Begin typing your search above and press return to search.
proflie-avatar
Login
exit_to_app
exit_to_app
Homechevron_rightTop Newschevron_rightതമിഴ്​നാട്ടിലെ ഹിന്ദി...

തമിഴ്​നാട്ടിലെ ഹിന്ദി വിവാദം; കനിമൊഴി​െക്കതിരെ നുണപ്രചരണവുമായി എച്ച്​.രാജ

text_fields
bookmark_border
തമിഴ്​നാട്ടിലെ ഹിന്ദി വിവാദം; കനിമൊഴി​െക്കതിരെ നുണപ്രചരണവുമായി എച്ച്​.രാജ
cancel

ചെന്നൈ: തമിഴ്​നാട്ടിലെ ഹിന്ദി ഭാഷാ വിവാദത്തിൽ പ്രതികരണവുമായെത്തിയ ബി.ജെ.പി സെക്രട്ടറി എച്ച്​.രാജയുടെ വാദങ്ങൾ പൊളിയുന്നു. വിമാനത്താവളത്തിൽ സുരക്ഷാ ഉദ്യോഗസ്ഥർക്കെതിരെ ഡി.എം.കെ എം.പി കനിമൊഴി നൽകിയ പരാതിക്ക് പിന്നിൽ രാഷ്ട്രീയ ലക്ഷ്യമുണ്ടെന്ന് രാജ ആരോപിച്ചിരുന്നു.

ഹിന്ദി സംസാരിക്കാൻ കഴിയുന്ന കനിമൊഴി രാഷ്ട്രീയ ലക്ഷ്യത്തോടെയാണ് പുതിയ വിവാദത്തിന്​ തിരികൊളുത്തിയതെന്നായിരുന്നു രാജ പറഞ്ഞത്​. മുൻ ഉപപ്രധാനമന്ത്രി ദേവി ലാലി​െൻറ പ്രസംഗം 1989 ൽ ഹിന്ദിയിൽ നിന്ന് തമിഴിലേക്ക് വിവർത്തനം ചെയ്​തത്​ കനിമൊഴിയാണെന്നും രാജ പറഞ്ഞിരുന്നു.

വിരമിച്ച ഐ‌.എ‌.എസ് ഉദ്യോഗസ്ഥൻ രാജയുടെ വാദങ്ങൾക്കെതിരെ രംഗത്തെത്തിയതോടെ പ്രശ്‌നത്തിൽ പുതിയ വഴിത്തിരിവായി. ഹരിയാന കേഡറിലെ വിരമിച്ച ഐ‌.എ‌.എസ് ഉദ്യോഗസ്ഥനായ എം.ജി. ദേവസഹായം രാജയുടെ അവകാശവാദം തെറ്റാണെന്ന്​ പറഞ്ഞു. മുൻ ഉപപ്രധാനമന്ത്രിയുടെ സംസാരം വിവർത്തനം ചെയ്​തത് താനാണെന്ന്​ അദ്ദേഹം പറയുന്നു.

ദേവിലാൽ ഹരിയാന മുഖ്യമന്ത്രിയായിരുന്നപ്പോൾ നാഗർകോവിൽ സ്വദേശിയായ ദേവസഹായം അവിടെ വിവിധ പദവികൾ വഹിച്ചിരുന്നു. ദേവിലാൽ 1989 ഡിസംബർ ആദ്യ വാരം ഉപപ്രധാനമന്ത്രിയായി ചുമതലയേറ്റു. തുടർന്ന്​ അദ്ദേഹം തമിഴ്‌നാട്​ സന്ദർശിക്കാനെത്തി.

കർഷക നേതാവ് നാരായണസാമി നായിഡുവി​െൻറ ചരമവാർഷികത്തോടനുബന്ധിച്ച് കോയമ്പത്തൂരിനടുത്തുള്ള കർഷക റാലിയിൽ പങ്കെടുക്കാനും മുഖ്യമന്ത്രി കരുണാനിധിയുമായി സംസ്ഥാനത്തിന് ഭക്ഷ്യധാന്യങ്ങൾ അധികമായി അനുവദിക്കുന്നതിനെക്കുറിച്ച് ചർച്ച ചെയ്യാനുമായിരുന്നു ദേവിലാലി​െൻറ വരവ്​.

'വോളൻററി റിട്ടയർമെൻറ്​ എടുത്ത ഞാൻ ചെന്നൈയിൽ താമസിച്ചിരുന്നതിനാൽ ദേവിലാൽ അദ്ദേഹത്തോടൊപ്പം മീറ്റിംഗുകളിലും ചടങ്ങുകളിലും പങ്കെടുക്കാൻ എന്നോട്​ ആവ​ശ്യ​െപ്പടുകയായിരുന്നു. തുടർന്ന്​ ദേവിലാൽ നടത്തിയ ഹിന്ദി പ്രസംഗങ്ങൾ തമിഴിലേക്ക് വിവർത്തനം ചെയ്​തത്​ താനാണ്​'- ദേവസഹായം പറഞ്ഞു.

ഈ സംഭവം നടന്നപ്പോൾ കനിമൊഴി രാഷ്ട്രീയത്തിൽ പ്രവേശിച്ചിട്ടില്ലെന്നും ഒരു തരത്തിലും അവരെ ഇതുമായി ബന്ധിപ്പിക്കാനാവില്ലെന്നും അദ്ദേഹം പറയുന്നു.സംഭവത്തിൽ പ്രതികരണവുമായി കനിമൊഴിയും ര​ംഗത്ത്​ വന്നിട്ടുണ്ട്​. ബുധനാഴ്ച ചെന്നൈ വിമാനത്താവളത്തിൽ മാധ്യമപ്രവർത്തകരോട് സംസാരിച്ച അവർ ഹിന്ദിയിൽ നിന്ന് തമിഴിലേക്ക് താൻ ഒരു നേതാവി​െൻറയും പ്രസംഗം വിവർത്തനം ചെയ്തിട്ടില്ലെന്ന് പറഞ്ഞു.

'ഞാൻ തമിഴും ഇംഗ്ലീഷും മാത്രമേ പഠിച്ചിട്ടുള്ളൂ. അല്ലെങ്കിലും എനിക്ക് ഹിന്ദി അറിയുമോ ഇല്ലയോ എന്നത് ഇവിടെ പ്രസക്​തവുമല്ല. ഹിന്ദി സംസാരിക്കാനുള്ള കഴിവിനെ ഒരാളുടെ ദേശീയ സ്വത്വവുമായി താരതമ്യം ചെയ്യുന്നത്​ ഏതുനിലയിലും വലിയ അപമാനമാണ്'-അവർ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chennaiH RajakanimozhiHindi controversy
Next Story