Begin typing your search above and press return to search.
exit_to_app
exit_to_app
Homechevron_rightTop Newschevron_rightരണ്ടാം പിണറായി...

രണ്ടാം പിണറായി സർക്കാറിന്‍റെ ആദ്യ നിയമസഭ സമ്മേളനം 24 ന്​ ആരംഭിക്കും; ബജറ്റ്​ ജൂൺ നാലിന്​

text_fields
bookmark_border
രണ്ടാം പിണറായി സർക്കാറിന്‍റെ  ആദ്യ നിയമസഭ സമ്മേളനം 24 ന്​ ആരംഭിക്കും; ബജറ്റ്​ ജൂൺ നാലിന്​
cancel

തിരുവനന്തപുരം: പുതിയ എൽ.ഡി.എഫ്​ സർക്കാറി​െൻറ ആദ്യ ബജറ്റ്​ ജൂൺ നാലിന്​ രാവിലെ ഒമ്പതിന്​​ ധനമന്ത്രി കെ.എൻ. ബാലഗോപാൽ അവതരിപ്പിക്കും. ഭരണത്തുടർച്ചയായതിനാൽ ബജറ്റിലെ നയപരിപാടികളിൽ കാര്യമായ മാറ്റമുണ്ടാകില്ലെന്ന്​ അറിയുന്നു. 15ാം കേരള നിയമസഭയുടെ ആദ്യ സമ്മേളനം മേയ്​ 24ന് തുടങ്ങി ജൂൺ 14 വരെ നടക്കും.

അതിനിടെ പ്രോ ടെം സ്പീക്കറായി നിയമിതനായ പി.ടി.എ. റഹിം വെള്ളിയാഴ്​ച ഗവർണർ ആരിഫ്​ മുഹമ്മദ്​ ഖാൻ മുമ്പാകെ സത്യപ്രതിജ്ഞ ചൊല്ലി സ്ഥാനമേറ്റു.

മേയ്​ 24 നാണ്​ പുതിയ നിയമസഭ അംഗങ്ങളുടെ സത്യപ്രതിജ്ഞ. പ്രോ ടെം സ്പീക്കർ അംഗങ്ങൾക്ക് സത്യവാചകം ചൊല്ലിക്കൊടുക്കും. ​േകാവിഡ് നിയന്ത്രണമുള്ളതിനാൽ നിയമസഭ അംഗങ്ങളുടെ ഇരിപ്പിടം കോവിഡ്​ മാനദണ്ഡപ്രകാരം ക്രമീകരിക്കും. സന്ദർശകർക്ക് പ്രവേശനമുണ്ടാകില്ല.

പുതിയ സ്പീക്കർ തെരഞ്ഞെടുപ്പ്​ മേയ്​ 25ന് പ്രോ ടെം സ്പീക്കറുടെ അധ്യക്ഷതയിൽ നടക്കും.

എൽ.ഡി.എഫ്​ സ്​പീക്കർ സ്ഥാനാർഥി എം.ബി. രാജേഷാണ്. പ്രതിപക്ഷ തീരുമാനം ഉടൻ ഉണ്ടാവും. മേയ്​ 28 നാണ് നയപ്രഖ്യാപനം. 31, ജൂൺ ഒന്ന്​, രണ്ട്​ തീയതികളിൽ നന്ദിപ്രമേയ ചർച്ച നടക്കും. ഏഴുമുതൽ ഒമ്പതുവരെയാവും ബജറ്റിന്മേലുള്ള പൊതുചർച്ച. മറ്റ് ധനകാര്യ നടപടികൾ പൂർത്തിയാക്കി ജൂൺ 14ന് തൽക്കാലത്തേക്ക് സഭ പിരിയും

Show Full Article
TAGS:Assembly budget 
News Summary - Pinarayi government first budget is due on June 4
Next Story