സ്​ഥലംമാറ്റം ലഭിച്ച കെ.എസ്​.ആർ.ടി.സി ​ഡ്രൈവർ സാനിറ്റൈസർ കഴിച്ച്​ അവശനിലയിൽ

കാസർകോട്​: വർക്ക്​ അറേഞ്ച്​മെൻറി​െൻറ ഭാഗമായി കാസർകോ​െട്ടത്തിയ കെ.എസ്​.ആർ.ടി.സി ഡ്രൈവർ സാനിറ്റൈസർ അകത്തുചെന്ന്​ അവശനിലയിൽ. തിരുവനന്തപുരം അഞ്ചുതെങ്ങ്​ സ്വദേശി ഷിബുവിനെയാണ്​ (46) പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്​.

ചൊവ്വാഴ്​ച വൈകീട്ട്​ 7.30നാണ്​ ഷിബു കാസർകോ​െട്ടത്തിയത്​. കാസർകോട്ട്​​ 53 എം. പാനൽ ജീവനക്കാരെ പിരിച്ചുവിട്ടതിനെ തുടർന്ന്​ ഡ്രൈവറുടെ അഭാവം ഉണ്ടായിരുന്നു. ഇത്​ പരിഹരിക്കാനാണ്​ ഷിബുവിന്​ താൽക്കാലിക സ്​ഥലംമാറ്റം നൽകിയത്​. തിരുവനന്തപുരത്ത്​ കണ്ടെയ്​ൻമെൻറ്​ സോണിൽ കെ.എസ്​.ആർ.ടി.സി അടച്ചിട്ടിരിക്കുകയാണ്. ഇവിടെയും ജീവനക്കാർക്ക്​ കോവിഡ്​ സ്​ഥിരീകരിച്ചതിനാൽ മൂന്നുദിവസമായി കെ.എസ്​.ആർ.ടി.സി അടച്ചിട്ടിരിക്കുകയാണ്​.

ഇതറിയാതെയാണ്​ ഷിബു കാസർകോ​െട്ടത്തിയത്​. ഡിപ്പോയിലെത്തിയ ഷിബുവിന്​ അവിടെ ആരെയും കാണാൻ പറ്റിയില്ല. ഉടൻ സമീപത്തെ പൊലീസ്​ സ്​റ്റേഷനിൽപോയി, തനിക്ക്​ കോവിഡാണെന്നും ഉടൻ ആശുപത്രിയിൽ എത്തിക്കണമെന്നും പറഞ്ഞു. പിന്നീട്​ ഇദ്ദേഹം കെ.എസ്​.ആർ.ടി.സിക്കു സമീപത്തെ ലോഡ്​ജിലേക്ക്​ പോയി.

ഇവിടെ നിന്ന്​ സാനിറ്റൈസർ കുടിച്ച്​ അവശനായ നിലയിൽ കണ്ടെത്തുകയായിരുന്നുവെന്ന്​ പറയുന്നു. അവശനിലയിലായ ഷിബുവിനെ ഉടന്‍ ജനറല്‍ ആശുപത്രിയിൽ ചികിത്സ നൽകുകയും അവിടെ നിന്നും പരിയാരം മെഡിക്കല്‍ കോളജ്​ ആശുപത്രിയിലേക്ക് മാറ്റുകയും ​ചെയ്​തു.