Begin typing your search above and press return to search.
exit_to_app
exit_to_app
Homechevron_rightTop Newschevron_right'ഹിന്ദി അറിയില്ലെങ്കിൽ ...

'ഹിന്ദി അറിയില്ലെങ്കിൽ ഇന്ത്യക്കാരനല്ല'; വിചിത്ര അനുഭവം പങ്കുവച്ച്​ കനിമൊഴി എം.പി

text_fields
bookmark_border
ഹിന്ദി അറിയില്ലെങ്കിൽ ഇന്ത്യക്കാരനല്ല; വിചിത്ര അനുഭവം പങ്കുവച്ച്​ കനിമൊഴി എം.പി
cancel

ചെന്നൈ: വിമാനത്താവളത്തിൽ ഉണ്ടായ അസുഖകരമായ അനുഭവം പങ്കിട്ട്​ ഡി.എം.കെ എം.പി കനിമൊഴി. ഹിന്ദി അറിയില്ലെന്ന് പറഞ്ഞതിന്​ 'നിങ്ങൾ ഇന്ത്യക്കാരിയാണോ'എന്ന് വിമാനത്താവളത്തിലെ സി.​െഎ.എസ്​.എഫ്​ സുരക്ഷാ ഉദ്യോഗസ്ഥ തന്നോട് ചോദിച്ചെന്ന്​ കനിമൊഴി ട്വിറ്ററിൽ കുറിച്ചു.

തമിഴിലോ ഇംഗ്ലീഷിലോ സംസാരിക്കാൻ ഉദ്യോഗസ്ഥയോട് ആവശ്യപ്പെ​പ്പോഴായിരുന്നു പ്രതികരണമെന്നും തൂത്തുക്കുടി എം.പി പറഞ്ഞു. 'ഹിന്ദി അറിയുന്നതും ഇന്ത്യക്കാരനാകുന്നതും തുല്യമാണൊ എന്ന് അറിയാൻ ആഗ്രഹിക്കുന്നു' എന്ന്​ പറഞ്ഞാണ്​ അവർ ട്വീറ്റ്​ അവസാനിപ്പിക്കുന്നത്​. ഹിന്ദി ഇംപോസിഷൻ എന്ന ഹാഷ്​ടാഗും എം.പി പങ്കുവച്ചിട്ടുണ്ട്​. സംഭവത്തിൽ കനിമൊഴിക്ക്​ പിൻതുണയുമായി നിരവധിപേർ രംഗത്ത്​ വന്നു.

കോൺഗ്രസ്​ എം.പി മാണിക്കം ടാഗോർ, കാർത്തി ചിദംബരം എന്നിവർ കനിമൊഴി​യെ​ പിൻതുണച്ച്​ രംഗത്തെത്തി. 'തികച്ചും പരിഹാസ്യവും അപലപനീയവുമായ നടപടിയെന്ന്​' കാർത്തി ചിദംബരം ട്വിറ്ററിൽ പറഞ്ഞു. സംഭവത്തെ കുറിച്ച്​ അന്വേഷിക്കുമെന്നും കനിമൊഴിയോട്​ ക്ഷമ ചോദിക്കുന്നെന്നും സി.​​​െഎ.എസ്​.എഫ്​ വൃത്തങ്ങൾ അറിയിച്ചു. ​

കേന്ദ്രത്തി​െൻറ പുതിയ ഭാഷാ നയം സംബന്ധിച്ച്​ തമിഴ്​നാട്ടിൽ വ്യാപക ചർച്ച നടക്കുന്ന സന്ദർഭത്തിലാണ്​ വിവാദം ഉണ്ടായത്​. എം‌കെ സ്റ്റാലി​െൻറ നേതൃത്വത്തിലുള്ള ഡി‌.എം‌.കെയും തമിഴ്‌നാട്ടിലെ നിരവധി പ്രതിപക്ഷ പാർട്ടികളും ഹിന്ദി അടിച്ചേൽപ്പിക്കുന്ന പുതിയ വിദ്യാഭ്യാസ നയത്തെ എതിർത്തു രംഗത്ത്​ വന്നിട്ടുണ്ട്​.

Show Full Article
TAGS:hindi inposition kanimozhi cisf indian news 
Next Story