​ ഭീതി കാരണം അവർ വിസ അനുവദിച്ചില്ല.

പിന്നെ അസർബൈജാനിലെ മലയാളികളുടെ സഹായത്തോടെ റഷ്യയിലേക്ക്​ പോകാൻ ശ്രമിച്ചെങ്കിലും അതും വിഫലമായി. മുന്നോട്ടുള്ള വഴിയടഞ്ഞതോടെ ഒടുവിൽ ബൈക്ക്​ കസ്​റ്റംസിനെ ഏൽപ്പിച്ച്​ നാട്ടിലേക്ക്​ മടങ്ങാൻ തീരുമാനിച്ചു. അഥവാ രോഗം ബാധിച്ചിട്ടുണ്ടെങ്കിൽ കേരളത്തിൽ തന്നെയാകും മികച്ച ചികിത്സ സൗകര്യം ലഭിക്കുകയെന്ന പ്രതീക്ഷ മടക്കയാത്രക്ക്​ കൂടുതൽ പ്രേരണയായി.

മാർച്ച്​ ആദ്യവാരം അസർബൈജാനിൽനിന്ന്​ ദുബൈ വഴി​ കണ്ണൂരിലെത്തി​. എയർപോർട്ടിൽ മെഡിക്കൽ സംഘം യാത്രക്കാരെ പരിശോധിക്കാൻ നിൽപ്പുണ്ടായിരുന്നു. അവരുടെ അടുത്തെത്തി ഷാക്കിർ കാര്യങ്ങൾ വിശദീകരിച്ചു. ഉടൻ തന്നെ കണ്ണൂർ ഗവ. ജില്ല ആശുപത്രിയിലേക്ക്​ മാറ്റാനായി ആംബുലൻസ്​ കൊണ്ടുവന്നു. ഈ ദൃശ്യങ്ങളെല്ലാം ഇദ്ദേഹം കാമറയിൽ ചിത്രീകരിക്കുന്നുണ്ടായിരുന്നു. നേരെ ഐ​സൊലേഷൻ വാർഡിലാണ്​ ​പ്രവേശിപ്പിച്ചത്​.


ഐസൊലേഷൻ വാർഡിലെ ഓരോ ദിവസത്തെയും അനുഭവങ്ങൾ മല്ലു ട്രാവലർ എന്ന ചാനലിലൂടെ ജനം ​കാണുന്നുണ്ടായിരുന്നു. വീഡിയോ വൈറലാകാൻ ഒട്ടും സമയം വേണ്ടിവന്നില്ല. ഐസൊലേഷൻ വാർഡിൽ പോകാൻ പലരും പേടിക്കുന്ന സമയത്താണ്​ അതിന്​ പ്രോത്സാഹനം നൽകി ഷാക്കിർ വീഡിയോ ചെയ്യുന്നത്​. വാർത്തകളിലെല്ലാം താരമായി മാറിയ ഇദ്ദേഹത്തെ അഭിനന്ദിക്കാൻ സംസ്​ഥാന ആരോഗ്യ മന്ത്രി കെ.കെ. ശൈലജയടക്കമുള്ളവർ മറന്നില്ല. കോവിഡ്​ ^19 ബാധയില്ലെന്ന ഫലം വന്നതോടെ ഷാക്കിർ ആശുപത്രി ജീവനക്കാരോടെല്ലാം നന്ദിയും പറഞ്ഞ്​ വീട്ടിലേക്ക്​ മടങ്ങി. ഇരുകൈയും നീട്ടിയാണ്​ നാട്​ ഈ ലോകസഞ്ചാരിയെ സ്വീകരിച്ചത്​.

കൂട്ടിന്​ എന്നും സാഹസികത

മലയാളികൾക്ക് വ്യതസ്തമായ യാത്രാവഴികൾ സമ്മാനിച്ച സാഹസിക സഞ്ചാരിയാണ്​ ഷാക്കിർ സുബ്​ഹാൻ. 2018ലെ നേപ്പാൾ യാത്ര മുതലാണ് ഇദ്ദേഹം ശ്രദ്ധാകേന്ദ്രമാകുന്നത്. ഹിച്ച്ഹൈക്കിങ് (കിട്ടുന്ന വാഹനത്തിൽ കയറി പോവുക) എന്ന വ്യത്യസ്ത രീതിയിലായിരുന്നു യാത്ര. കൈയിൽ ഒരു രൂപ പോലുമില്ലെങ്കിലും എങ്ങനെ യാത്ര പോകാമെന്ന് ഈ യുവാവ്​ ലോകത്തെ പഠിപ്പിച്ചു. ​േലാറിയിലായിരുന്നു ഷാക്കിർ കൂടുതലും സഞ്ചരിച്ചത്​.

പിന്നീടുള്ള യാത്ര സിംഗപ്പൂരിലേക്കായിരുന്നു.​ ഹിച്ച്ഹൈക്കിങ് നടത്തി ഏഴ് രാജ്യങ്ങൾ റോഡ് വഴി താണ്ടിയാണ്​ അവിടെയെത്തിയത്​. അതിനുശേഷം ആഫ്രിക്കൻ ഭൂഖണ്ഡങ്ങളുടെ കാണാകാഴ്​ച തേടിയായിരുന്നു സഞ്ചാരം. കെനിയ, ഉഗാണ്ട, ടാൻസാനിയ, റുവാണ്ട എന്നീ രാജ്യങ്ങളിലൂടെ തികച്ചും പ്രാദേശിക വാഹന സൗകര്യങ്ങൾ ഉപയോഗപ്പെടുത്തിയുള്ള യാത്ര. നാട്ടിൽ തിരിച്ചെത്തിയ ശേഷവും വെറുതെയിരുന്നില്ല. സ്കൂട്ടറെടുത്ത്​ സഞ്ചാരികളുടെ പറുദീസിയായ ലഡാഖിലേക്ക്​​ വണ്ടിവിട്ടു​. തികച്ചും ചെലവ് ചുരുക്കിയായിരുന്നു ട്രിപ്പ്​.


വെറുതെ പോവുകയല്ല ഈ 30കാരൻ. യാത്രയിലെ ഒാരോ നിമിഷവും കാമറയിൽ പകർത്തി മറ്റുള്ളവർക്ക്​ വഴികാട്ടിയാവുകയാണ്​. മല്ലു ട്രാവലർ എന്ന യൂട്യൂബ് ചാനലിലൂടെയും ഫേസ്ബുക്ക്, ഇൻസ്​റ്റാഗ്രാം പേജുകളിലൂടെയും ആ കാഴ്​ചകൾ ആസ്വദിക്കം. കണ്ണൂർ ഇരിട്ടി സ്വശേദിയായ ഷാക്കിർ, സുബ്ഹാൻ-കുഞ്ഞാമിന ദമ്പതികളുടെ മകനാണ്. ഭാര്യ ബൽക്കീസ്​. മക്കൾ: മാസി ഷാക്കിർ, റയാൻ ഷാക്കിർ.

Show Full Article
TAGS:mallutraveler tvsapache 
Next Story