Begin typing your search above and press return to search.
exit_to_app
exit_to_app
everest
cancel
Homechevron_rightTravelchevron_rightAdventurechevron_rightബേസ്​ക്യാമ്പിൽ വെച്ച്​ ...

ബേസ്​ക്യാമ്പിൽ വെച്ച്​ കോവിഡ്​ പോസിറ്റീവ്​; തളരാത്ത മനസ്സുമായി എവറസ്റ്റ്​ കീഴടക്കി ഇന്ത്യൻ യുവാവ്​

text_fields
bookmark_border

മഹാമാരിക്ക്​​ മുന്നിൽ ലോകമാകെ പകച്ചുനിൽക്കു​േമ്പാൾ, ഇന്ത്യൻ യുവാവ്​ കോവിഡ്​ ബാധിതനായ ശേഷം കീഴടക്കിയത്​ എവറസ്റ്റ്​. നവി മുംബൈയിലെ വസായിയിൽ നിന്നുള്ള 25കാരനായ ഹർഷവർധൻ ജോഷിയാണ്​ പർവതാരോഹണ രംഗത്ത് പുതിയ നാഴികക്കല്ല്​ സൃഷ്​ടിച്ചത്​.

സുസ്ഥിരത പ്രോത്സാഹിപ്പിക്കുന്നതിന്‍റെ ഭാഗമായി ജോഷിയ​ുടെ എവറസ്റ്റ്​ പര്യവേഷണം ഏറെ പരിസ്ഥിതി സൗഹൃദമായിരുന്നു. സങ്‌ഹർഷ് (വെല്ലുവിളികൾ) എന്ന്​ പേരിൽ നൽകിയായിരുന്നു പര്യവേക്ഷണം. പേര്​ സൂചിപ്പിച്ചതുപേ​ാലെ പലവിധ വെല്ലുവിളികളാണ്​ മുന്നിൽ വന്നത്​. അതെല്ലാം സധൈര്യം ​മറികടന്നാണ്​ ജോഷി എവറസ്റ്റ്​ കീഴടക്കിയത്​.

എവറസ്റ്റ് ബേസ് ക്യാമ്പിലേക്കുള്ള യാത്ര ഏറെ കഠിനമായിരുന്നു. ടീം അംഗങ്ങൾ ചുമക്കുന്നത് കണ്ടപ്പോൾ, കാലാവസ്ഥാ വ്യതിയാനമാണ് കാരണമെന്ന് കരുതി. ഖുംബു ചുമയെന്നാണ്​ ഇതിനെ വിളിക്കാറ്​. എവറസ്റ്റിന്​ സമീപത്തെ താഴ്വരയുടെ പേരാണ് ചുമക്കും നൽകിയിരിക്കുന്നത്. ഇവിടെ വരുന്നവർക്ക്​ ഇത്​ പതിവാണ്​. കോവിഡ്​ ലക്ഷണങ്ങളിൽനിന്ന് വലിയ വ്യത്യാസവുമില്ല ഇതിന്​.

ബേസ് ക്യാമ്പിൽ കൊറോണ വൈറസ് പരിശോധനാ സൗകര്യങ്ങളില്ലായിരുന്നു. പലർക്കും രോഗലക്ഷണങ്ങൾ കൂടിയതോടെ, ടീമിലെ അംഗത്തിന്‍റെ ഭാര്യ സാമ്പിളുകളുമായി പരിശോധനക്ക്​ പോയി.

എവറസ്റ്റിന്​ മുകളിലേക്ക്​ കയറാൻ പദ്ധതിയിട്ടതിന്‍റെ ഒരാഴ്ച മുമ്പ് ജോഷി കോവിഡ്​ പോസിറ്റീവാണെന്ന​ ഫലം വന്നു. ഡോക്ടർമാർ അദ്ദേഹത്തോട് മടങ്ങാൻ ആവശ്യപ്പെട്ടെങ്കിലും പദ്ധതി ഉപേക്ഷിക്കാൻ തയാറായില്ല.

കോവിഡിനെ തുടർന്ന്​ കഴിഞ്ഞവർഷവും അദ്ദേഹത്തിന്‍റെ എവറസ്റ്റ്​ യാത്ര മുടങ്ങിയിരുന്നു. അഞ്ച്​ വർഷത്തെ പരിശീലനത്തിന്​ ശേഷമാണ്​ യാത്ര തുടങ്ങിയത്​​. കൂടാതെ ഇതുവരെ ഏകദേശം 60 ലക്ഷം രൂപയിൽ കൂടുതൽ ചെലവും വന്നു. അതിനാൽ തിരിച്ചുപോകാൻ ജോഷിയുടെ മനസ്സ്​ അനുവദിച്ചില്ല.

കോവിഡ്​ പോസിറ്റീവാണെന്ന്​ അറിഞ്ഞതോടെ ആദ്യം ഐസൊലേഷനിൽ കഴിഞ്ഞു. കാര്യമായ അസുഖങ്ങളില്ലാത്തതിനാൽ ദിവസങ്ങൾക്കുശേഷം പര്യവേക്ഷണം ആരംഭിച്ചു. കൂടെയുള്ള സംഘം അധിക ഓക്സിജൻ വഹിച്ചിരുന്നു. സഹായത്തിന്​ ഒരു ഹെലികോപ്​ടറും ഡോക്ടർമാരും ഉണ്ടായിരുന്നു. ഒടുവിൽ മേയ് 23ന്​ ജോഷി എവറസ്റ്റിൽ ഇന്ത്യൻ പതാക ഉയർത്തി.

Show Full Article
TAGS:everest 
News Summary - covid positive at base camp; Indian young man conquers Everest with a tireless mind
Next Story