ഷാർജ അന്താരാഷ്ട്ര പുസ്തകോത്സവം: പ്ര​സാ​ധ​ക സ​മ്മേ​ള​നം നാ​ളെ മു​ത​ൽ

ഷാ​ർ​ജ: അ​റ​ബ്​ ലോ​ക​ത്തെ ഏ​റ്റ​വും വ​ലി​യ സാം​സ്കാ​രി​ക ഉ​ത്സ​വ​മെ​ന്ന ഖ്യാ​തി നേ​ടി​യ ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ന്‍റെ മു​ന്നോ​ടി​യാ​യി സം​ഘ​ടി​പ്പി​ക്കു​ന്ന പ്ര​സാ​ധ​ക സ​മ്മേ​ള​നം ഞാ​യ​റാ​ഴ്ച ഷാ​ർ​ജ എ​ക്സ്​​പോ സെ​ന്‍റ​റി​ൽ ആ​രം​ഭി​ക്കും. പ്ര​സാ​ധ​ക മേ​ഖ​ല​യി​ലെ ന​വീ​ന ആ​ശ​യ കൈ​മാ​റ്റ​ങ്ങ​ൾ​ക്കും പ​ര​സ്പ​ര സ​ഹ​ക​ര​ണ ക​രാ​റു​ക​ൾ​ക്കും വേ​ദി​യാ​കു​ന്ന സ​മ്മേ​ള​ന​ത്തി​ന്‍റെ 13ാമ​ത്​ എ​ഡി​ഷ​നാ​ണ്​ ഇ​ത്ത​വ​ണ​ത്തേ​ത്. 101 രാ​ജ്യ​ങ്ങ​ളി​ൽ നി​ന്നാ​യി പ്ര​സാ​ധ​ക​ർ, വി​ത​ര​ണ​ക്കാ​ർ, പു​സ്‌​ത​ക വി​ദ​ഗ്‌​ധ​ർ എ​ന്നി​വ​രെ​ത്തു​ന്ന സ​മ്മേ​ള​നം മൂ​ന്ന്​ ദി​വ​സം നീ​ണ്ടു​നി​ൽ​ക്കും. ബെ​നി​ൻ, ഐ​വ​റി കോ​സ്റ്റ്, ചെ​ക്ക് റി​പ്പ​ബ്ലി​ക്, മൗ​റീ​ഷ്യ​സ്, പ​രാ​ഗ്വേ, ബു​ർ​ക്കി​ന ഫാ​സോ, കോം​ഗോ എ​ന്നീ ഏ​ഴ് രാ​ജ്യ​ങ്ങ​ൾ ഇ​ത്ത​വ​ണ സ​മ്മേ​ള​ന​ത്തി​ൽ പു​തു​താ​യി അ​ര​ങ്ങേ​റ്റം കു​റി​ക്കു​ന്ന​വ​രാ​ണ്.

പ്ര​സി​ദ്ധീ​ക​ര​ണ വ്യ​വ​സാ​യ​ത്തി​ലെ ഏ​റ്റ​വും പു​തി​യ സം​ഭ​വ​വി​കാ​സ​ങ്ങ​ളും വെ​ല്ലു​വി​ളി​ക​ളും ച​ർ​ച്ച ചെ​യ്യു​ന്ന വി​ദ​ഗ്ധ​രു​ടെ സം​സാ​ര​ങ്ങ​ളും സ​മ്മേ​ള​ന​ത്തി​ലു​ണ്ടാ​കും. സ​മീ​പ വ​ർ​ഷ​ങ്ങ​ളി​ൽ ഗ​ണ്യ​മാ​യ വ​ള​ർ​ച്ച കൈ​വ​രി​ച്ച ഡി​ജി​റ്റ​ൽ പ്ര​സി​ദ്ധീ​ക​ര​ണ രം​ഗ​ത്തെ പു​തി​യ രീ​തി​ക​ളും അ​വ​സ​ര​ങ്ങ​ളും, ഓ​ഡി​യോ ബു​ക്കു​ക​ളു​ടെ നി​ർ​മാ​ണം പോ​ലു​ള്ള വി​ഷ​യ​ങ്ങ​ളും അ​ജ​ണ്ട​യി​ൽ ഉ​ൾ​പ്പെ​ടും. ലോ​ക​ത്തി​ന്‍റെ വ്യ​ത്യ​സ്ത ഭാ​ഗ​ങ്ങ​ളി​ൽ​നി​ന്നെ​ത്തു​ന്ന പ്ര​തി​നി​ധി​ക​ൾ​ക്ക്​ ആ​ശ​യ​വി​നി​മ​യം ന​ട​ത്താ​ൻ കൂ​ടു​ത​ൽ സ​മ​യം അ​വ​സ​രം സൃ​ഷ്ടി​ക്കു​ന്ന രീ​തി​യി​ലാ​ണ്​ അ​ജ​ണ്ട​ക​ൾ രൂ​പ​പ്പെ​ടു​ത്തി​യി​ട്ടു​ള്ള​ത്.

പ​ര​സ്പ​രം പു​സ്ത​ക​ങ്ങ​ളും പ്ര​സി​ദ്ധീ​ക​ര​ണ​ങ്ങ​ളും പ​രി​ച​യ​പ്പെ​ടാ​നും പ​ക​ർ​പ്പ​വ​കാ​ശ, വി​വ​ർ​ത്ത​ന ഇ​ട​പാ​ടു​ക​ൾ ഉ​റ​പ്പി​ക്കാ​നും അ​വ​സ​ര​മൊ​രു​ക്കു​ന്ന​തി​നാ​ണ്​ ഈ ​രീ​തി സ്വീ​ക​രി​ച്ചി​ട്ടു​ള്ള​ത്. ഷാ​ർ​ജ കോ​പി​റൈ​റ്റ് പു​ര​സ്കാ​ര​ങ്ങ​ളും സ​മ്മേ​ള​ന​ത്തി​ൽ വി​ത​ര​ണം ചെ​യ്യും. ഭി​ന്ന​ശേ​ഷി​ക്കാ​ർ​ക്കാ​യി പു​സ്ത​ക​ങ്ങ​ൾ പു​റ​ത്തി​റ​ക്കു​ന്ന പ്ര​സാ​ധ​ക​രെ പ്ര​ത്യേ​കം ആ​ദ​രി​ക്കും. ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ന് ന​വം​ബ​ർ ഒ​ന്ന്​ ബു​ധ​നാ​ഴ്ച​യാ​ണ്​ തു​ട​ക്ക​മാ​കു​ന്ന​ത്. ഷാ​ർ​ജ എ​ക്സ്പോ സെ​ന്റ​റി​ൽ ന​വം​ബ​ർ 12 വ​രെ​യാ​ണ് മേ​ള അ​ര​ങ്ങേ​റു​ക. ‘നാം ​പു​സ്ത​ക​ങ്ങ​ളെ കു​റി​ച്ച് സം​സാ​രി​ക്കു​ന്നു’ എ​ന്ന​താ​ണ് ഇ​ത്ത​വ​ണ മേ​ള​യു​ടെ സ​ന്ദേ​ശം. വി​വി​ധ ഭാ​ഷ​ക​ളി​ലാ​യി 15 ല​ക്ഷം പു​സ്ത​ക​ങ്ങ​ൾ ഇ​ത്ത​വ​ണ മേ​ള​യി​ലെ​ത്തും. അ​റ​ബ് മേ​ഖ​ല​യി​ൽ​നി​ന്ന് 1200 അ​റ​ബ് പ്ര​സാ​ധ​ക​രു​ണ്ടാ​കും. ഇ​ന്ത്യ​യി​ൽ​നി​ന്ന് ഇ​ക്കു​റി 120 പ്ര​സാ​ധ​ക​ർ പ​ങ്കെ​ടു​ക്കും.